淥鼎記

营业中

休息中

淥鼎記嘅點心同菜式都好正！我最近去試咗幾樣嘢，真係食到我念念不忘😝妙齡乳鴿鴿肉嫩滑，味道鮮甜，外層香脆，食落去口感超級好👍蟹籽龍皇燒賣個燒賣上面鋪滿咗蟹籽，咬落去有種海鮮嘅鮮甜味，蝦肉又夠彈牙，好有層次感🥰太極黑糖馬拉糕都好值得一試，外表黑白分明，口感鬆軟，黑糖味道香甜，太極造型更係攞滿分💯絕對可以encore鮑汁鮮竹卷腐皮包住鮮嫩嘅餡料，鮑汁嘅香味更係提升咗整體味道，真係好正🙌鳳爪排骨蒸日本珍珠飯鳳爪軟滑入味，排骨肉質鮮嫩，珍珠飯粒粒分明，食落去又有飽腹感😍黄金翡翠鮮蝦餃都唔可以唔提👍 外觀真係好似黃金翡翠，蝦肉鮮甜，皮薄透亮，真係一口咬落去，滿滿嘅幸福感🤤📍 淥鼎記 (旺角)旺角彌敦道601號創興廣場5樓#創興廣場美食 #淥鼎記 #點心 #火鍋 #性價比高 #人氣推介 #抵食推介 #超級推介 #旺角美食 #彌敦道美食

自費 自己比錢自費我哋食咗$200呢間位於旺角有觀塘嘅呢間主要食點心我哋朝早去食佢哋嘅點心真係幾好食同埋幾多款嘅各式各樣都有比第一間好特別啦同埋同朋友一齊飲中國茶真係好有中國特色㗎我哋嗌咗去個牛柏葉嗌咗腸粉喺腸粉都特別嘅好多款式好滑捋捋，所以我都覺得好正我哋亦都嗌咗佢嘅煎炸食品佢嘅煎炸食品有好多款比大家揀價錢唔會話好貴，所以我都好鍾意食呢間嘅即叫識整，所以都好新鮮好吸引如果有興趣食飲茶嘅話都可以揀呢間㗎都好唔錯可以選擇

同朋友黎左旺角淥鼎記食火鍋放題！ 呢間火鍋放題嘅食物真係十分豐富，我地都食得好盡興餐廳座位好寬敞，好多卡位，坐得舒服火鍋放題Set有主菜6選1、火鍋湯底8選1加時令佳餚配料（有40款火鍋配料任食），餐廳有自助配料同飲品區，我地都食到好飽！主菜好多選擇，可以揀香辣烤魚、重慶雞煲、老壇酸菜魚、雙冬羊腩煲、清湯牛腩煲同原味椰子雞6選1！我今次揀左重慶雞煲BB辣（可以根據個人口味揀辣度），雞肉配上重慶麻辣口味，好惹味，而且不會太辣！食完主菜職員就會幫你換煲打邊爐火鍋湯底有8款揀，當中我覺得幾吸引嘅有花膠美人鍋同姬松茸雜菌鍋，最後揀左姬松茸雜菌鍋，再去自助區揀左啲配料加落湯底到，個湯就變到好好飲，忍唔住不停就咁飲個湯套餐本身仲包左時令刺身、頂級手切牛拼盤同埋海鮮拼盤各1客手切牛都幾厚身，紋理清晰，海鮮拼盤有沙白、鮑魚、扇貝、海蝦同蠔，牛同海鮮擺盤都幾靚無限任食火鍋材料可以任食肉類安格斯、封門柳、牛板翼、黑毛豬、羊肉片等等，仲有海鮮類、手打丸同配料自助區所以呢個套餐相當豐富自助飲品區除左有飲料之外仲有大大壺既水果茶去慢慢飲我攞左呢款好清新，有淡淡青檸味雪糕每位可以揀1客Häagen-Dazs雪糕

