海港薈

营业中

休息中

提早預定座位，接待處同事張寶英小姐話雖然保證唔到海景位，但會確保4枱坐埋一齊，咁我都提早比按金留位，都知星期日難約，但當日十二點半左右收到電話話有位可以入座，本身仲影緊相都提早結束去食飯，結果上到去得3張枱4人4人同6人枱，咁問職員，職員既解決方法居然係加凳就算！！！本身已經安排坐到最入，加凳要加6張，地方已經窄，咁既解決方法真心接受唔到，咁叫經理黎，態度連一句抱歉既說話都無講，唔知係太忙定唔著重我地。最後既解決方案係加枱，本以為結束，結果係加張4人枱，唉。員工同員工之間又無溝通，態度惡劣，安排失當，處事馬虎。食物只有幾項可以加分 其他十分一般。

最近忙於工作，已許久沒有陪同娘親爹爹外出吃飯，因而今天下班便特意攜帶他們到此酒樓晚膳以作補償，順道放鬆身心。餐廳裝潢以潔白色調為主，並用上大量花、草作為裝飾，再配襯起精緻吊燈和海景景觀，整體設計是高貴大氣。超值歡樂 4 位餐四人套餐共包含有六款菜餚，食材均以海鮮為主，而價格是 $1288，此收費再連同環境服務著實是經濟合理。上湯焗開邊龍蝦伊麵伊麵柔韌彈牙，鹹鮮香濃，掛汁力高。而主角開邊龍蝦有四件份量，咀嚼時鮮甜滑彈，細嫩緊實。西蘭花如意炒帶子西蘭花爽脆清香，鮮嫩入味，帶子則炒至表面金黃帶焦，口感是新鮮爽彈，甘甜軟嫩。鹽燒鮑魚使用鹽分調味燒焗的鮑魚外層金黃酥脆，內裏肉質柔嫩細滑，爽口彈牙，再配上炸蒜粒作為點綴，令整體更添惹味可口。清蒸虎杉斑師傅選用清蒸方法烹調魚隻，以務求更帶出其原有鮮味。入口肉質嫩鮮彈牙，結實滑溜，魚香出眾。燒鵝王拼叉燒燒鵝外皮製作得帶有油份，但食用時卻毫不油膩，酥脆甘香，肉質亦是鮮香軟嫩。而另一半的叉燒則細膩緊緻，香甜多汁。薑汁炒芥蘭芥蘭色澤翠綠鮮艷，特意加入薑汁炒製以緩和其獨特苦澀，咀嚼時是脆嫩爽口，甘甜清新。精美甜品隨套餐附送了四件甜品作為飯後結尾，食用時口感軟糯

Overall very good bor, 好食，整體不錯，五個人食了650左右，加一茶芥後7xx. Sunday lunch time 13:00去食.D料好足，不似其他酒樓 慳住慳住咁食物相未有 影到相。叫了例牌燒鵝唔乾鞋入味👍👍👍👍$118例牌，平日半價叫一隻$2xx抵😍咕嚕肉食到尾都仲好脆👍👍👍👍黑毛猪义燒包👍👍👍👍蛋白燕窩👍👍👍👍帶子腸粉滑👍👍👍👍👍千層糕正常👍👍👍👍椰汁球 煎埋入面是小許椰漿👍👍👍珍珠雞夠汁饭唔乾好味👍👍👍👍👍燒買 蝦餃OK👍👍👍👍鮮竹卷 好味👍👍👍👍灌湯餃好足料👍👍👍👍平日食平好多，下次平日來😊

