深井陳記燒鵝酒家

营业中

休息中

深井呢個地方雖然交通唔係咁方便, 但屋企人一諗起燒鵝, 都係會專誠入嚟食。今晚呢個套餐(C $598) 包括3個餸, 有半隻燒鵝、龍躉球同蟶子, 加幾碗飯嘅話, 3-4人已經好夠食。燒鵝皇(半隻)主角肥美燒鵝率先奉上, 外皮亮麗反光, 入口先係薄脆外層, 接著皮肉間嘅油脂溢出, 加上嫩口鵝肉, 簡直令人無法抗拒。油泡龍躉球 龍躉球啖啖肉, 肉質嫩滑得嚟富有彈性, 魚皮仲充滿膠質, 係女生最愛。蒜蓉粉絲蒸蟶子皇 (5隻)蟶子蒸得啱啱好, 夠熟又唔會韌, 咬落爽口細緻, 口感極佳, 加上蒜蓉粉絲, 鮮味盡收。

甘大個女第一次來深井食陳記燒鵝，細個成日都聽到呢個名，以為係d好貴既餐廳今晚來到總店，係商場入面，原來除左燒鵝仲有好多小菜，海鮮揀，仲有套餐選擇叫左個例牌拼叉燒平時岀面街食既，皮下面會有好多脂肪，呢度鵝皮色澤赤紅帶光澤，油脂豐盈不膩，吃落有濃郁鵝味，肉質嫩滑，仲有肉汁添另外叉燒肥瘦均勻，肉質軟腍椒絲腐乳炒通菜 $58鐘意呢度唔用太多油，同價錢公道，而家$58炒碟菜已經算抵食蒜溶粉絲蒸聖子皇 $38/隻聖子夠鮮甜，而且肉質彈牙蒜溶粉絲蒸開邊蝦 $128色香味俱全，粉絲盡吸蝦汁精華，鮮味更濃！

經過深井嘅朋友仔一定會比陳記-燒鵝嘅大招牌深深吸引着，黑色背景，金黃色燒鵝，掛喺商場外牆！離遠行過去已經見到，去食嘅人根本唔需要再導航一定搵到！推薦菜式包括燒鵝、個皮整得好脆，肉質唔會話好梅，點埋啲甜醬真係一舊接一舊咁食。叉燒， 肥瘦適中，肥得來又唔會太油。鵝腸，整得幾爽口唔會有臭味炒蟹 都多肉唔係水蟹，炒得好入味係咁絕啲汁。黃金炸魷魚，炸得有鑊氣，小小鹹蛋味好食。蟶子都係好新鮮，估唔到除咗肉類之外海鮮都做得幾好。揸車嘅朋友食完買單記住要將代客泊車飛比員工比佢哋吸印，咁就唔使俾錢。

陳記-燒鵝 如果你問我深井有咩好食，我一定會毫不猶豫答你，陳！記！燒！鵝！咁多間燒鵝店，我唯獨特別喜歡陳記-燒鵝，不單止所有員工好親切，佢哋嘅嘢食都從來唔會偷工減料了！今次我哋四個人嚟，叫咗半隻燒鵝，本來想食埋叉燒，點知已經賣晒，燒鵝皮脆油薄肉香，食燒鵝，最想食嘅一定係佢個皮，陳記-燒鵝做得唔會好油膩，而且烤得好脆，唔似有啲燒鵝店，放耐阻個皮林晒！配埋可樂一流！同時我哋都叫咗鵝掌，都係唔會做得好油，食落去好舒服，酒味亦都唔會好濃烈，推薦俾各位朋友試吓

今晚成家去了深井食燒鵝。講起燒鴨，好多人都話深井出名食燒鵝，同普通酒樓相比，較脆口入味，所以假日成家入一入深井食燒鴨。今次去了陳記食，見有很多分店，我估應該不錯吧。.陳記入口在一個商場入面，要穿過商場轉右先見到。入面都幾多位，可能因為食得早。而環境同舊式酒家一樣，比較舊，裝修格局都唔靚，好彩都算衛生。太多種類的食物，所以選擇了一個優惠燒鴨海鮮三寶$588 。燒鵝皇（半隻）丶清蒸海班1條丶白灼海生蝦12兩。一個金銀蛋蒜子莧菜$58。同一個椒鹽鮮魷球$88。店員很好服務，推介了幾道小菜，而且上菜速度十分快。每道菜差不多都是同一個時間上的。.例湯（雞腳瘦肉木瓜湯）湯十分甜，火候好夠。椒鹽鮮魷球鮮魷球份量很多，顔色為黃金色，色澤亮麗。而鮮魷炸粉很少，香脆可口。而且鮮魷椒鹽味夠濃，不需要點醬油也很鮮味。金銀蛋蒜子莧菜莧菜十分鮮嫩，因為加有蒜子，所以莧菜浸湯比較香，不會無味或者過咸。皮蛋雞蛋🥚蛋香很濃，特別是皮蛋，外層晶凝通透，內層 醃製得好入味。白灼海生蝦海蝦色澤新鮮，肉質鮮美滋味，而且脆口。這證明了灼熱的時間啱啱好，不會令肉質變得霉。配上點蝦的豉油，越食越想食。清蒸海班海班大條多肉，肉質嫩滑，

