海安咖啡室 (已結業)

本人一向都無寫食評的習慣，但今早在海安食早餐時的遭遇，我認為有需要向各想有一個愉快早上的食客作心理準備…因為在公司附近，已經不是第一次到該食店光顧，但最近兩次的經驗都是很差勁，服務其差!有關服務，由於被指引為不能多說，所以唯有在此省略…食物方面，普普通通，份量偏少，選擇不多，而早餐只有火腿通粉，一個牛油面包，一杯飲品，通粉轉米粉或面還要加$2, 我個人認為不覺得值得去食，飲品方面，品嘗了一杯熱奶茶，不論是奶或茶，味道都過淡，沒有茶味，奶不夠滑，失敗之作!唯一可取的是放在餐包內的牛油很大片…但對於著重身體健康的人，並不適合人吃!總結：以該價錢食了一份這樣水準的早餐，我發誓，永遠都不會再去該食店光顧！

懷舊味極濃既安海咖啡室，每次坐巴士經過都好想一試，今次下午黎上環做野，終於有機會試到各式各樣既懷舊糕餅，椰撻看來不錯吃！蔥油叉燒撈公仔麵，叉燒是來貨的，半肥瘦夠腍身夠入味，重點在於店家自製蔥油，非常香口惹味！奶油脆豬，牛油練奶很好，豬仔包脆卜卜，好好食呀！！懷舊紅豆冰，紅豆夠腍又蜜甜，冰是刨碎的，唔會好似平時大粒冰咁，飲到最尾會好淡

見到餐牌靚咗整齊咗，又有大特寫靚相做招徠，告示牌仲有中、英、日文對照，相信呢度已經由下一代接手。縱使有呢啲轉變，呢度鮮棗紅色嘅油漆木檯櫈、牆上披 口嘅防火膠板、行到條邊甩哂色嘅地磚、樓底嘅吊扇，同埋用福麵做嘅麵厎，等等嘅老店特色，都一一被保留，仲有，個常餐係配菠蘿油，而個福麵係淥而唔係泡嘅 (有食開你就明我噏乜㗎嘞)！呢度嘅叉燒好出色，茶餐廳嘅價錢，做出大酒樓嘅味道！另外，最難得嘅係各位待應阿姨非常殷勤有禮，老店中少見！在裡吃個下午茶，實在太幸福了！在香港，要找一家在食物上枱時，模樣與餐牌的照片有九成似，而且講究擺碟，presentation一絲不苟，更要係幾十年 嘅茶餐廳老店，實在係難！因為全都要用心，而用心是無價的！這裡的西多士蛋味極濃，由三片薄麵包組成，中間沒有塗上花生醬之類(最怕！)，而都是蛋，令整件西多士充滿蛋香，包面的蛋漿非常均勻，炸出來的顔色非常漂亮，但差不多感覺不到油膩感！正！至於奶茶紅豆冰，紅茶的澀味跟紅豆不太夾，還是原味最好！

今日同男友去嘆早餐, 每次車經過呢度既時候都好想去試, 外面睇佢個LOOK好似七八十年代既咖啡室, 依家香港地真係買少見少架! 一入到黎, 裡面都係好懷舊, 仲人山人海添, 坐就坐得唔太舒服架啦, 不過呢度都係預你食完就走.男友知我鐘意食菠蘿油, 佢試過話呢度既好正, 強烈推介. 食落真係WOW! 個皮好脆, 個包新鮮又暖笠笠, 牛油你放幾多悉隨尊便, 我地當然放哂全舊啦! 好甘香, 好好味呀!熱奶茶, 男友叫左個茶走, 即係用煉奶去沖, 好香滑!鍋仔公司麵 , 齋係個賣相都好得, 呢度係用褔字麵, 簡真係童年回憶, 一來人大左好少食呢D即食麵, 二來食都係食公仔麵既多, 還記得以前係會整碎包褔字麵再加味粉當SNACK食! 佢D配料都好好味, 當中個鴨胸最正! 鮮味爽口仲夠大件, 好得!呢個係男友熱烈推介, 香葱醉牛炒蛋厚多士, 呢度仲有提供即磨黑椒比你, 好體貼, 個蛋炒得好香好滑, 再加埋個香葱, 加埋個黑椒吊一吊味, 好得, 不過個醉牛個味相對個味就被搶了我地仲未夠喉, 叫左個西多士, 我要比佢兩個WOW! 西多士一向都係我既至愛, 呢個西多士唔單止係厚咁簡單, 佢中間仲分幾層分

