海景軒

营业中

休息中

今晚和家人慶祝生日，到海景軒吃中菜，因為適合一家大小口味，其中叫了黑豚义焼和十五頭鮑魚雞煲，义燒鮮嫩，鮑魚雞煲的雞件入味嫩滑。但對要預留的煙玫瑰橙雞有d失望，只是送來揭開蓋子時，有煙霧噴出的卓頭。服務方面，由打電話來confirm booking的小姐至侍應們都與食物質素有很大的反差，所要題出的要求，只是應了，便不再跟進，例如，要求他放多一個位給小朋友，他只是示意知道，就行走了，不再跟進。吃完餸菜後，要求一個甜品餐牌，他沒聲又裝作聽不見，又走開了，但餐廳裏，九時多已沒多少客人，如果他們比較忙，我們也諒解，不過⋯⋯是否⋯，唉！應該改善改善。

海景軒是十分令人回味的中菜廳，酒店的服務，世界級質素，美麗的展示出各道菜餚，每次都一定係有驚喜。今次簡簡單單一款萬壽果燉牛肋骨，潤喉非常，甜得來不會搶口，也不會搶去牛肋肉的牛魔王味道！ 時令推介，值回票價！

適逢老豆60歲生日，早排又join左海景嘉福既member, 就即刻book枱試下呢間星級餐廳啦。我早一日已經打去點定菜，食飯當晚我基本上埋去坐低就食得。星級酒店既餐廳，門面服務各方面都無咩野好挑剔，如果要彈，我嫌佢太靜喇，我呢啲粗人有啲唔慣😂Anyway，講翻啲菜式先。我點左『片皮鴨兩食』、『欖菜肉珠』、『花雕蛋白蒸蟹鉗』、『蜜梅京燒骨』、『炸鮮奶』。每味菜都各有特色，其中欖菜肉珠真係手工菜，用冬瓜包住粒欖菜，味道好清新，食到個個捧住個肚走。最後，因為係會員關係，仲送左個生日蛋糕🎂

海景軒係我最喜歡的中菜之一，無論飲茶，晚飯，擺酒，佢既中菜一直都可以保持水準，非常滿意。早前兩個人都海景軒晚飯，咁岩有8折coupon, 慳返唔少可以叫多幾款菜。我地叫左兩款湯, 菜膽燉湯比竹笙羹出色，湯味濃郁又夠清甜。主菜叫左咕嚕肉， 釀蟹蓋， 水晶梨燉牛肉同龍王米粉。咕嚕肉不過不失，唔夠脆都唔夠酸，比前幾日食過唐人館的咕嚕肉差少少。通常食中菜我會叫呢味送，一食就知高下。釀蟹蓋的蟹肉滿滿，椰香味十足，味道同去飲喜宴時差不多，證明佢地擺酒同中菜廳的水準一樣保持得非常好。水晶梨是我最期待的菜式，聽講係得獎菜，佢既賣相一流，是考功夫的菜色，和牛肉釀係梨內面真的不簡單。梨林得黎無散到， 牛肉都非常嫩滑，不過梨味就搶走左啲牛肉味。 最後個龍皇米粉就差左小小，海鮮無咩味，個欠打得好傑。

今日去左海景軒到試佢個片皮鴨，份量唔少，我最鍾意係佢嗰塊皮，一啲都唔粉亦都唔會太過厚！仲有佢嘅炸鮮奶，一份有三條，而家喺香港好少地方有得食炸鮮奶，而且仲係好好味，奶味非常重而且炸得好香口😍😍

朋友生日梗係要食好啲， 一坐低，見到啲人唔係非富則貴，真係要著得士正啲。生日主角未到，叫左個定鯪魚球食，無乜特別啦！跟著朋友到齊啦⋯⋯上菜：首先上左碟蝦先，每人兩隻，唔錯喎！最鐘意佢個黑松露味道😋再黎個咕嚕肉，酸酸甜甜好開胃！個飯都好好味呀！服務又好好！

