海灣海鮮酒家

营业中

休息中

食咗多年流浮山，試過5、6間，近幾年通常食開1、2間。今晚兩口子試下呢間海灣，有驚喜。好好味，服務也不錯！老闆又好傾。因為太好味，有幾味唔記得影相呀！鼓油王蝦味道好也夠乾身椒鹽賴尿蝦，夠晒入味，本來想全隻上，老闆貼心提醒斬件會入味啲清蒸班啱啱好熟夠哂滑，啲蔥同熟油豉油好鮮味元貝粉絲味道啱啱好薑蔥鮑魚煲，好出色夠晒冧蜜糖雞翼外脆內嫩楊州炒飯叫佢加姜戎，炒得好乾身唔油整體好滿意，食得開心，下次一定encore

一行七人，五大兩細，浩浩蕩蕩到流浮山海灣食海鮮。由於大家都係吃貨之人，一共點左六個海鮮，三個餸及一個炒飯。小食蜜糖雞翼先上，外脆內嫩，甜度適中，好味。豉油皇蝦，超野味，可以連殻食！椒鹽賴尿蝦彈牙爽口，d腳仔好似食薯片咁😋鹽焗大花螺，肉厚，不過老闆話最尾嘅肝先至係精華所在，果然係甘香味美，一試難忘！菲律賓奄仔蟹，比平時嘅大隻好多，啲膏多到爆曬出嚟，肉質結實，正！至於豉椒炒聖子，同粉絲蒜蓉蒸扇貝就正正常常，不過都好鮮味。咕嚕肉酸酸甜甜，脆卜卜，大人細路都鍾意。 炒飯夠乾身，粒粒分明，連平時話要戒澱粉質啲朋友仔都話要添多一碗🍚最後食埋個蒜蓉炒油麥菜，同埋靚🍊就完美地結束E餐。

結婚周年紀念諗住帶埋個仔去食餐海鮮慶祝下，去到坐低諗住揀海鮮，問過老細加工費幾多錢，佢就好唔耐煩咁話: 咁要睇吓你食乜㗎，你叫左先啦！咁我就問返佢: 我唔知幾錢架咁我點叫啊。佢就話: 咁你去其他地方食啦，本來就諗住收鋪。OK走，費事俾錢佢賺仲要睇佢面色。即刻走咗去隔離明記度食，啲嘢食都OK ，最重要嘅係服務態度好。即係話你原本就唔想做生意你話打烊咪OK囉，我唔會左人收工。但係你做得生意俾人坐得入嚟，個客問吓你加工費幾錢食海鮮來講都好正常丫，幾千蚊食餐海鮮，你幾好食都唔落膈啦。

29-4-2013(一)是日下午，在青衣坐巴士 264M 來到屏山，目的是想去參觀全港第二大的圖書館 --- 屏山公共圖書館。他今天取了 time off 捉早放工，後來了圖書館會合我；噢！ 「大鄉里」的他，原來是第一次來到天水圍，也從沒到過流浮山，好！晚上，就帶他去流浮山吃吃海鮮吧！其實，流浮山我也只去過一次而已！記得約四年前與舊同事在這兒吃過晚飯，店舖名字已不記得了。當晚有蝦、有蟹、有石斑...... 海鮮很多很多碟，還開了不少支的啤酒；記得十數人，埋單每人也只需 $200。$200 當然不宜對海鮮有太大的期望，味道絕對是一般水平以下的了！事隔四年後的今天，「一次就扮醒」的我就帶著這個「大鄉里」前來流浮山。。。隨意選在 海灣海鮮酒家 用膳。昨晚，和老朋友 Alvin 在 阿一海景飯店 吃過沙窩炒飯，絕對可堪稱為炒飯中的孤品！今晚，我的炒飯癮又發作了，所以即時叫了一客炒飯。賣相蠻吸引，可是味道卻不是太好，飯炒得未夠乾身，很多也未能做到粒粒分明，有部分更黏在一起，減低味蕾的起動；鮮蝦尚算大隻，數量也不少；可是咬下去，感覺有點像雪藏的蝦仁般，沒有爽口及彈牙感，不知道問題出在何處。豉椒炒蟶

