海膽仔

营业中

休息中

新蒲崗新開咗間日本餐廳 裝修環境唔錯💭日式風格 放咗唔同嘅日本清酒🍶舖頭前係壽司吧枱 餐牌選擇好多 有刺身丼飯、拉麵、鰻魚飯、壽司拼盤、日式牛丼、親子丼等當然唔少得主打海膽丼飯☺️☺️午市套餐嘅價錢好抵啊！套餐包括味噌湯同沙律🥗味增湯有蜆肉同豆腐 都好足料啊👍🏻我老公嗌咗爆膽丼 $168海膽份量好多啊！除咗鋪咗喺飯上面 仲有成版海膽添！海膽味道鮮甜 色澤靚 高質啊👍🏻一啖飯一啖海膽 再加幾粉三文魚籽😍充滿魚油香味 好正啊！我自己叫咗壽司定食 只係$108三文魚🍣、左口魚、甜蝦、吞拿魚軍艦、鰻魚、海膽、蟹膏、太卷等左口魚同鰻魚特別好味😍鰻魚厚身冇細骨好少食到蟹膏壽司 好滿足啊！另外加咗$10 飲波子汽水✌🏻都好多款日本波子汽水味道揀！

以為6:30食晚飯已經好早，點知餐廳已經坐滿8成，店名叫海膽仔，當然要試下佢的海膽，咁我就揀左海膽三色don同刺身定食set會有湯同沙律，沙律個醬係醋黎，唔係沙律醬👍🏼 wasabi係真野黎，想流淚既可以成舊落曬🤣 講番個飯，海膽三色don既三色係吞拿魚腩 三文魚籽同海膽 料既份量真係無得彈，可以一啖餸一啖飯，全部都好新鮮刺身飯有四塊帶子，兩塊三文魚，兩塊吞拿魚 四塊北奇貝 仲有兩舊魚 加一碗飯 個刺身飯同海膽don都係一樣 除左好食都無咩好講 唯一係等得耐左少少🤏🏼 不過餐廳都坐得舒服 傾吓計飲住麵豉湯 又一晚 隔離枱叫左串燒好香 可惜個飯真係好飽 唯有下一次黎再試 走既時候先見到門口有得就咁買海鮮😍 外賣都係一個唔錯既選擇

真係好耐無食過海膽，今日就黎呢間海膽仔食個lunch. 環境唔算好大，但坐得舒服，每枱仲有一大壺熱茶，啱晒我呢d 水怪🤪。午市選擇都幾多，仲有沙律餐湯，最平既定食都只係$58.✨餐湯一般都係麵豉湯，呢個湯真係幾好飲，味道真係好清甜仲有啲蜆味，仲有兩粒蜆肉夠誠意。✨沙律醋汁夠晒多，蕃茄仲要甜身唔酸，沙律菜夠新鮮。✨爆膽丼$168: 海膽份量都唔少，三款都鮮甜creamy, 木板仔果款最正入口即溶，加埋咸鮮既三文魚籽同紫菜真係好想再食多碗。✨鰻魚芝士卷： 廿幾蚊有四件都抵食， 鰻魚肥美充滿鰻魚汁，加上cream cheese 真係無得輸。✨燒鯖魚定食$58: 呢個鯖魚燒到皮脆肉嫩，鮮味啖啖肉，點埋醬汁好送飯～雖然鯖魚係下價野，但佢整得好食過自己煮好多😆珍珠米粒粒飽滿，軟硬度啱啱好👍抵食

