海膽仔

营业中

休息中

諗住同老公同仔仔去野餐，買少少壽司去食下都好！經過新蒲崗，Openrice一search就見到海膽仔，望落餐牌好似好吸引咁，就一於試下佢先！壽司即叫即整，10分鐘拎得，果然有效率！材料好豐富，第一次食蟹膏軍艦啲蟹膏多到咁，滿滿的，唔呃枰炸蝦卷到食果陣竟然仲好脆喎！有驚喜！鰻魚卷可能因為有芝士喺入面既關係，成個口感好濃郁，好creamy，正！另一樣驚喜就係手卷係紫菜同涵料分開，就算放左一段時間，到食果陣紫菜依然好脆！加分！

終於等到假日，可以慢慢逛街，出街食埋晚飯都得，唔使六點鐘前走鬼！今日係舊區新蒲崗食晚飯，惜日米線舖已變為日式料理店，食日本丼物亦好遮。我選咗銀雪魚定食，因為我想食熱嘢，想起銀雪軟滑魚肉，就點佢。［西京燒銀鱈魚定食］$98銀雪魚碟頭比照片更大，份量很適合女士，就對男士來說就略為少一點。銀鱈魚用牛油煎香，皮脆肉嫩，非常嫩滑，味道加埋啲醬汁，又香又甜又好味。凡點定食，丼物或拉麵都會包埋前菜沙律，熱湯。沙律同湯一齊來，加咗醋汁的［沙律菜］爽脆，蕃茄多汁。［鰹魚蜆湯］清香熱湯，海帶味相對地濃郁，還有兩隻肥肥的蜆肉，清甜。大人選咗［松葉蟹雙重丼］$128 我d 懶人最適合食呀（唔通佢叫埋比我食），唔使自己拆蟹殼。 蟹肉甜，結實，輕輕的蟹味，對比下蟹膏便勝了一籌，啖啖甘香蟹膏，味濃，柔軟，撈飯食，加埋少少帶鹹蟹子，好味，用紫菜包住食更好味，正。 雖然今次無點海膽，留番個藉口下次再來食。

海膽是日本料理中，個人最喜愛的一款食品，不過價錢不是平民化，只可以久不久吃一些。最近看到新蒲崗出現了一間以海膽為主打的食肆，便專程來到，試過究竟。店內除海膽之外，還有銷售生蠔及三文魚，可以外賣及堂食。爆膽丼$168，顧名思義以海膽為主，用的是加拿大海膽， 尺寸比日本的海膽大一倍以上，味道鮮甜，一口海膽，一口壽司飯，簡直是人生一大樂事。海膽三色丼$128，吞拿魚腩、三文魚子及新鮮海膽，只需加點日本芥辣及醬油，完全是一個無敵的海鮮美食。沙律🥗以蕃茄和沙律菜，配上酸汁，令胃口大開。海鮮湯味道鮮甜，最重要是熱騰騰的。

特登飛入去新蒲崗就係為咗食海膽🤗呢間海膽算唔錯 價錢只係$168就可以食到三款海膽 分別有加州、日本同加拿大款款都幾鮮甜 最緊要唔會有腥味同臭味 嗰類型嘅海膽食過都唔想再試😐每款海膽都有佢特別嘅顏色加拿大🇨🇦係鮮橙色 有啲係橙啡色 新鮮程度尚算不錯！呢度每個丼飯亦都會跟一個前菜同蜆湯前菜係鮮蕃茄沙律加上柚子醋汁👍🏻👍🏻另外松葉蟹雙重丼真係夠巴閉😎職員已經預先將蟹拆解 有蟹殼蟹鉗同蟹膏蟹肉🤪淨係影相畫面都夠豐富味道尚算清甜但我覺得仲爭少少海水味同鮮味先最完美不用加太多芥末豉油 都好足夠值得一讚喺呢度嘅丼飯飯量好多😂絕對食得飽😀👍🏻👍🏻飲埋杯熱茶就夠暖胃