有個姨姨請我和媽媽吃海鮮，愛吃的我們當然要吃啦！其實，吃海鮮已是我們很久的事了，自從爸爸走後都好久也沒有吃了！我們吃了：椒鹽大蝦－好好吃，好大隻蝦，好多洋蔥呀，好味！賴尿蝦－嘩！好大隻呀咁大個女都未試過吃咁大隻賴尿蝦！清蒸象拔蚌－好好味好香，好多蔥呀，好甜！粉絲蒸珍珠蚌－正！好多粉絲，亦有很多蔥，正！炸蠔－正！好多蠔汁呀，但熱氣些！清蒸鮑魚－好大隻的鮑魚呀！咁大個女都未試過！韭王炒木魚絲－不好味，因為好鯹！蒸石班－好多蔥絲，我差不多把所有蔥吃光了！而魚肉好好味，正！清蒸奄仔蟹－好正呀，好多蟹黃呀！菜－有炒芥蘭及生菜。芥蘭好苦！膏蟹蒸糯米飯－不錯，蟹好好味！糯米飯好正！但因為有糖尿病的關係，所以只能吃少少！炒蟶子－正！蟶子好好味，好多汁，正！服務不錯呀！

睇完開飯網, 見冇劣評先去, 點知都領野!拖人: 去到要等, 等冇所謂, 好野多數要等, 但吾好拖人! 初初話等五分鍾, 等左20分鍾左右又話下一張, 拖下拖下 等左50分鍾!! 大佬我請人食飯累人等成粒鐘! 你冇位老實D, 我最多下次自已來試丫食物差: 芝士焗龍蝦一D芝士味都冇, 龍蝦D肉老既, 根本就吾係新鮮, 多數係偷龍轉鳳了貴: 叫了芝士焗龍蝦, 聖子, 一條斑, 一碟菜 共$1460 太失望!!!!!

開年飯的第三擊，約了昔日碩士班的同學吃飯聚舊。早早訂了位的關係，所以不用等就有檯。海鮮是自己揀的，當然老闆會帶你去兼且俾很多意見。不時不食，不鮮不食，我們都聽老闆建議點了以下菜式。不能不先提的是這兒的前菜十分好吃，老闆娘也很好人的給了兩碟花生、兩碟酸喬頭。先來的是花竹蝦，伊麵底。同行朋友說花竹蝦比龍蝦好肉，而且價錢差不多。個茨汁亦足以提升蝦的味道。價錢:五個人圍返$380一位,不算得上貴.因為不論海鮮的價錢和味道都值回票價.服務:家庭式經營本身大約只有6-7張檯,閒日關係客人不多,只有四檯.老闆和老闆娘都很健談,講很多海鮮的事我們知道,但又唔係認叻個種,而係真係以真心交流的態度與我們分享的.聽說嚟緊又就嚟休魚期,相信有一段時間會較少海鮮選擇.所以我們決定下個月再去一次.之後要等休魚期先再有得去了.

