海景軒

营业中

休息中

又係一年一度嘅生日飯啦海景軒真係不愧為攞獎餐廳！每一度菜由賣相到味道，以及餐廳服務都盡善盡美！這度水晶牛肋肉直情像藝術品一樣咁靚，十分精致！牛肉十分嫩口亦好香濃。另外一度生煎糯米飯都係必食招牌菜，外脆內軟，一絕！水晶牛肋肉糯米飯

很久前已聽過呢間食府，成日話去試，但又搵5到飯腳，終於家人提議去這裏食慶生飯，我當然舉腳贊成。食嘢都要做功課，係 openrice 爬文後，我地就預訂咗片皮鴨、鴛鴦糯米飯 (呢2個係我地想食又需要預訂既菜式)。今晚我地6點鬆d 入座，初時得幾枱，後來就有10幾枱客。我地叫咗壽眉，幾香，但沖得2、3壺就好淡，要叫侍應幫手加多d 茶葉。我地7條，佢地俾咗2碟各3格既醬料(豆辦醬、辣椒豉油)+豆乾。。。是免費的，我估茶水費已包埋呢d 醬芥錢。然後開始叫菜：1. 茶香燻素鵝($88)：一碟8小嚿，燻味就無乜，5會再翻炒2. 葡汁焗釀響螺($158/件)：葡汁味香及入味，但螺肉就很少很少3. 百花炸釀蟹拑($128/件)：蟹爪被厚厚既蝦膠包裹，我覺得好啱小朋友食4. 香酥釀蟹蓋($288/件)：上碟已好有氣勢，有個金蟹模具盛載著。好多蟹肉，正5. 玫瑰花香燻帶子($368)：呢個燻味濃d，啱我。帶子好滑又入味6. 片皮鴨($698)：侍應會拎著烤鴨俾你望望，然後就好細心片皮，仲擺放得一朵花。由於鴨5係大隻，所以鴨肉5韌，皮又鬆脆，加上有2款鴨醬(一款帶點辣)，而且配料除了傳統青瓜、蔥，竟然有菠蘿

差不多每年媽媽生日我們都選海景軒慶祝因為食物品質有保證 一定不會失望我們八大三小都十分滿足這個椒鹽白飯魚最受小朋友歡迎吃完一個還加單encore白飯魚很大條 十分香脆 非常出色👍🏻蔥花海蜇非常爽 由於我不吃蔥所以稍嫌蔥花太多 但仍然很美味脆皮燒腩仔不但很脆 而且是熱騰騰的肥瘦適中 非常不錯👍🏻片皮鴨是每次必點 他們用來包鴨的皮超薄而且配料也很多 除一般的京蔥及青瓜外還是柚子 菠蘿 之類 很好吃二食我們選了鴨崧荷葉飯由於侍應幫我們分了 所以沒有拍照但鴨肉很多 味道非常好蜜梅京燒排是招牌之一這種煮法在外面吃不到 好味且特別四川蝦球很爽 而且蝦很大但醬油有點似泰式的甜辣醬 不太四川炸子雞也非常好吃 皮脆肉嫩喜歡咕嚕肉的一定要點聽說咕嚕肉最考師傅的功力這裡每一顆都是脆的 上湯浸菜心師傅很細心的去了部分的皮令菜心特別嫩黑白蒜安格斯牛柳粒牛柳粒非常淋砂鍋銀鱈魚 魚的表面脆脆的加上醬油別有一番風味最後我們還點了師傅的拿手蛋白杏仁露大家對這一餐都非常滿意

姊妹淘聚會 ，今次黎到海景嘉福酒店既海景軒，環境好舒服既中菜廳，溫和既燈光令人放鬆。靜靜地坐底好有詩意既氣氛，一洗買唔到粉底既頹氣。每一道菜都好精緻，真係色香味視覺行先，即時胃口都返哂黎。酒店即係酒店，服務水準真係一流，細心又有禮貌，令人放慢節奏好放心交比侍應生去安排。個水晶牛肋肉上枱，好可愛啊，外表好似一個蒸梨咁，裝飾都好細緻，又唔會好over，好味啊，肉汁在打圈。冬坡肉好似一件小禮物咁，冬瓜令到成個口感都變得好輕，好岩美女胃口。整體食物好養眼，睇到嘩嘩聲，食下食下又到最期待既甜品，蛋白杏仁茶同埋山楂卷，太感動了，中式甜品都可以好有格調呢「轉圈撒花-ing」好正！完美既晚上。

幾年沒有來，難得生日飯無乜頭緒，就回來試試水準😃顧客服務部很快捷,但大餐牌的餸很多得獎菜都沒有寫，於是我都是看openrice的食評下單，全部都無失望，下次會去飲茶試埋佢d點心，同埋侍應姐姐介紹的椰x蟹蓋