這間餐廳每樣食物都非常高質，好吃到離開後還記得他的味道，一定會回來再吃，高度推介。燒三文魚丼：三文魚燒到剛剛熟，油脂超級香濃，而且份量很多，每一口飯都可以吃得到三文魚。班上有陀黑黑的醬，起初我猜了很久都不知道是什麼，一吃下去大為一驚，原來是黑松露醬，第一次吃三文魚配黑松露醬，想不到是出奇的配合，黑松露醬除了可以增加食物的味道令味道更豐富，還可以化解三文魚油脂的膩感，這個配搭實在太出色，推介大家一定要試。生薑豚肉燒丼：這個飯除了豬肉和洋蔥，還充滿青椒，令到味道有更豐富，多了青椒的椒香味，豬肉也非常多，鋪滿整個飯面，醬汁甜甜的非常開胃，可以吃很多飯。炸蝦蟹子卷：這個卷物非常出色，炸蝦鬆脆，配搭飯的軟，口感有層次，沙律醬和蟹子也非常足夠。

這天在新蒲崗和客人傾完公事已是黃昏，客人邀約一起晚飯，心想這工業區有什麼好吃？但客人盛意拳拳怎好意思推卻，故答應看看你這地胆有什麼好介紹。原來他帶我去一間名為“海膽仔”的日本餐廳，幸好他是熟客，一早已訂位，要不然要像其他人在外等位了。甫進餐廳，門外已擺放了很多種類的生蠔和魚生等等。店內裝修也富濃濃的日本味道。翻開餐牌，價錢也走大眾化路線朋友叫了一客牛肉烏冬煲定食，有沙律和海鮮湯跟送，他說牛肉鮮嫩，烏冬入味可口，湯味鮮甜，他經常來這，如果不是太想吃飯都會吃這個而我則叫了一客三文魚大蝦帶子丼，同樣有沙律和海鮮湯跟送，先說份量已相當足夠，4片厚厚的三文魚片非常新鮮甜美，二大粒圓潤的帶子令你垂涎欲滴，加上珍珠米飯，焉能不飽？另有一特別推介餐紙，就是這裡主打的海膽朋友說來到這裡一定要試試這裡的主打菜，所以揀選了一客木板燒海膽，果然不愧為以海膽做招牌，沒令我失望！最後以這個價錢結賬，我覺得是物超所值了。

晚上即興和家人出新蒲崗食晚飯，上網睇到哩間覺得幾吸引就黎trytry，第一次食，真心唔錯唯一缺點就係（樓上坐位)員工幫客人倒水和裝水點解要入廁所內...問個阿姐，阿姐話得哩度有位可以咁做😬...坐正響廁所旁兩張枱客人睇到都唔敢再用d茶杯同個冰兜😅衛生方面真係扣左分(我坐樓上，唔知樓下會唔會係咁嘅情況🥵⋯見到嗰下都覺得幾”不可思議”呀🥵🥵)阿姐落單有dd甩漏...不過唔緊要，起碼有禮貌搭夠。其他環境，味道，份量，價錢等等都唔錯。壽司係手握壽司，反轉點豉油都唔會跌d魚生落黎

海膽仔😍餐廳環境不錯👍🏻仲有一個即買區畀大家買新鮮海膽同生蠔😚👍🏻嗌全日定食就會附送海鮮湯同蕃茄沙律🍅1.海膽三色丼🥰$128 呢個三色丼賣相幾靚👍🏻份量好大三色係指：三文魚子、吞拿魚蓉同海膽😚🥰海膽仔嘅海膽果然新鮮😚而且冇腥味 味道濃😉配合飯食落口好好味😚2.汁燒雞排丼😝$58 超抵食，好多塊雞排😚至少有九塊雞排嫩滑落😆個汁好香好濃味外皮脆內嫩😚正呀👍🏻👍🏻👍🏻3.一口炸芝士（8件）😚$35一口炸芝士超正👍🏻芝士控嘅你一定要試啊🥰😍一咬入口芝士醬流出，好濃郁😋炸皮不會太厚，所以做到外脆內軟喲🥰4.燒金菇牛肉串😚 $28 呢度嘅串燒都唔錯😋經典金菇牛肉串大家經過新蒲崗就去試下海膽仔啦😋價錢合理又好味👍🏻😚

