海潮食堂

营业中

休息中

好多人以為工廠區就一定冇咩好嘢食，但係其實觀塘你工廠大廈入邊都仲有好多美食！睇到有人介紹就手咗過嚟試吓呢間隱世茶記～　呢都幾出名，有機會要排隊，如果唔想排隊又喺附近返工不妨可以考慮吓外賣蔥花蛋治烘底脆脆地嘅多士夾住嫩滑嘅炒蛋，仲有超香嘅蔥唔味，蒽控一定要試吓。呢個因為食得太匆忙所以冇影相牛腩蝦條煎米粉呢樣都係另一款好多人都會叫嘅嘢不過自己就覺得比較油膩但係呢度嘅牛腩好入味同埋炆得好淋重口味嘅朋友一定鍾意❤️

今日同個女到觀塘做身份證，上網睇觀塘有咩必食，結果揀試海潮，叫左蛋蔥多士唔熱唔脆（普通），牛腩煎米粉（牛腩好咸）,落單時話比份菜我，我以為係新菜式比份我試，點知$38，早知一碟菜加幾舊燒腩要$38，寧願要十幾蚊一碟既菜仲好味，我諗成餐支氣水最滿意

🌟蔥花蛋治 $27好有心機既蛋治, 麵包烘到金黃色, 非常脆,一邊夾住厚厚既滑蛋,一邊塗左半溶既牛油, 口感特別豐富。而滑蛋加埋蔥花炒得又香又滑,確實係海潮既鎮店之寶！🌟超薄奶油多 $13又薄又脆既多士,加埋煉奶,砂糖同阿華田粉,簡直太邪惡啦！

女朋友好鐘意食蔥，所以不時搵下D好多蔥既菜色帶佢去試下~今次呢間係觀塘既茶餐廳，佢地出名蔥花蛋多士，專登同女朋友來試下我地叫左蔥花蛋多士同凍檸樂🥤~🥪蔥花蛋多士多士酥脆，入面既炒蛋真係好多蔥！多士仲有厚厚牛油🧈一啖有齊牛油香、蛋香同蔥既香味；而且半熟既蔥令炒滑蛋增加口感！無諗過加左蔥既炒蛋多士原來係咁好食！女朋友食得好滋味！我都睇到好滿足～🥰餐廳仲有煎米粉好出名，不過我地食完lunch過來tea，食唔落個米粉了，可以留返下次！

行開觀塘，又突然想試食茶記，openrice一下見到呢間好多like既茶餐廳，仲有好多人推薦既蔥花蛋治烘底，超鐘意食蔥既我緊係要試下🥰我3pm到去到，唔洗等位~個職員見我有選擇困難，好熱心推介左D食點比我~我就照嗌左個幾樣試試佢！🥚蔥花蛋治烘底一共有3件多士，每1件係一層多士＞牛油>多士>蔥花炒蛋>多士蔥花炒蛋真係有好多蔥係入面，一啖咬落去，多士酥脆，炒蛋嫩滑，蔥花香口，加埋陣陣牛油香~鐘意蔥既朋友唔好錯過！🐮牛腩蝦條煎米粉炒米炒就食得多，煎米炒就真係小食，所以就叫左來試下~牛腩係炆左既，仲有我愛食既牛筋，好入味！面頭仲有特製辣椒油同蒜泥！蝦條係蝦春捲，炸到外脆入面又彈牙～煎米粉係沾左蛋漿後拎去煎，所以有陣陣蛋香呼，不過有D油>＜呢個組合食就好漏同好食～🍡炸燒賣燒賣炸左外脆裡面軟糯，佢上面落左椒鹽再加埋辣椒油，別有一番風味！呢間茶餐廳推薦比鐘意重口味（又蔥又蒜)既朋友仔～

海潮食堂📍：觀塘成業街19-21 號成業工業大廈地下G6 號舖🚗：觀塘地鐵B2出口 步行5分鐘📞：+852 2343-9160💲：~HKD50/head for lunchFood quality✔️：葱花蛋治烘底、手撕雞麻辣五香肉丁撈通粉👌🏼：魔鬼奶油多總結：👍🏼呢一間係極出名嘅食堂 唔想排隊 建議外賣 過咗十幾廿分鐘食物質素都保持到👍🏼嗰撈通粉比我想像中好食 凍凍哋適合夏天呢個時節食 而且佢嘅麻辣唔係太過份 但對於啲嗜辣如歡嘅朋友可能覺得唔夠味🤣 都唔啱鍾意熱食或者想食獲氣嘅朋友👍🏼葱花蛋嘅葱味好明顯 而且夠厚 食落去蛋葱香味濃厚 麻麻地葱嘅朋友都唔建議👍🏼性價比好高 三樣嘢兩個人share都係除開每人50蚊就食得好飽 🤪👍🏼說實話啲嘢唔係話特別好食 但極度對得住嗰價錢 而且味道又好 但如果係抱好大期望嚟食嘅人會較易失望👎🏼叫得魔鬼奶油多係預咗塊牛油好厚 但可惜唔係 好失望🥺 但都係好食嘅