星級中菜 海景軒 中菜廳 梁輝雄師傅 香港海景嘉福洲際酒店 粵菜經典  Hoi King Heen  尖沙咀 米芝蓮 優惠 婚宴之選  intercontinental grand stanford  本食評為親身食記,非酒店公關宴請打手評論 海景嘉福既海景軒中菜一向有名氣原因有香港中菜代表之一既梁輝雄師傅曾得到米芝蓮一星既肯定嘉許喜愛中菜的食家,未食過師傅既手藝都聽過其大名2018年40周年入行記念更推出限定套餐,可惜沒緣品嚐今次菜單點心拚盤(松茸菌燒賣,鳳冠竹笙素餃,狀元茶粿花開富貴湯沙窩煎封銀雪魚水晶牛肋肉欖菜玉珠龍皇珊瑚煎米粉黃金脆奶卷蛋白杏仁露 自家製辣椒醬,配以點心有提味增鮮的效果 點心拚盤(松茸菌燒賣,鳳冠竹笙素餃,狀元茶粿) 松茸菌燒賣燒賣上放了一片松茸片,剛上菜時還以為是鮑魚片呢!肉質彈牙,多了一份清香味道,賣相更美更豪華 狀元茶粿原來其中一款煎脆了一口咬下有2種不同的口感一面是脆身,一面是Q彈質感原來亦都係招牌之一 鳳冠竹笙素餃餃皮薄而有彈性,味道新爽餡料豐富,素餃亦可令人回味 花開富貴湯喝的是手工技藝與心機,再加一些貴氣 (黑松露片)是以前香港富豪飯局的天價湯以極

奶黃珍珠年糕·除左有奶黃月餅，原來仲有奶黃年糕，平時麻麻地奶黃既我，又覺得奶黃年糕又不錯啊，而年糕更內藏黑糖珍珠，年糕本身已經QQ,加埋珍珠，仲QQ，好有特色，雖然用咗奶黃同珍珠但係都唔覺得好甜！

又到聖誕，自己又想看看今年的燈飾，相約老友記，一枱麻將的人選是最佳吃飯配搭，chit chat吹下水，八掛一下，加上美食馔，確是人生樂事，為看燈飾，尖東當然是最佳選擇，大家就選定海景嘉福酒店的中菜廳海景軒。片皮鴨要早一日約訂，前菜選了香酥九肚魚，外脆內軟。兩種燒味是叉燒和燒腩仔，半肥瘦叉燒甘香淋滑，燒腩仔皮脆，肥瘦相間，口感極佳。主菜片皮鴨一鴨二吃，包片皮鴨的薄餅非常薄，餡料除存統青瓜和大蔥外，還有鮮菠蘿，柚子肉。和脆脆的片皮鴨包著一起吃，味道更鮮美。鴨肉則配米粉，不同存統的炒鴨絲。另外叫了竹笙五色蔬，青青淡淡但非常清新。最後是甜品，包括山渣卷和蛋白杏仁茶，香滑潤喉。雖然每位差下多500元，但的確是一頓令人滿足的晚餐。

相約了朋友吃午飯,傾談公私兩事。友人是個識飲識食的專業人士,每次她都會選擇不同的好地方用膳,還爭著請客!今次她提議去海景軒。當日點了兩份會員午市套餐,每位 $368,連老火湯及甜品共九款不同的食品。餐單舖排得有層次,由淡至濃,先素後葷,食材有序,順次為素/海鮮點心、老火湯、排骨、麵食、甜品。點心拼盤 (鳯冠竹笙素餃、花膠白素餃、蒜香銀雪魚春巻)~餃子外皮通透,餡料講究,配搭吸引。花膠素餃,感覺滋陰;春卷裡釀入銀雪魚,變得香而不膩!天天不同老火湯~粉葛魚湯,很鮮味!冬瓜芙蓉鳯尾蝦~清爽冬瓜拼嫩滑芙蓉蛋白,突顯出鳯尾蝦的鮮味!蟹肉百子銀絲㷛~鮮味蟹肉,加粒粒蟹子有嚼勁,粉絲無需濃稠的醬汁已很入味!蜜梅燒骨~炸排骨配梅子醬,綴以哈蜜瓜球及芝蔴,酸、甜、爽、香俱全!海皇珊瑚煎米粉,可惜找不到拍了的照片,不作評論。是日甜品~蛋白杏仁茶香滑,有水準!菜式豐富,可惜當日忙於傾談公私兩事,又要兼顧拍照,實在無暇很仔細品嚐。但"味猶在舌", 在此分享ㄧ下,讓我有重吃美味佳饌之感,快哉!

