淥鼎記

营业中

休息中

星期六收工跟同事去打邊爐，本來食得好開心，點知最後一肚火，真係不吐不快.......我地係唔想比人催交枱，先揀"無限時"火鍋放題，點知食到8點幾，未諗到仲食咩，就同同事叫左雪糕先，跟住先後有2個女職員埋嚟想收走我地個鍋底，我地話"仲要架喎，都未食完"，跟住又有個睇落高級少少嘅男職員行埋嚟，叫我地埋單先，我話"下，我地無限時架喎"，個男職員話"我知，幫幫忙埋左單先，出面好多人等緊位"，心諗無限時催嘜野?! 無限時出面有幾多人等位都唔關我地事啦，我話"未食完"，之後個男職員話"我見你地食緊雪糕喎"，我笑住話"雪糕一定要最後先食得架咩? 點解好似想趕我地走咁嘅?! 我地仲要食菜喎"，之後個男職員大大聲對住個咪講"23號唔肯交枱"，特登比說話我地聽添，真係極之過份，想收貴啲，出啲"無限時"火鍋放題，但又要催人交枱，你咪好著數?! 無限時我坐到23:45都仲得呀，之後發現，原來職員仲偷偷熄埋我地個爐，哼，你熄咗我唔識開返咩?! 有啲咁無禮貌嘅員工，真係整臭自己個名，啲食物幾新鮮都無用，以後都唔會去呢間食無限時火鍋放題架喇😤😤😤

店裏環境好好店裏燈光係較暗 座位闊落適合 三五知己一齊來吃慢慢坐冷氣充足抽風系統都做到好好 食完唔會成身一陣味叫了 小寶套餐開胃前菜：雞翼尖夠晒入味，花生，酸辣青瓜，一次性不添食主菜：酸菜魚嚟到聞到好香魚肉鮮甜彈牙，夠大塊，夠晒滋味。薯粉夠爽口因為唔係好食得辣，叫咗BB辣，依然保留到酸菜魚嘅酸濃味打邊爐部份叫咗豬骨湯底味道非常之濃郁，夠晒味四舊大大嘅豬骨，非常足料火鍋配料主要出去自己拎，都好多選擇，丸類、菜等等餐廳嘅水餃差唔多有六七款，很有誠意尤其欣賞鮮蝦雲吞和水餃，encore 了很多次大大隻水餃，裏面好多料雲吞的蝦很鮮甜叫了幾款牛肉，肥瘦均勻，牛肉味道都唔錯飲品方面有罐裝和一些自家製涼茶，試了竹蔗茅根水，唔會太甜，夠晒清涼降火職員服務周到，主動加湯和執枱，介紹很詳細下次都會再來幫襯

一班人時不時就會想搵地方打邊爐 烚下烚下都幾開心架 我哋今次揀咗淥鼎記既堂主套餐 有一個主菜 一個火鍋湯底 超抵食架! 主菜:重慶雞煲🌶️ 食既係佢既重口味 花椒八角既味道一定要夠出夠辣先夠爽 呢個雞煲合乎曬我既標準 越食越開胃！ 雞件份量好足🐓 記住仲要留肚食火鍋呀火鍋湯底：海皇海鮮鍋 安格斯牛 廣島蠔 手打蝦丸墨丸 係我encore再encore 既配料🤤 估唔到任食既水準都唔錯 飲品櫃可以用眼花撩亂來形容 有超多選擇 私心推薦自家製既竹蓆茅根 係低糖清熱嘅選擇 甜度屬於微甜 清清地又解渴 好岩打邊爐 出面係自助形式專區 除左飲品外仲可以拎到蔬菜，餃子同丸類 魚皮響鈴稻庭烏冬咩都有 其實今時今日百零蚊可以食到咁多既 性價比真係超高 唔怪之得就算星期一晚 都全場爆滿啦

天氣涼番小小就即刻約朋友仔打個邊爐😋呢間近地鐵站好方便，仲要冇限時任飲任食，想打邊爐多數都揀佢😉「小寶套餐」包左一個主菜，可以揀酸菜魚、雞煲、烤魚等等，抵到暈。我哋叫左老壇酸菜魚，超級大盆，同去專門店食嘅差唔多。除左滑滑魚片，仲有海量酸菜、蓮藕、萵筍同紅薯粉，最特別係少見嘅花生芽，好爽好正。食完主菜開始打邊爐，澳門豬骨鍋本身已經有好多嚿大筒骨同蔬菜，好足料，煲到最後可以食埋啲骨邊肉😋肉類用QR code落單，牛肉有幾款，安格斯肥牛油脂豐富，食落無渣，安格斯牛板翼同牛板腱無咁肥，肉味濃啲。黑毛豬都好軟滑。食到咁上下，自助區仲有兩大櫃丸類菜類，自家製餃子超推介，試勻幾款都好正。次次黎食都捧住個肚走😚