- 海潮食堂🍽-🥢葱花蛋治烘底 $27呢個世界級正😍冇食過呢個既唔可以話自己去過海潮😂爆多葱花加埋個炒蛋煎到勁香😋烘到卜卜脆既麵包簡直絕配👍如果小編係觀塘反工會想日日買早餐😂-🥢牛腩蝦條煎米粉 $53呢個都係世界級正必食😍牛腩炆到好入味又林加上秘制醬汁同大量蒜蓉係完全提升左個層次🤣煎米粉好特別佢係加左蛋漿落米粉度一齊剪所以外脆內軟😋加埋個牛腩汁真係食到停唔到口😋-🥢蒜蓉餃子餃子勁大隻一碟有6隻🥟😍重點就係個蒜蓉辣油😋基本上所有食物加左佢個秘製蒜蓉醬都會好好食🤣-🥤咖啡可樂第一次飲咖啡可樂個味幾特別一開始飲到咖啡味但吞個陣係可樂味😂-🥤凍咸檸西柚呢個secret menu咁餐牌冇😂但可以自己叫咸檸乜😂咸檸西柚好夾夏天飲又gur又開胃😉

早兩日下午4點去左海潮潮聖，柯打左一份蔥花蛋治同魔鬼薄脆，老公就叫左個特餐。招牌菜果然招牌，蔥蛋好厚，個包好脆，的確好味道！個魔鬼薄脆又係好好食，華田加煉奶同少少牛油，好邪惡！——————————————有讚有彈，特餐叫左個沙嗲牛肉麵，塊牛肉好似腐屍咁，入口溶曬.... 應該係鬆肉粉過度....——————————————老闆好熱心，不錯👍🏼

📍海潮食堂 (觀塘)觀塘成業街19-21 號成業工業大廈地下G6 號舖手撕雞五香肉丁麻辣撈通粉$53響Instagram見到成日有人介紹，個個講到好似係觀塘名物，隱世餐廳。咁啱今日經開觀塘，就走左去試吓。一坐低就叫手撕雞五香肉丁麻辣撈通粉，之前睇相好似幾好食咁……..個撈通粉嚟到，雞嘅份量比想像中多，賣相同睇相嘅差唔多，但啲通粉係凍，我仲以為會炒同有鑊氣…….如果純粹幾樣野撈埋一齊，味道大家都應該估到…..味道非常普通，絶非講到真係咁特別🤣

✨觀塘名物⁉️呢間係觀塘好出名嘅茶餐廳［海潮食堂］,大家去咗打卡未😆？佢哋鋪頭細細都有幾個好出名嘅名物,大家搵呢間鋪時要細心搵佢地既門口,好易錯過😆‼️.💬蔥花蛋治烘底 🥪$27呢個名物,真心茶餐廳黎講真係要俾個讚！雖然蔥花蛋唔係啲咩特別嘢,但係整得好食係有原因！首先即叫即做熱辣辣,蔥花蛋份量足仲要多蔥唔會輸💯,重點係佢既烘底既包,外層既包烘得脆口,內層既包比較軟,中間仲要搽有牛油,整體有口感仲要味道ok🥳！推薦✅❗️.💬魔鬼奶油多 🥪$27呢個名物,好邪惡！一邊落咗好多阿華田粉、一邊落咗好多煉奶😋！個烘底中間仲要有厚厚既牛油🧈！真係高卡路里名物😂！不過鍾意食甜既我當然會心心眼唔會放過😂！整體黎講覺得雖然呢個無蔥花蛋治咁有驚喜,但係都好好食！..📍 海潮食堂 (觀塘)觀塘成業街19-21 號成業工業大廈地下G6 號舖..

我地係星期六大約兩三點嚟到，估唔到都有4/5個人排緊隊心諗可能真係幾好食掛～好彩等咗十分鐘左右就入得我地叫咗蔥花蛋治烘底同魔鬼奶油多，跟住侍應就推介我地飲咸檸檬西柚汁同凍啡樂我心諗都差唔多夠飽，侍應再推介椒鹽燒賣，聽落幾吸引，咁就要埋啦蔥花蛋治烘底：塊麵包勁脆！我麻麻地食蔥，見到咁多蔥都嚇一嚇，不過見咁多人食又想試下係咪真係咁好食點知真係幾正，成個配搭好簡單但好好味！魔鬼奶油多：呢個塊麵包都係好脆，中間仲有塊牛油，左邊煉奶，右邊阿華田粉，成件事勁邪惡！超好味，我地覺得好味過蔥花蛋治（雖然好似冇得咁比較）椒鹽燒賣：新鮮滾熱辣，一放入口熱死我炸得好正，椒鹽粉唔算多，反而有啲辣椒油幾正總括嚟講嘢食都好味，雖然都係簡單嘅材料，但要整得好味都唔容易服務都唔錯，環境就比較逼，不過喺小店食嘢就預咗一定會再嚟食嘢

