深記海南粉

营业中

休息中

今天很肚餓，下午茶也想吃飯全日同價來一個海南雞飯吧來了一隻雞肶，不是大隻的雞味沒太多，但醬汁野味帶少辛辣雞不會太多油飯加了調味及雞油，但不會太濃，不錯檸茶大大杯，夏天都夠飲埋單46蚊，以下午茶的份量，未算太吸引。但如以晚餐來講便不錯了

從前招牌菜「海南雞飯」 雞嫩飯香， 惹味的海南雞散出淡淡的清香，但自從出名後， 出品變得那西求其，雞無雞味，而且越來越貴，越嚟越細碟，之前都有兩排雞，而家就好似一 排分開兩排咁，當然明白成本上升，但做飲食，真係需要有要求囉，你收得貴左，就要保持水準，雞用雪藏雞都算，仲要好意思收人$46，得六七舊雞，都唔緊要，仲要比d雞頭雞尾，扣骨扣皮應該得三四两肉，講到明送湯就側側膊，問佢都扮聽唔倒，結果$46，得半碗冇味既油飯，加三四两白烚雞肉，同一杯六七成係冰既凍奶茶，問你仲敢唔敢再幫襯？

話說小妹曾經住元朗時,經常黎幫襯深記,後黎搬左去第二區,所以少左黎,時間耐左開始對佢個撈粉有了掛念;機緣巧合之下,今日又黎到深記,但唔係叫撈粉,而係叫左海南雞飯,冇特別叫話要邊個部位,所以黎左隻脾俾我(記得之前有個店員講過,要脾位架話,份量係會比其他部位少尐的)油飯唔會好油膩,粒粒分明,軟硬適中,唔錯個雞脾最尾嗰2-3舊D骨係碎架!所以食得輪盡左D,之但係呢~個雞脾皮爽滑肉質軟嫩,但因為係冰鮮雞,所以略嫌少左D鮮味雞下面有少量醃菜,醃得不太酸夠爽脆仲有尐尐甜味叫飯餐會有一碗胡椒豬骨湯,不過如果閣下有叫飲品架話,店員都會問一問閣下要唔要湯;湯ge胡椒味好特出,辣得好刺激,同辣椒嗰隻辣係完全唔同的,但個人覺得個湯剛入口時有一陣味,一陣好似豬雜咁ge味題外話:今日去食,有個應該同店員係朋友ge女仔去食海南飯,咁店員上飯時俾左一小碟醃菜個女仔,咁隔離檯ge大嬋就問店員點解個女仔有多一碟野,個店員答:要加錢架!大嬋又問要幾錢? 店員答:$10但其實真係好細碟,小妹都幾好奇,如果大嬋話加$10,喧係唔係真係會俾碟醃菜佢;不過小妹都係認為小吃多滋味尐

呢間深記開左有7年以上， 以前係元朗反工，一星期食一次，衣家出左市區做野，都一個月黎食一次，有飯，雞，湯，凍飲呢個价錢算係甘，今次叫左雞飯（部位可以自選），炸朱排，生菜（胡椒湯上），凍檸茶 我多數會叫白飯，但其實油飯係好味d,但係又要怕肥無計，海南雞真係中國式的海南雞比較瘦，唔係泰式的味道，雖然係用冰鮮雞，但d 肉唔會梅處理得唔錯，啲肉亦唔會話好乾, 雞有雞味,所以叫多份炸朱排， 朱排就係整到好薄，有朱味，其實用黎送酒最正。。。係份量比以前少左，因為甘多年都係加左小小价，生意難做順帶一提就係佢台面的黃色辣椒醬，真係幾好味有別於其他紅色辣椒醬的味道

店名：深記海南粉地點：新界元朗民合徑8號幸福樓2期地下13號舖，電話：2470 1800(1) 正宗海南撈粉，HK$35； (2) 特色豬雜湯河，HK$28；共二人享用本餐，平均每人消費為三十二元。食物的色香味如何：正宗海南撈粉選料多元化，有：薄脆脆、大豆芽、花生、芫茜蔥、肉乾絲、芝麻與菜甫；豬雜湯河味道和烹調不錯，有各式各樣的豬雜，如豬腎、粉腸和豬肚，夠熟，而且湯底味道清甜。在不主張吃太多內臟的飲食文化主流下，此店在這方面是飲食界中的推選。環境：街頭露天食肆，如在夏天在此用膳會感到非常炎熱。服務和衛生：一般。抵食：完全是街坊價格，很適合日常膳食。

