深記海南粉

营业中

休息中

上回講到友人推介的Chow Chow Cafe初訪失望，想講明與時後也有莫大關係，因為友人介紹的是早餐，所以定會再試；此外，友人介紹的另一間不起眼、較地踎的深記海南粉，就真的很不錯!　　首訪已忘了是幾時，總之該晚一個人開餐，寒冷的天氣下想吃碗清淡的熱湯，因首選的河粉賣清，就要了要貢丸粉。大大碗的湯粉上檯，只賣$12真是便宜得令人發笑，而且價雖賤，食品水準卻一點不差，湯底味道豐富，米粉軟硬適中很入味，好吃，即時對小店留下良好印象，亦下心決心要試其招牌海南粉。　之後數個週日返完教會後，趁午市又來拜訪了兩次，終於成功征服心頭好--海南粉($19)。餐單寫著，深記自制粉底，為香港第一家，的確，在其他地方未有食過這等撈粉，故要長氣介紹一下：其所用的配料甚多，包括大豆芽菜、咸酸菜、春筍絲、豬肉絲乾、蔥花、芫茜碎、脆花生、芝麻及生蒜蓉，組合起來味道豐富而香口，口味多變，再加上深啡的秘製醬汁，滋味非常；而粉條本身又彈又滑，整個配搭真是清新又吸引，平日麻麻地食粉的我，也忍不住一啖接一啖吃下去，直至清光為止!另外，海南粉本身並無辣味，想增加刺激就要添加海南特色黃辣醬，千萬不要小看黃色辣醬，火辣程度絕對不輸

午飯老死【阿朗】帶領去食 , 摺枱擺滿哂街 , 冇咩整齊及衛生好言 , 坐低熱茶都冇杯預左 , 咁o岩秋涼季候風又吹唔到 , 坐落都幾熱下。凈係擺低兩對筷子 , 牙籤筒都冇。叫左兩客【海南雞飯 + 凍檸茶 HK$32】, 等左十五分鐘 , 仲要催促先有得食 , 擺上碟賣相整齊 , 醬料有三款之多幾好 , 但味道冇一樣我覺特別。雞肉冇雞鮮香味 , 有少少鞋鞋地 , 加埋件數都好少。杯凍檸茶冇茶味 , 檸檬 ok 唔夠鮮 , 糖係唔駛吩咐都少甜麻麻地。食哂阿姐先問我地飲唔飲例湯 , 但現場好悶熱我唔想飲。如果大家差唔多價錢 , 我寧願行去馬田路 , 近怡豐花園 2 期【昌記(星洲)海南雞】食 , 果度例湯超正 , 凍飲又 ok 尤其凍奶茶好正 , 雞肉又滑又有味 , 最正都係果個酸辣醬汁 , 呢度根本冇得比 , 唔明點解咁好生意? 可能地點旺同就腳啦! 下次都唔會再試~

睇到5篇好的評語, 但又有一個唔好的評語, 決定去一趟!整體而言, 約自問不能接受當街開餐的話, 就不要俾錢做唔喜歡既事情. 就算有得食, 都係o甘話, 按檔口的位置, 正好有這個問題.試過他們的食品後, 覺得食品帶有家鄉的情懷(老板兩夫婦是海南人), 可以話係地道野, 唔係o個種 "香港式海南雞". 所以有些都市人, 未必鍾意, 特別是o個款 "海南撈粉".亦因為地道, 據聞有不少海南同鄉特別到來一試!在我而言, 他們的"海南粉", 相信在香港其他地方食唔到, 食落似米線, 不過比米線幼及滑 (有些米線係好重戥麵成份, 例如"南X" )."海南雞", 感覺無o甘油, 雞皮薄, 肉白, 不似外面的餐廳, 多用"黃油雞".豬什粉, 價平 (大約$15), 份量算足, 加埋胡椒湯, 配答得不錯.炸雞翼係另一個可選的小吃.就價錢及食物既水準, 我實在覺得可再食, 當然, 我並不介意當街海飯, 這點確實沒有影嚮心情, 去試真食物.

