海星特式茶餐廳 (已結業)

今日行開tai po 見佢d地方，食物，同price都ok ，就入左去，一入去，睇到個餐牌，見到有很多西式新口味的飯呀，丁麵呀咁，都未決定到食咩，d 嬸嬸就走來趕你寫單，5分鐘內一路問你食咩食咩，問到我就隨便決定叫左個 軟殼蟹雞扒丁麵+凍朱古力+ 忌廉湯$57朋友仔就叫左個"魔鬼汁牛粒飯" (大約咁叫啦) + 凍奶茶+ 忌廉湯$54食入口覺得好正呀，食物 款式又多又特別，打算再來之際，都未食完，食緊咋，D 嬸嬸又走來眼望望，吹水又望實，打下機又望實，左住你睇電視，連食到一半擦下個嘴就想要收碟啦!!但當時個場得好少人，大把位，D嬸嬸好明顯就是趕人走咁，我地走的時候，都是9:00PM ，收銀話佢地收11:00PM喎，重點是回到家，我就肚有少少唔舒服點好食都無用啦~P.S. 中午一點之後，我淨係 係這裡食過野

星期六晚一家三口出外晚膳,原意係前往凱旋門据扒,但未到目的地之際,就被海星門口d美食大海報吸引住我地等左3分鐘左右就有位,但無哂卡位,坐的位置頗迫,環境亦嘈雜太多款式我地睇menu都睇左十幾分鐘先至決定叫乜好奇趣茄汁焗豬扒飯 (豬扒好味好脆又多肉汁,but個飯我覺得太硬,適合喜歡吃硬飯的人)黑椒牛柳粒焗麵包 (個包好香好軟,但d牛柳粒超咸,個黑椒汁太重手)鮮茄三文魚天使麵 (我喜歡吃酸野,佢呢個酸甜sauce好醒神,配天使麵都ok,但三文魚已被d汁蓋過變得無味)埋單$180, 總括佢地仲有好多野我地未試過,今次一半一半都叫做合格,會俾下次機會佢地

有晚已經約10點,好多食肆關門我記得海星評價不錯就去食晚餐點了1個海鮮寬條麵套餐,食物外表做得好吸引人其實整個白汁就沒有味道...只有淡淡香草味有汁的寬條麵還好,吃到香草味因為汁不足夠的關係,其餘的寬條麵沒有任何味道墨魚非常鹹及腥!!青口比較好怎料,青口裡有隻蟹,唯有我跟自己說青口是新鮮...飲料一定要飲蜜桃紅茶,不可以轉其他但那杯蜜桃紅茶超甜,結果我加了一杯茶中和(我也不想=_=")價錢比普通茶餐廳貴,單看外表就值回票價,味道卻...但有誰喜歡吃虛有其表的食物??

非常agree樓下既說法~呢間野既飯真係好多 款式!!味道都唔差!!但服務就超差首先, 佢有個常餐~menu寫好左有火腿通粉or五香肉丁面~我就想食五香肉丁通粉~問佢可唔可以咁轉~佢竟然粗聲粗氣話"冇得咁架wor!!!"我只係覺得佢d野又唔係一早整定~我唔明有d咩麻煩到佢~算la~叫左個火腿通粉~仲配埋個庵列+多士同野飲~其實都幾抵,,,,,但食食下發現個通粉入面有蚊!!!!!~佢就算change過比我我都冇晒wai口~~~仲有~坐左勁耐都冇人比tea我地~呢間野d waiter個個都黑口黑面~係收銀好少少~以後都唔會黎!!!!!!!!!!

真係幾好食都冇用老實講, 我覺得呢間茶餐廳真係大埔裡面算係幾好食0既, 款式好多, 味道GOOD, 所以就算上次碗烏冬入面有隻蚊, 我都冇扣到分.直至上星期四, 我又同老公去食, 老公ORDER左個晚餐 - 海南雞飯, 黎到, 勁生, 同個WAITRESS講, 佢話"係咁架0刺, 我地都係咁食, 冇問題架", 咁諗住算啦, 點知摷到落底, D雞有血水添, 我地真係唔想搵命博囉, 同佢另一個WAITRESS講, 佢話"換"過比我地, 但"換過", 唔係整過囉, 返到黎, D雞係熟哂, 不過變哂柴皮囉, 仲衰過我屋企D隔夜餸, 真係忍唔到, 再同佢講, 佢話"雞如果要滑就一定係生D", 但都唔係要出血水卦, 而家熟就熟到變柴皮, 我知佢地生意好, 但都唔駛用咁0既態度囉...