今日約了住在新蒲崗的朋友一起吃晚飯兩個人都突然好想吃日本菜朋友推薦了這一間 — 海膽仔於是便來了一起試一試餐廳裝修感覺舒適海膽櫃放了不同種類的海膽 好吸引全日定食餐牌/牛肉烏冬煲定食定食包了沙律和湯和風醬沙律酸酸甜甜 開胃又清新湯汁配上份量也不少的海帶 鮮甜好喝軟綿綿的牛肉片配上甜甜的壽喜燒湯底 好味道還有娃娃菜、金菇和蘿蔔等連彈牙的烏冬一起吃 不錯不錯明太子雞翼雞翼一份兩件釀入明太子吃下去脆口又帶點鹹香三文魚 帶子 玉子 赤蝦 海膽蝦 海膽壽司配料也算新鮮 抵吃又好味最喜歡的還是海膽沒有苦味 濃濃鮮甜洋溢口中 正呀海膽手卷這款也是推薦啊 正

原來呢排新蒲崗新開左間高質日本野，價錢一啲都唔貴，lunch set 丼飯都係around $100左右。入面環境幾舒適，擺滿日本酒，感覺都當去左日本。每個lunch set 都會跟餐送麵鼓湯同沙律，叫左個黑松露火焰油甘魚丼，丼飯都好大碗，有黑松露加鮮魚子，油甘魚份量都多，原來配上黑松露都幾夾，仲有海膽添，都只係$88,好抵食！海膽有好新鮮海水味，正。壽司定食有8件，岩哂選擇困難既人，有鰻魚，三文魚，海膽，蝦，每件刺身壽司都好新鮮。我地仲叫左燒物試下，點可以唔叫燒茄子，呢個係必食，上面佈滿柴魚，如果有蒜就更好。我地都點左燒蒜，好少地方有，所以較特別同要左燒菠蘿，好抵食，埋單先二百幾蚊！

今日同朋友來到新蒲崗，係有特别任務㗎，我呢，不嬲終於海鮮，魚，蝦，蟹，海膽咩都啱，時不時就放縱一下，但有個朋友就正正相反，淨係鍾意食牛，聽我學生講呢區最近多咗間食『海膽』嘅日式店，幾好㗎。因此，今次帶朋友來，改變吓佢嘅『慣性』習慣，唔知成唔成功呢?『海膽仔』係多海膽食，但又唔係淨係食海膽嘅，仲有好多時令海鮮，日本直送生蠔嘅，為保險起見，嗌咗朋友至愛『牛肉鳥冬煲定食』，而我嘅至愛係海膽，因此叫咗個『爆膽丼』，而且叫咗份『燒菠蘿』，亦係我喜歡的食物。两個定食均包有海鮮湯及沙律，呢日海鮮湯係『蜆湯』，每個湯有2隻蜆仔，好新鮮飽滿，湯亦清甜，好飲過平時啲麵豉湯，沙律的蕃茄及菜亦新鮮，食哂。店家畀嘅份量都多，海膽以橙黃色，靚靚哋展示眼前，食落質感細膩，幾乎入口即溶，味道鮮甜無腥味，好好味啊，朋友亦讚同，佢唔使淨係食佢的牛肉烏冬，我哋就一齊share呢两個定食，開心改變了佢。

朋友說新蒲崗有間吃日式小店幾抵，見今日有時間，就去試吓！「海膽仔」近可立中學，而且是小店，但裝修也不錯😙「海膽仔」除了海膽，還有其他食物選擇，如日式烏冬，拉麵，壽司等, 而且亦有原隻生蠔！日式牛肉湯烏冬$68，有2件手卷，一份日式沙律，味噌海鮮湯...味噌湯，用咗新鮮蜆肉👍🏻沙律菜亦很新鮮！2件手卷材料也很豐，有蟹柳，黃瓜，青瓜，玉子👍🏻日式牛肉湯烏冬，湯味濃厚，份量足，牛肉不少，而且不會太薄，有牛味，烏冬爽滑！