同老友慶祝生日！去咗淥鼎記食邊爐放題！我哋原本想試試鰲拜餐，但原來一定要早一日預定。最後我哋唯有爵爺餐。個餐六個主菜揀一個，另外湯底揀一，亦可以加$68轉鴛鴦湯底。另外仲有一碟刺身，一碟邊爐海鮮。仲有跟餐靚牛，Häagen-Dazs雪糕，同埋部份任食嘅食材。我哋叫咗個酸菜魚，味道一般，但係D魚幾滑四。跟餐靚牛係幾正！刺身唔錯，海鮮亦好大隻同新鮮，隻鮑魚仲係郁嘅👍🏻。其實嗰餐份量真係幾足，我哋4個人食晒跟餐食物已經飽飽地。淨係可以加咗一兩轉任食嘅食物。我哋叫咗個麻辣湯底，個麻辣湯底好鹹😜！全晚我哋都飲咗好多嘢飲，第二朝都仲係好口渴。

I recently had the pleasure of dining at "淥鼎記" hotpot restaurant and I was thoroughly impressed. The newly renovated restaurant offers a warm and inviting atmosphere, and the hotpot concept is always a great option for a fun and interactive dining experience.The basic menu, priced at $368, offered a wide range of ingredients for the hotpot, including fresh and succulent seafood, juicy meats, and a variety of vegetables. I was especially impressed by the quality of the seafood, which was some of

位於旺角的火鍋放題店。餐廳供應不同配套的任食火鍋，而且更有酸菜魚及雞煲等惹味菜式提供! 餐廳座位闊落，設有不少卡位，用餐時份外寬敞舒適，真的很適合相約三五知己慢慢吃飯慢慢聊天的好地方! 當天我5:30pm便入座了，可享有7:30pm前離座的優惠。我選了《小寶套餐 $238 》(我本來以為是兒童套餐呢)，套餐包了一份主菜、頭盤四小碟及任食火鍋。…•…•…▫…•…•▫▪✨ 頭盤（主菜6選1：老壇酸菜鱸魚 /  香辣烤魚 /  水煮牛肉 /  重慶辣子雞 /  椰子雞 /  蘿蔔清湯腩煲)情迷酸菜魚的我當然二話不說便立即選了酸菜魚! 酸菜魚超級濃郁，絕對值得一試! 魚片數量也不少，切得厚薄適中，鮮嫩無比! 加上酸菜、芽菜及萵苣片，口感非常豐富!  金黃的湯底酸辣適中，不會過於油膩；但略嫌酸菜不夠酸，如果可以酸點會更惹味 ‪‪.ᐟ…•…•…▫…•…•▫▪✨火鍋湯底（6選1：胡椒豬肚鍋 / 豬骨鍋 / 麻辣湯底 / 養顏美人鍋 / 海皇海鮮鍋 / 肉骨茶鍋)我選了海皇海鮮鍋，上桌時橙紅色的湯底非常搶眼，未放材料時已先試喝一口，湯底味道清甜濃郁，很適合用作火鍋湯底 👍🏻!   ⋆  ⋆ ✨肉類及海

尋日放假，約咗朋友見見面🥰朋友book左呢間淥鼎記，餐廳環境及用色偏向中國風，幾有風格，而且坐位舒適🥰原來呢度中午時份主打點心，晚市就主打火鍋🍲我哋今次揀左入門嘅小寶套餐😋😋 點完餐之後，店員即刻奉上四款餐前小食😋小寶套餐主菜六選一（一次性）有椰子雞、藤椒烤魚、重慶雞煲、老壇酸菜魚、香辣烤魚、蘿蔔清湯腩煲🤤我哋點左酸菜魚🤭酸菜魚份量非常多，超級大碟，直程同火鍋盤一樣咁大😱魚肉勁滑又無骨，仲要好入味👍火鍋湯底六選一有鴨血麻辣鍋、花膠美人鍋、肉骨茶鍋、胡椒豬肚鍋、海皇海鮮鍋、澳門豬骨鍋，湯底令人眼花撩亂😅最後揀咗養顏嘅花膠美人鍋,花膠份量都勁多，食極都有😋😋至於火鍋配料，多達40多款；餃子都好好食佢哋啲牛肉都好高質,充滿牛味,而且肉質好嫩醬汁及配料都多達10多款，梗有一款岩你☺️全部喺自助吧區自己拎，仲有多款飲品，我幾欣賞佢地自家製嘅竹蔗茅根☺️飲左兩大杯😍下次過嚟試吓佢哋堂主套餐先，因為仲可以揀海鮮類🤤🤤📌 淥鼎記 (旺角)旺角彌敦道593-601號創興廣場5樓#淥鼎記 #創興美食 #旺角創興 #美食推介 #旺角美食 #火鍋推介 #點心 #點心推介 #中式小菜 #抵食火鍋 #yummy #牛