見到焗麵包好吸引所以外賣了兩個同honey一齊食,一個係牛柳,另一個係芝士唔記得係乜,有d腸仔,茄汁,芝士等...味道唔錯,個牛柳夠腍又好味,不過食完之後就好口渴..飲左好多水都好口渴,唔知係唔係味精太重手.

話晒自己係大埔墟都住左幾耐,行匀成個大埔墟都搵唔到幾多間,d野食係大份係食唔晒,餐餐都要兩份,海星呢度杯咖啡係幾好飲,搞到我唔鍾意飲既每次都要飲一大杯.佢既焗包亦都係我既首選:芝士白汁雜菌雞皇焗包,日式咖哩牛腩焗麵包.

上星期已經食左啦,到今日先有時間打返第一篇有相既食評。好耐無去大埔,果晚入到去已經9點幾,做緊獎門人,朋友想搵間睇到電視既,所以入左呢間,因為電視夠大而且有好多位坐。睇餐牌見到勁多焗野,係"賣飛佛",最終決定叫平生未食過而又無咩地方有得食既焗包啦,我叫左"芝士白汁雜菌雞皇焗包",實物勁大,個"包蓋"塗了牛油焗脆左,好好味,而且又有wedges同菜伴上,包入面又多汁又多餡,味道唔錯,不過因為個SET大份,一向大食既我竟然飽到食唔晒,呢個SET有埋白湯同凍飲,成為$60。朋友叫左"意亂情迷焗螺絲粉",我覺得味道一般,料就多啦,有腸仔,波羅,煙肉,青椒,洋蔥等加意式醬汁,螺絲粉無乜味道,勝在多料撘夠,呢SET好似係$56。有機會都會再來,試下其他焗野,因為呢度款式勁多。

65$ 石頭飯,,第1次食石頭飯,,原來有d似煲仔飯..成個盅到你食完走個陣都可能仲熱緊,,入面d飯唔快d攪下會有飯蕉..叫左個 曼魚,軟殼蟹飯...前者ok..後者係人生第1次食軟殼蟹..原來真係成件都軟..我唔忍心食個殼囉..一來有對眼係度..2來殼變軟..怪怪地..咬左一啖就接受唔到..結果咬幾啖唔知算唔算食梗蟹既就當食完舊野..朋友見到話好似食梗蜘蛛..經似一役唔咁再叫呢一類型既軟殼蟹..飯又小得際..係香香地..但低分原因真係唔抵食囉..

無啦啦番左大埔食飯搭緊車個陣就已經講好左要食呢一間!睇左menu都唔係好耐但係waiter 都黎左問3 4 次食咩野覺得有d 煩@@跟住我就叫左一個日式煙鴨胸雞扒焗飯另一半就食左個魔鬼汁牛柳飯兩個都好好味呀!但係我就覺得魔鬼汁牛柳飯好味過日式煙鴨胸雞扒焗飯日式煙鴨胸雞扒焗飯的日式汁太少啦服務方面不過不失無咩特別好不過覺得貴左少少大埔黎講呢個價算貴ga啦!!

