海皇漁港

营业中

休息中

以為提早做冬會冇噤多人食飯易d訂位，點知都係一樣得6點半和8點半選擇，唯有選6點半，嗰日未食飯前經理再打電話來問要唔要枱，心想真係噤多人食飯，後來去到酒家見到真係爆滿，還有很多人在等位入到去坐低即刻睇吓有乜好食先，我哋叫左一個孖寶一個三寶，幾個小菜和一煲湯龍蝦孖寶：上湯焗本地龍蝦（一斤半、伊麵底）、魚湯珍菌浸豆苗。上湯焗本地龍蝦（一斤半、伊麵底），份量好足夠，龍蝦爽口彈牙，啖啖肉伊麵好滑，但芝士味唔夠濃，多番少少就perfert魚湯珍菌浸豆苗，飲落冇乜味精，珍菌和豆苗都好鮮嫩即日生劏大龍躉兩味（翡翠炒球、清蒸頭腩）、燒鵝皇。翡翠炒龍躉球，西蘭花好爽脆，龍躉球肉質結實清蒸龍躉頭腩，魚皮好滑、金菇和雲耳索左魚汁好鮮甜燒鵝皇，皮脆肉厚濃湯花膠煲螺頭，每人有兩碗湯，飲落好濃好鮮甜，好足料，花膠、螺頭和雞腳好腍滑脆皮燒腩仔，皮好脆，腩仔肥瘦分明，不過油膩左少少皇阿瑪鮑魚雞煲，雞好脆好入味，估唔到有六至七隻鮑魚，咬落彈牙美味薑葱焗廣島蠔，蠔身肥美，而且好香薑葱味西蘭花珊瑚花枝片，西蘭花爽囗，珊瑚和花枝片爽囗彈牙今晚食得好飽，價錢都係$1684，真係間間海港都有噤上吓質數

同家人下午茶多數會「飲茶」，食個包嘆杯茶傾下計悠悠閒閒的消磨一兩個鐘。奶黃包相信唔少人都會點，呢度既特別之處就係有竹碳流沙奶黃包，佢既外觀真係會令人聯想起包青天包大人，其實竹碳係咩味既呢？我只可以講呢個包同平時食開既奶黃包一樣味呢個金磚豆腐外層炸粉太厚，裡面既豆腐都幾滑既呢個數量唔多但勝在夠大件，但唔建議食粉絲。呢個腐皮素鵝既腐皮唔會太軟身，幾香口，但唔油膩，唔錯唔錯呢碟咸水角睇落都唔差，不過我無食呀

今日難得一家人都放假...所以就黎左飲茶... 不嬲都覺得呢間酒樓點心好好食..同埋有其他酒樓無既餐廳...但今次就覺得佢地服務水評下降左....芋絲餅...好食...不過太油呀！ 點心到點心到！叫左馬拉糕..叉燒包..燒賣..蝦餃等 ... 一般啦都無咩特別呢個特別推介下 好好味..入面有油炸鬼的..太好味既關係..total叫左兩份呀！ 呢到人手好唔夠..附近係一啲員工都無咁...頂唔順既時候..我地仲自己拎單出去..直接叫經理入單...要改善下...

星期日一條友貢入馬鞍山搵食，點知撞到個朋友，兩個走去海皇漁港飲茶，呢度不嬲都話好食，係咁以叫左幾個普通野：鳳爪，排骨，燒賣，XO醬炒蘿蔔糕，鯪魚球，椒鹽豆腐粒，啲嘢又真係幾普通冇話特別好食，椒鹽豆腐粒食唔到豆腐嗰種香滑，記憶中係東涌食到一間真係好好食冇得比，同樣XO醬炒蘿蔔糕只有微辣味道蘿蔔糕唔香口。最差係咩？服務態度，真係非常之差，水壺飲完放咗喺度差不多走，都冇人斟茶，見到隔離枱啲人叫阿姐影相，所有阿姐扮睇唔到，食物一般冇問題，但服務態度好有問題。不過好笑，呢間好多人去飲茶。我一定不會再去海皇漁港。