之前食過這裡的灌湯餃好清甜，雖然不是傳統嗰款啲湯包在餃子内，但都没所謂啦！最緊要整得好食，無添加，不過都好難，吾多區少都會加些现成雞湯，有隻鮑魚仔，身價吾同哂 叫了呢個煎焗銀鱈魚，無諗過個厨調較個豉油汁會咁好味，魚肉超滑溜，雖然價錢係貴啲，差兩蚊四百元，有三大件咖，重係真货，吾係用鱈魚柳來冒充，係物有所值嘅，又有八折呢，差不多啦！就算在普通食肆叫這款銀鱈魚，相信都要二三百元才能落樓。提提大家，千萬别在這裡叫炆雞食，因為很很難食。

食家女友和我一樣對中菜情有獨鍾、又特別喜愛「懷舊中菜」！是晚女友安排了一桌由「海景軒」的梁師傅親自為我們主理一頓美味的「懷舊菜式」！🙏🏻😍😍😍今晚有好多第一次嚐試又特別欣賞的佳餚...👇🏻😋😋前菜有:脆皮芙蓉卷-豬油網包豬腦、久違的手工菜！頭抽醬瓜皮-西瓜皮腌製後、原來可以咁醒神！紙包大鱔 -久違的紙包菜式、入味！湯：四寶元肚湯-豬肚包（烏雞、蓮子、紅棗、糯米等四寶）、鮮甜！主菜：星班生死戀-用鹹魚仔原來都可以咁咸鮮、正！水晶牛肋肉-水晶梨劃空釀入牛肋肉、梨的甜味令肉質更淋更入味！呢道餸身為「飯婦人」的我點可以唔加碗白飯、Yummy👍🏻👍🏻👍🏻😋主食：狀元煎茶果-其實粉果不是我杯茶、但呢個先煎後蒸粉果、餡料豐富美味、愛上了！👍🏻👍🏻😋甜品-不是我杯茶、但每樣都有淺嚐！最後有人代我清埋、證明不差！👍🏻😜今晚略為遜色的👇🏻👇🏻「樵山焗蟹砵」- 食材和味道夾得有點牽強、個人覺得沒多大驚喜！「欖菜玉珠」- 奇怪是晚只嚐到雪菜味道、一點欖菜味道也吃不出！而且雪菜味道有點「霉」味！有點失水準！也是今晚唯一一道菜有剩的！😅但整體不錯了！大滿足！😍😍😍是晚菜單:四喜臨門脆皮芙蓉卷、紙包大鱔、頭抽醬瓜皮

同家人食晚餐 見到呢間中菜好fusion~食物賣相吸引所以吸引到我黎試下 不過有部分fusion 小菜係需要預先預訂一人一碟上枱 靚靚有花思酒店都好易搵 又有大枱 俾我哋一行10幾人傾得開心食得開心首先我哋先來一個好鮮甜既玫瑰花香燻帶子有少少煙燻香，match~片皮鴨 食中菜又點可以放過？上枱前 師傅會親手係我地面前表演 切片皮鴨 呢度嘅片皮鴨唔會咬落成啖油 皮薄 黎唔鍾意食肉嘅都覺得好好食花雕蛋白蒸蟹鉗 花雕味啱啱好 唔鍾意花雕酒都可以接受到蛋滑呢個係 欖菜玉珠 煙煙銀銀龍王白肉卷 需要預訂 呢個卷係三層組成 賣相一流 其實係蟹黃蛋黃汁花膠釀冬菇不過要小心啲食 好易一夾就爛鴛鴦糯米飯 係咪睇唔出d飯喺邊呢？呢個糯米飯外脆內軟，好似條煎魚咁就算就咁食 點小小汁已經好有味總結呢間餐廳食物賣相的確吸引，食物亦都對得住價錢，適合一家人去食

來過幾次海景軒，今次是極之失望的一次，話説經常食點心係吾健康，所以改改口味，點了個鸳鸯蝦，蛋白蒸蟹鉗，同埋吾記得乜乜雞煲，三個餸只有蟹鉗好味，嗰兩個乜蝦乜雞就難食到無朋友，先講嗰兩隻蝦，淡而無味，個厨懒到白色蝦肉嗰款底味都吾加，至於黑色嗰款好似話係黑松露乜蝦，莫講話無黑松露芬芳味，又係連底味也没有，唉！咁簡單嘅嘢都可以整到咁難食，個厨師喺度雲遊太空，講到隻雞，相信份量無一半，都吾緊要，最緊要好味，連最基本嘅都做吾到，隻雞又係無底味，無雞味，啲肉鞋夾梅，呢餐真係浪费金錢，好難説服自己短期再來。就係呢兩隻乜蝦好鬼難食；難食雞煲

