海潮食堂

营业中

休息中

在高溫天氣下走進海潮食個午餐，門口很低調，如果不是特地找它，路過都不會留意到它的存在。店內裝橫很有食堂感， 小小的食堂裡有一位熱情的老闆款待各食客 (標題中的 "他"就是老闆了)，他的友善待客，令你感覺他是自己的家人一樣， 真想叫他 “大哥，今天有什麼好吃的東西? 我趕著上班, 快幫我下單" 哈哈! 他真的會很快下單和快快把食物上枱, 他像是知道我很趕時間, 坐下後，老闆走來介紹有什麼好吃，待你差不多吃完，也會走來問你好不好吃，好老闆有心有力的，真的少見了！ 點了凍檸茶，很快上枱，凍檸茶沒有特別，普通凍飲。今次想講的是蔥花蛋治烘底，非一般的蛋治，內有蔥花，能吃到重重香蔥味，每一層都有牛油流出來，本人覺得牛油太多了，一邊吃一邊感到很重罪惡感，大家可以細心看到麵包的切法，像在麵包片中再界塗上牛油，看得出廚師的心思, 麵包烘得香口, 一個人吃下很飽和滿足。 食後感：價錢和食物品質合理，雖然店鋪細細，但都坐得舒服，海潮還有其他特色好吃的東西，我會再來的！

在眾多雜誌、網站爭相介紹「海潮食堂」之前，已經幫襯過佢幾次。當初，係一個朋友向我推薦，話佢的奶茶好飲，我先至去試下的。不過時至今日，「海潮」已經新出了很多好味的新款食品。未講食物之前，先講下老闆。幫襯幾次之後，老闆就會認得你，甚至記得你食過咩、鍾意食咩，之後會介紹你試新野所以次次去親都有驚喜。講返正題，今日其實唔係好餓，不過去開附近又行到攰，所以想歇下腳兼嘆返件多士。這件係薄多士，我的最愛麵包比起一般的方包還要薄，所以烘過之後特別脆口。表面加上華田粉、砂糖和煉奶，食落口又脆、又甜又有朱古力味。至於蔥花蛋多士，我係第一次食。這款多士很厚，有兩層餡料-蔥花蛋和牛油。我個人其實很怕食厚身的多士，因為麵包太厚會令人容易覺得口乾。不過這款多士又唔會出現這個缺點喎！超厚的蔥花蛋，為多士帶來濕潤的感覺，味道有少少咸和濃郁的香蔥味。夾在烘脆了的麵包中間，咸、香、脆齊備，很好食一改我對厚多士的印象。提提大家，「海潮」係無招牌的而且門口唔太顯眼，所以去搵食的時候記清楚地址啊。

觀塘工業區出晒名多野食今次就輪到呢間小店店舖門面一啲都唔起眼門口亦沒有招牌僅僅從門口望入店內見到個「潮」字就入去入到去老闆非常熱情係笑容滿面個種係會感受到佢喜悅用心做緊野所以就算佢忙你都唔會炆招牌菜係咩唔洗我講啦兩個人食tea，食唔到太多，爭札緊要魔鬼定蔥花之際，最後決定要蔥花蛋治味道真係一流中既一流，烘底岩岩好脆，中間仲夾左塊唔漏既芝士(定牛油？)，蔥香撲鼻，但我對蛋要求高，略嫌佢煮得太老煎米粉既報告多到唔洗講，唔會乾過龍，配菜任你選，推介！我自己比較鍾意食公仔面，不過呢份面比起上面兩款失色，一來面熟得唔夠熟，二來餐牌上面既「跟菜」已經自動消失一定要再強調既係老闆真係熱情親切食野期間有對情侶入座職員想安排作地入去有兩張櫈但唔夠兩個人坐既位老闆見到就叫停個員工話個度太窄坐唔到兩人老闆寧願要客人等等都唔想佢哋坐得唔舒服係我差唔多食完既時候老闆仲走過來問我好唔好食我比左個佢人情味咁濃一定會再來

