海膽仔

营业中

休息中

☆ 海膽仔新蒲崗衍慶街2-32號新蒲崗大廈地下Q號舖✦ 倍化帶子吞海膽勁大隻帶子，夾住一大pat海膽，2樣都鮮甜真係好鬼正(〃ω〃)✦ 秘製牛舌丼定食估唔到咁好食！個牛舌超級厚，但佢厚得黎好淋，同埋好入味，真係好好食，伴飯個2舊蘿蔔都好好食，價錢又平，而且仲跟埋沙律同湯，呢個真心推薦！✦ 混合海膽沾麵呢樣有少少失望，個湯底無乜海膽味，反而食個時覺得似龍蝦湯，同埋個麵可以處理得好d，因為佢一餅野咁痴住晒，好難一注注咁夾到，整體味道唔算差，不過同牛舌丼比較就即刻比下去。本身以為呢到會有好多海膽食物，不過又比我想像中少，反而個牛舌真心好食，但係餐廳位置比較隔攝，座位之間都坐得有少少迫，如果諗住特登去試下海膽我就唔太建議。

早前4人行經新蒲崗被店鋪海膽吸引左所以試食呢間小店我地叫左一d熟食 亦有壽司特別推介帶子吞海膽三文魚帶子飯！燒物都不錯另外 麵豉湯都好出色至於其他壽司 鍋物則一般 不太需要點太多

今日男朋友生日，佢話想食日式料理，表妹介紹附近有間唔錯嘅日料所以就就過咗嚟。一睇個菜單就覺得呢間舖頭總體價錢唔算太貴。入到嚟啲服務員都好熱情，我哋叫咗兩個定食，一个刺身丼，一个松葉蟹丼。首先上嘅係兩碗海帶湯同埋沙律，個海帶湯好清甜，入邊有豆腐，花甲，個發夾好肥美，冇沙，同埋個豆腐都好嫩。好快就到重頭戲啦， 一上嚟個刺身簡直經驗到我，佢啲刺身係厚切㗎好厚嘅一块，一啖落口超滿足。同埋啲刺身都好新鮮食唔出有腥味我最鍾意食個三文魚同帶子，其他朋友都話係好鮮甜嘅。跟住到我個松葉蟹上嚟，個蟹蓋上邊滿滿都係蟹膏，见到好興奮。蟹肉蟹膏撈飯好正，平時唔鍾意食飯嘅我都食晒一大碗飯。同埋佢哋嘅松葉蟹好用心咁，因為個蟹鉗一上嚟就係可以直接咬到塊蟹肉，唔需要剝殼，我覺得真係好用心。最後想講吓飯入邊撈蟹肉蟹膏再加塊酸姜，一啖食落去嗰種味道係出奇的好食。

刺身定食🦑🦐🐟🦀好似啲emoji咁，盤刺身定食乜都有，啱晒我哋呢啲有選擇困難症嘅人！！所有魚刺身食落好鮮甜，有咬口得嚟又冇筋，感覺新鮮又靚～ 比較深刻嘅係帶子，大粒得嚟，食落覺得幾甜嘅，好似食緊糖咁～🍬🍬🍬火炙三文魚腩壽司🍣同行友人摯愛三文魚，唔叫唔得！！🤪但係食落又真係有煙燻同鮮甜嘅味道，仲要有少少入口即溶嘅效果，我覺得又OK喎～😎 起碼冇後悔叫咗先啦！🧐牛油果軟殼蟹卷 / 鰻魚芝士卷牛油果同鰻魚係我摯愛，基本上佢正常表現，我都已經會like❤️ 仲有軟殼蟹同芝士各自幫到嗰兩款配搭好多，豐富咗啲味道唔少～海膽花之戀壽司🌷邊個話花之戀淨係可以得蟹籽同埋沙律醬，仲可以有海膽～ 嚟到呢度冇可能唔試佢嘅海膽，咁佢嘅海膽有返少少我鍾意嘅海水味之餘，亦都鮮咁嘅，起碼唔腥先！！！我都覺得唔錯嘅～～～

今日去到新蒲崗搵朋友住附近既佢話今日帶我去食一間高質日本店就一於試下有多款刺身選擇，亦有當日廚師之選由廚師發辦，保證食到最新鮮既味道壽司，卷物，炸物，一品料理應有盡有獨眼龍(生蠔)生蠔有多款選擇，喜歡creamy口味既我揀左呢款非常新鮮，建議只加上檸檬汁食就足夠原汁原味燒左口魚邊丼左口魚邊燒到半熟佈滿丼飯油香四溢，滲入飯中再撈均食好惹味壽司全部都好高質，材料新鮮廚師功力深厚壽司比一般食到口感更好另外想推薦鵝肝！燒到外脆內軟超肥美倍化帶子吞海膽漢堡就食得多帶子漢堡真係第一次食！好有驚喜海膽完全唔腥鮮味直衝上腦第一次有呢種感覺海膽仔果然名不虛傳！

