淥鼎記

营业中

休息中

咁岩要去旺角又好耐無食火煱，見到淥鼎記又有雞煲、酸菜魚，咩都有咁～餐廳環境好中國風好岩飲茶食點心，店員話真係有點心食不過係中午時份，下次有機會黎試下先。叫左個爵爺套餐首先有2款小食係花螺同魚皮，味道不過不失，之後就六選一主菜，因為近排食左烤魚就揀雞煲食，醬汁唔會太濃但夠惹味，雞肉肉質嫩滑，份量岩岩好，太多就食唔到火鍋，上左雞煲同時有一盤刺身入面有三文魚、帶子、鮑魚、牡丹蝦等等，質素都唔差，牡丹蝦同帶子都夠大隻。火鍋湯底六選一就揀左清清地既豬骨湯，入面包左豪華海鮮拼盤又係有蝦、鮑魚、沙白、墨魚仔、墨魚滑、蝦滑，想講唔洗再另外order 拎野食都好夠份量，仲有頂級手切牛同牛丸，手切牛，脂肪雪花狀分布平均。火鍋配料都有好多款感覺衛生，每樣食物都有膠盒封好而飲品雪櫃入面除了各式各樣的汽水、茶飲之外，最欣賞有涼茶（竹蔗茅根）飲真係好貼心食到最後仲有甜品，4款口味Haagen-Dazs雪糕選擇，只可以講性價比高！

好耐之前試過喺呢間打邊爐（另一間分店）不錯，早兩日喺網上有人介紹呢間有得食特色點心，好想試吓，於是今日決定食個中午飯，基本上中午唔使等位就入座了，到點嘢食嘅時候，發現點心選擇不太多，咁都點下啲蝦餃燒賣啦，個樣好似好靚以及嗌咗其他點心，點心先後嚟到，個樣就真係好靚喇，不過食落去淨係感覺填飽咗個肚，冇好味嘅味道，蝦餃冇蝦味，腸粉剩係得粉皮嘅味（我要點余均益先食到落口），咁多樣點心剩係得鳳爪有醬汁味因為感覺食得不太愉快，所以對用餐要求都好似相對提高，就算點心食完，啲碟擺咗好耐都冇人收走。點咗8個點心（圖示六個，唔記得影燒賣同碟菜），埋單盛惠$300，同老公行出門口嘅時候，同一感受表示，凡是不能只看外表題外話，本來係透過OpenRice book 咗三位（連埋朋友）最後因朋友臨時來不到，去到餐廳同門口職員講返嘅時候，佢話因為我唔夠人數，要取消我OpenRice Booking，當我沒有出席⋯（事實上我的確出席了）

上個禮拜其實先嚟呢度打個邊爐，先知道原來佢哋午餐時間有做點心，既然係咁，今日做返個孝順仔，帶老媽子來飲茶。🥴蝦餃🦐，燒賣🐷。蝦餃皮薄餡大，蝦肉鮮嫩，入口即化。燒賣的皮也很薄，餡料豐富，口感十分鮮美。脆網腸粉♨️，網腸粉皮薄如紙，纖維狀的內餡口感豐富，而且配上炸得酥脆的脆網，口感更佳。鳳爪排骨飯，🍚鳳爪和排骨都煮得非常入味，肉質鮮嫩多汁，而且呢度係用日本珍珠米來做，所以更加有特色。酸菜魚米線🐟，這道菜的魚肉切得非常薄，煮得剛好入味，配上酸菜和米線一起煮，令人停不下口。黑椒蒸金錢肚🥩，肉質鮮嫩，配上黑椒醬汁，口感豐富。鴨腳扎🦆。鴨腳煮得入味，撕起來肉質鮮美，配上而且裏面有各種配料，每樣都恰到好處。淥鼎記的美食是一種極致的享受, 除了美食之外，餐廳的服務也很出色，讓我們感受到了香港人的熱情和好客。如果你想品嚐正宗的廣東美食，淥鼎記是一個不容錯過的好地方。