兩個人星期六晚來到深井，來到當然要試下有名的深井陳記燒鵝啦﹗點了燒鵝例牌$155，仲加左少少叉燒。燒鵝外皮深紅有光澤，一咬發現酥脆帶有鵝油香，鵝肉味香濃且嫩滑，絕對能做到皮脆肉嫩😋﹗燒鵝夠晒肉汁，又不會覺得醃得太鹹，點埋酸梅汁一流😍﹗叉燒半肥瘦，食落都幾香，帶有麥芽糖味，入口鮮嫩多汁😍﹗芝士生蝦伊麵$108:芝士味香濃，但不會膩，而且仲有好多隻生蝦，夠晒真材實料蒜茸通菜:新鮮嫰綠，蒜茸香口，幾有鑊氣，好岩送飯﹗剁椒蒸魚雲$118:火辣辣的紅剁椒、爆香蒜頭、薑、蔥覆蓋着白嫩嫩的魚頭肉，熱騰騰散發清香味，魚雲入口即融，香滑鮮辣﹗伙記熱情，燒鵝叉燒有水準，小菜出色，不枉我特意來深井吃燒鵝👍﹗

跟男朋友去黃金海岸游水同陽光玩遊戲前，去左深井食燒鵝，咁多間男朋友揀左陳記燒鵝，夠就腳喎。兩個人分別叫了燒鵝例牌，170元。燒鵝燒得香脆，食落可口。酸梅醬感覺似餐廳自家制，比其他餐廳從供應商買入的多了份新鮮梅味。可惜的係，例牌只限下脾部份比較多肉，下層其實都只係肥膏連骨。有幾塊一看已經知道吃不下了。瀨粉是可以的，好滑。

《陳記燒鵝》今日係勞動節，同屋企人專程駕車入深井食燒鵝！為左方便泊車，記揀左個近門口既枱位。今日天氣十分之好，坐戶外都唔會話太熱。<燒鵝瀨粉 $48>每啖肉都好嫩，最最最抵抗唔住既係佢面頭塊皮！真係燒得好脆！點住冰梅醬食！真係好特別。<油炸墨魚鬼>每次去，都一定要食既菜！估唔到佢下午茶時間都有得食！好開心！

就係2017年最後一日，我約左幾個朋友一齊去元荃古道行山，事緣有位朋友成日都會遲到，今次仲遲左差不多一個鐘，所以大家都屈佢行完山要請食飯補數我地冇行晒成條行山徑，中途三點幾已係深井落山，行到肚餓就當然要去試深井最出名嘅燒鵝啦，其實有幾間餐廳可選擇，朋友話想試陳記，所以就揀左呢間因為三四點嘅關係，餐廳得好少人，我地去到任坐，其實係冇乜人招呼我地，餐廳員工好似唔憂做咁，我地就自己揀有咩好食，燒鵝就一定叫啦，我地得幾個人就點左半隻，另外再加個炒飯同椒鹽茄子🍆燒鵝冇我想像咁好食，唔夠多肉汁，配上酸梅汁都醒胃嘅。炒飯就更加令人失望，好似將餸頭餸尾炒做一碟，最多就係菜圃，而且又唔夠熱。連椒鹽茄子都俾一舊舊炸粉包住，又凍冰冰又唔夠鑊氣總之食物就好一般，服務就更加欠奉，臨走前仲發生小插曲，有位員工推大枱時連人帶枱跌低左，仲大聲鬧佢嘅同事整跌佢，真係嚇親一班食客，所以唔建議大家專程嚟深井試呢間餐廳

今日係年初四~~ 同舊同事們特登入黎深井拜年呢^__^難得入到黎深井 (我對上一次入黎真係超過10年前..@@)一定一定要食埋馳名既燒鵝先得啦~~ (雖然見而家市區都已經開左唔少分店....)一般酒家的格局~~ 但感覺都幾有人情味 (其實唔知點解會有呢個感覺🙈🙈)有唔少小菜,海鮮同燒味選擇 : >椒鹽胞鮮魷$98以$98黎講 份量唔算多... 不過都叫新鮮炸起 實好食🙈鮮魷都幾淋身易咬開既, 我比佢90分啦~~ XD跟住上枱既係今餐的主角::: 陳記燒鵝(半隻)$290半隻份量都唔小呢~外皮燒得酥脆!!! 油脂感豐富..啖啖肉呢🤤但係鵝既香味就略嫌唔夠強... 而肉質方面都算幾嫩~~不過成碟都幾油下...我都唔敢食太多🙆🏼整體感覺就係性價比唔太高...菠蘿咕嚕肉$88咕嚕肉唔夠香脆.... 醬汁都唔夠酸甜開胃菠蘿粒既份量更加係少得可憐.....☹️蒜茸炒豆苗$70呢個就炒得幾香 豆苗都幾嫩~~因為同枱有小朋友 所以主要係叫比佢地食既粟米魚塊$88粟米忌廉係整得幾香甜~~ 淋上乾脆既魚塊度就岩岩好啦~~食食下中途咁岩有舞獅入黎表演呢~~ 氣氛都幾熱鬧^^不過整體黎講呢一餐既性價比都

