影片
老婆屋企人团拜，系海港book咗两围，叫咗个超值套餐全包宴，一围二千蚊都唔使仲找返两蚊，食物质素可以，去片。乳猪全体，乳猪皮好脆，又唔算太肥。浓汤花胶煲螺头。 虽然唔系用上等花胶，但汤渣都见到有好多花胶同鸡脚。龙趸两味，蒸龙趸斑腩同西兰花炒班球。至于过杏香百花球，林晒，唔够脆，同埋冻咗。寿包就超级大个啦就。特别之处，寿包系有分奶黄味同莲蓉味，应该系减少成本之作？有咁高嘅性价比，梗系有啲 drawback. 其实枱与枱之间坐得好迫，基本上坐低咗连去洗手间都出唔到去，不过咁抵食冇办法啦。
继续阅读
今日家人生日谂住近近地落去海港食饭，预早订左枱，但成餐完全失望！我地叫左个「珍超值」既全包宴12位，另加左半只烧鹅。（因为我地唔兴相机食先，所以无影到食物相）首先，一道𩠌都未到，个侍应就放哂d汤碗上枱。阻住我家人夹𩠌！😡😡😡😡😡二渣所谓既健康饮品就系糖份极高既橙汁，得个甜味。其中一渣入面仲有只蚊系到👎🏻即换过一渣比我地。第一道，乳猪。有苦味，以为得我个旧系咁啦，点知不约而同我家人都表示有苦味，㶶味。咁同个男部长反映，佢就话「第二碟都可能有咁既情况架㖞，不如转个烧味拼盘比你地啦」what！！！烧味拼盘同乳猪全体个价钱都唔同啦，系咪玩野呀！之后佢先再话拣盘无咁深色既比我地。第二道，焗虾伊面。唯一觉得ok，不过不失。第三道，蒸鲍鱼。唔够鲜味，又无乜陈皮味，上到枱又唔够热。第四道，花胶螺头汤。淡而无味！惨过饮水😭😭😭😭之后佢舀d汤渣出黎，what!!!!无螺头，得半只鸡都无既鸡件，花胶又一d都唔胶！(d汤碗而家先用，点解唔而家先拎出黎，张枱又唔系大过人)第五道，发菜蚝鼔鸭脚海参配菜心苗。菜比较老，d鸭脚唔好食！第六道，海星斑。蒸得过火不在话下，仲系有d唔新鲜，d鱼肉系有d霉！🤦🏻♀️🤦🏻♀️🤦🏻♀️🤦🏻♀️第七道，烧鸡。鸡肉劲干！全碟食左几旧之后都无再食过，成只鸡形仲系到！第八道，烧鹅。d肉质又系劲干！d黄梅酱劲甜😤😤😤唔点好过点！第九道，红枣糕。枱面已放满食物，而我地都未食哂，就上甜点，乜好赶时间咩？红枣糕过淋，用牙签都吉唔起，一吉起就烂！第十道，柑。因为枱面已无位放，佢就放在系旁边张枱仔到。我地食左8只，其中有2只系烂既！其他都唔甜，无乜味！另外有4只放在系原本个碟到未食住。因为有蛋糕，咁叫个侍应黎收起枱上既野！佢见我地仲有成只鸡系到问洗唔洗要盒，我地话唔要！顺便反映话d食物差左好多，好难食！个职员仲可以扮听唔到，一粒声都无回应😤😤😤😤态度仲劲差，执枱净系执一半就走人，跟著就拎个蛋糕出黎就放低！ok，fine，唔执就算！到比$，另外一个著黑衫既女人(应该经理)黎收$，我地再反映多次d食物差左劲多，大不如前，谂住佢会话同公司反映下或者同厨房讲下，但佢无啰！仲要黑口黑面咁望住我地默不作声！态度极差！😡😡😡😡😡😡👎🏻以后都唔会再黎呢间食野，埋单都要三千几蚊，不如比多少少过翠园食好过，起码有质素保证d！
继续阅读
平时去海港都系夜晚打边炉今次妈妈生日钟意食中菜就试下海港既晚饭妈妈钟意食海鲜，所以叫左胜子同虾佢既虾好新鲜，弹口的胜子都唔错，唔会好硬叫左个龙虾伊面底，龙虾就唔多肉，伊面比较碎同埋油份都比较多，有改进既空间。最后叫埋呢度招埋既烧鹅半只系几好食，又够热！
继续阅读
通常都系黎饮茶，今次试下帮衬下晚饭，食个生日饭花雕酒蒸阿拉斯加长脚蟹，平日做紧$188一斤，平时食开冻食。今次经推介下试热食，出奇地系好食，我地一人分得一只脚，百d唔够喉下次要叫大只。个壳既蟹膏就超多，但唔系个个食。今次之后，第日食长脚蟹又多一个选择！一家都好钟意食鱼，当然唔少得蒸返条沙巴龙趸。爸爸大赞，始终都系酒楼整得好食！蒸得刚刚好，好滑。平时食龙虾唔系拣澳洲就系波士顿，第一次食呢种美国出产既小蜜蜂。意惊喜啖啖肉之余，仲好甜同弹牙！经理无介绍错，都系唯到百零蚊只成餐啖啖肉，好饱好满足！
继续阅读
星期日是家庭日，今天选择去茶楼饮茶，海港在大埔都很多年了，我们都经常去，可能是假日早上大概别人都还未醒来，我们都是大约等了十分钟左右已经有位了，亦不用搭台⋯ 假日早茶茶芥$8一位。（$14.8）柴鱼花生粥，我们必点的粥，这碗粥很绵真有柴鱼味，还有些花生在里面，胡椒粉就自行添加。（$18.8）香煎萝白糕，有4块，煎得表面都很香脆，亦有萝白香味，不算很重面粉，好味的。（$22）雪菜肉丝汤米粉，雪菜香，米粉软，不过汤太淡亦没有雪菜味，味道一般不过胜在便宜又饱肚。（$22）鲍汁凤爪，大约5只左右，鲍汁浓鸡爪都吸到味，还有些花生。（$22.8）大点⋯蜜汁叉烧肠，蜜味很香，肠粉很热很新鲜。（$26.8）翡翠虾饺皇，饺皮晶莹剔透，虾身都很大只，爽口，好味！（$16.8）小点⋯五香咸水角，皮刚刚好馅料丰富，可惜不够热，失去了脆口感觉。（$20.8）凤爪排骨饭，凤爪只有一只，排骨都软身有豉椒味，白饭煲得干身，不错！（$24.8）蟹籽烧卖，烧卖本应是酒楼最基本的菜色，可以这个烧卖做得很差，馅料不算很饱满，就连外观都不齐。（$23.8）棉花鸡，丰富的除了有棉花有鸡外还有菇、火腿、蟹柳等等，亦不会太油腻。（$15）杨枝甘露，说是杨枝甘露又像芒果西米露，他的西米又不是西米，口感阵牙像一粒粒的大菜糕或啫喱，芒果肉很甜，都好味的。（$22.8）竹碳甜薄撑，像是一块面粉以竹碳煎成，然后再以糖和花生包起来，甜甜的，烟韧的，好味道。
继续阅读