影片
以上资料只供参考，请与餐厅确认详情
每次行过，都系会有好多人排，而入面个就得8个位。今次早左收工立即试下去排，前面都有8个人，不过都系等左一个钟左右就入得。一入到去，就有一阵阵既牛香同汤底既香味，未落单已经流晒口水。睇左3个汤底，我想试下个金华火腿汤底。等待既期间，见到老细系度烧啲牛肉，睇得出佢对食物有一份执著，仲要烧左2 rounds 先拎出黎。个牛肉第一啖咬落去，啲牛油bit 晒出黎，好好味，佢仲要腌得好香。而个面都煮得岩岩好，加埋个汤底，好夹！！！我希望佢将来可以加多啲位，等我地唔洗等咁耐！
继续阅读
bookmark咗呢间好耐 次次经过都见佢排长龙今日见平日又啱啱5点几到尖沙咀就去试吓openrice写佢5:30pm开门5:30pm去到只系厨房著灯 店员仲准备紧啲食材等等吓另一个店员返嚟 叫我哋等多阵期间冇人出嚟交代过究竟几点先开门最后6:10pm先影到呢张食物相嗌咗虾面同胡椒猪肚面 每款都系$110个汤底冇想像中咁惊为天人 啲牛系几好食$110其实性价比唔高 仲要系咁嘅服务态度佢哋只有收钱嘅时候最热情系咁讲「多谢哂」总结试一次就够了😌
继续阅读
等左1个钟，小店只带田8个位置，十分干净企理。面果方面，面岩岩好，唔会太腍。虾汤浓到我系觉得唔够饮。牛肉味浓亦带丰富油脂。呢碗面真心无野好讲，自己去试，等两个钟都值得。最后俾钱两位老板仲同我讲唔好意思要我等，我只能回答：值得。其实俾劣评果几位应该系唔识食或者系心理有问题。
继续阅读
💬第三次嚟呢间三碗面，终于试埋期间限定嘅第三碗面，不过已经转咗口味 。长期排队等入座都系大众嘅感想 ，但今次趁谂关门前食最后一转，唔驶点等都系策略 。所以都系碰碰运气唔好劳气，开开心心食返碗老板用心制作嘅招牌面吧🍜———————————————————————————.🥢忌廉广岛蚝浓汤面🍜🦪💬本身都系谂住翻兜金华火腿煲鸡汤底，老板娘问要唔要试吓，又即管试吓。好浓烈嘅奶同忌廉嘅味道，广岛蚝🦪碎上，如果多两只更满足 。其实好喜欢伊面底，加埋香葱樱花虾火炙黑椒牛肉，的确系好啱自己口味🍜
继续阅读
在尖沙咀出名食韩国菜的「韩国街」，有间格格不入小店「海．三碗面」隐藏于一堆韩国餐厅和杂货店当中，每次经过都会见到排队人龙。食物贵精不贵多，店如其名只卖三款面。三款面均以伊面做底，唯一不同就是汤底，分别是海虾浓汤、金华火腿煲鸡浓汤和新口味忌廉广岛蚝浓汤。三款汤底当中最多人推介招牌▫️海虾浓汤伊面$105，除了表面舖上樱花虾，卖相极为普通。头汤清甜但鲜虾味欠俸，伊面口感亦一般。新口味▫️忌廉广岛蚝浓汤$125，卖相一样唔吸引。第一啖汤已经大感失望，不稠不浓！店家将一粒广岛蚝再细分，真心宁愿俾一整粒。每碗面都配有烧牛肉，表面舖上樱花虾和葱花；调味可以，肉质嫩滑，配菜比主菜更出色。店内一条走廊有四张二人枱，坐位比较挤拥。开门前15分钟排队，第二轮用膳等左一个钟。整体而言，每碗面价格定位偏高，份量都不多，仲要排队入座，坦白讲唔值。
继续阅读