影片
更多
2010-07-17
665 浏览
要數食海鮮食得最多次數既地方就一定係流浮山, 而流浮山咁多間酒家當中, 我只係去過<海灣酒家>, 第一次去既時候係朋友介紹, 之後次次去都係去番呢間, 原因有兩個, 1) 真係好好味 2) 價錢公道. <海灣酒家>位於流浮山小巷直入行3分鐘左右, 右手邊就係啦……一去到坐低, 酒家d人就帶你去揀海鮮, 出門口右手邊行5步就到<李光記>, 海鮮種類林林種種, 全部都係自己揀既, 我試過揀太開心, 呢樣叫果樣又叫, 海灣既人都會因應你既人數而比建議, 食唔晒唔會比你叫咁多, 揀好料後, 佢地多數都會建議埋點樣煮, 所以我好放心等食. 飲兩杯10分鐘到就到第一道餸…..- 白灼海蝦 1斤: 毫無無技術可言, 最緊要係蝦夠新鮮, 肉彈牙, 大細算平均, 掂!- 蒜蓉粉絲蒸帶子: 最好味永遠都係豉油, 撈埋蒜蓉粉絲, 無帶子都好好食- 椒鹽瀨尿蝦 5隻: 瀨尿蝦夠大隻,可以一開三, 今次好好彩仲有蝦膏, 椒鹽乾身唔油膩, 肉甜殼脆,必食之選啊!! - 魚仔抄聖子: 聖子係大路海鮮, 不過多數都係豉椒炒. 用乾魚仔炒聖子既好處係 乾魚仔抄完
<海灣酒家>位於流浮山小巷直入行3分鐘左右, 右手邊就係啦……一去到坐低, 酒家d人就帶你去揀海鮮, 出門口右手邊行5步就到<李光記>, 海鮮種類林林種種, 全部都係自己揀既, 我試過揀太開心, 呢樣叫果樣又叫, 海灣既人都會因應你既人數而比建議, 食唔晒唔會比你叫咁多, 揀好料後, 佢地多數都會建議埋點樣煮, 所以我好放心等食. 飲兩杯10分鐘到就到第一道餸…..
- 白灼海蝦 1斤: 毫無無技術可言, 最緊要係蝦夠新鮮, 肉彈牙, 大細算平均, 掂!
- 蒜蓉粉絲蒸帶子: 最好味永遠都係豉油, 撈埋蒜蓉粉絲, 無帶子都好好食
- 椒鹽瀨尿蝦 5隻: 瀨尿蝦夠大隻,可以一開三, 今次好好彩仲有蝦膏, 椒鹽乾身唔油膩, 肉甜殼脆,必食之選啊!!
- 魚仔抄聖子: 聖子係大路海鮮, 不過多數都係豉椒炒. 用乾魚仔炒聖子既好處係 乾魚仔抄完好脆好香口, 而聖子沒有豉椒味反而更鮮甜
- 蝦醬海鮮抄飯: 唔好以為炒飯係最普通, 佢地自己秘製既蝦醬特別香, 海鮮用大蝦, 加上用明火炒出黎更夠鑊氣
總結: 先天海鮮質素好, 後天廚房功力夠, 而且合理價錢(料~$1200, 工~$800), 我自己就比好高分
张贴