難得忙咗成個月之後可以見到朋友搵間餐廳可以慢慢食上網睇好多人都介紹咗呢間餐廳雖然佢係放題打邊爐，但係質素一啲都唔差仲包括埋可以先食椰子雞/麻辣雞煲/烤魚之後再轉湯底打邊爐17:30入座，估唔到咁早去到人流都唔少但好快安排左座位就開始首先上咗個椰子雞先本身諗住食2件雞就可以轉鍋打邊爐但竟然比左半隻雞嘅份量雞肉白白嫩嫩，脂肪比例平均，吾似我地平時食既黃油雞咁肥，雞肉經椰子水煮過之後，面層油份亦都唔多🐥肉質爽彈不肥，而且完全沒有雪藏味而且湯底好香椰子味🥥所以感覺很新鮮很清甜相信就算用依個鍋底吃到底都會吾錯食完雞之後，就可以開始打邊爐而外面有2個大雪櫃可以自取配菜及餃類款式種類都有好多另外可以再用QR CODE點肉類當中最為出色是牛板翼，肉質呈鮮紅色。牛味最為濃郁。飲品嘅選擇都有很多，更有自家調製嘅特飲可供選擇

經過今次，決定永久black list，「最不推薦餐廳」員工態度差，衛生意識差差評差評差評特別有位中年男員工態度差到令我谷氣到第一次上嚟比差評，如果有去過應該都有見過呢個員工，(gel all back頭，把聲沙沙地)(當日著黑恤衫、黑口罩，但冇掛名牌)貌似應該係經理或者店長，貴店真係應該好好審視下員工質素坐低拎第一轉野食，朋友拎咗一碗火鍋配料岩坐低，中年男員工就用好挑釁嘅態度同朋友講：「你會唔會太過分呢？拎咁多？仲有其他客人喎」朋友都好客氣表示咁需唔需要放返部分落去我哋4個人一碗火鍋配料我真心唔明係有幾過分呢？身為服務業員工咁嘅態度語氣，用咁冇禮貌嘅說話咁同客人講嘢又唔過分咩？火鍋配料係自助嘅，客人因應食用份量去取，又唔係會浪費，有咩問題呢定還是貴店為咗省成本，份量供應不足，反而要求客人食少啲配合呢？自助火鍋配料冇列名每人限取幾多，不過有潛規則，如果想食得開心，真係唔好去呢間，只會谷氣到成餐飯食唔落又食得唔開心。買單人均消費$3xx有服務費，但要幫貴店省啲食至於其他店員服務態度都有待改善第二件事件，張枱係正方形，唔算大，明明側邊有張細枱仔係可以擺火鍋配料上菜，朋友仲喺度食緊嘢，店員上

本身諗住黎食火鍋， 一坐低湯底都未揀，就竟然揀主菜😂。我地揀左老壇酸菜魚，尼個主菜份量十足，超大碟， 食落口魚肉非常嫩滑， 酸菜有咬口， 仲有第一次見成隻手指尾咁粗既芽菜。 火鍋湯底🥘揀左海皇海鮮鍋，橙紅色嘅湯底望落已經引起食慾。👍🏻極力推介：安格斯極佳級精修肥牛🥩食落好有奶香味。相比之下，安格斯牛板腱🥩既牛味較重，兩者食落口都唔會韌， 有番一定既水準。 自助吧簡直有驚喜， 衛生程度超水準，每樣配料都有蓋，獨立存放， 唔似一般坊間將食物外露係空氣中一整晚。另外，自助吧款式多樣，淨係水餃🥟都有五六款自由選擇， 丸類🍢就更加唔洗講，建議大家可以試下黑松露豬肉丸，芥末貢丸， 麻辣牛丸， 三款都超惹味。 整體來講，除左任食打邊爐，仲有酸菜魚/雞煲/烤魚/羊腩煲等主食任你揀。最重要係無限時，岩晒朋友聚會慢慢食慢慢傾。 💰小寶套餐（一至四）：成人 $228，小童 $158。

今日去旺角旅行社攞一啲歐遊資料。到了中午有點肚餓，突然好想飲中茶食點心，看見創興廣場一間叫做“淥鼎記” 特色手工點心，便入去食。先嚟一個荔枝奶黃球，外皮勁似荔枝，咬落去粒粒脆脆有咬口，咬開是暖暖的流心奶黃，不燙嘴，甜度恰到好處。無論外型和味道，比起其他酒樓，實在勝一籌。鳳凰鮮蝦腸粉，表面上有雞蛋絲，有蝦和菜。一啖咬落去個腸粉好滑，蝦肉又大又爽口。唔錯。流心紫薯，外形似番薯仔，外皮煙韌，咬落去，淡淡的流心紫薯，不燙口入口即溶。正。馬友肉片蒸珍珠飯，咬落去感受到好香嘅鹹香馬友味，美味肉片和珍珠飯都算多。上湯鮮竹卷：上湯鮮甜，餡料豐富。CP 值 :味道 5/5環境5/5服務 4/5（因QR Code落單）交通 5/5人氣 5/5手工點心嚟講，唔錯嘅選擇。