❄️❄️天氣炎熱🥵的一個中午🌤，聽見蟬在叫。七彩魚旗飄呀飄🎏！迎面海風吹呀吹🌊，是大海啊！🌊大海嘅涼風！刺身嘅鮮甜😋！放假嘅心情！沖繩啊！小編嚟喇！哈哈😄！小編連發夢都掛住家鄉😭！今天就同大家分享：慰籍心靈系列~居酒屋🎏。昵家小店位於新蒲崗，除咗七彩和風旗布，仲有Sake，仲有好多海膽生蠔🦪和鮑魚㖭😍😍！🐟🐠🐟🐠🐟🐠🐟🐠🐟🐠🐟🐠🐟🐠🐟✳️爆膽丼 HKD$168 (少飯、配和風沙律及日式餐湯)===========================超大份肥美嘅海膽好放鬆咁灘左喺丼飯上面🤩！天呀☁️！有無咁浮誇呀🔥？海膽上面仲有魚籽。小編食到海膽味有不同，查詢店員後果然丼上有兩款海膽，一款來自加拿大，一款來自韓國。海膽入口即化，好Creamy🥰、甘香鮮甜😍！配少少飯和紫菜😋😋，小編形容唔到喇🤣！食喇😂！✳️倍化帶子吞海膽 HKD$88===========================😍簡直❤️❤️👀到爆炸✨！倍化啊！大大隻嘅鮮帶子夾住一大堆海膽😱！帶子大隻到要分兩啖先食得曬(其實都唔捨得兩啖食晒😂)！送入口果剎那，帶子嘅新鮮同海鮮甜🥰先刺激味蕾，繼而舌尖就即刻感受到海膽嘅甘香甜！居然完全沒有腥味和苦味

今日入咗去新蒲崗食間出名sell海膽、日本刺身嘅餐廳，係鑽石山站落車行過去大概15分鐘，如果唔想行有70小巴轉入去。去到附近都好易認到個門口，好大隻海膽仔嘅圖，加上係黃色嘅背景🐱我哋行入去行到都好肚餓，叫左好多野食，餐廳嘅食物款式種類都好多，重點有海膽刺身魚生、壽司🍣丼飯、串燒、天婦羅🍤沙律，仲有吾同日式嘅小食和主食。海膽都有幾款選擇，分別黎自加拿大海膽、韓國海膽以及墨西哥海膽，因為我哋都想試唔同款式嘅海膽，所以我哋就叫咗個海膽三色丼，丼飯就有唔同款式嘅海膽，都好新鮮而且鮮甜，加拿大海膽就會比較重海膽味，啱啲鍾意食重味嘅人😻另外我哋仲叫咗個燒三文魚丼飯，燒汁都好夾個三文魚，燒三文魚皮都好滑，好有骨膠原❤️三文魚當飯頂仲加有黑松露醬，令到成個丼飯更加香👍🏻另外去到日本餐廳食串燒同埋壽司都係必點，今次就叫咗金菇牛肉村同埋帆立貝串燒，佢哋燒汁都好香，唔會燒到好窿！壽司我哋就叫咗鵝肝壽司、鰻魚芝士卷😋鵝肝壽司也是推介❤️❤️鵝肝非常肥美入口即溶，加埋佢嘅燒汁都基本上唔洗點豉油😌仲有叫咗隻原隻虎蝦天婦羅同埋炸雞軟骨，手卷方面就叫咗一個海膽手卷同埋炸軟殼蟹手卷。個炸雞軟骨非常有驚喜，跟本身就好鍾意食雞軟