又係一年一度嘅生日飯啦海景軒真係不愧為攞獎餐廳！每一度菜由賣相到味道，以及餐廳服務都盡善盡美！這度水晶牛肋肉直情像藝術品一樣咁靚，十分精致！牛肉十分嫩口亦好香濃。另外一度生煎糯米飯都係必食招牌菜，外脆內軟，一絕！水晶牛肋肉糯米飯

很久前已聽過呢間食府，成日話去試，但又搵5到飯腳，終於家人提議去這裏食慶生飯，我當然舉腳贊成。食嘢都要做功課，係 openrice 爬文後，我地就預訂咗片皮鴨、鴛鴦糯米飯 (呢2個係我地想食又需要預訂既菜式)。今晚我地6點鬆d 入座，初時得幾枱，後來就有10幾枱客。我地叫咗壽眉，幾香，但沖得2、3壺就好淡，要叫侍應幫手加多d 茶葉。我地7條，佢地俾咗2碟各3格既醬料(豆辦醬、辣椒豉油)+豆乾。。。是免費的，我估茶水費已包埋呢d 醬芥錢。然後開始叫菜：1. 茶香燻素鵝($88)：一碟8小嚿，燻味就無乜，5會再翻炒2. 葡汁焗釀響螺($158/件)：葡汁味香及入味，但螺肉就很少很少3. 百花炸釀蟹拑($128/件)：蟹爪被厚厚既蝦膠包裹，我覺得好啱小朋友食4. 香酥釀蟹蓋($288/件)：上碟已好有氣勢，有個金蟹模具盛載著。好多蟹肉，正5. 玫瑰花香燻帶子($368)：呢個燻味濃d，啱我。帶子好滑又入味6. 片皮鴨($698)：侍應會拎著烤鴨俾你望望，然後就好細心片皮，仲擺放得一朵花。由於鴨5係大隻，所以鴨肉5韌，皮又鬆脆，加上有2款鴨醬(一款帶點辣)，而且配料除了傳統青瓜、蔥，竟然有菠蘿

差不多每年媽媽生日我們都選海景軒慶祝因為食物品質有保證 一定不會失望我們八大三小都十分滿足這個椒鹽白飯魚最受小朋友歡迎吃完一個還加單encore白飯魚很大條 十分香脆 非常出色👍🏻蔥花海蜇非常爽 由於我不吃蔥所以稍嫌蔥花太多 但仍然很美味脆皮燒腩仔不但很脆 而且是熱騰騰的肥瘦適中 非常不錯👍🏻片皮鴨是每次必點 他們用來包鴨的皮超薄而且配料也很多 除一般的京蔥及青瓜外還是柚子 菠蘿 之類 很好吃二食我們選了鴨崧荷葉飯由於侍應幫我們分了 所以沒有拍照但鴨肉很多 味道非常好蜜梅京燒排是招牌之一這種煮法在外面吃不到 好味且特別四川蝦球很爽 而且蝦很大但醬油有點似泰式的甜辣醬 不太四川炸子雞也非常好吃 皮脆肉嫩喜歡咕嚕肉的一定要點聽說咕嚕肉最考師傅的功力這裡每一顆都是脆的 上湯浸菜心師傅很細心的去了部分的皮令菜心特別嫩黑白蒜安格斯牛柳粒牛柳粒非常淋砂鍋銀鱈魚 魚的表面脆脆的加上醬油別有一番風味最後我們還點了師傅的拿手蛋白杏仁露大家對這一餐都非常滿意

姊妹淘聚會 ，今次黎到海景嘉福酒店既海景軒，環境好舒服既中菜廳，溫和既燈光令人放鬆。靜靜地坐底好有詩意既氣氛，一洗買唔到粉底既頹氣。每一道菜都好精緻，真係色香味視覺行先，即時胃口都返哂黎。酒店即係酒店，服務水準真係一流，細心又有禮貌，令人放慢節奏好放心交比侍應生去安排。個水晶牛肋肉上枱，好可愛啊，外表好似一個蒸梨咁，裝飾都好細緻，又唔會好over，好味啊，肉汁在打圈。冬坡肉好似一件小禮物咁，冬瓜令到成個口感都變得好輕，好岩美女胃口。整體食物好養眼，睇到嘩嘩聲，食下食下又到最期待既甜品，蛋白杏仁茶同埋山楂卷，太感動了，中式甜品都可以好有格調呢「轉圈撒花-ing」好正！完美既晚上。

幾年沒有來，難得生日飯無乜頭緒，就回來試試水準😃顧客服務部很快捷,但大餐牌的餸很多得獎菜都沒有寫，於是我都是看openrice的食評下單，全部都無失望，下次會去飲茶試埋佢d點心，同埋侍應姐姐介紹的椰x蟹蓋