今日同E先生黎到觀塘工廠區，門口細細，入面坐位都唔多，冇咩裝修，到底有咩吸引？牛腩蝦条煎米粉（$45）牛腩汁有少量麻辣，唔食辣既我可以接受到，食到既係好香麻辣味，牛腩炆到岩岩好，唔韌，入晒味，牛筋仲軟林林通常都係配腸仔餐肉，依度配既係蝦条，仲有二條大方，好味雞蛋煎米粉，炒米粉就食得多，煎米粉好少地方有，煎得夠乾身，老闆教加牛腩汁食讚魔鬼奶油多（$25）側邊睇就睇得出心機野一個多士竟然有三層牛油，上下烘多士加中間鬆鬆軟軟麵包，食到唔同層次，麵包面既係阿華田粉，終於明白點解叫魔鬼越食越想食，唔小心就會食多左，好邪惡可樂啡第一次見，緊係要試一試得意既，俾想像中好飲有氣既咖啡，熱天飲一流鋪頭有既係熱情既老闆，有心機做好一間茶記，有水準既食物，依架太多連鎖茶餐廳，好唔好食就見仁見智，但希望好似「海潮」甘有人情味既茶記可以保留多幾間，等我地多啲開飯選擇

I have always wanted to try this place for the famous toast but KT is such a crappy area.There are so many people at any damn time of the day and week.Walking there from the MTR exit is a battle with people and carts on a narrow road with cars and trucks skimming by at close distance.This is shop is easily missed because there isn't a name or anything displayed and it is really old and shabby.Inside, it is cramped and noisy but Thankfully the staff were patient and nice as the menu is a bit comp

今日lunch 趁有時間，即刻衝去海潮食煎米粉！好耐無黎，煎米粉唔會太乾，蝦條夠香，牛腩就"鞋"左少少，不過最出色依然係個蒜蓉麻辣醬！加d 落米粉更加出色！鐘意辣既朋友必試👍🏻👍🏻👍🏻

在觀塘區工作的朋友都知道，區內有很多隱蔽的食堂。有些只有一個細小的入口，有些則連招牌也沒有，入口處有標示「只接待在本座大廈工作的員工」，實際上是來者不拒的。這類食堂，大部份營業至下午六時，星期日亦休市，主要是服務區內的上班族。但亦有卧虎藏龍者，憑其招牌菜色打響了名堂，吸引到區外的食客，專程去光顧。海潮食堂，便屬於這一類了。我也是看見雜誌和網友的介紹，而專程去試吃的，前後去過兩次。感覺是：食堂細小和擠迫，老闆和員工都很友善，食物的款式特別，味道濃烈。與區內的食肆比較，價錢偏高，不過以食物的質素來說，亦是物有所值的。上星期第一次去時，剛過了午市繁忙時間，但店內依然滿座，老闆為我找到個牆角的位置。我選了這裏馳名的食品：牛腩蝦條煎米粉，每客$45不包飲品，環顧四周，有大半食客也是吃這款食物，有些是配煎河粉。米粉很快便送上，賣相甚為特別。米粉加蛋煎成餅狀，有點像「兩面黃」，但不油不膩，相信秘訣就在「耐心」二字。埋單時，果然見到伙頭用平底鑊，不停地煎米粉和河粉。米粉一邊有兩條炸成焦香的腐皮蝦條，驟眼看似是香腸，味道只是一般的行貨。而另一邊加了蠔油，當作調味料。牛腩用一個不鏽鋼小碟盛著，底部墊了白蘿

真係一間非常local的茶餐廳店內似乎只有老闆同3位員工老闆亦會親自落單 看得出是小本街坊式經營老闆落單時都會有推介同建議份外親切有人情味餐廳內所有的牆都係餐牌🤣食物選擇之多真的好驚人🤪不過我黎之前已經目標明確要食魔鬼多士❗️蔥花蛋治烘底 | $25比起公司治我更喜歡這個蔥味香濃 但略嫌炒蛋味道淡了一點加點鹽炒會更好 但要讚多士烘得好脆值得一提係多士其實係由數塊薄多士夾成全部多士都烘得好脆 口感加倍但個人覺得多士中間的牛油過多搶了蔥蛋味道 但整體都係好好食的蛋治牛腩蝦條煎火粉 | $45第一次食煎米粉 有驚喜喎加了蛋漿煎所以更香脆 而且一點都不油膩無論配蠔油或牛腩汁都同樣好味牛腩較瘦 但炆得好淋 不過味道有點過鹹·介紹完鹹食 當然亦有甜品比鹹點再邪惡10倍🙈魔鬼奶油多 | $25同蔥花蛋治同樣的多士層但就變成面頭撒上砂糖和阿華田粉再有煉奶和牛油 係奶油多的終極進化版‼️多士夠厚而且有牛油平衡甜味 不會過甜超薄奶油多 | $11這個的邪惡程度有過之而無不及超薄多士上撒上大量砂糖同阿華田粉再加煉奶 薄多士中間仲有層朱古力醬真係甜味料大雜燴😂配薄多士雖然好香脆但麵包份量太少中和不了甜味 所以味道