朋友新居入伙，當然要幫手－－打電話啦。啱啱好趕得切送貨時間就成班一齊去食個入伙飯，賀一賀佢。費事行咁遠就係佢屋企附近嘅酒樓開餐。本身係門口見啲龍蝦大大隻又生猛咁，諗住柯打返一兩隻黎慶祝一番。但係侍應啊姐極力游說又話長腳蟹做緊特價，又話好靚好肥美咁，我地就把心一橫轉食長腳蟹。反正有屋主係度一於有大食大！！前菜先黎個例牌燒鵝皇，皮脆肉嫩油脂豐富。鵝脾下仲鋪左幾舊肥瘦均勻嘅叉燒，同埋本身嘅燒汁完全帶起左兩樣燒味嘅味道。蒜片牛柳粒略嫌乾身但香口，個味同下面嘅芒果啤酒好夾。有少少酒味嘅芒果啤，唔會好甜但好香芒果味。蒜茸粉絲蒸帶子，因為帶子開邊嘅關係所以感覺個分量非常之多，蒸嘅火候啱啱好入口爽嫩，同埋面頭有嘅炸蒜茸搭配，令粉絲十分惹味。蒸蟶子皇。爽口彈牙又無沙。正。今晚主菜，巨型阿拉斯加長腳蟹。因為揀左凍食，所以上枱時間要等一陣。完全無得彈，肉質鮮甜飽滿一啲腥味都無，食原味唔使任何沾醬就係佢最好嘅食法。連關節位嘅肉都好飽滿，真係無個部位都無得彈。食左咁多肉，梗係要配返啲蔬平衡一下，雜菌浸時蔬用左上湯黎煮，所以好鮮甜。同埋好啱用黎清下成餐嘅飽滿感。最後每人一個香滑芒果布甸，為今餐入伙酒劃上完美句號。

今晚慶祝爸爸生日，正好看見海皇有阿拉斯加蟹的推廣。 這種蟹清蒸真是一流， 肉多鮮甜 ，覺得比龍蝦更加多肉及原汁原味。 今晚看見有阿拉斯加蟹和半份燒鵝的套餐($888)，即管一試。套餐的蟹也有五斤重， 蟹腳超多肉而蟹膏勁鮮甜， 我們都愛把白飯加入蟹蓋伴著吃。講真蟹膏的分量就好像一碟蒸蛋的分量。 另外也叫了"糖醋黑豚肉", 甜酸適中黑豚肉排骨，外脆內軟!馬拉盞通菜非常嘢味，辣辣香香的 不過如果啫啫煲上效果更惹味。海港燒鵝也是招牌菜，燒鵝皮燒得非常脆。 鵝肉嫩滑勁入味。黑椒豬手很大隻，黑椒汁很入味， 但鐵板底有點兒燶 ，會有少少影響到有點兒苦味。這裏很多街坊捧場，座無虛席，差不多全都是大檯，真的坐得很迫。

呢度食長腳蟹真係無得輸～188蚊一斤隻隻都好生猛架∼選了隻最細的都四斤半∼ 新鮮的整法當然係原隻清蒸啦，哇D膏多到呢∼兩個人無叫其他，只叫了白飯撈膏食∼正！人多可以叫再大隻D一定更正！

逢有敍會必想起馬鞍山海王，今天叫了個 "珍超值" 菜單，主要想食東星班，一向食的都是紅色，但來了條黑色的，問經理是什麼魚，他說東星有黑色的，立刻上網查吓，原來真有的，只是最低級，唔想壽星唔開心，照食啦，但食入口好嚡，食開的東星就算蒸過熟亦唔會嚡。此餐有龍蝦、燒鵝，食完兩味，各人的碟都滿是骨和殻，可是沒伙記理會，直至全部餸菜食完晒，差不多走，才有人來換碟，唔明為何這時換，總之對海王極失望，以後敍會唯有另找食市了。

粥底蒸氣鍋已經流行左一段時間，享受食物期間，各種食材既精華就會流落下面鍋粥度，食完曬野之後一煲靚粥就煲好啦。期待生米煮成熟飯。蒸鍋上舖塊荷葉，令食物都有荷葉既香氣。蒸帶子，帶子夠新鮮，肉質鮮甜紅棗雲耳蒸雞安格斯肥牛，脂肪比例明顯分佈較平均美國肥牛，雖然油花較少但品質都唔錯兩款肥牛混合左蜆都好鮮甜，原汁原味蒸燒賣雜錦糕點魚及糯米飯蔬菜拼盤手打墨魚丸最後果鍋粥真係超級正，煮到好綿，入曬味，加埋生菜絲，完美！點菜紙客人可以跟住點菜紙既時間計時，大部份菜式既時數都係準確既。但拼盤類就需要留意各種食物熟既時間唔同，要自己調節番。