同同事吔飯…大家話想打邊爐又唔想無頂睇…好彩而家多左好多高級dd打邊爐任食…一般開頭都會提供雞煲…熟食…刺身等等…之後就有d靚d一次性火鍋配料。食完就有d基本火鍋配料任食。今次揀左淥鼎記旺角分店。我地個餐首先就有一盤刺身有三文魚…帶子…鮑魚…蝦…等等食完就到熟食頭盤…呢度頭盤選擇都幾多…可以6揀2…而我地就點左酸菜魚…同椰子雞…酸菜魚好大盤…味道都可以。呢味野都係big6食正d。椰子雞d雞就無食…不過個湯加左奶就好好飲之後就再揀火鍋湯底打邊爐…呢度就好過出面就咁加水就算。我地要左麻辣鴨血同美人鍋(花膠湯)火鍋配料有盤海鮮包括聖子…鮑魚…蝦…再黎多碟牛肉同牛丸海鮮好新鮮…見到鮑魚仲郁郁下。牛肉都ok…牛丸反而幾好…之後再係自助區攞d丸同菜就俾KO左整體食物質素唔錯唔錯…價錢合理又封頂…唔驚穿頭落樓🤣🤣

食左貴個個餐，$388加一每位開頭黎嘅嘢都好靚但只係「送」，即係只係得一轉，冇得再叫先黎一份刺身，每人每款各一塊質素係ok唔錯嘅個啲餐前四款凍小食就無謂講，食放題唔會花容量係呢度🤣跟住就食雞煲，呢度有少少失望我地黎到見到隔離台有店員幫手炒雞煲黎到，個位後生女又冇講要唔要炒，要煮幾耐先食得，擺低就咁走左去然後我地猶豫左好耐，最終打開已經燶底🥲🥲覺得食呢個價錢唔應該係咁食完佢就執嘢幫你換，我地叫左花膠湯執嘢個位哥哥就好友善，抵讚之後呢兩份都係只有一轉，有靚牛靚海鮮其他就手機嗌同出去羅手機主要嗌肉類、海鮮等出去羅就係羅菜、丸、餃子、飲品、醬料個啲有可樂同無糖可樂值得一讚但自製飲料就都係咁上下丸類、鴨血都十分麻麻，食左一次就唔想再羅值得一提嘅係，食物種類太少睇到好多但其實好多都睇得出唔係靚嘢呢個價錢，除左上面影個三盤嘢，其他嘢都唔值呢個價錢P.s. 佢有平啲嘅餐，我冇試，因為復活節假期卜台佢話只可以嗌呢個價錢

一個邊爐2煲湯？唔係一個煲2個湯底，真係有2煲湯😂😂之前食過佢地嘅酸菜魚，今次試下佢地嘅椰子雞煲，滋潤一下，養生一下💛💛隻雞夠大隻，但皮下脂肪唔厚，夠厚肉。椰子湯底好清甜👍👍雖然話食完隻雞先開始打邊爐，但絕對唔會阻止我地點定火鍋生料，出面自助吧都有好多蔬菜和飲料。我地食雞時放多左d蔬菜一齊煮，令湯底更鮮甜。牛板踺有咬口，比較爽滑、牛板翼比較多脂肪，食落更香，2款都一樣好食。經理見我地只點牛肉，佢推介我地食黑毛豬，平時唔太中意食豬嘅朋友都大讚👍👍👍估唔到咁滑咁嫩，食落仲有幾分似牛嘅口感，但味道好出豬肉嘅甜肉味👍👍👍👍食到一半，我地換左個胡椒豬肚湯底，主力食蔬菜同餃子😋😋😋淥鼎記其中一個吸引之處就是一晚滿足多個願望😂😂😂

復活節假期我同朋友又來食啦！坐得舒服，又可以慢慢食慢慢傾非常之減壓，食物質素又keep得好好，每次來試主菜都有驚喜，每次去食都非常之滿意，下次和朋友一定必再來食

住在旺角天天觅食！知道这家淥鼎记是因为他们家的火锅放题没想到他们家还有超级好吃的早茶✨而且有几款早茶造型很好看看见了许多local叔叔阿姨都在排队黄金鲜虾饺和蟹籽龙皇烧麦才19💰带着朋友就来打卡了！我吃过的好吃的鱼肚鸭脚扎（这个鱼肚很好吃！信我）荔枝百花球（好看的咸口龙虾球）鮑魚和牛酥（这个鲍鱼甜口的我很喜欢）黄金虾饺 蟹籽烧麦 凤爪排骨蒸饭（珍珠米）流心小南瓜（真的热乎的甜口流心）太极马拉糕（松软可口不会很甜）🐻他们家这个可爱熊仔奶茶 大家来了必喝！是入口很顺滑的港式奶茶没有一些冻奶茶的茶涩味真滴是好看又好吃的一家店！