#海膽仔❤️今次講嘅係位於新蒲崗嘅日式店💕海膽仔🤤🤤位置比較偏僻 但係絕對值得一試😻😻完全係性價比極高嘅平民日式店❤️❤️店內裝修仲要好靚 好似去咗居酒屋嘅感覺😚😚坐得幾舒服😌餐牌有好多嘢食俾大家選擇😌😌絕對有一款係啱你食 因為凍食定係熱食都有😚😚刺身定食 $118💰（8/10）刺身定食好大盤😻😻佢可以跟一碗壽司飯 份量好十足🤤🤤配埋沙律🥗湯🥣刺身分別有三文魚❤️吞拿魚🧡油甘魚💛帶子💚牡丹蝦💙北寄貝💜塊塊都係厚切㗎🤤🤤每款都好新鮮 仲要牡丹蝦係好大隻 好鮮甜🥰🥰帶子好鮮甜 配埋個壽司飯真係好飽肚同埋好滿足😋😋而湯入面仲會有兩隻蜆係入面🤤🤤好好味 最重要係無沙😚😚性價比極高 呢個價錢超值☺️☺️壽司定食 $108💰 （8.5/10）呢個賣相好靚😻😻仲要每舊壽司都大大舊🤤🤤Total有9舊壽司🍣分別有海膽🧡三文魚❤️蟹膏💜鰻魚💙吞拿魚蓉💚赤蝦💛三文魚大卷🧡左口魚邊❤️海膽好大舊 好Creamy 放入口係好似喺個口爆岀嚟🤤🤤好滿足‼️三文魚都係好厚切 好肥美✨✨鰻魚都好厚好肥美 配埋鰻魚汁好Juicy😚😚蟹膏就好大舊 好香蟹味 好滑好濃味☺️☺️好滿足阿‼️‼️‼️爆膽丼 $168💰 （8.5/10）呢個真係不得了✨✨

久聞友好食家都讚不絕口,今日週三非假日趁可提早放工,五點半直接踩場,門外已人頭湧湧,原來是光顧外賣海鮮水產,侍應姐姐安排了一張二人枱,當然二話不說立即入坐點菜。看見週邊的食客滿枱魚生刺身、串燒、定食、小吃等看似很豪喎,再望清楚餐牌真有點難以置信,價錢是這麼親民,怪不得大家都叫滿全枱。首先點了這裏的照牌菜色倍化帶子吞海膽,上枱簡直是KingSize又厚又肥大的帶子夾著鮮味海膽已經立即刺激起友人的食慾,另一牡丹蝦刺身,簡直perfect, 每隻也只不過$38,真抵食,再來四份串燒包括:一口和牛、鹽燒牛舌、五花腩肉和帆立貝,除了燒得惹味更啖啖肉,食肉獸必選,前菜差不多了,要試魚生啦,但見大大份的海鮮刺身和海膽三色丼定食,都只不過佰多元,實在忍不住要試試,真不相信是如此大堆頭,除了有睇頭最重要是好味,首先刺身定食有兩隻手掌般大的赤蝦,厚切的吞拿、三文魚和鯛魚更有多片北寄貝。另一份定食有細版海膽、大大粒的三文魚籽配吞拿魚蓉,令整個定食好creamy好夾,而且定食更包足料蜆肉麵豉湯,而和風沙律也不馬虎很清爽,其實而經差不多啦,但一場來到當然要試埋天婦羅的炸功,就叫了一客什錦天婦羅,端上枱已感熱騰騰

搬出黎住，外賣少不免，中西日韓成日輪住loop, 呢晚老公話不如喺佢放工附近外賣日本野番黎食，因為長期食屋企附近食到無心機。新蒲崗間海膽仔唔算好方便，不過出名到我都知（附近好似有個日式庭園）。老公放工去拎外賣，叫左主食爆膽丼，同叉燒拉麵，一個生一個熟，試下手勢先，老公話兩款海膽都好鮮甜，大大件，店家好用心用保鮮紙包住紫菜！而我個叉光拉麵就仲keep住熱辣辣，湯同面分上，湯頭好濃豬骨，唯一美中不足係塊紫菜唔夠脆。淨係食海膽唔夠嘅，魚生fans仲叫埋壽司，有三文魚腩，油甘魚，帶子同埋赤貝壽司，壽司魚生都大大件，好抵食，熟食就叫左鰻魚芝士卷同雞軟骨粒，兩樣都好好味呀!唔知份量原來咁足，下次再試下其他野先。

呢間位於新蒲崗嘅海膽仔，係朋友推介我哋過嚟食㗎，餐廳充滿簡約時尚的和式門面和內部裝修。三文魚大蝦帶子丼，帶子潤白且有光澤，味道鮮甜，三文魚厚切，口感腍滑， 細膩。丼飯附送沙律和海鮮湯。細池魚刺身池魚口感結實，厚切更帶出魚的鮮香味。三文魚子軍艦魚子新鮮，咬落卜卜脆。鰻魚芝士卷入口即溶嘅芝士和甘香嘅鰻魚配合得剛剛好。吞拿魚壽司賣相新鮮，口感細膩，雖然是厚切，但不會感到肥膩。燒原條鰻魚經火燒過，油份被逼出，格外甘香美味。日本獨眼龍非常新鮮的生蠔，口感即鮮又甜，還有微爽的感覺。飲品方面，我們要了木村水蜜桃味汁，都幾好喝，蜜桃味很濃，像喝鮮蜜桃汁似的。西瓜味波子汽水，有少少西瓜味加埋鹽味，真係好日式的食法。菠蘿味波子汽水，菠蘿味很甜，值得再試。