之前已經聽別人說淥鼎記好多人食，今天第一次來食，我哋選了爵爺套餐，可以無限時任食。爵爺套餐有額外送頂級牛小排拼盤，豪華海鮮拼盤，豪華時令刺身，每人一杯Häagen-Dazs。頂級牛小排份量都幾多，肉會比較厚，豪華時令刺身，竟然當天還有象拔蚌刺身非常難得，看得出該放題店的誠意，而且所有刺身非常鮮甜美味，最怕吃放題的刺身是霉爛的，豪華海鮮拼盤有鮑魚、元貝、大蝦、蠔、白貝，亦都是非常新鮮。主菜方面可以六選一，我們選了香辣烤魚，沒想到一上桌烤魚竟然是平時出去吃的份量，一大條，而且烤魚是煎炸得很香脆，感覺還好吃過坊間的烤魚。湯底方面每個都非常吸引，選擇困難症的我選了超級久，最後選了海皇海鮮鍋，越煮味道越濃郁，這個湯底煮配料非常提鮮。飲品方面有超多選擇，不單止有樽裝和紙包，最特別的是有自家製水果茶，裏面很多水果，非常清爽，水果茶加火鍋無可挑剔，好推薦！醬料方面都有10幾款配搭，誠意非常足夠。火鍋配料方面也有幾十款的選擇，我最喜歡的是安格斯牛板翼，花紋又靚，肉味是最香濃，另外，他們的丸類也非常特別，有黑松露丸、麻辣牛丸、蝦丸、豬肉丸，全部都是手打丸，非常彈牙，味道香濃。總括，這間邊爐非常高質，無限時

🌸小寶套餐（重慶雞煲或老壇酸菜魚）🍀老壇酸菜魚🌟🌟🌟🌟🌟我揀了少辣，酸菜魚大大盤，內裡有滿滿嫩滑既魚塊，超入味呀！還有一些配料：酸菜、窩苣、蓮藕、花生芽、苕粉、泡椒、乾椒、花椒。每一樣都非常入味。吃完酸菜魚之後就可以選火鍋湯底🌸火鍋湯底有八款選擇（如要鴛鴦鍋需加$68）🍀姬松茸雜菌雞鍋🌟🌟🌟🌟🌟今次揀左姬松茸雜菌雞鍋，內裡配料有准山、嫩滑雞件、姬松茸、雜菌同去了核紅棗，湯底比較鮮甜。🍀肉類用QR code落單及其他收費食品🍀紐西蘭羊肉片🌟🌟🌟🌟羊味濃郁，肉質比較鮮嫩🍀伊比利亞黑毛豬🌟🌟🌟🌟🌟估唔到伊比利亞黑毛豬咁好味！快熟，豬味特濃🍀安格斯牛板翼🌟🌟🌟🌟🌟牛板翼大大片，牛味最濃郁，沒有多餘油脂，多吃都唔怕油膩🍀封門柳🌟🌟🌟🌟🌟封門柳細細塊，肉質有咬口🍀安格斯極佳级精修肥牛🌟🌟🌟🌟油脂分佈比較多，但淥完後又唔覺得太油膩其餘多款火鍋配料，可以在自助吧拿取自助吧區還有多個飲品櫃有各款汽水、自家制涼茶等等🍀水果茶🌟🌟🌟🌟🌟滿滿新鮮水果粒，每一啖都好fresh🍀竹蔗茅根🌟🌟🌟🌟🌟真材實料，濃郁味道，下火一流🍀麥香紅茶🌟🌟🌟🌟🌟呢個超解油膩，紅茶味濃郁，還飲到少少麥味醬料區放在自助區正中間，以中式

今日放假約咗朋友去旺角行街食飯，見天氣有啲凍一於去打邊爐朋友帶咗我一間火鍋放題任食食物質素非常高。淥鼎記鼎記火鍋放題，地址喺旺角彌敦道601號創興廣場5樓，六個主題材任選一款，椰子雞，清湯蘿蔔牛腩，香辣烤魚，重慶雞煲，老壇酸菜魚，雙冬羊腩煲。我揀咗最愛嘅原味椰子雞煲，雞嘅份量都好多食落去肉質嫩滑，湯底椰子味香濃，湯又鮮又甜又暖胃。牛肉有安格斯極佳級肥牛，安格斯牛板翼。牛肉真係好好味，有入口即溶嘅感覺。脂肪分佈均勻令到牛肉嘅味道更加香濃。海鮮有廣島蠔，海蝦，沙白，水魷，脆骨腩，脆肉鯇，魚鰾。廣島蠔雖然唔大隻入口味道先甜爽口。海蝦隻隻都好生猛，蝦肉爽口彈牙味道鮮甜。另外脆骨腩都非常出色，一啲腥味都冇入口爽脆。出面自助區仲有好多款食物，醬料都有十幾二十種擺放整齊整潔，值得一讚。另外飲品，茶，汽水都有幾十種任飲任食性價比好高。