吃貨就是多士控🍞🤟🏻而家放毒時間 提早3點3放送🙊😀**觀塘扮工仔飯堂⚠️注意⚠️.-牛腩蝦條煎米粉 軟腍入味牛筋腩 多蒜惹味微辣 蛋煎米粉 香口 -魔鬼奶油多 多士烘得香脆 塗上薄薄牛油 再加煉奶 砂糖 可可粉🙊真係好邪惡啊😛🤟🏻========================海潮食堂 (觀塘)觀塘成業街19-21 號成業工業大廈地下G6 號舖

一路以黎都有收藏海潮食堂今日星期六放假就專登搭車由大埔去觀塘試下留意番星期日係唔開架～想食就要就番岩時間行到門口 竟然唔洗等位！入面都幾乎滿座要搭枱首先打頭陣既係牛腩蝦條煎米粉（$45）牛腩好食夠腍身但最令我驚嘆既係當中既蘿蔔！腍身入味不在話下，食到最尾個口有種蘿蔔既甜味！好耐無食咁好食既蘿蔔煎米粉餅平日出街都好少見推介蔥花蛋治烘底（$25）雖然個皮唔夠熱 但裡面搭夠番每食一啖個口都充滿住蛋香同牛油好鍾意食呢個椒鹽燒賣 $10 七粒由於其他食物好好食 呢個相比之下無咁出色奶茶$20一杯，普通既奶茶味飲完先發覺原來有冰啡樂，下次再來再試下先！最後緊係要以魔鬼多士為呢餐劃個完美句號 （$25）雖然個皮依然係唔夠熱身但外脆內軟，估唔到阿華田粉同糖撒上去，配埋煉奶係咁好食～友人食到讚不絕口好滿意呢餐～員工話近呢兩個星期仲多左馬來西亞遊客一落機就黎食好味道既食物係唔應該吝嗇對佢既讚賞希望更多人會黎光顧，海潮食堂要keep住落去

新年後都係食之前去過，未有機會去下啲新食店，呢間係第三間再次光顧嘅店。一直都話再去，終於搵到機會去啦。好彩我地行得快，7個人都好快有位。繼續係心思思唔知食乜好，今次俾我地見到有個牛腩蝦條煎米粉，不得了！先叫一客椒鹽燒賣，10元有7粒，味道ok，好夠味，好開胃下。同事叫咗呢個撈公仔麵系列，老闆勁好，話只要想撈乜，可以自己叫，價錢都係一、兩元嘅差距。老闆幫同事揸主意要熱薑蜜，同事欣賞佢係用老薑，夠哂辣。雞翼係一時時，上次我地食覺得麻麻，但同事話好食。撈麵叫咗小辣，同事話掂，夠惹味，蛋又煎得夠香。下次可以叫中辣。到我嘅牛腩蝦條，牛腩真係無得輸，淋到一個點，爆入味，蘿蔔仍然係好入味，好甜！蝦條就乾左啲，係好味，不過唔夠南x嘅蝦條好味（唔知點形容）。奶茶夠哂滑，又好味。魔鬼多士就有啲失望，上次我地食係扁身啲，而每份入面係鎖住鍊奶，但今次就無，而且唔夠熱，就差咗啲。

話說，有幾個星期在觀塘上班，所以最近留意多了觀塘的餐廳、美食。有天在ig看見有人極力推介這間茶餐廳的蛋治，二話不說，即日就去試試！午飯時間大約一點到達，餐廳地方不大，已坐滿客人，只剩下最後兩個座位。座位有點迫，不過幸好”搭枱”的客人很有禮貌。另外，店員服務態度很好，沒有點飲品，才很樂意給我們水，老闆也很興奮向我們推介這裡的招牌最後，我們點了下面三款食物:🍳🍞 蔥花蛋治烘底 ($25)這份厚厚的蛋治啊😍，滑滑的炒蛋是基本😆 加了蔥又再正一點！最驚喜的是，餐廳很巧妙地把超薄的半溶牛油多士，當作其中一邊的包面😱，所以吃下去特別脆❗️而中間則是軟熟的麵包☺️ 整件事放進口裡 PERFECTO‼️🤤 豐富口感加分加分第二樣是第1️⃣次吃的 牛腩蝦條煎米粉 ($45)很有特色的感覺，用蛋煎米粉很香，重蛋味😍😍 加上牛腩汁不錯吃，值得試試。不過只吃到牛筋 吃不到牛腩😂 不過份量吃著吃著覺得挺多的啊~第三樣是老闆推介的 香煎魚餅 x 潮洲咸肉 菜飯。這個看下去很豐富，份量多煎魚餅雖然很香口又有咬口，但比較油膩呢🙊 咸肉如其名偏咸的。總括而言，一定會為這裡的蛋治/多士再來