海南雞飯總體可以俾80分嘅 海南雞嘅肉質皮脆肉滑多汁 而且飯粒粒分明 粒粒飽滿 唔會太濕又唔會太乾 仲有配嘅胡椒味嘅例湯對身體係寒底嘅人好好 但唯一不足嘅係 雞同飯我都覺得有點鹹 如果淡少少就好了

等朋友…路經此地…見到細細間舖…居然有不少座上客…反正無咩胃口...諗住食下麵都ok飽啦...於是就即興試下…兩個舖位...一間煮食...一間座客...只得三、四張枱...出面係行人路...可擺多十張八張...老闆照顧週到...出面有裝簷篷...落雨都無有怕啦...細細碗適合女仔食量...有三種餸＞＞豬腸、肚、心...湯底有濃烈既豬肚味...胡椒味可以再重一些...眼見好多人order...當然唔可以執輸...好嫰口滑嘟嘟...仲有雞脾添...特式在有酸瓜（青瓜、白蘿蔔）墊底...好爽脆...感覺好清新...原本兩個人只叫左兩樣野…但估唔到愈食愈想食…再追加多碗海南粉share...配料多而簡單>>芽菜、酸菜、笋絲、肉絲、花生、芫茜、卜卜脆...等係凍食既撈麵...老闆推介加秘制黃燈籠椒醬...更能帶出味道...一向唔食得辣既我...都忍唔住試左一茶匙...因為實在太香...與一般紅辣椒味道唔同...不過就真係好辣...朋友食得辣都變得淚水汪汪...

這個快餐好開心40蚊有成堆野，落單後，先付上一碗胡椒湯，只係有水，但天氣開始涼了，很喜歡那暖暖的感覺海南雞碗雞油飯，份量很夠，女仔可以少飯都得海南雞的肉質不是急凍的，一食便分得出，那當然40蚊不可能是新鮮雞啦味道也不錯，付上蔥油及一個不知名的汁有小小辣的好開胃再加埋凍檸茶滿足了，如果茶底用好一些會更吸引

雞，本來就咸，不點荵油也覺咸。開頭一兩件就覺得不錯，輕微咸香，然而吃多了，又感到太咸。還有那味精湯，喝兩口已感到那是味精湯。看似清清的，有兩顆荵可以解一解雞的咸味，然而越喝越咸。雞胸在底，雞翼斬開舖在面頭。雞肉沒去骨，只像是沉過咸水的雞。油飯，油不多，不會太油膩，但不香的油飯算甚麽海南雞飯。$42海南雞飯外賣，還沒去骨，在元朗，較佳選擇多籮籮！

同同事食完好重鹼水味既清湯腩之後，當然唔夠飽，下一站係另一位同事推介既海南雞飯；店舖有點細，客人不多。講真，試完之後都係信食友好過同事，雞飯香味不足，唔似好時先炒過，所以比較濕身，雞件有一半係無肉位，同場遲少少叫既人，快過我地有得食，仲要係肶位，唉！雞件無乜味，依靠個魚露所開既醬汁，有鬼用咩！同泰星一樣唔掂，秘製豬手其實係抄粉嶺群記，仲要無乜肉，當然無群記出名既辣椒油啦，豬什湯就一般，好彩無乜羶味，蘸點豉油食算啦，不過山長水遠去食，不如返粉嶺！

lunch唔知食咩好,諗起呢間既海南粉,一路都有幫襯開,價錢平又好食,試過好幾樣野,今次食豬雜米粉,入面有豬腸,豬心,豬肚,粉腸,本人最鍾意豬腸同粉腸,豬腸肥美,粉腸夠粉,其他都整得幾好,另外本人亦好欣賞個胡椒咸菜豬雜湯,好香胡椒味,次次都會飲哂個湯,個餐連凍飲加外賣$30都唔洗