平時真係好少過嚟新蒲崗呢邊，今日同媽咪周圍行吓順便食埋野所以就嚟到海膽仔海膽仔有全日定食供應，價錢都唔算太貴，定食套餐仲會包括埋餐湯同埋沙律餐湯係麵豉湯，裏面仲有海苔同埋蜆肉和風沙律嘅沙律菜都好新鮮，加上少少醋就更加開胃我哋叫咗刺身定食同埋松葉蟹雙重丼刺身定食有六款唔同嘅刺身，今次有三文魚、吞拿魚、北極貝、帆立貝同牡丹蝦等等刺身都好新鮮，仲會配埋一碗壽司飯，$118來講幾抵食之後就係松葉蟹雙重丼，蟹肉當然唔少得，另外仲有蟹膏個丼仲會配埋紫菜，我就會將少少飯夾落紫菜上面，再加蟹肉同埋蟹膏上去一齊食啖啖蟹肉配埋濃郁蟹膏好滿足

Lunch time 嚟食定食同散叫壽司刺身 定食--> 和風牛肉拉面 $88 湯底濃厚 牛肉!👍 份量! 👍拉面定食,跟餐有太卷2件,係好普通嘅卷壽司 另外再跟沙律同海鮮湯  沙律雖少但都唔媽呼,有幾種沙律菜同蕃茄 salad dressing更係黑醋 海鮮湯係味曾湯加棍布 另外散叫壽司刺身 火焰鰻魚壽司 $7 鰻魚芝士卷 $28 鰻魚on top 中間係個飯卷 芝士同鰻魚very match!! 火焰鵝肝牛肉壽司 $28 好似天婦羅咁,包住d餡去炸,喜出望外好好食!! 三文魚剌身 (8切) $68 切8件,件件厚度都平均 小店係唔同d,用幾多貨入幾多,d刺身好新鮮!!! 明太子雞翼(2隻) $35 

最近疫情關係晚市食肆冇堂食已經維持左兩個月，夜晚只好在家煮飯仔，呢兩個月比較少買外賣，因為外賣既食物同攞到返屋企，食物質數會隨著時間影響。例如外賣burger，意粉，我試過15分鐘回家即食，打開外賣盒burger同薯條都林晒。所以疫情之下我比較鍾意食日本菜，就算外賣sashimi and sushi 都唔怕影響食物質素。趁下午到新蒲崗逛街，本來諗住外賣壽司飯，不過見到海膽仔嘅座位都算闊落，食客之間好有距離。加上前舖有一pack pack 海膽，三文魚同蟹膏賣，吸引左我入去。最後決定坐低食， order左超多份量海膽飯，刺身飯。刺身都有幾多選擇，包括大蝦、帶子、三文魚、北寄貝、吞拿魚同鯛魚。大蝦同帶子都係厚切，好有光澤。set lunch 丼飯超多，食飽個肚脹卜卜, 加上有tomato salad, 蜆肉湯。海膽飯海膽既份量超滿足, 大大塊creamy。set lunch 除左sashimi and sushi, 仲有熟食, 不過當然撐至愛既魚生。

海膽仔 地址: 新蒲崗衍慶街2-32號新蒲崗大廈地下Q號舖電話: 63773038睇個名就知食乜啦，除左魚生飯仲有日式井飯同拉麵小食。最平$58竟然有一碗灸燒三文魚飯啦！因為我腸胃天生唔好，食熟食先得， $58 和風牛肉飯 同$58 生薑豚肉飯 ，一份自己一份買比屋企人，就可以交換一齊品嚐。帶點脂肪的豬肉片，汁微微的甜及小小薑味，日式醬油總覺的與白飯絕配。牛肉同樣都是薄片有點脂肪，與醬汁夾埋一齊天衣無縫。$35 炸雞6件，是日式的炸雞塊，沾了麵粉再炸香。以前去日本街邊檔都會點份邊行邊食，$35 章魚燒懷念一下，中間有粒章魚肉，其實最好食係個汁同紫菜碎。