又再次黎到觀塘潮食一下，我不嬲都好鍾意右搵左搵行黎行去搵好野食既~上網爬咗唔少文都知呢間嘢係好出名同埋都幾耐歷史~所以今日就專登過嚟潮拜一下~又入門口開始講起啦因為呢單嘢嘅座位唔多呀所以你食嘅話記得要早啲嚟排隊可能都要排四個字至半個鐘以上~由於我哋喺中午嘅時間嚟所以等位都起碼等咗二十分鐘~一邊座位就比較迫不過啲嘢食係ok嘅因為都比較特別嘅~講返個蔥花三文治先啦非常之香另一個就麻麻地啦我最欣賞你都係呢個蔥花三文治~

☞ Bookmark咗呢間餐廳好耐了！終於有機會試吓佢，眼闊肚窄嘅情況嗌咗好多嘢食🤣.🍴 蔥花蛋治烘底 ($27)/ 利申返先 我係走青協會會員😏平時食飯都會走蔥🙅🏻‍♀️ 但見到餐廳入面個個都嗌一碟，咁一於照嗌嚟試吓🤩/ 炒蛋唔係滑蛋嚟㗎，不過就唔算老，正常水平啦～/ 入面有超級多蔥🤣基本上啖啖到食到超大陣蔥味，好好彩地我又接受到喎。我諗鍾意蔥嘅人會好鍾意呢碟蛋治，走青協會會員可以俾7分佢啦🤪🍴 手撕雞五香肉丁麻辣撈通粉 ($52)/ 呢個撈通粉又係呢間餐廳嘅hot item😋一上枱已經聞到超香嘅五香肉丁味！/ 以為佢個手撕雞會係雞絲，原來係雞柳咁嘅size，啖啖肉都唔錯😋/ 調味方面唔會太辣，好惹味！勁濃嘅醬汁配上通粉，直頭索晒佢啲sauce😍總括嚟講，呢個撈通粉大家一定要試吓🤤🤤🤤🍴 魔鬼薄多士 ($13)/ 將一片方包切半，中間再𠝹開咗一半，入面同出面都係阿華田粉😍烘咗底嘅多士令到啲粉有啲啲濕同溶，溝埋煉奶食真係不得了🤤/ 好老實講呢樣嘢非常簡單，有朱古力粉嘅都可以喺屋企自己整到，但我都好建議大家去嘅話一定要嗌嚟試吓！🤤😋

星期六一早出去，今日就專登走去招牌都無貼出嚟既小店海潮，老細親自走出嚟同我哋落單，老細確實好多嘢講😂，有人like 有人吾like 啦，我就buy 既🤣。我地2個人點左出名既蔥花蛋治，牛腩烏冬，跟住諗唔到食乜。老細就同我哋講，好簡單我同你叫個米線，幫你加啲牛肉落去灼嘅啫，你想要豬膶定肉丸啊？我再加啲麻辣落去，好有omakase 感覺🤩🤩嘢食味道同賣相確實好吸引，蔥花蛋治，一邊薄包一邊厚包，好食。要講最出色嘅，就係個麻辣米線，極力推介，牛腩烏冬都吾錯。真心推薦呢間小店

冇招牌係有少少🤏🏽難搵，黎到既時候full house，今日有成36度高溫🥵，老闆叫我地去陰涼地方等，有位叫我哋，#原來是暖男😍 等左十分鐘左右，終於有位🤤 餐廳入面地方唔算大，大約可以容納20人，尚算乾淨，啱哂麻甩嘅我哋，#酒店港女teaset都係唔啱我地 😌😌😌.📌蔥花蛋治烘底🍳 🥪 $27一碟三件，份量偏細！廚師手勢好好，可以係一塊甘薄既多士中間𠝹一刀，夾住邪惡既牛油🧈，兩塊多士中間又夾住厚厚既葱花炒蛋， 炒蛋好嫩滑！蔥花味好濃郁好香，直程食到有台灣三星葱感覺😍好幸福🤤.📌牛腩蝦條煎米粉 $53煎蛋米粉，煎成麵餅嘅形狀，但煎米粉煎得唔夠乾身，唔夠香脆，就甘單食有少少淡，米粉上面有少許蠔油，但個人認為用牛腩蒜泥花椒個個汁已經好好食，好有麻香味，唔洗加蠔油都可以! 牛腩、牛筋、蘿蔔用另一隻碟仔上，上面放左啲生蒜泥同辣椒乾🌶️ 牛腩單食會偏鹹，燜得鬆化軟腍入味，腍到好易散，配埋米粉食就啱啱好！牛筋好淋，好多膠質! 蘿蔔墊底好甜好淋好入味！但反而個蝦條似係獨立存在既產物！.📌冰啡樂 $24甘熱一定要飲可樂，老細就話幫你寫個冰啡樂啦😂 (個人認為有少少push你叫嘢飲，但我無hard fee