對之前的食評存在很大懷疑，因本人昰瀏覽完此website先去食。先講食具，筷子油，枱污穢。試了兩款食物：撈粉 + 豬雜湯飯。撈粉 據說是全獨有， of course, 全獨有咁難食 - 粉質糊口，醬料不夠，亦不夠味。配料亂嚟，乜都放落去。但冇香味，冇食味，色、香、味俱不全。豬雜湯飯 - 首先，湯唔夠熱，其次，用豬雜滾湯，理應很鮮甜。但全碗湯只有咸味及少許胡椒味。好像昰水+salt+胡椒。那來鮮味？另外，可樂唔夠涷，實在罪大惡極。在這裡吃飯，真昰一次都嫌多。

元朗廣場旁邊近年由街童小吃發展成街坊愛戴的小食店~這間在後轉角的海南粉也一直成為小比心目中的一個謎~奈何一直以來都找不到一個合適的機會來試一試何謂海南粉之~今次特別加插的一個小checkpoint~在八度的一個下午~竟然坐滿了半個街頭~大家都縮瑟地吃著~但卻無損一絲意興~也走了數圈才找到位置安頓好~見吃海南雞的人遠比海南粉的為多~也一試~於是就點了兩碗粉和一份海南雞飯大家分吃~也等了十數分鐘才有得吃~海南粉先來~呀姐姐竟然話得返最後一碗~哈哈~竟然在一點多的時侯只剩下一碗~!?也只可算是我們的幸運食神眷顧著~海南粉的撈撈撈材料甚為豐富~炸菜~花生~肉絲~芝麻~芽菜~蒜等等等~再加上甜甜辣辣的海南醬油同撈~麵質介乎普通米粉與桂林米粉之間的粗幼質感~滑身的麵條在撈起撈起過後都掛上濃而香的汁醬~明顯地海南醬油是整道菜的骨幹~海南雞飯才是街坊最名之物? 用上文昌雞來做膽~幸而皮薄爽得來帶點嚼勁~但觀雞的外皮而言~沒有閃亮的油光~大概是因為沒有趕及在雞冷卻之前掃上原來煮雞時面層original的雞油~雞肉的嫩滑感和雞味不重~幸保不失~但整份海南雞飯的精髓所在實為小碟裝的蔥油~當然也有用上原本的雞

一坐低, 頭岳岳, 都唔知食乜好, 老闆娘就介紹食豬雜河豬雜河粉 $15有豬心, 豬肚, 豬腸及豬肉河粉好滑 湯底係胡淑豬骨湯 成碗麵連湯都飲埋

海南文昌雞飯　＄30送胡椒豬骨湯及熱飲文昌雞皮脆肉嫩，好好味~油飯黃色油飯，好香，好滑，一流呀~胡椒豬骨湯胡椒十足，天氣凍凍地，飲返碗真係成身都暖晒~

24Nov2007 1649這間係元朗廣場不近大排檔/巴士總站的一間小小食店，冇心去食，跟本冇可能留意，活生生一家三口沒有俾雜誌及食家一點銀兩去宣傳或發掘，而可以生存1年多，係有水準兼住家味道，從保持質素的角度，真係希望可以堅持得到。今日就首先試了正宗海南粉撈粉，據說源始於福建閩南，跟據他們的菜單上共有9種主要配菜：大豆芽菜、咸酸菜、春荀絲、豬肉絲乾、蒽花、芫茜碎、脆花生、芝麻、生蒜容，再加秘制醬汁，可以當佢係一道菜伴或消暑的小食，佢碗胡椒豬骨湯先係正野，聞落不算好香，飲落有極濃的胡椒味，佢地仲有一樣秘密武器係就黃辣椒醬，比起一般茶記的紅辣椒辣好多，當然唔會去到麻地的步，加埋落去的湯到可以發揮到淋漓盡致，而凍奶茶亦有水準。今餐食得好滿足，臨走時都同老闆娘傾下計，因為當時網上沒有資料，我話可不可以映一映商業登記上的地址及舖頭相，佢話可以，仲話怕乜，都冇做虧心事，師奶得黎唔會懷疑任何人，呢的為識做囉。下次試埋凍咖啡、海南雞飯及豬什先。

Ann 推薦我來食海南撈粉+黃色辣醬,所以即管試下~跟餐送一碗胡椒湯,好好味!飲熱菜蜜唔洗加錢!海南撈粉是凍食的,內有多種配料(好似冇肉),記得花生,因為十分香脆,加上佢地的黃色辣醬,野味非常!整體來說是不錯!但對我呢d食肉獸及唔熱唔食的人,第一次食就覺得不習慣!不過,我都會再去幫襯!下次我會食海南雞飯!侍應姐姐好nice,見我頭岳岳唔知做乜,佢自動取黃色辣醬來比我,仲問我加唔加湯!