想食海膽 結果黎左依間海膽仔 入到去見到好多海鮮刺身可以買番屋企外賣 後面先做堂食 食物種類都幾多下 除左 刺身 壽司 刺身丼之外 佢都有做串燒 定食 拉麵 天婦羅倍化帶子吞海膽 $88聽到個名都覺得殘忍 接受唔到既人可以留比我食 帶子好大舊 夾住海膽一啖咬落去 一個字好甜 但帶子略嫌唔夠鮮叫左兩個丼 都係配沙律同湯 依到既湯係蜆湯 有鮮味 唔似麵豉湯咁咸三文魚大蝦帶子丼 $88份量正常 三文魚食落去好肥美 唔係放題店貨 帶子食落都係咁甜 大蝦得一條 同埋有好大條蝦腸 建議蝦份量可以多少少同挑走蝦腸爆膽丼 $168想食海膽既一定唔可以錯過 睇圖都見到有七八舊 食落creamy幾甜 係少左啲海膽既鮮味

海膽仔位於新蒲崗，由啟德站行去只需要8分鐘左右。大家去之前最好要訂定位，雖然餐廳有兩層，但walk-in都有機會等好耐或者冇位。主打海膽當然要是唔同款嘅海膽啦，另外仲有唔同款嘅新鮮生蠔、刺身。而且每日有唔同嘅空運海鮮（飛機貨）。今次我哋叫咗海螺、深海池魚兩款刺身。最特別係池魚刺身，店員話可以2食，先係幫我哋切片魚生，然後將魚頭湯魚尾拎去煮魚湯。鴨肝方面，煎得好香，外脆內軟。至於串燒方面，叫咗荔枝煙肉，食落一般，因為荔枝太甜，唔夠香，而且煎得唔夠熱。

今日同屋企人去新蒲崗呢邊做完嘢屋企人話想食魚生上網睇到依間海膽仔 全日定食非常吸引我哋二話不說入咗嚟試試每款定食都跟埋湯同前菜我哋叫咗刺身定食甜蝦超大隻呀 咬落好肥美鮮甜北寄貝正正常常 值得一讚嘅係吞拿魚刺身脂肪適中厚切而且好味我同屋企人都大贊另外日式餐廳唔係傳統嗰種味珍湯而係蜆味好重嘅清湯啲蜆都好足料啊呢個湯都幾好飲燒左口魚邊丼滿滿嘅左口魚脂肪比例少 咬落比較硬身 但醬汁好香甜 伴飯好好餸口香芒花之戀芒果好甜！三文魚夠肥美 油脂味香濃推介！最後我哋仲試咗串燒菠蘿串燒 燒得啱啱好咬落仍然Juicy冬菇串燒 比較普通 略嫌乾身而且佢係配搭木魚碎 個人認為加番啲燒汁會更加好整體黎講依間餐飯嘅食物質素中上大家可以黎一試呀

【新蒲崗 海膽x生蠔隱世食店】最近去開新蒲崗的隱世名牌中古店  買2手名牌衫。去開新蒲崗，順便試下一間Bookmark左好耐嘅日本料理小店，可以食到日本生蠔同海膽料理。【日本產 大眼仔生蠔】$68/隻我地兩個人，一人試一隻，佢話今日新返好正。一咬落去超Creamy，蠔腦勁大個，唔怪得叫大眼仔！食極都未食完，好大隻，咬開質地好奶油感！【加拿大海膽 伴紫菜壽司飯】$248/份味道唔算好濃，清香，好大件，自製一件件海膽壽司好好玩😍【海膽湯沾麵】$130海膽沾麵湯好似係用左南瓜做湯底，再加上海膽煮成，湯底有海膽粒，好邪惡！但南瓜湯底味道偏甜，如果食慣咸味拉麵可能會唔慣。【三文魚刺身】$83三文魚味道只屬正常，但勝在夠平！$83勁多片，餐廳散叫有咁多份量真係算超值！仲要值得一提係，佢個芥末係新鮮即磨！辣得黎好香好Soft！真心正！海膽仔 地址: 新蒲崗衍慶街2-32號新蒲崗大廈地下Q號舖