我從來都不會寫食評的，但今次覺得太不滿意了，不寫不得。這孖寶推介話$238  有百合花生芽炒蝦球+濃雞湯泡湯河，第一奇怪:  先上淨湯河，之後等咗10分鐘都未有炒蝦球，叫部長追過後再等多至少8分鐘才有蝦球到，第二奇怪:  $238套餐只有淨湯河  (普通清湯河，完全沒有濃湯河味道，比外邊普通的粉河面檔還要普通)，第三奇怪:  238  原來只有4️⃣粒蝦球，完全係搵笨，第四奇怪:  那裏有個部長好奇怪，問親她的嘢都答非所問，兼且錯漏百出，我們最後只有5位，但她照收6位茶錢。5️⃣ 本來在海港薈網站反應以上問題，但結果等了一個星期也完全沒有回應，搞到我非常不滿意😓😓

北京道一號的海港薈 是海港集團中的高級版 包括裝修 景觀 服務 收費 我來過幾次 感覺都滿意 可是今次有點失望呢晚上六點到達 因為時間尚早 安排了窗口位 直望維多利亞港 開揚廣闊 細看菜單 同樣的菜式比普通版分店大約貴了30-40%簡單地點了4個菜 最差是椒絲腐乳通菜 份量少 外形慘不忍睹 送上時竟有菜葉掛在碟邊 （拍照時已將它放回碟內）味道一般豉蒜南瓜炆海參 南瓜雖然軟但外熱內凍 可見是在煲內煮的時間太短 脆皮咕嚕黑豚肉 配料多而豚肉少 入口祇有少少脆全晚唯一可以接受的是脆皮吊燒雞 名副其實 皮薄又脆以後不會再去這間酒樓了 即使景觀及裝修如何漂亮 出品不合格是致命傷呀

今晚晚飯分兩圍枱 ( 總共12人) ，每圍枱各叫一隻阿拉斯加蟹， 蟹肉清甜，新鮮。 各侍應也很親切地招呼我們， 還主動幫我們剪切隻蟹， 食得很開心, 我們還盛讚這處的侍應好nice, 十分專業和細心。可唶， 當結帳的時候，一位戴粉紅色眼鏡的主任前來，我對於賬單上的蟹價向佢查問，她即表示不耐煩，又話我煩，態度非常欠佳，並且發出唧唧聲，非常沒有禮貌。我的一家人均覺得她十分不專業，沒有禮貌之餘，亦與海港集團其他有禮貌的員工十分不符。樹大有枯枝，一個人的沒有禮貌影響我們全家人對海港的感覺， 當她的冇禮貌回應時， 其他侍應部長也凝望著佢。 平時我多數往灣仔 海港薈 或者寶翠園嘅海港 , 今次專誠去了尖沙咀北京道一號一試， 真係太難忘了！

I am a regular customer of Victoria Harbour and I have downloaded their app as well. I like the point saving scheme by using the app so I can redeem XO sauce. Tonight, we have ordered dinner set for 6 people.Victoria Harbour Supreme is a upscale version of the restaurant. The portion of the food is smaller than non-supreme version of the restaurant. I would recommend to come here if you have business dinner. The renovation of the restaurant is quite nice and people would have wedding ceremony

2021年5月15日12:30同行一人八人分開兩台敘舊飲茶本身已經食咗4樣點心第五樣燒賣嚟到嘅時候一夾起發現有勁大隻昆蟲立即無胃口 搵店長處理 態度不知所謂仲問返食客咁你想我點 一路只係重複話只可以減到四個人茶錢但問題係根本冇人再有胃口食枱上嘅點心其後不顧而去草草了事 即刻食到成肚火 好似俾人當係施捨咁望住枱上嘅點心完全食唔落於是再搵另一個經理出嚟處理 經理係唯一值得讚嘅伙記一嚟到已經不斷道歉亦都有解決左問題