要數食海鮮食得最多次數既地方就一定係流浮山, 而流浮山咁多間酒家當中, 我只係去過<海灣酒家>, 第一次去既時候係朋友介紹, 之後次次去都係去番呢間, 原因有兩個, 1) 真係好好味 2) 價錢公道. <海灣酒家>位於流浮山小巷直入行3分鐘左右, 右手邊就係啦……一去到坐低, 酒家d人就帶你去揀海鮮, 出門口右手邊行5步就到<李光記>, 海鮮種類林林種種, 全部都係自己揀既, 我試過揀太開心, 呢樣叫果樣又叫, 海灣既人都會因應你既人數而比建議, 食唔晒唔會比你叫咁多, 揀好料後, 佢地多數都會建議埋點樣煮, 所以我好放心等食. 飲兩杯10分鐘到就到第一道餸…..- 白灼海蝦 1斤: 毫無無技術可言, 最緊要係蝦夠新鮮, 肉彈牙, 大細算平均, 掂!- 蒜蓉粉絲蒸帶子: 最好味永遠都係豉油, 撈埋蒜蓉粉絲, 無帶子都好好食- 椒鹽瀨尿蝦 5隻: 瀨尿蝦夠大隻,可以一開三, 今次好好彩仲有蝦膏, 椒鹽乾身唔油膩, 肉甜殼脆,必食之選啊!! - 魚仔抄聖子: 聖子係大路海鮮, 不過多數都係豉椒炒. 用乾魚仔炒聖子既好處係 乾魚仔抄完

多年未入過來,今次反而在休魚期才到來,為的是隻奄仔.十一點零十二點入到嚟未見餓走去附近的乾貨店行下問下才知真係無咩船返...蠔也不是當造,而且差不多無蠔賣那只好先到汝記買蠔油.聽說流浮山只賣兩家蠔油的這是當中一家. 不消半小時寧靜的墟市突發的熱鬧起來,原來一些團體殺到.一車二車走哂入歡樂等食店.原本想去的食店也給坐滿了. 只好誤打誤撞的走了到家海鮮檔選了些海鮮,店頭說休魚期迫來的東西不會差太遠只是九蝦要去到百八一斤貴了些,又見不算好多於是見那些見都見到膏的癩尿蝦三大隻,要了一尾剛直的瓜子百六元,要了六隻手心大鮑魚奄仔要了三隻. 又對老闆說要大大蟶子...回說食隻手指咁長咁上下好咧...大隻過頭好韌吓嫁.好又信下人講.買完問下有冇嘢送...是但送咗條紅魚來滾豆腐.於是乎入咗海灣..等食. 這家吊扇高樓底,歷史悠久似的.但個wc都幾企理吓喎.先上花生蕎頭.等食去也,油鹽水蟶子係爽脆無得頂,又唔會學得豉椒咁搶味食到它的甜鮮.椒鹽癩尿蝦水晶蝦膏瑚咁色好不美麗,肉又無炸到死實實..叫人想起初開的大佛口食坊薑蔥鮑魚又係好喎,有鮑味脆身..好食過去日本食嗰隻石燒.肉可以分給人家,而取人家不食的鮑魚肝

琴日媽子同我由屯門踩單車去流浮山 , 原本想去食小食 , 但係踩到去都已經收左檔. 所以我地就去左食海鮮 la 我地去海灣海鮮酒家 係因為係門口見到蔡瀾個張相.so 我地就入去食野 , 呢間野係無menu . 想食呢就去隔黎海鮮檔買 , 再叫人<ning>去煮 ,記住ar 每一樣海鮮加工費係 $50. 好!講番個兩味菜(因為無帶夠錢) ----清蒸深海斑 我平時食個d魚 o的皮超薄(紅三,黄花),每次都夾走o的皮 ,但呢條斑係一定要連皮食 先 un 到 what the meaning of 肥美. 由其係魚鰭o的位置.另外新鮮都好重要----新鮮魚 o的肉質係厚而爽o的 ,唔會話好似死魚敢 d 肉林gi gi. ----椒絲炒通菜 呢個菜要讚o的係腐乳份量剛剛好 ,唔太濃味 ,食多幾條都唔洗飲水.而且佢炒o的火侯 都ok 食落重係爽嫁. 總共係230大元 ,係唔係值回票價就見人見志la ,但佢地service 好好