見到開飯食評幾好...所以就去試下la...唔難搵..係元朗廣場隔離..好彩尋晚唔熱如果唔係一定食到成身汗.環境唔會好因為類似大排檔...d筷子仲要係好油個隻食物方面叫左3樣野飲2杯.海南雞飯+凍檸茶 雞只係屬ok..油飯只係得個油字一d都唔香..d雞醬麻麻地..海南撈粉+凍華田 自己第一次食..但唔鐘意食..好似有陣唔知咩味咁..又冇黃辣醬..佢亦冇主動比我.淨豬手 個湯底係胡椒湯..係幾胡椒但好重味精..d豬手冇乜特別.阿姐d服務係幾好..但d野食麻麻地..吸引唔到我再去食....d雞飯其他地方好好多~

1-5-2010喺深井飲完奶茶已近 dinner 時份, 附近無乜心水之下, 結果去了元朗 本來想去「雪山」食 floating island, 但星期六夜晚 2 人 walk-in 鬼有位咩, 兜兜轉轉結果嚟到呢度 mou 街. 想食的海南撈粉售罄 , 結果同朋友一人一客海南雞飯 ($30) 就算.先食油飯: 賣相好夠油, 食落質感偏硬身, 但就只油不香, 有點掃興喎 再食海南雞, 好好彩有雞脾食 雞件無去骨, 不過肉浸得極嫩, 雞皮薄身爽滑, 帶點鹽水味, 皮肉中間仲有骨膠原「啫喱」, 幾好食 朋友嗰碟就有雞翼, 不過雞翼以外全屬多肥多骨多內臟又少肉的「豬頭骨」部分, 真係 旁邊的薑蓉及酸汁亦吸引, 不過前者帶強烈蔥香薑香, 比少少辣, 但酸到「乸」喉的後者吸引得多.$30 一客, 唔貴, 質素亦唔差, 不過就一定唔係我食過最好的海南雞飯, 專程來試絕對可以慳返. 不過是日食唔到最想食的海南粉, 始終心有不甘, 下次入元朗會再來碰運氣的.

見食友介紹過咁特別嘅撈粉,mar 14, 10嚟叫咗 : 1) 正宗海南撈粉 (hk$20)-唔好以為無湯,就喺凍食-女店員上之前問我想暖定熱d,我話要熱d(應該喺叮啦)-都幾大碗喎,又好多料,有薄脆脆,大豆芽,花生,芫茜蔥,肉乾絲,芝麻,菜甫/炸菜之類嘅醃菜-咁多款餸,味道同口感唔豐富先怪啦~~~~-仲有個深啡色醬汁..........撈均食唔會好鹹喎,ok,而且食完返到屋企都無出現口渴嘅情況-至於個粉,好滑,無咬口,但都唔會過腍,適中-女店員話呢個喺好正宗嘅海南食法,佢幾好人,又傾得,佢都有問我覺得好唔好食,我又要求佢比多d芫茜我,服務不錯 * 此店嘅主要名物其實喺海南雞飯,不過我都喺覺得撈粉有特式好多,其他地方都食唔到 * 不過環境真喺好簡陋/麻麻,通常都喺開摺枱坐巷邊咁食

終於有機會帶男友來試下...點了海南雞飯餐($30)...雞肉較"林"同鬆散...(可能正宗的海南雞是這樣的)個人比較喜歡昌記的海南雞...不過那個黃色醬好好味..酸酸的...開胃...還有湯奉送...是胡椒豬骨湯...好好味!油飯沒什麼特別...好大碗...分了大半給男友...+$2可轉凍飲...這個價錢來說好抵吃!!男友點了豬什河($15)...只知道是豬內臟...吃不出是什麼XD湯底都是胡椒豬骨湯...讚!另外喜歡吃辣的朋友要試那個黃辣醬...落少少已經好辣...男友是雞翼怪...當然要試...即叫即炸...熱辣辣...都算大隻...味道都不錯!!好像是$12/4隻...抵吃!!這裡最出名的是海南撈粉...下次要試下!埋單都是$6X左右...十個抵!!如果不介意在街邊吃...其實都不錯的!會再幫襯 : )