淥鼎記

营业中

休息中

這間人氣火鍋店位於旺角的創興廣場，主打任食任食火鍋放題，午市則主打精緻點心及中式小菜，以港式及四川口味為主。店內環境寬敞舒適，裝修格調高雅，適合多人聚會。爵爺套餐 - $378/成人無限時頂級手切牛及海鮮晚市火鍋放題2位成人消費免1位小童壽星免費優惠，生日前後8天有效(需8位以上成人消費)錦繡前菜(一次性)金黃酥脆的蒜蓉風味炸蝦連殼也可食用；麻辣花生香脆不油膩。日本直送時令刺身(一次性) 爽滑的三文魚肥而不膩；牡丹蝦綿軟中帶彈性，爽脆而鮮味亦十足；北寄貝肥美爽脆甘甜；帶子軟嫩香甜；象拔蚌充滿海水味。主菜六選一(一次性)老壇酸菜魚的湯底以豬骨及魚骨熬成，加入指天椒及花椒等，特意用老壇酸菜，味道鮮甜且酸辣麻香；鱸魚片連少量魚皮，嫩滑同時保留魚肉的紋理；晶瑩剔透的寬粉滑溜煙韌，吸滿湯的精華。無限時火鍋放題每日嚴選真材實料新鮮熬製的八款湯底。金黃澄澈的花膠美人鍋以鮮雞熬成，又有一片片軟嫩彈牙的花膠，充滿著膠質，還有紅棗及杞子等，滋補養生。頂級手切牛拼盤安格斯頂級牛小排有著豐富大理石花紋，油花分布均勻，鮮嫩多汁。豪華海鮮拼盤大顆肥美廣島蠔，蠔身爽滑彈牙，甘甜隨之而來，餘韻悠長；鮮鮑魚有著明顯的鮑

[ 淥鼎記 ]旺角創興廣場呢間火鍋店一個價錢就有超多野食！有時令刺身、主菜(椰子雞/重慶雞煲/烤魚/酸菜魚…等)、海鮮拼盤、安格斯牛小排，仲有近50款配料無限時任食火鍋😍。✿ 爵爺套餐 成人$378/位、小童$198/位(星期五、六、假期及前夕+$10)時令刺身拼盤🐟當晚有三文魚、帆立貝、鮑魚、赤蝦、北寄貝，款式豐富，味道不錯有日式放題水準。主菜 (6選1) 🥘有椰子雞/重慶雞煲/烤魚/酸菜魚…等。烤魚可以選辣唔辣，「香辣烤魚」超大條超多魚肉👍。火鍋湯底 (8選1) 🍲有辣有唔辣，例如鴨血麻辣鍋、花膠美人鍋、海皇海鮮鍋、澳門豬骨煲等，仲有限定 八寶冬瓜鍋，鍋內有原個冬瓜、薏米等材料，啱哂夏天清熱消暑☀️。豪華海鮮拼盤有4-6款時令海鮮，當晚海鮮有生蠔、鮑魚、貝類同埋海蝦，每款都好鮮甜。頂級手切牛拼盤🐮安格斯頂級牛小排 雪花紋理細緻，肉質嫩滑。其他火鍋配料另外有近50款配料無限時任食，肉類有安格斯牛肉、封門柳、伊比利亞黑毛豬、紐西蘭羊肉片等。海鮮有廣鳥蠔、海蝦、沙白、脆骨腩等，仲有手打丸、餃類、蔬菜、麵食等配料全部任食。飲品🧃自助區任攞紙包、罐裝飲品。甜品🍨每人一杯Häagen-Dazs雪