此海湖集團其一的海皇海鮮酒家的＂蜜汁叉燒腸＂皮薄餡靚，叉燒份量極之夠足料的呀！味道也好，價錢又便宜的呀！真值得一嚐的呀！👍👍😍😍😬＂家鄉煎釀茄子＂，內有足料的靚魚肉！👏👍

常去海港酒樓，唯獨馬鞍山海港(馬鞍山中心) 食品質素奇差! 員工態度不好! 試一下幾年沒有光顧的-新港城海皇漁港。點心價錢和海港一樣(經常到訪美林邨海港) 2人行點了3個點心，1個小吃。叉燒腸粉 7/10馬拉糕 6/10~次點心和普通點心蒸籠大細一樣，有堅果在頂部作點綴，但沒有紙氈"底，整個糕都比較濕。。。金錢肚 4/10~只有4/5片 拿20元往富輝天河多1倍... 味道過咸天婦羅拼盤 8/10~炸漿和美林海港不同，此店炸漿類似蘇炸蠔，美林是比較常見的天婦羅炸漿。 這道小吃有蝦，茄子，南瓜，甜小蕃薯各4件(只能參考不能說每次都是啦)非常脆口👍沒有雪味但油溫不夠高吃試比較多油。@美林海港的 我給3/10分 蝦很重雪味(3分是蝦子的分數)，南瓜很薄。。。

馬鞍山愈開愈多貴價既餐廳, 一D平民化既美食已經買少見少...幸得仲有海皇粥店撐下場。我本身好仲意食牛,所以今日叫左個皮蛋牛肉粥同埋牛肉腸粉。 呢個皮蛋牛肉粥算是即叫即落料煮,所以牛肉唔會煮得太老,粥就稀左少少,不過好在皮旦多搭救下, 都幾好食既。至於個牛肉腸粉都幾唔錯,腸粉入口即溶,牛肉彈牙 都算大份,仲有兩條菜送比你,健康飲食~ 都算唔錯既...

呢間酒樓已經食過好幾次晚飯同飲茶係馬鞍山黎講質素算唔錯價錢更加係抵食喇今晚叫左呢條大清斑 味道真係好鮮甜唔會蒸得太老火喉岩岩好 成條KO唒燒鵝更加唔洗講 係佢地招牌菜我地前後係叫左兩碟架呢個薑葱炒蠔 第一次order 因為我個晚唔想食蠔 但屋企人話味道都唔錯 夠鑊氣蟹粉豆苗 呢個又係好好味 豆苗本身我係超鍾意食 唔會炒得太油or太老最後叫左另一招牌 上湯焗龍蝦龍蝦真係食過無數次 次次無論係上湯定芝士焗 都好有水準仲要大大碟 呢間酒樓既海鮮係出名新鮮同抵食架

今日中午我們去咗馬鞍山新港城嘅「海王漁港」飲中午茶！我們叫咗沙薑豬手粒、鮑魚鷄絲腸、柴魚花生豬骨粥、手工懷舊鷄卷、水晶潮州粉果同鮮蟹棒棒花膠鷄扎！沙薑豬手粒嘅豬手粒好爽口彈牙，配埋有醋香嘅木耳一齊食，味道好清新，唔會好油膩！鮑魚鷄絲腸真係有一隻一隻小鮑魚，鷄絲亦好嫩滑！柴魚花生豬骨粥嘅粥底煲得好棉好出味，柴魚嘅味道好香，花生亦好腍！水晶潮州粉果嘅賣相同其他酒家嘅粉果唔同，粉果皮好薄身同晶瑩剔透，材料亦好豐富！

住了馬鞍山十年以上，才第一次來這間酒樓。上湯龍蝦伊麵一份， 龍蝦肉份量算是可以接受，味道也不錯，龍蝦肉OK爽。薑蔥長腳蟹，有薑蔥沒有不香的可能，很香口好食，蟹肉本身尚算鮮甜。 花膠菜心，正常味道。