新蒲崗竟然有間質素唔錯嘅日式小店。佢有多款全日套餐，有刺身定食壽司定食及熟食等等，非常多元化🙂價錢係呢一區來講唔算平，但係食完之後覺得質素唔錯，都值。刺身定食$118我覺得呢一個相當抵食！因為刺身非常之多，而且新鮮，樣樣都好食。有牡丹蝦，鮮甜大隻；有四片帶子都非常鮮甜；兩片厚切三文魚夠肥美；北寄貝有四片，亦都唔錯，另外仲有吞拿魚及白身魚。海膽三色丼$128嚟海膽仔梗係要叫返個海膽。呢個飯有海膽、三文魚子及吞拿魚蓉。我個人覺得吞拿魚蓉好食，用嚟撈飯相當唔錯，味道新鮮。三文魚子都夠鮮味，海膽我反而覺得相對地普通。套餐包沙律及湯，幾好！

放假約咗友人去行山，上網見到附近有間日本餐廳，就拉埋友人喺出發前試下先。餐廳佈置充滿日本風， 無臉男嘅擺設好得意。全日定食set有十幾款，配有和風沙律同餐湯。野菜沙律好新鮮爽口，淋上沙律汁味道夠酸好開胃。麵豉湯嘅湯料好足，有軟滑嘅豆腐粒、脆嫩嘅海帶同鮮甜肥美嘅蜆。一場嚟到梗係要試下招牌海膽，我就揀咗海膽三色丼。三色主要係指海膽、三文魚籽同吞拿魚蓉。海膽顏色鮮明，食落好鮮甜。三文魚籽粒粒晶瑩通透，喺口中爆發濃郁鮮味。吞拿魚蓉份量夠多，用嚟撈飯一流！友人揀咗壽司定食，總共有八款共九件。每款壽司份量十足，刺身肥美，鮮味濃厚。最特別係有一款蟹膏壽司，入口有陣陣濃郁嘅香味，好好食！

因為要去九龍城處理些事情，所以就順便去位於新蒲崗嘅「海膽仔」吃Lunch 先，因為之前朋友介紹那裡的海膽幾好食🙂「海膽仔」店舖不大，但有bar 枱和入面也有幾張枱，堂食也合適的！他們也有外賣，生蠔，刺身等啊⋯⋯來「海膽仔」一定要試爆膽丼啦🤩$168 有一份日式沙律，味增海鮮湯或加$5 有一罐汽水或加$10轉波子汽水😋味增海鮮湯，鮮味足，蜆肉又新鮮日式沙律，沙律菜夠新鮮有兩大片蕃茄，作前菜夠醒胃😝爆膽丼，名副其實的爆膽丼，海膽份量足，又又大片，新鮮冇腥味👍🏻

新蒲崗出名多嘢食今次嚟到試吓呢間主打日式菜式嘅海膽仔價錢好抵食，最平$58就有交易餐廳每日都會有新鮮海鮮時價出售價錢望落好抵食餐湯好鮮甜沙律食落酸酸美美亦都好開胃前菜方面叫咗個日本海葡萄感覺好似去咗沖繩咁喺口入邊一粒粒爆開感覺感覺好得意海膽蝦壽司水準亦都唔錯三文魚腩手卷三文魚份量都好多煮食叫咗個秘製牛舌粒拉麵牛舌份量非常之多每一塊都係厚切口感好好最誇張係佢有個蘿蔔，醃製非常之入味將一個係白色嘅蘿蔔染成咁深色都想要相當耐嘅時間所以做到相當之入味另外跟餐會附送兩件太卷而另一個主食就叫咗刺身定食配白飯刺身嘅份量非常之多質素亦都係好好望落去好大件同埋好新鮮另外仲有大量嘅冰去將佢保鮮而擺盤亦都相當之好分量十足價錢亦都非常之親民