標题同食評無關，哈哈！間吾中都會來海景軒食午餐，這裡燈光較暗，令人好易入睡，無乜胃口，只叫了一款點心就係鮮蝦腸粉，餡料十足，配上甜豉油，再加個飽魚雞煲，鮑魚煙煙in un，幾有口感，一定吾係糖心嗰種啦，但隻雞就差到離哂大譜，煮到啲肉又鞋又霉，扣哂分，吾知係咪中午時段大厨休息，求期找個二打六來煮，以後中午食厨房菜都係諗清楚，费事失望，付了金錢，得到淚水。

母親節是一年一度的盛事，因而選擇慶祝地點也成了讓人抓破頭皮的大難題。一來要顧及眾人口味挑選味道出眾的餐廳，同時亦要顧反食物的賣相，好讓大家拍出一幀幀漂亮的全家幅。今年母親節，我就選擇了海景嘉福酒店的海景軒。食物賣相從來是海景軒吸引人的地方，但令我們喜出望外的是食物的味道能媲美它們如詩如畫的外觀。先來一道清香的豆腐開開胃。再來是煙燻帶子。帶子不算很大，但味道鮮甜，而且烹調時間剛好，沒有太煙韌的感覺。接下來是眾人最期待的一道菜。常說做菜要色香味俱全，想必就是這個意思吧。食物做得精緻，食客吃時也倍加愉悅。說實的，這道菜的味道並無特別，但做菜者的心思為它增添不少分數。水晶牛肋肉這是來海景軒必點的招牌菜。廚師將軟腍的牛肋肉釀進一個大梨子裡，再從上倒上香濃的醬汁。帶鹹的牛肋肉配上帶酸的梨肉合起來完全不勉強，反而為味覺帶來新的衝擊！而且牛肋肉燉得非常軟腍，易於刀切及咀嚼，十分出色。黑松露蔥燒雞這是我全晚最喜歡的一道菜。黑松露的香味在燒雞上菜時已撲鼻而來。看到一片片如樹葉般大的黑松露便會明白這是「一分錢，一分貨」的道理。蜜梅香燒骨又一道招牌菜。酸甜混合的燒豬骨做得不錯，略嫌麵粉皮有啲硬，但味道是好的。

和朋友飯聚，第一印象，環境舒適，侍應服務態度良好，食物方面，由presentation到taste也十分好，會員又有免費酒水同折扣優惠，一個值得和朋友談天說地的地方

想試呢間粵菜好耐, 一直都聽朋友話味道不俗, 今晚有朋友外地回港, 於是就乘機去試試呢間米芝蓮粵菜啦😜；我打開餐牌見到唔同既signature dishes, 我好多都想叫但我地今晚得3個人, 我事前沒有做research, 惟有好似選港姐咁依各人口味去精挑萬選(但都叫左5餸1羹1甜品🤣), 好彩無貪心叫多兩樣野, 因為每個餸份量都唔少, 相對起其他中價粵菜呢間無論份量、味道同菜式既心思都俾足👍🏻真係好欣賞佢地菜式既心思😊

I was here on a weekday for dim sum and opted a dim sum lunch set of $198/person (choose 8 out of 14 dishes). It was by far the best dim sum of my Hong Kong trip. I couldn’t fault any of the dim sum dishes and it was a pleasure to eat here. I strongly recommend this place and would definitely come back again to try their dinner menu.

好多朋友都會好好奇，點解我生日會選擇食中菜？係呀，其實我好鍾意食中菜，特別係京滬菜。不過今年生日，我決定去「海景軒」，一間我等咗好耐都未試到既中菜廳。海景軒位於尖沙咀海景嘉福酒店B2層，雖然已經唔再係米芝蓮一星餐廳，但依然非常受歡迎。餐廳以金色同酒紅色佈置為主，平日夜晚黎到出奇地熱鬧，都好滿座既。餐台上除咗擺咗豆瓣醬同辣椒豉油，仲有好野味既榨菜豆卜。由於訂位既時候已經落好餐單，所以食物都好快咁上台。第一碟位上既係招牌菜「冬坡扣釀肉」。唔係東坡肉，係「冬」坡肉；顧名思義就係用冬瓜代替傳統肥豬肉，做成東坡肉既樣。雖然冬瓜係夏天既食物，但呢個冬瓜菜式真係不得不試喔！然後有off menu菜式「酥香蛋皇肉」，以肥豬肉卷包住鹹蛋黃再脆炸，非常腍滑；「萬壽果牛肋肉」亦非常出色，肉厚肥美，用汁拌飯真係一流，值得推介呀！另外係手工招牌菜有「欖菜玉珠」，清淡得黎又不乏味道。「龍皇珊瑚煎米粉」，以蛋白，菜心頭，蕃茄粒，東星斑肉做成芡汁，淋上底部煎得香脆既米粉餅，非常好食。當然唔少得最期待既甜品啦！黃金脆鮮奶、泮塘山楂卷、蛋白杏仁露，都是店方著名之作。黃金脆鮮奶食落似牛油多士包住煉奶；山楂卷酸酸的；蛋白杏仁