幾年前食過印象ok，今次再去食覺得退步左。宜家得一個set，$388無限時加一，但食到22:30，包一個主菜一盤刺身一set海鮮一盤靚牛係無得任食，其他野app落單/出面自己拎。首先送果盤牛肉得個樣完全無肉味，我地都無食哂。送果碟蝦小食都又係無蝦味，靠少少面頭調味粉，見好多枱都放喺度無食。餃子皮厚餡少，係海鮮好D，有蠔，帶子，蝦，沙白都好食，但鮑魚都係無味。其次出面拎嘅野食fill得好慢，成日要行幾次先拎到想食嘅野。最過份係原來出面D野飲係唔會fill。佢唔甜嘅野飲得罐裝soda water，枝裝水同一壼壼嘅凍紅茶，但所有野飲從來無fill過，晏左入坐更加係無乜選擇，問過店員話佢地唔會fill野飲。最後問店員可唔可以俾枝水，佢都要問完經理話無，只可以斟杯熱水俾我，都唔緊要，我地5個人想要5杯佢都只係用個大少少嘅杯斟一杯俾我自己拎返埋位……任飲任食呢個質素唔會再去，同區有更多選擇。

很少負評，但不吐不快。年廿九28/1在這團年，16/1已在網上成功訂位，到24/1突然收到通知話當晚只有$398套，又要先收訂金。如果我不打算食這款，都太遲改訂其它餐廰。這些規定是否應該16/1訂位時説明。主菜每枱六選一，兩人一枱如是，我六人一枱，要求兩款，又被拒絕，下次我兩人才考慮再去。份量少了的兩款都可以吧！我年前去過官塘店，相比之下，今次的食物質素亦大為遜色，而且蔬菜refill 不足，餐單上明明是竹絲雞窩，當晚來的是普通雞，貨不對辦。

呢排同朋友去咗試「小寶任食套餐」，感覺幾驚喜，特別係佢嘅「魚湯鮮茄豬骨湯底」，真係好特別！呢個湯底味道清甜得嚟又有層次，魚湯嘅鮮味配埋鮮茄微微嘅酸同清香，飲落去好開胃，感覺唔會太油膩，煮肉或者丸類都幾適合。佢主要有三款牛肉可以揀，個人覺得最好食係安格斯牛板翼，肉質嫩滑，脂肪分佈均勻，入口好juicy，煮完都唔會韌。其次係安格斯極佳級精修肥牛，雖然肥牛一向都係火鍋嘅王者，但呢款食落少咗啲驚喜，始終牛板翼嘅口感比較出眾。至於封門柳，肉味偏濃，但質地相對硬啲，要煮耐少少先至好食，唔太啱我呢種鍾意嫩滑口感嘅人。而佢哋嘅手打潮汕蝦丸同墨魚丸都係必試之選，蝦丸真係食到鮮蝦嘅香甜同彈牙，墨魚丸就係帶有濃郁嘅墨魚味，而且仲有啲墨魚粒，咬落去好過癮，感覺真材實料。呢兩款丸類配埋湯底，都好夾。自助區嘅選擇真係多到眼花繚亂，響鈴同炸魚皮，炸魚皮煮完之後都仲脆卜卜，響鈴就吸哂湯底嘅精華，食落去好入味。另外，鵝腸都係一大亮點，淨係輕輕燙幾秒就夠，爽口之餘仲好鮮甜。其他例如蘿蔔、雲吞、餃子、粟米丸等等，都係好穩陣嘅選擇。一壺壺既水果茶味道酸酸甜甜，飲完好解膩，另外仲有冷泡紅茶可以試，清新得嚟唔會太甜。另外，普通嘅