跟一大夥同事到深井吃晚飯, 選了地區名店陳記, 當然先來一客例牌燒鵝, 招牌菜當然沒令我們失望, 燒鵝皮脆肉嫩, 不覺油膩, 很能下飯。除咗燒鵝,我們還點了炒蜆 (可是蜆殼多過蜆肉)、不怕增磅同事至愛的梅菜扣肉、美味的油麥菜及不太鹹的椒鹽九肚魚等! 其實吃完我們還在爭論究竟這毗隣惠康超市的是否分店, 因為周五晚飯時段人流仍不算多, 飯店還不是滿座呢!

聖誕佳節，Honey 有工作在身，不能和我到外地旅遊。所以，我們就租了一晚酒店，共渡佳節。但位處汀九的酒店，附近四野無食肆，要吃晚餐，我們就駕車到深井。到深井，當然要吃深井燒鵝啦！一入到深井，就見到陳記。就陳記啦！反正間間都是吃燒鵝的。陳記的招客功夫真了得！明明只在店外看看餐牌的，但就被一兩個人｢拉｣進去！因為酒家不在大街，是在小商場內，沿途有人一直mark住你進去。也難怪！深井吃燒鵝的多的是，這樣才能招客！陳記的地方不大，是舊式酒樓。連紙巾袋都印著｢陳記｣……哈！我們叫了一份燒鵝例牌($148)、椒鹽鮮魷($88)和蝦乾蒸勝瓜($68)，兩碗白飯和茶錢，連加一，共$400，不貴啊！先上燒鵝例牌，雖說是例牌，也不算細碟，啖啖肉。而且，不算肥膩。只是，燒鵝肉有點實，不夠鬆化；而且鵝肉味也不香，沒有鵝肉獨有的肉香。我在九龍城地茂館吃的燒鵝，或者海港酒家吃的燒鵝，較陳記更好。所以，這個陳記深井燒鵝，有點令我失望。椒鹽鮮魷，就幾味。脆粉不厚，椒鹽也不算太鹹。鮮魷很新鮮，又爽又嫩。最好味的竟然是蝦乾蒸勝瓜！上面是蒜蓉和蝦乾。蝦乾是大大隻的蝦乾，而並非蝦米。下邊是勝瓜和粉絲。勝瓜剛剛熟，很清甜。粉

今日特登黎深井品嚐燒鵝, 同往常一樣呢間生意幾火爆，算我哋好彩唔曬等位。燒鵝（例牌）：色澤紅亮，飄香四溢，湯汁濃郁香甜，燒鵝酥脆香嫩又多汁水，沾上酸甜醬汁，香而唔膩。

每次食燒鵝我都會黎深井陳記，平時都係揀燒鵝例牌，今次想試吓燒鵝配河粉，燒鵝皮脆肉味香濃軟嫩多汁，燒鵝配上清淡河粉食起黎冇咁油腻，不過燒鵝份量好小，要食完河粉才會飽！！

我連續幾天假，今晚朋友有車四個人去來深井走一下四人有大卡位坐十分寬鬆當然叫出名的燒鵝，我地叫一隻另外叫了個清蒸瓜子班籠仔花蟹蒸飯每人一份鮑魚伴鵝掌燒鵝夠肥美，估計有三斤重皮香肉脆無得頂果然係招牌菜瓜子班一早預訂約兩斤用薑荵加少許果皮蒸，其實沙皮正常起肉炒球會比較好師傅工夫好蒸得剛剛好火喉配合蒸魚秘制鼓油，十分鮮甜魚肉本身亦相當嫩滑鮑魚鵝掌要用刀叉，飽魚扣得夠火路鮑魚夠哂淋，鮑魚醬汁味道不錯配角鵝掌沾上了飽汁一様美味籠仔膏蟹膏不算多，蟹肉爽實應該是原隻同糯米飯一齊蒸食出蟹本身沒有先炸過的味道糯米飯亦不會油，黏道正常呢度以前都有嚟過，水準幾好老牌店雖然沒有豪華裝修但是食物水準至少仍然保持