一向識嘆嘅阿妹約咗我去尖沙咀海港薈飲茶，酒樓設計時尚裝潢瑰麗，特顯高貴氣派。擁有浪漫醉人的180°維港海景配以落地玻璃，迷人景色盡收眼底。阿妹話可品嚐各類精緻點心，又可飽覽維港嘅浪漫海景，一樂也！西班牙黑毛豬叉燒包：西班牙黑毛豬肉散發出陣陣橡果香味，入口肉汁多，肉味香濃,肥瘦適宜， 帶有油香，口感味道遠勝一般豬肉，包皮蒸熟後軟滑剛好，稍為裂開露出叉燒餡料，滲發出陣陣叉燒的香味。翡翠筍蝦餃皇：餡料有蝦、有筍，蝦餃皮薄而軟，程半透明，晶瑩剔透，口感爽滑Q彈，蝦鮮甜爽口彈牙。避風塘乾炒牛河：把避風塘的做法拿來炒牛河，拼用了干炒牛河的方式，牛河條條分明，入口乾爽不油膩。炒好的蒜頭脆而香，混合在柔軟的牛河中，是一種帶勁的口感。不得不提的是，分量非常足！

必食爆汁流心椰汁球～～～最近嘅心情份外抑壓，我需要少少陽光令自己positive一d，同時亦都需要食物，令我嘅心情變好，大舊👦🏻聽完我嘅諗法之後，就帶我嚟尖沙咀嘅呢一間海景茶樓飲茶。～～～為咗霸個靚位，我哋早早11點幾就嚟到，坐低叫咗滾水普洱之後就開始睇餐牌，最後就揀咗以下幾款食物：-原隻鮑魚燒賣皇-西班牙黑毛豬叉燒包-翡翠筍蝦餃王-菜遠蝦球湯伊麵-流心椰汁球-鮑汁鳳爪～～～等食物嘅途中可以欣賞下佢哋嘅維港美景，令人心情舒暢。第一碟上嘅食物就係西班牙黑毛豬叉燒包，由於比平時嘅豬用得靚所以佢哋嘅呢一個叉燒包，叉燒味道份外濃郁，裏面嘅叉燒半肥半瘦，醬嘅份量又唔會過多，係正嘅。～～～之後上嘅就係蝦餃王同埋燒賣王，前者有四粒後者有三粒，無論係邊一種佢哋入邊嘅蝦都爽口彈牙，蝦餃皮薄，燒賣香菇香氣突出，而且仲有一粒鮑魚仔喺上面，便宜價食出奢華感覺，係開心的。～～～菜遠蝦球湯伊麵就同燒賣蝦餃一樣，個蝦球都係彈牙新鮮嘅感覺，湯底清清地，加埋大大碗伊麵，飽肚美味，令人感覺非常滿足。～～～鮑汁鳳爪就一共有六隻，軟腍入味，入口即刻爛開，啱晒我呢啲連咬都懶得嘅懶人😆。～～～最後我哋嘅成個午茶就以一食難忘嘅流心

好耐冇坐低慢慢嘆茶了，望住咁靚既海景嘆茶真係別有一返滋味！望望海港薈既餐牌，佢既點心都幾有特色！首先我地叫左個酒糟鴨舌，酒味好香又入味，但唔會苦同嗆喉，入口好爽西班牙黑毛豬叉燒包呢個叉燒包真係真材實料，入面真係有大大粒叉燒，並唔係肥膏同埋醬汁，個叉燒肉質都幾腍，名副其實嘅叉燒包鮑魚海鮮撻鮑魚都算幾大隻，個酥皮牛油味好香同埋好鬆脆，再加上少少肉碎係個撻入面，幾濃郁嘅味道蟹粉小籠包都幾大粒，裏面都好多肉汁，而且味道唔會腥，小籠包皮都唔會太厚喺呢度飲茶真係幾舒服同幾寫意