想同時食雞煲、酸菜魚、烤魚、打邊爐。。。不過真係眼闊肚窄，所以想搵個套餐食多樣嘢滿足吓其實都幾好，之前我嚟過淥鼎記食過佢嘅酸菜魚，我覺得味道都唔錯，不過我就未試過去打埋邊爐，咁今次就食晒呢兩樣💰價錢就$378/位，睇吓有啲咩食先⏰最緊要係火鍋冇限時🤩主菜六選一有藤椒烤魚/醬香烤魚、重慶雞煲、老壇酸菜魚、山城毛血旺、原味椰子雞、清湯蘿蔔牛腩，我就想試返之前食過嘅老壇酸菜魚，嗌咗個小辣，睇吓個味道如何🤤火鍋湯底八選一有八寶冬瓜鍋（限定）、鴨血麻辣鍋、花膠美人鍋、澳門豬骨鍋、海皇海鮮鍋、姬松茸雜錦鍋、蕃茄牛肋條鍋、黃酒藥膳雞鍋，因為酸菜魚食咗辣辣地，咁個火鍋我就揀咗個八寶冬瓜鍋，見佢限定同埋湯底比較清清地🤩火鍋配料📲手機下單有成40款，例如安格斯極佳級精修肥牛、安格斯牛板翼、伊比利亞黑毛豬、紐西蘭羊肉片、黑松露豬肉丸、芹菜香蒜茜餃、韭菜豬肉餃、廣島蠔、海蝦等等，咁另外出邊仲有個自助區，可以自己出去拎醬油，或者拎餃子、丸類、蔬菜類、響鈴、炸魚皮，我覺得最正係可以🍹一壺壺竹蔗茅根、水果茶，隨便飲都得另外都要提一提，食呢個套餐會有專享一次性優惠包括：🔹頂級手切牛拼盤🔹豪華時令刺身🔹豪華海鮮拼盤🔹

位於旺角創興廣場嘅❣︎淥鼎記❣︎我已經食過好多次😋次次都keep到水準，佢嘅★爵爺火鍋★放題套餐真係超豐富架😍一次過滿足你口腹之慾，有刺身，海鮮，烤魚，手切牛⋯⋯等等，而且樣樣新鮮足料😋👍🏻食晒一次性配菜之後，就可以開始打邊爐啦，火鍋配料同飲品任拎任食😋最尾仲有Haagen dazs雪糕添🍧平日只需$378咋😱難怪我來襯都full場架👏🏻👏🏻👏🏻❣︎錦繡前菜❣︎♥︎酸辣黑木耳♥︎好爽口，酸酸辣辣好醒胃😋♥︎蘿白牛腩♥︎炆得超入味👍🏻牛腩軟腍，蘿蔔無渣。❣︎日本直送時令刺身❣︎擺盤超靚😍內有三文魚，牡丹蝦，北寄貝，帶子，象拔蚌，樣樣都新鮮肥美，絕冇雪味。❣︎主菜6選1❣︎我揀左藤椒烤魚😋👍🏻超大盤烤魚😍魚肉超嫩滑👍🏻有少少辣同烤過超惹味，個底仲有大大磚嫩滑豆腐添👍🏻❣︎火鍋湯底8選1❣︎我揀左花膠美人鍋，藥膳湯底，鮮甜味濃。❣︎頂級手切牛肉拼盤❣︎油花比例平均，色澤紅潤，入口充滿牛香😋❣︎豪華海鮮拼盤❣︎內有生蠔🦪扇貝，沙白，鮑魚，海蝦，樣樣新鮮大隻😋👍🏻

位於旺角的「淥鼎記」之前午市已經嚟飲過茶，食質素一向有水準，今日就和朋友試吓佢哋晚市嘅火鍋套餐，食過嘅都推介超多嘢食，而且高質又抵食，我哋點咗最人氣嘅爵爺套餐👍🌟爵爺套餐頂級手切牛海鮮套餐無限時火鍋放題🌟爵爺專享美食頂級手切牛拼盤、豪華海鮮拼盤豪華時令刺身、Haagen Dazs 雪糕🌟主菜六選一重慶雞煲、烤魚、老壇酸菜魚山城毛血旺、清湯蘿蔔牛腩、原味椰子雞🌟火鍋湯底八選一鴨血麻辣鍋、花膠美人鍋、姬松茸雜菌鍋八寶冬瓜盅、澳門豬骨鍋、海皇海鮮鍋蕃茄牛肋條鍋、黃酒藥膳雞鍋🌟40多款火鍋材料無限任食牛類、豬羊雞類、手打丸類、餃類海鮮類、自助吧、自家製涼茶

又想食打邊爐又想食烤魚🐟又想食🍣刺身, 呢度嘅爵爺套餐就啱晒啦😉🫶🏻全部都可以食齊， 真係好適合一大班朋友一齊嚟， 食材好新鮮添☺️， 配菜同嘢飲都可以任食任飲🍻🥂🍹頭盤就有刺身🍣之後就食🐟烤魚，食完烤魚之後就開始打邊爐🥳， 打邊爐嘅海鮮🦐🐙🦞🦑🐟都好正， 啲鮑魚😍仲超級新鮮， 就算飲品🥂🍹都超級多種類任君選擇， 自家製飲品仲有竹蔗茅根蘋果茶等等， 淨係打邊爐配料都有幾十種， 食完之後每人都仲有一杯🍦Häagen-Dazs雪糕添☺️