開個靚年！小寶套餐，每人2285:30可以入座，7:30前離座有椰子雞湯，重慶雞煲，老壇酸菜魚選擇！叫左酸菜魚，可以揀唔辣酸菜魚份量好多😻，估唔到咁足料！魚肉好滑！非常有誠意嘅四小碟有鹽酥雞，白雲鳳爪，拍青瓜，腰果花生🥜胡椒豬肚鍋，辣辣地暖粒粒！冬天食一流！基本上打邊爐野食都有！感覺好企理同衛生！紐西蘭羊肉好好食，有羊味！原來最好食嘅係伊比利亞黑毛豬好有豬味，又唔肥，個人認為比安格斯牛肉驚喜！安格斯牛肉都值得一讚有自家製涼茶竹蔗茅根好足料！打邊爐，下下火啱晒！好彩早兩日打咗嚟book位，原來已經full晒，Walk in都無位Happy hotpot night 😻

網上口碑唔錯嘅「淥鼎記」早午市提供點心，川味小食及炒粉麵類，晚市提供雞煲火鍋今次帶鍾意食點心嘅爸爸嚟試下座落創興廣場5️⃣樓，小館外觀已盡顯氣派內裡環境及座位均非常寬敞闊落，蔟新帶古色古香的裝潢夠大氣中午茶錢每位$1️⃣0️⃣餐廳人手充足，服務態度不錯==========🔹黃金鮮蝦餃 (2件) $19賣相精緻，沾上金萡蝦餃皮軟硬及乾濕度適中，做到皮薄煙韌；內餡兩隻蝦爽鮮彈牙推介指數：9/10==========🔹蟹籽龍皇燒賣 (2件) $19大大粒賣相不錯蟹籽鮮味；蝦肉彈牙帶鮮；豬肉有彈性有肉香，肥瘦適中推介指數：9/10==========🔹五年陳皮牛肉球 $28鋪面陳皮甘香牛肉球充滿蔥花及芫茜，非常香口馬蹄粒爽口；牛肉嫩滑味道層次豐富的一款點心推介指數：9.5/10==========🔹鳳凰鮮蝦腸粉 $36鋪上蛋絲，內裡包裹著大量生菜原隻大蝦爽口彈牙；腸粉皮滑帶輕微米香推介指數：8/10==========🔹抹茶旋風焗叉燒包 $29賣相得體精美，上檯時飄來陣陣抹茶香麵包鬆軟綿密；叉燒瘦而不柴，蜜汁味道調較適中推介指數：9/10==========🔹熊仔檸檬茶 $24打卡飲品，🐻仔樣子可愛；容量

新年前去咗淥鼎記食晚餐邊爐放題🥰因為之前有朋友介紹過淥鼎記嘅點心好好食！係好食到外賣番屋企都仲係keep住好味！👍🏻👍🏻👍🏻入面環境係行暗黑路線，但係座位非常之好坐同舒適放題得2個level, 最平係$268牛嘅款式有3個部位 包括係肥牛、牛版腱同牛板翼 除咗牛之外，仲有豬、雞、魚、丸、餃等 都已經好足夠😌揀好咗套餐之後就每枱都會有一份錦繡前菜而呢個前菜都做得好出色 分別有手拍青瓜、麻辣翼尖、酥炸魷魚鬚同埋脆香花生我最鐘意嘅係脆香花生💕💕面頭有糖霜脆面包住花生，好似食緊蜜糖花生咁😝😝之後係打邊爐之前仲可以係六款小菜入面揀選自己想食嘅嘢先至再打邊爐🍲除咗呢個重慶雞煲之外，仲可以揀酸菜魚同埋椰子雞🥥🐓如果人多嘅話仲可以揀烤魚或者羊腩煲添😝呢個重慶雞煲要咗小辣多麻辣味真係好輕微輕到 但麻味幾嗆口😝😝其實食雞煲好多時都係鍾意食佢嘅配料😝😝因為勁濃味 食極都唔厭🤣🤣雞件唔會冇味單調！係有醃調好嘅～同埋件件都肥嘟嘟😗除咗個前菜同雞煲好食之外 佢哋嘅餃子都好食🥰🥰餃子嘅種類都非常多😝包括有芫荽豬肉餃、鮮蝦雲吞、水餃、芹菜香西蝦肉餃、韭菜豬肉餃等…佢哋嘅餃子同埋雲吞都係皮薄多料，唔係厚皮冇料！所以食多