好耐冇食日本嘢，今日專程同朋友過嚟食個便飯，呢間海膽仔有多款熟食或刺身定食可選，價錢由$58起，不過我哋就梗係揀刺身啦！每個定食都會附送沙律同埋湯，當我以為係麵豉湯嘅時候打開竟然係蜆肉湯，出乎意料之外，都幾鮮甜，豆腐又夠滑，仲有少少海藻，唔錯唔錯。至於沙律就冇咩特別，都係沙律菜、蕃茄加上醋汁等等，都開胃嘅。刺身定食($118 ），有三文魚、煮王（我都唔係好識呢隻魚，係師傅教我的，唔知係咪咁寫呢！😝）、赤蝦、北寄貝和帶子，款式來講都算幾多，食材新鮮，而且碗飯仲好大碗！除此以外，間鋪叫得海膽仔，我梗係要試吓佢嘅海膽，佢有兩個定食都有海膽，最後我哋揀咗「爆膽丼」（ $168 ），果然勁多海膽！仲有魚子添！海膽有兩款，有塊版墊住嘅係加拿大海膽，另外直接放喺塊面上面嘅係加州海膽，兩者顏色上有少許分別，前者顏色較深，不過兩種都好鮮甜肥美新鮮，食得出加拿大海膽質地相對爽口啲。呢個價錢食到呢個份量和質素，好滿足呀！而且佢仲有得買外賣，如果唔得閒坐低食，買返屋企都好好呀。

大胃報復式狂食晚市，呢餐係第二日，冇得返鄉下，唯有連續兩晚都食吓家鄉菜啦，今次就去專食海膽嘅日本餐廳先睇到餐廳名，自然就會想食佢啲海膽，一嚟就爆膽丼，海膽大塊得驚人，肥美軟軟的攤在丼上，等待住食客蹂躪吞噬，但佢鮮味不帶腥味，大胃會好好地㗳真啲牛舌丼價錢唔貴，睇色水就知相當入味，蘿蔔入晒味啡晒，牛舌亦炆得軟身同濃味，鍾意腍身嘅朋友可以一試雖然兩個飯都好大碗，但都係想食吓壽司。左口魚邊係大胃必叫之一，呢間整得幾出色，油香同醬汁配合得好好另外，鵝肝鮮肥不在話下，配上燒汁簡直更上一層樓跟餐有埋沙律同湯送，配角嚟講，佢地絕對係搶fo，沙律新鮮得出奇，蕃茄尤為鮮甜湯更加估唔到唔係味噌湯，係蜆湯，簡樸得嚟又夠晒清甜要食嘅朋友可能要bk定位先，佢地未必接街外客㗎

這次在新蒲崗附近覓食，在可立中學附近有家日料小食。店舖環境不算很大，坐位大約有十多個🙈。除了堂食也有外賣供應。餐牌上有多款定食選擇，也有壽司/小食/串燒等等。💥刺身定食 HKD$118，上菜時看到大大盤的，裡面份量十足有多款不同的刺身。包括有：三文魚/油甘魚/吞拿魚/北寄貝/帶子/大蝦，刺身食材新鮮鮮味，簡單地配醬油吃已經不錯，吃完這個很飽😋。💥壽司定食 HKD$108，這個一份有十件壽司，包括有：海膽2件/三文魚/大蝦2件/帶子/鰻魚/吞拿魚蓉/卷物2件。食材也很新鮮，賣相也不錯，配醬油吃味道更鮮味😙。隨定食套餐會附送麵豉湯和沙律的，我們也吃到飽飽🙈。食物質素不錯，價錢一般，職員服務有禮😆。