黎到食肆林立的旺角，又要頭痕食咩好，一班人聚會緊係黎個打邊爐。上網search完資料，決定黎呢間幾高人氣度的淥鼎記。餐廳環境舒適，座位寬闊，擺設又有小小中式，連豉油壺亦都好有中國特色。餐廳唔同一般火鍋店，開始之前可以按人數選擇一二款的定食，我地試左酸菜魚，碟頭都幾大，魚肉滑溜無骨，愈食愈滋味。火鍋湯底選左花膠雞，食材實料，有大舊花膠又有雞。濃濃的湯底幾乎都不需要沾豉油。飲品方面，一大排飲品櫃任君選擇，仲有之前好hit的百事生可樂！肉類睇上去都知道好新鮮，紅卜卜的顏色十分吸引，而且一啲都無雪藏味道！而附送的海鮮亦都十分之新鮮，值得一讚。總括來說，性價比高，食物質素好，會再來幫襯。

🍲淥鼎記火鍋放題 ，耐唔耐就要食下放題放縱下。今次食淥鼎記火鍋放題極具性價比，而且餐廳環境寬敞舒適，岩晒約埋一大班朋友一齊喪叫喪食🤣🤣推薦必食 - 爵爺套餐🔥前菜🌟刺身拼盤：每一款都好新鮮而且份量足，唔會有冰鮮既雪味。🌟燒雞：肉質好滑又好Juicy🔥主菜（6選1）私心推薦下面三樣🌟酸菜魚：食酸菜魚最緊要係個湯。而佢呢個湯就夠晒酸夠晒濃，啲魚肉都夠滑🌟椰子雞：質素有少少似四季椰林🌟雞煲：勁濃勁重口味，啱晒食肉獸🔥無限時火鍋放題必叫：🌟廣島蠔：勁肥美又多汁🦪🌟安格斯牛肩胛：喺任食放題入面，佢呢個牛肉嘅質素十分之高，牛味重之餘仲有小小入口即溶既感覺

第一次去任食既餐廳，都係先試試最基本個個餐，今次揀左個’小寶套餐’試下💁🏻‍♀️通常食雞煲火鍋都係一煲過，食完雞煲再用同一個煲加湯打邊爐。但呢度係雞煲還雞煲，食完再有自選湯底打邊爐，幾講究🍽️小食呢兩碟小食唔係任攞的，係佢派送既，唔係任攞既質素果然唔同D,我同朋友都覺得兩樣小食都好食，尤其炸魚片頭，🍽️雞煲雞煲上左之後即場炒再焗一陣坊間既雞煲好多都做得唔錯，好少出事，而呢間既特色係炒完既雞肉仲係好嫩滑同雞肉都比較大件多肉, 兩個人食都幾多🍽️花膠美人鍋食完雞煲就換個湯底打邊爐，花膠分量足，兩人分每人都有幾舊。要讚既係d食材同環境都好整齊乾淨衛生👍🏻,食材都新鮮，有一定質素！另一個like既係坐得舒服幾得意既係有自家製蛋卷賣😀💁🏻‍♀️總括好唔錯既體驗，性價比高🌹

近排返工都大壓力，今晚約朋友4人同行烚吓烚吓傾下計。我地被安排梳化卡位，坐得舒服。小寶套餐包一碟餐前小食，一個前菜，之後就係任食邊爐。今晚嘅餐前小食係炸魚片頭，喜出望外地好好食，魚片頭炸至金黃色，又有啲炸蒜喺面，好香口。前菜我哋揀咗清湯腩。湯底幾清，有淡淡嘅胡椒香味。蘿蔔唔算多筋，腩肉就有八件。食完前菜之後就開始打邊爐。邊爐湯底有6款可以揀，我地今次試咗麻辣鴨血湯底。湯底落咗好多香料，係個好香濃嘅麻辣湯底。鴨血我地一致認為好滑，唔錯。而邊爐配料方面都算齊，菜、菇類、丸類、麵、牛柏葉同水魷都可以喺自動吧任夾。肉類就可以qr code廿落單，安格斯肥牛嘅質素亦都唔錯。