朋友想食雞煲，我想打邊爐，淥鼎記兩樣都有，於是又黎個Happy Friday Night🥳🥳「小寶套餐」$228/位任飲任食2小時，包左錦繡前菜同主菜 （6選1）。4款前菜分別有酸辣鳳爪、涼拌雲耳，辣煮花螺、枝豆。最中意食枝豆，濕潤軟糯。主菜當然揀左朋友至愛嘅雞煲，辣度有得選擇，BB辣都好夠味。雞肉好大塊又嫩，洋蔥入晒味，第一次食真係有驚喜，唔差過雞煲專門店出品。其他主菜有得揀烤魚都好吸引。「美人花膠鍋」有好多塊花膠同紅棗，淡淡藥材味感覺養生。滾到最後啲花膠入晒味軟淋淋好正。QR code落單，我哋食左10幾碟安格斯牛、黑毛豬，當中牛板鍵最正，軟滑又唔肥。精修牛都好食，油脂豐富牛味濃。自助區醬料、飲品同食材區好乾淨整齊，應有盡有。仲有自家製飲品同餃類，誠意十足👍🏻

星期五，早一星期book位，四人檯得返最後一張7點人好多，我地坐中間卡位，非常迫，其實檯唔夠位擺野，近飲品區所以係每個食客必經之路，職員又推餐車，我岀入好易撞倒人🥺前菜一般無限是任食368一位，星期五加20，另有加一，所以埋單每位426職員解釋都清楚，不過佢地好忙，檯又細，無位擺，其實執唔切。首先一個主食(唔係任食)，有幾個選擇，雞煲…，我地要咗酸菜魚，都幾好食。之後係一個刺身拼盤(唔係任食),每位鮑魚一隻，帶了一隻，蝦一隻，三文魚一件。海鮮併盤(唔係任食),賣相幾吸引，有墨魚滑，蝦滑，蜆…牛，都可以自助飲品區，有基本可樂，綠茶..自家製飲品有洛神花，比較淡味。自取任食有丸，南瓜，麵..,…有菜喺凍櫃，西洋菜，生菜…，雖然係任食，不過到9點已經唔refill最後每位送雪糕一杯整體食物ok , 唔係任食嗰啲其實質素ok, 但地方太迫，搞咁多花款，不停上菜又收碟好煩，燈光暗，樓底唔高又困聲，食完成個人都好攰😓

以金庸小說為主題的任食火鍋🌈✨🦥任食套餐有幾種，都以鹿鼎記內的角色人物為套餐名稱，非常有創意！例如：小寶套餐、堂主套餐、爵爺套餐等。而且每個套餐的價錢也抵吃，性價比高！是次選了中價的《堂主套餐》$258/成人$168/小童是餐包了任叫指定海鮮。這間任食火鍋的套餐是與眾不同，先由前四小碟開始，接著再吃六選一的主菜，然後選擇火鍋湯底，享用多款肉類、海鮮等等的火鍋配料。四小碟都是開胃小吃，辣辣的雞翼尖、花螺、木耳和枝豆。主菜六選一，包括有：椰子雞、藤椒烤魚、香辣烤魚、枝竹黑山羊腩煲、老壇酸菜魚、重慶雞煲。我們選了《椰子雞》，非常足料的椰子湯，當水滾後，放入整隻雞和沙薑粒，香味撲鼻，椰香濃、雞味鮮。當再次滾起時，在雞件上點點青檸汁，令其味更鮮更甜，更有特色！當吃完主菜椰子雞後，便可進入火鍋環節，火鍋湯底也是六選一，包搭：鴨血麻辣鍋、澳門豬骨鍋、花膠美人鍋、海王海鮮鍋、肉骨茶鍋。是次選了《花膠美人鍋》，花膠大大件，骨膠原豐富！任食食材多達40款，包括有：牛、豬、雞、手打丸/餃和海鮮類。肉類方面也有推介的選擇：安格斯極佳級精修肥牛、安格斯牛板腱、精選「盲牛」、伊比利亞黑毛豬穀餇糖裝梅頭等等，更有雞