上年又係初三赤口去左流浮山行下，行下行下入左海灣食海鮮。上次食左一個椒鹽賴尿蝦、薑蔥生蠔同紅燒豆腐。個紅燒豆腐真係一試難忘，諗住今年又重溫一下個味道，所以又係初三今日又再去。今次係海灣門口對出的海鮮檔要左兩個隻有羔的賴尿蝦（兩隻共一斤二兩，共$180-）。另外又係海邊買左一斤即開的生蠔(好似有8隻都好大隻下，共$40-)。跟住去返海灣加工。油鹽水賴尿蝦－好鮮甜、好正（比起上年椒鹽賴尿蝦好食好多）薑蔥生蠔　　－好甘香薑汁炒芥蘭　－好好食不過連料連加工費埋單要成$440-，貴左少少啦！不過食海鮮都係預左既。下次一定會再去！

I have been a regular to this restaurant since 20 years ago. The deep fried oysters is a must.Suggest to those who have never been to this restaurant, DO NOT buy you own seafood. Give the owner a budget, they will fix it for you. You know, they know what is good in the market and they also understand what they can do the best.Fry abalone with little silver fish is another very very delicious dish.

去了李光記買了二百幾蚊海鮮‧有一袋蠔、一隻紅蟹、四隻象拔蚌。佢就提議我懐 食诲灣，雖則我懐 食開明記、但諗試纒 的心態，就入鰦 去！用了最穩陣的煮法，酥炸生蠔，上湯焗蟹，蒜蓉粉絲象拔蚌，另加了一碟鹽莱心。咁穩陣的菜色該不會難食！點之：最先上䒷 係蒜蓉粉絲象拔蚌，一食已搖頭，粉絲乾到一舊舊，個汁係生抽同油mix的，超咸！之後係上湯焗蟹，又係超咸！我最鍾意食蟹的！冇哂鮮味！最離譜係個酥炸生蠔，個粉醬厚到呢！裡面鱓 蠔仲慘，乾唒!最後實係食剩!佢問我懐 駛唔駛包起。我立即話唔駛喇！見到都想X!!以後會再去!

因為加了人工同屋企人去流浮山食番餐海鮮見到門口有周潤發同蔡瀾張相諗住應該唔會差就入去詼下叫了上湯龍蝦配伊面白灼花螺豉聖子蒜蓉粉絲象拔蚌

一月一日和一班朋友約好了去遊濕地公園﹐本來是在園中唯一食肆﹐香港名牌大x 樂進餐的﹐不過等了半個小時都等唔到位﹐大家就轉移目標到流浮山吃海鮮囉。大家都很久沒有來過﹐亦沒有心水酒家﹐就求其的找一間樣子夠古舊的﹐朋友的策略是多年老字號能屹立不倒﹐必有過人之處。說真的﹐這種舊式酒家實在不是我的那杯茶﹐不過也只能跟著大隊了。一進去就看到最裡面的那牆壁上面那古色古香的壁畫﹐是全酒家最特色的﹐其他的裝修就不值一提喇﹗因為有好幾個小朋友不懂欣賞海鮮﹐亦因為就住budget﹐所以海鮮就只要了一條左口科的魚﹐是從外面海鮮檔買回來加工的。老闆說這條魚平時要$4xx 的不過可能在買的時候﹐魚不是太活躍就大平賣﹐才$150﹐勁抵食。其實條魚應該未死的﹐因為在酒家見到它都頗生猛﹐老闆都不相信我們給了$150﹗這裡蒸魚蒸得不錯﹐不會過火﹐魚肉剛離骨﹐非常嫩滑。而且條魚亦很新鮮﹐不消一會就清了﹐朋友連魚骨連汁送了一大碗白飯﹐都不知多麼滋味﹗另有豉油黃大蝦﹐蝦肉新鮮彈牙﹐不過略嫌豉油味不重﹐似油泡大蝦多d。其他都是一些小菜如椒鹽排骨﹑蒸水蛋﹑炒青菜﹑炒飯等等﹐不過一樣做得似模似樣﹐功架十足。其中最好的的後加的蒸水蛋﹐