298一位，又刺身又海鮮又台灣街頭小食，最尾仲要嚟個勁靚和牛打邊爐，真係CP值王者話說同朋友冇約實，臨時搵到一間餐廳入去，點知仲抵食過本身睇開嗰間！佢啲刺身真係唔似火鍋店，唔係Hea你全部都係新鮮食材，未打邊爐嚟個刺身開胃，啱晒我哋幾條佬打邊爐，最緊要都係個牛，呢度啲牛肉完全唔輸蝕，難得唔係冰鮮肥牛，仲要係靚嘅部位幾條佬係咁食都停唔到手😂呢度嘅服務亦都好抵讚，佢佢哋會專門過嚟同你講應該食邊樣先，點知咩係招牌菜式，湯底又有啲咩選擇等等，食得我哋好舒服有時出街食飯最驚就係服務唔好，呢度就完全唔會驚掃興！如果有機會佬聚，下次都會繼續考慮呢度🥹

生日飯失望一行三人上之經開聞到好香再睇埋佢傳單，好吸引六選一既頭盤 個椰子雞湯，好似史雲生雞湯加幾條椰子絲就係椰子雞，最後都係當左普通湯底用，之後換返個正式湯底要左花膠美人鍋，但反而所謂椰子雞個湯底好過美人鍋。送既刺身都還可以啦，另外有一個海鮮拼盤100分都有60分比佢既，有蠔有仙貝都大粒同新鮮。但個新鮮手打蝦丸墨丸好好食🤤飲品都係汽水，又有類似竹蔗水，有西瓜百果香但就無甜品，只係一人一杯（哈根打）雪糕

首先地點方便，唔限時已經係賣點，食物唔錯，海鮮類先來一大盤，有鮑魚帶子生壕，蝦貝殼類，雖然唔可以加，但好新鮮又大隻，出手係冇手軟既，開始先食刺生盤＆雞煲已經飽左一半，第二輪食火鍋，比左一盤靚牛都幾好味，飲品類仲有生果茶係比較特別，最後每位一柸雪糕，下次都會考慮。

旺角 淥鼎記今日行街突然想飲茶， 之前聽過旺角有間食點心出名， 所以就去左食晏～今日叫左黑松露赤螺三文魚酥、 芝麻肉鬆米網腸、 野菌鮮蝦菜苗餃、 鴨腳扎、 流沙包同乳鴿， 仲叫左杯熊仔奶茶～黑松露赤螺三文魚酥賣相幾精緻， 好多黑松露但味道唔搶， 其實我本身唔係幾鍾意食黑松露， 但係都覺得幾好食， 赤螺同三文魚幼粒， 加上酥皮夠脆夠熱， 味道唔錯～芝麻肉鬆米網腸裡面係椰菜、木耳同炸脆脆之類， 雖然係腸粉皮上鋪左芝麻肉鬆同紫菜絲點綴， 但係我覺得對個味道冇乜太大影響， 味道較為清淡， 健康野～由於蝦餃就成日食， 今次叫咗個特別啲嘅野菌鮮蝦菜苗餃， 整體味道比較似豆苗餃、 菜苗餃嗰種， 加咗野菌整體都幾鮮味， 比普通嗰啲菜苗餃好食而且冇草青味～乳鴿皮脆肉嫩好Juicy～鴨腳扎裏無芋頭所以唔會搞到一坺嘢，鴨腳夠淋夠入味， 不過塊魚肚好似煮得唔係好夠時間有啲硬同無乜味～流沙包就係個外型幾得意，同外邊嗰啲冇乜太大分別， 但幾好食～另外嗰杯熊仔奶茶好得意， 上面隻熊仔會慢慢消失溶咗入去杯野到， 依個設計保證夠冰凍， 熱辣辣嗰陣時整返杯真係冇得頂～

今天約定家人中午到此家店午餐，原定約好三人，但有一位臨時失約，本應開心午餐，但至少兩名侍應，不客氣地不斷向我哋投訴，頭一位侍應講，你哋通過OpenRice訂位人數不足，你哋要自己網上作缺席登記記錄！不久之後，門口知客又過來講，你哋通過OpenRice訂位人數不足，今次算數，我哋會幫你登記已出席！出席人數真的有這樣重要嗎？有咁嚴重嗎？需要通知我哋咁多次嗎？而且語氣又欠友善！如果人數這樣認真，就應該不容許任何人缺席，否則不會安排座位同食物！食物質素已一般，加上這樣服務態度，點敢再次打擾此店，仲講叫人本地餐飲消費，何來會覺得願意在港消費！