嘆茶梗係要搵個好地方～一邊望住個海景，一邊食點心☺️坐近窗邊位置，真係心情都靚靚～基本上酒樓點心、小食、炒粉麵都有。飲茶我比較鍾意叫點心🤤▶️黑毛豬叉燒包充滿蜜汁，黑毛豬比起普通豬肉更香更好味😋▶️蟹粉小籠包估唔到咁多汁juicy，肉又夠香，好食😚▶️蝦春卷卜卜脆，金黃外皮，蝦爽口～▶️五彩繽紛：每樣一件，唔會太多，可以試多幾款～🔺鮑魚燒賣-面上有隻小鮑魚，燒賣豬肉夠新鮮，又無咩肥膏。🔺蝦餃-蝦大大隻新鮮爽口！🔺黑金流沙奶黃包- 蛋黃流心夠熱夠香～包軟綿綿～🔺粉果-超豐富餡料，爆滿口感🔺千層糕-夠懷舊，呢款千層糕已經唔係好多酒樓有了，白黃白黃一層☺️ ▶️原隻帶子腸新鮮即蒸，腸粉夠林夠滑，入面仲有帶子～▶️靈芝菇蒸牛肉球牛肉大大粒，配有靈芝菇好健康～望住海景食點心，價錢又唔貴，好正！

今日去尖沙咀行街，媽媽話想舒舒服服飲下茶，即刻上黎呢度，時間尚早，早上11點幾，好彩有窗口位。海景景色令人心曠神怡，環境十分舒適。翡翠荀蝦餃王皇 － 有4粒，包著滿滿的蝦，彈牙爽口夠新鮮。五香繽紛 － 一次過可以試5款點心，打咭一流松露野菌餃 － 香香的松露味，入口滿口野菌香。西班牙黑毛豬叉燒包 － 叉燒包比一般的大，裡面的黑毛豬叉燒份量很多，好吃。鮑魚花膠灌湯餃 － 鮑魚有咬口，花膠份量也頗多，熱熱的湯喝下去很暖胃。避風塘炸粉果 － 炸得很香口，內裡煙韌。這裡是一個好地方，大大的窗望著維多利亞港的美景，呷一口茶，享受人生。

今天帶家人到尖沙咀飲茶，找到了這間在北京道1號飽覽維港海景的酒樓酒樓內非常寬敞，而且對住全海景，環境一流西班牙黑毛豬叉燒包 - 必點點心，一籠三個大大個的，即叫即蒸熱騰騰那裏是黑毛豬叉燒，大大舊，非常足料原粒帶子腸 - 腸粉真的非常香滑，每舊都有原粒帶子避風塘炸粉果 - 第一次食到，外皮炸得非常香脆鬆化，內裡是蝦肉，配上避風塘炸蒜來吃十分惹味鮑魚花膠灌湯餃 - 灌湯餃大大個十分足料，還帶兩粒鮑魚和花膠，十分高質五彩繽紛 - 有鮑魚燒賣，蝦餃，千層奶黃糕，流沙包和黑松露餃，十分適合每樣都想試的我們最推介是鮑魚燒賣，燒賣是豬肉和冬菇切粒，十分有咬口這間酒樓食物質素好，而且環境舒適飽覽維港海景，性價比十分高

兩星期前因為係尖沙咀行開街, 唔知想去邊飲茶, 就撞左上呢度, 今次就係專登走過來, 估唔到今次同上次係有好大分別, 上次客人唔多, 可以即時入座, 但今次係滿哂, 要係門口等一陣, 本來都有個路邊二人枱, 但呢度有咁大既窗可以望到維港, 所以就想等多一陣要個窗口位, 最好都係等左 10分鐘左右就有, 感覺今次個點心單好似轉左, 無上一次咁多野食, 但有兩樣就一定要叫, 松茸花膠燉雞湯, 西班牙叉燒包好快就點左幾樣點心, 都係自己比較想食, 安格斯牛肉腸粉, 牛肉嫩滑, 腸粉皮薄又滑, 西藏牛肉球, 夠大粒, 鮑魚燒賣, 不過不失, 釀青椒, 魚肉爽口, 不過得 4隻就好似唔夠喉唔知係咪來得密左 D , 感覺上次來好似好食好多, 哈哈Anyway, 其實都唔係差,  仍然係有水準又唔係太貴既中餐廳