天氣開始凍，又係打邊爐嘅季節啦！日前同女朋友黎旺角創興嘅「淥鼎記」試下，之前試過觀塘分店好滿意，今次旺角分店用餐體驗同樣良好，值得推薦。裝修有一貫嘅特色，檯與檯之間夠鬆動，環境不錯。呢度主打火鍋放題，而最入門級嘅火鍋放題「小寶套餐」選擇都唔少小食嘅多春魚炸得好香口！一開始有盤酸菜魚，啲魚肉幾新鮮彈牙，湯底幾惹味，唔錯湯底有好幾款選擇，當日我唔太想食辣，就叫左健康之選嘅番茄鍋，俾大家睇下個賣相～丸類、餃類、菇類同蔬菜等都擺左喺出面，擺得好企理，而且選擇好多。個人最喜歡手打墨魚丸同蝦滑，因為兩款都爽口。入門套餐嘅肉類方面選擇都OK，包括牛小排、肥牛、羊肉、雞腿肉等。特別推薦牛小排好新鮮，牛味十足！飲品方面，可樂、無糖茶等當然有，最正係果汁先生，絕對係回本之選

同朋友慶祝生日一坐低就開始主食可以揀雞煲、酸菜魚、烤魚 etc 總之好多選擇我地揀左雞煲中辣剛剛好辣度 好味😋食完之後唔捨得轉口味跑去攞一啲豬皮 腐竹加入去炒無諗到味道咁好第二道有刺身4-5款選擇份量足夠每人一份中規中矩第三先至係打邊爐湯底選擇都頗多我地揀了花膠雞可能因為食慣重口味 個人覺得頗談但係煮菜的話就幾好嘢飲任拎現在好似仲有優惠啤酒任飲食完還有一人一杯hagen daaz小食跟餐會送 就無咩選擇整體而言味道okay最緊要 無限時

難食到寫食評，平時飲茶都好食先簡呢間，晚飯打邊爐咁差都有。湯底叫左麻辣同海鮮，海鮮完全無味，但極多油，麻辣仲衰，苦到唔想食，連落公仔麵成慾望都無，個麵都吸哂d 苦味海鮮全部都有沙🥲又唔新鮮，任食既野落5次黎1次，追佢就話無哂，菜得2款，仲要成日無哂，丸最多😪唯一提下就系個刺身囉，正常。$388 仲要加一。去屋村酒樓打邊爐任食仲好食過佢🤣，永久black list希望個老細見到，你搞搞佢，你個晚餐打邊爐，搞唔掂🙏🙏

今天約了朋友在旺角吃午飯聽說這家店的火鍋很出名但中午不想吃火鍋所以點了一些點心味道不錯 後來發現同時有日式食品超乎了想象更神奇有港式奶茶 朱古力等港式飲品😂整體來說味道還是可以的

朋友介紹上嚟創興搵到間抵食放題～ 揀咗個小寶套餐，平日都只係$238就可以食足120分鐘🧭～ 唔怪得成間餐廳都坐滿人🤩套餐個主菜6選1～ 最後冇揀雞煲就食咗招牌酸菜魚🐟 首先上枱已經俾佢嚇親咁大碟！魚片份量都多，入口都夠嫩滑～ 仲有齊配料～ 酸菜、蓮藕、萵筍、寬粉等等。揀咗BB辣，味道微辣，十分惹味。🫕火鍋湯底8選1，緊係食花膠美人窩～ 勁滋潤養顏～ 紅棗、杞子、同大大塊珠身花膠，味濃又黏口🥢任食材料都超多款，肉類都好高質，安格斯極牛肩脊、紐西蘭羊肉片就最易回本。自助放題區都有好多材料，新鮮餃子都有10幾款，手打肉丸等等～ 樣樣都好味🥤最後飲品多款就唔使講，最正係有自家製竹蔗茅根同好多款無糖茶品～

送的海鮮拼盆及刺身拼盆都幾新鮮，但主菜我們點了烤魚，烤魚算是多骨，而且六有一點點腥，但份量是很大，幾個人食完條烤魚，巳經有少許鮑，另外因為張枱很細，放的食物非常擠迫，有多項任食用qr code落單的食物,只有10幾樣，選擇並不多，一早7點幾巳沒有，連放雪柜的蔬菜都經常清空，但廣島蠔幾好食及夠大粒，喜歡食蠔的是值得一試不過沒限時還可以，以這個價錢來說，星期六沒有套票買，4百多一個人算是一般，座位很迫，坐得唔夠舒服，服務人員都很有禮貌，上菜都幾快