約左friend打邊爐🍲。想搵個就腳點就定喺旺角食。上網search搵到一間叫「淥鼎記」任飲任食火鍋就去試下。「淥鼎記」喺創興廣場5樓。有好多沙發卡位，坐得舒適～我地嗌左個小寶套餐(星期一至四 19:30前離座/21:00後入座：$228/位)。打邊爐任食2個鐘。我同朋友咁啱夾到放平日，17:30去到食，啱啱好趕得切呢個優惠😍👏🏻。套餐包4款錦繡前菜同主菜（6選1）。4款前菜分別有酸辣鳳爪、花生🥜、炸魚皮及青瓜。酸辣鳳爪爽脆開胃，做前菜最適合不過👍🏻。主菜揀左老壇酸菜魚(BB辣)。酸菜魚十分滑嫩。另有爽脆蓮藕片。湯底揀左「美人花膠鍋」。勁多花膠！😍重有紅棗同杞子。真係好滋補，啱晒女士！兩個鐘放題可以任食安格斯牛、黑毛豬、羊肉片、鯇骨腩、鮮雞件。重可以任飲同埋自己出去攞其他野食添。火鍋自助區有丸類、蔬菜🥬、餃子🥟、麵類等，好多野食呀！😍咁多款飲品我尤其鍾意飲「竹庶茅根」，唔會太甜、清熱又解渴，重要真材實料！入面真係有馬蹄架！總括黎講，餐廳食品選擇多，食材夠新鮮，環境乾淨企理，坐得又舒服。重要地點喺旺角夠就腳，下次可以再約friend黎食！

同老婆星期六出旺角食嘢同行街，想食點心就選一間未食過嘅。老乾媽燒賣：一籠兩件大大粒豬肉燒賣配上老乾媽的辣醬,非常刺激,令人想一食再食。松露小梨子：是啤梨形狀的鹹水角賣相十分可愛。黑椒蒸雙肚：是牛肚及魚肚，都是大大件，醬汁香濃又夠入味。流心紫薯： 外層鬆化內層有軟糯流心，吾太甜又吾覺膩。

首先，看看醬料位置 已經有10多20款，醬料及香料選擇 。淨係見到呢個陣容，已經知道這間打邊爐店舖絕對啱對飲食有要求嘅人士說得上川粵 當然有川奧特色嘅主菜任君選擇椰子雞、藤椒烤魚、香辣烤魚、枝竹黑山羊腩煲、老壇酸菜魚、重慶雞煲以上選一，作為打邊爐前的主菜，打響美味序幕的頭「泡」選擇了椰子雞，清甜嘅椰子湯底，加上肥美嘅雞件啖啖肉。見到這間店舖嘅心思同埋師傅製作嘅湯底高水準之餘亦都不會有肥膩嘅感覺 。還有餐前小食枝豆、雞翼尖、木耳、響螺 令人開胃 準備迎接豐富嘅打邊爐。先來一個花膠美人鍋湯底舊舊花膠足料又足味加上種類繁多嘅火鍋配料打邊爐基本配料生蠔、鵝腸、海蝦、蜆、脆肉鯇魚、響鈴、炸魚皮、午餐肉、蟹柳、雲吞、餃子每一樣都係新鮮美味大量供應而且餃子類梗係手工水準啦，完全不是求其急凍貨豪華配料安格斯極佳級精修肥牛、安格斯牛板腱、精選「盲牛」、伊比利亞黑毛豬、穀餇糖裝梅頭全部都係新鮮肉味很重油香嫩滑。配上唔同嘅醬汁，更加可以令到立體之餘肉味更加突出QR code落單侍應就會好快將食物呈上枱面，所以這裏除了味道五星級之餘服務環境都係五星級。有一點必須大力稱讚就是飲品雪櫃入面除了各式各樣的汽水、啤酒

同朋友慶祝生日，朋友介紹左呢間火鍋店話食過幾次吾錯，任食仲可以坐足4粒鐘，啱哂成班人想聚聚傾計！前菜有四碟野，木耳，東風螺，雞翼尖，甜nuts，都吾錯！食完等人齊就開始嗌主菜，居然有酸菜魚食！其實仲有烤魚雞煲果啲㨂，我地㨂左酸菜魚Bb辣，辣味吾重，但成碟野都好味，有萵筍，好大同粗嘅芽菜？仲有寬粉。食完都飽左3成。佢仲送碟剌身，有大蝦，鮑魚，帶子同三文魚，都新鮮嘅！火鍋我地㨂左花膠美人鍋，上到黎即刻畢左d 湯飲，又幾好味咼！佢仲送左碟靚牛同海鮮，好滿意！之後再單點嘅牛有兩款，一款牛味重啲，一款淡啲但滑啲，各有千秋。我覺得出色過好多任食火鍋店！無論味道，坐嘅時間同舒適度仲有價錢都冇得輸，每人420左右埋單，真係抵食！