成年無得去日本，去開新蒲崗發現新開日本菜，即時去食下先！門面簡約日本風。一睇以為只有外賣（有刺身便當，又有壽司，仲有蠔），都幾方便附近既工廠客。原來再行入啲係餐廳，餐牌選擇唔少，坐位寬敞。黎得海膽仔就梗係一定要食下海膽。今日叫左刺第定食同海膽三色丼。兩個set都包沙律同蜆肉麵豉湯。睇得出有心機整，沙律菜都非常新鮮，食到sok sok聲。海膽三色丼有海膽、三文魚子、吞拿魚蓉。海膽色澤光亮，味道甘甜，質感細膩，入口即溶，三文魚子粒粒都好飽滿，加埋新鮮充滿油脂感既吞拿魚蓉，配飯jeng呀！刺第定食有三文魚、油甘魚、帶子、吞拿魚 、蝦、赤貝，非常鮮甜，份量不小。帶子非常大粒，真係好滿足哦。同埋都要讚一下貼心既服務，洗手間都好乾淨。

之前食過呢間，覺得佢既熟食唔錯，今日試埋魚生同壽司先！叫左海膽三色丼有一板海膽，魚生蓉同魚子，餐廳主打海膽仔個海膽果然係唔錯，好夠新鮮，配埋魚生蓉同大大粒既魚子，每一啖都好幸福係跟沙律同海鮮湯海鮮湯有蜆肉，好夠料，鮮甜又夠熱百幾蚊有呢個質素lunch set性價比真係幾高！黑松露玫瑰花之戀賣相好精緻，比較得意既係用左吞拿魚，唔係三文魚，同黑松露都幾夾，仲有淡淡既玫瑰香中拖羅壽司 本身想叫大拖羅，但無貨就試下中拖羅，無咩根，幾夠嫩唔洗加一，開心😆😆

冇得去日本旅行好思鄉😢就嚟到呢間日本餐廳一解思鄉之愁😆一入到去見到有好多唔同海膽、壽司、丼飯，任君選擇🤙🏻裏面裝飾都好有日本嘅感覺😍今次我哋嗌咗三個定食，每個set都包湯同沙律😚個湯好足料，蜆都好新鮮🤩第一個set係刺身定食，有三文魚、吞拿魚、蝦、北寄貝同帆立貝，特別一讚帆立貝好大粒好鮮甜😚由於係定食，本身會附送埋一大碗白飯，大食嘅朋友都唔怕唔夠飽～呢個定食性價比 💯 第二個就係壽司定食，包咗餐廳招牌海膽壽司。另外想特別介紹蟹膏壽司，啖啖蟹膏味道好濃好新鮮😋仲有鰻魚壽司係去咗幼骨，鰻魚汁味較重😝而吞拿魚壽司同刺身食落口感唔同，個人嚟講比較鍾意壽司呢款比較幼細嘅口感~到最後就係日本黑豚肉眼定食。有秘製醬汁同沙律醬配搭，黑豚肉熱辣辣，炸得非常香口😝整體而言呢間日式餐廳都幾抵食，值得一試！

上星期六去咗新蒲崗食壽司。當日星期六，keep住好多街坊客，生意幾好。佢個名叫得海膽仔，梗係要試下佢嘅海膽啦！ 我叫左海膽壽司。佢舖左好大舊海膽喺面！個海膽好creamy, 好棉，好鮮甜，一啲都唔腥。不負佢叫海膽仔呢個名。其實佢仲有一板板嘅海膽比你takeaway。有墨西哥嘅，又有北海道嘅，總有一款啱你。串燒我叫左豬肉露筍卷。佢燒到剛剛好，好香口，露筍都好嫩口，冇渣。最後，我仲叫左牛肉烏冬鍋。個鍋有好多片牛，油脂分佈平均，冇根，牛味夠，幾好味。烏冬份量好足，塞滿個鍋甘濟，烏冬彈牙。個湯底係咸咸地嘅豉油湯底。配茶有幾種蔬菜。呢個烏冬鍋性價比幾高嘅。講埋餐廳環境啦，入面四四正正，有六張枱到，位同位中間都唔算迫嘅。餐廳衛生都幾好，連厠所都清潔得好乾淨。