212
45
5
等级4
133
0
2021-06-06 306 浏览
☞ Bookmark咗呢間餐廳好耐了!終於有機會試吓佢,眼闊肚窄嘅情況嗌咗好多嘢食🤣.🍴 蔥花蛋治烘底 ($27)/ 利申返先 我係走青協會會員😏平時食飯都會走蔥🙅🏻‍♀️ 但見到餐廳入面個個都嗌一碟,咁一於照嗌嚟試吓🤩/ 炒蛋唔係滑蛋嚟㗎,不過就唔算老,正常水平啦~/ 入面有超級多蔥🤣基本上啖啖到食到超大陣蔥味,好好彩地我又接受到喎。我諗鍾意蔥嘅人會好鍾意呢碟蛋治,走青協會會員可以俾7分佢啦🤪🍴 手撕雞五香肉丁麻辣撈通粉 ($52)/ 呢個撈通粉又係呢間餐廳嘅hot item😋一上枱已經聞到超香嘅五香肉丁味!/ 以為佢個手撕雞會係雞絲,原來係雞柳咁嘅size,啖啖肉都唔錯😋/ 調味方面唔會太辣,好惹味!勁濃嘅醬汁配上通粉,直頭索晒佢啲sauce😍總括嚟講,呢個撈通粉大家一定要試吓🤤🤤🤤🍴 魔鬼薄多士 ($13)/ 將一片方包切半,中間再𠝹開咗一半,入面同出面都係阿華田粉😍烘咗底嘅多士令到啲粉有啲啲濕同溶,溝埋煉奶食真係不得了🤤/ 好老實講呢樣嘢非常簡單,有朱古力粉嘅都可以喺屋企自己整到,但我都好建議大家去嘅話一定要嗌嚟試吓!🤤😋
更多
☞ Bookmark咗呢間餐廳好耐了!終於有機會試吓佢,眼闊肚窄嘅情況嗌咗好多嘢食🤣
.
🍴 蔥花蛋治烘底 ($27)
/ 利申返先 我係走青協會會員😏平時食飯都會走蔥🙅🏻‍♀️ 但見到餐廳入面個個都嗌一碟,咁一於照嗌嚟試吓🤩
/ 炒蛋唔係滑蛋嚟㗎,不過就唔算老,正常水平啦~
/ 入面有超級多蔥🤣基本上啖啖到食到超大陣蔥味,好好彩地我又接受到喎。我諗鍾意蔥嘅人會好鍾意呢碟蛋治,走青協會會員可以俾7分佢啦🤪

🍴 手撕雞五香肉丁麻辣撈通粉 ($52)
/ 呢個撈通粉又係呢間餐廳嘅hot item😋一上枱已經聞到超香嘅五香肉丁味!
/ 以為佢個手撕雞會係雞絲,原來係雞柳咁嘅size,啖啖肉都唔錯😋
/ 調味方面唔會太辣,好惹味!勁濃嘅醬汁配上通粉,直頭索晒佢啲sauce😍總括嚟講,呢個撈通粉大家一定要試吓🤤🤤🤤


🍴 魔鬼薄多士 ($13)
/ 將一片方包切半,中間再𠝹開咗一半,入面同出面都係阿華田粉😍烘咗底嘅多士令到啲粉有啲啲濕同溶,溝埋煉奶食真係不得了🤤
/ 好老實講呢樣嘢非常簡單,有朱古力粉嘅都可以喺屋企自己整到,但我都好建議大家去嘅話一定要嗌嚟試吓!🤤😋

33 浏览
0 赞好
0 留言

53 浏览
0 赞好
0 留言
20 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食