觀塘有好多工廈食堂，但大都是「夠平唔夠靚」，求快不求質居多。然而，這間唔算大的「海潮食堂」卻屬例外。門面沒有明顯的招牌，若非靠Google Map，或者中午時段看到店子門口的人潮，真係會錯過它。第一次去太多人等位，放棄。第二次去過了繁忙時段食早餐，終於食到。令我留下印象的，是居然有菜心粒肉絲通粉這種有住家Feel兼比較健康的選擇，簡簡單單，通粉軟硬度又剛好，卻有窩心之感。第二次去亦選下午茶時段，避開人潮。先來一個蕃茄肉丸米粉，同樣係有阿媽煮的味道。蕃茄湯雖不是很濃，但至少夠味，自家製肉丸不是彈牙那種，但卻是有質感沒加粉，夠自然也，得分中上！叫多個葱花雞蛋多士。難得有茶記肯做這種要花多一點功夫又不太賣錢的東西。呢個多士葱味足，中間的蛋仍具濕潤感，是煮蛋的理想狀態，整個多士絕對是極品也！總而言之，這是一間肯比其他工廈食堂更用心的店子，就是呢個態度便值得支持。唯一唔like是店子較早關門，很容易令人白走一趟呢。

前排睇廣告介紹觀塘有間隱世茶餐廳，今日去成業街試下，響工廈停車場入口旁，連招牌都唔覺有，要入到餐廳先見到「海潮」個招牌。餐廳坐位較迫。餐牌好多選擇，有多款餐配搭，聽到老闆同每枱客人介紹，有一熟客話唔舒服，老闆虛寒問暖，最後介紹客人食咸肉米線配熱薑蜜，甚有人情味的感覺，唔怪得咁多熟客幫襯。當然要試招牌菜，牛腩蛋煎米粉拼腐皮蝦卷 - $44老細見我分開食,即走過來教我食，話先將煎米粉切散幾份，再將麻辣腩汁連生蒜淋上蛋煎米粉上，令米粉索晒汁料，又脆又腍既口感，腩汁濃味，好多牛筋超腍，蝦卷香脆。另叫了薄多士$10，差不多每枱都有叫，兩塊紙1mm 咁薄既方包，烤到卜卜脆，配埋砂糖、柯華田粉、煉奶，甜絲絲的味道！再叫了酥炸豬扒菜飯$42，不過有一點失望，豬扒唔脆的，似煎多啲，不過勝在腍身，菜飯夠多菜，大大塊菜夾雜飯當中。

係觀塘返工每日都要諗食咩，觀塘不嬲出名多選擇，所以每逢Lunch前個一個鐘都會浪費好多時間去比較食邊間CP值高既餐廳。然後就上網查到呢間　海潮食堂。餐廳唔難搵，但門口係細左小小，而且招牌唔特別顯眼，就係停車場入口隔離。入到去，金毛老閭已經非常主動地撩你講野，帶你入座。對餐廳環境有要求既吃貨未必滿意佢地既乾淨程度，始終都係舊式茶記Style。但服務就一流啦，點單餐牌好多選擇，老閭仲會專人推薦你有咩好食。不過就講得好快，同馬明D Rap可以媲美。我Catch唔到所以就無聽佢建議，食左是日午餐　—　手撕雞油飯。常價係40蚊，加左油飯就加多3蚊。再配埋凍飲就　45蚊　埋單。終於到上菜，個人食野較為清淡，所以覺得雞肉偏鹹。到最尾亦都無食哂。唔知係咪撞手神啦。不過量係夠既，雞肉多過飯，多到雞先好似係主菜咁。食完一輪，其實最想食既係佢既　邪惡阿華田多士　—　$24。先去圖：厚度接近手指公既高度！　而且外脆內軟，講真，多士最重要，係新鮮。咬落去口感就真係好滿足，但食耐左有少少似奶醬多，阿華田味就好似被煉奶既甜味搶左。佢仲有超薄多士版，但我食完碟飯都無左大半條HP。再加埋呢4舊山丘，連晚飯都要延遲先食，