我成日去大埔墟真係冇諗過去呢間餐廳食,可能見佢話係茶餐廰所以覺得冇咩特別,畢竟大埔墟有好多選擇,所以一次都冇去過,不過見呢度食評寫到好好,而且好似好多正嘢食都搞到我心思思,呢日我終於搵到機會一心諗住首選揀焗麵包,次選揀焗飯,我去到時只是5:30p.m.,原來想揀焗麵包 / 焗飯要6:00p.m.後先有,咁我又唔想等半個鐘後至order,等得黎咪要至少40min至有得食,所以我唯有叫下午茶餐,我揀了吉列豬扒拼沙律+熱咖啡吉列豬扒拼沙律:吉列豬扒即炸熱辣辣,味道普普通通,沙律是什菜沒有水果,味道挺不錯熱咖啡: 要加一元,講到自己的咖啡好不同,咁我飲完都覺比平時茶餐廳飲個d好似濃d及香d嘅,但又唔覺真係超讚以下午茶來說我覺得合格, 不過食唔到焗麵包 / 焗飯真係有d失望,不過諗深一層食唔到都係好事,因為如果是日晚餐是焗麵包,價錢只需$40, 如果唔係按餐牌價錢要$60,咁好似好唔着數,所以我都係留意佢幾時揀焗麵包為是日晚餐好過

11月15日 晴今日非常開心呀....約埋朋友仔4個人一齊去ocean park...去玩去癲之後....梗係要食返餐好架啦~~~4個人叫左4樣野.....正!!!1. 怪味牛柳飯2. 焗芝士白汁海鮮飯3. 奇趣豬扒飯4. 焗意大利蕃茄包食評1. 牛柳生熟度適中, 唔會話太熟變硬. 怪味....原來係青椒....我呢d 唔食青椒既小朋友....食左一粒牛肉....就無再食lu~~~不過味道ok....2. 都ok 好味呀.....芝士好香....又好有芝士味~~都有好多既海鮮!!!3. 奇趣豬扒始終如一, 好味道...(呢間比另一間既豬扒好味, 墨魚又唔會同豬分開,抵讚)4. 超級好味, 麵包係我既至愛, 而且蕃茄醬加埋芝士~~~好有食pizza 既feel呀~~比起上次食既南瓜汁....呢個更好食...同個包 & 芝士更 match~~~呢度好多人好迫, 不過d waiter好抵讚, 爽手之餘又唔會成日黎煩你...仲幾好傾架...不過可能我地坐最入果張枱...間唔中都有d 蚊仔飛黎飛去~~~

我食左個雞球炒飯 , 雞球包的好有心思 , $40 優惠價$40 - $50 日日都係有不同款款韓式豬頸肉石頭飯 好味之處 : 配豬頸肉汁味道入味 , 當將蛋 , 汁同餸飯攪亂時散發的煙帶有韓式的味道記得唔好太耐食 , 因為石頭太熱飯好易孌飯乾 ~~ 我的最愛超推介 ~ 日式咖哩牛腩焗麵包 最正係麵包外跪內軟 , 咖哩汁加麵包的配合真係一流 , 牛腩入味 , 配炸薯條點咖哩汁份量足2人食

之前看了這裡的食評後就一直都很想試他們的焗包不過很可惜,我到現在都還未有機會吃到第一次去的時候去了他們的另一家店他們只供應扒類的,所以沒有吃第二次碰著他們的焗爐壞了,吃不到= =之後吃了帆立貝炒拉面,感覺不錯,食物夠新鮮所以就介紹爸爸來吃!還有就是他們的凍咖啡真的很不錯!值得一試!自從某個星期日帶了爸爸到這吃過午飯後,我們就一連幾個星期都在這吃這裡午餐的選擇不多見他們的咖哩是分開寫的,這樣看來好像很不錯,於是就試咖哩!咖哩汁香濃,而且份量剛剛好牛腩牛筋都煮很軟,好味!另外他們有一個像套餐之類的,是一個面加痷列的個人覺得女孩子吃這個是足夠的,而且很飽!到現時為止我還是最愛咖哩,希望他們會出多點新菜給我們選擇因為他們下午的飯類選擇真的太少了還希望我會有機會吃到焗面吧!因為這個只有晚餐才會有供應P.S他們的咖啡水準不太穩定,時多奶時少奶希望他們能注意吧!還有服務態度也是

You will definitely be amazed by its menu, different combinations with amusing descriptions, try spend some time reading the words and you can't stop giggling.Ordered the tempting cheese-baked rice with crispy pork chop and the baked bread with tomato sauced mix.The slices of fried pork chop was filled with fish patty whose taste has masked the thinly sliced pork chop, yet the slices was nicely fried and blended well the the cheese-baked rice, a pretty humble dish.The baked bread has caught my a