身為九龍人，特意在星期六的早上到海安吃個豐盛的早餐地點比想像中易找，不用特意轉進小巷，地鐵c出口出來轉左，一直往前行就好了眾所周知，海安是個老店，單是它的裝潢已是一大賣點，吸引不少人特意到此拍照。不過比起它的裝潢，我更喜愛它餐牌上的字跡。現在已很少手寫餐牌，而這裡的字帶點網上賣字店的藝術味道紅豆冰承載著一代人的回憶，往日的興盛大概源自它的多變，到了今天，很少再有那麼多選擇的地方由於不想在早上喝冰，所以選了奶茶紅豆，是一個好配搭它的招牌菜選了兩個，第一個是鮮茄湯底公仔麵。用料十足，當然，請不要期待它是沒味精，家中慢熬的那種，吃過以後，你還是會變得口渴另一個是香蔥牛肉炒蛋多士。後面的那個黑椒是重點，不只助加強香味和層次，最重要的是減低油膩，因為它真的很很很很很很厚！而且下了大量的油去炒，麪包會慢慢吸掉炒蛋的油，極為飽肚，吃了這個以後，實在興幸沒貪心多叫一客西多士。如要形容的話，它大概是蔥油餅的多士版，喜愛蔥油餅的朋友一定要嘗試一下。由於蔥油才是主角，牛肉...好像不曾存在過...如果你期望到老店的消費會是便宜，請打消這個念頭，因為所有招牌食品都需單點，不過有些事情有些地方，你總會想親自到過

男朋友專登帶我去，原本想食奶油朱，但賣晒 >___<最後叫左鴨胸炒公仔麵，碎牛炒蛋多士，粒粒西多士。老闆伙計們都好好人，非常親切，仲額外派糖請食添！雖然遠，但一定再去！

其實海安離中環唔係好遠，如果公司近上環，可以考慮好似我咁同同事搭丁丁去食撈麵，幾個站，信德中心個站落車。我唔係求其食茶餐廳嘅人，要食就要食最地道嘅，就算遠少少都價值。懷舊奶茶紅豆冰 - 又有茶香奶滑既口感. 好多紅豆！鍾意飲紅豆冰一定要試！必食薑蔥叉燒撈麵 - 好滿足嘅味道！煲仔公司麵 - 反而唔係好推介，因為好似普通公仔麵加啲餸。如果覺得個撈麵份量唔夠飽，我要推介海安嘅椰撻！好有椰香，食完個甜品剛剛好！開工!

香港嘅舊式茶餐廳已買少見少, 難得喺上環仲有一間. 裝修簡單但正是帶出港式茶餐廳嘅格局。之前已參考過其他食評，所以鎖定幾樣食物:煙鴨胸薑蔥撈麵餐 ($42)鴨胸厚切有口感, 麵應是福字那一種, 薑蔥味道適中唔會太鹹, 兩者配搭一流!奶茶紅豆冰 (跟餐加＄18)紅豆份量夠多, 亦唔會太甜, 能夠保留茶味! 但跟餐也要加$18實在太貴!香蔥碎牛炒蛋厚多士 ($28)有香濃嘅蔥和蛋味, 但碎牛就份量較少亦沒有牛味, 配厚多士食唔錯! 如果單是香蔥炒蛋三文治應該也會很好!總括食物質素唔錯, 看得出是有心思的, 服務態度也很友善, 會再encore!

對海安冰室的印象，源於大約廿年前，初出道時就在上環返工，那時香港還未有懷舊熱潮，海安只是一間老冰室，有點污穢的感覺。經過那些年，現在這店反而成為遊客熱點，很多遊客慕名來見識香港式冰室文化，而冰室主理人也換上了第二代。我因現時公司在附近，所以間中也來幫襯一下，店員態度親切有禮，是這店一個優點。食物都是一般港式冰室食品，今次叫了「公司三文治」，以前細細個便喜歡吃，一般都切成細件，然後用牙簽插著，這店郤沒有切細，賣相有點教人失望，涵料有炒蛋、火腿、餐肉等，而麵包是烘過的，符合標準，但沒有驚喜。奶茶還算可以，來這裡只為懷舊，食物只是中規中矩而已。

I wanted to try their French toasts initially but apparently it's not available until 2:30pm on weekdays so ended up trying their iced milk tea with red beans and spam & egg sandwich with crispy buns instead. Initially I thought that white ball on top of the drink was ice cream but it turned out to be just ice! The sandwich was just right as the bun wasn't crispy enough while the drink spilled over after I lifted the spoon up to try to drink it. The drink was decent but I prefer pure milk tea in

自從在這間歷史悠久，充滿香港老風情的「海安咖啡室」吃過這兒的馳名出品之一「香蔥碎牛炒蛋厚多士」（$28）之後，便十分喜歡，久不久便想再嚐它的滋味。這一天正值周末，不用上班，正好來這兒吃個早餐，雖然這美味的厚多士不在早餐之中，需要散叫，但難得一次到來，當然不想錯過，叫來「香蔥碎牛炒蛋厚多士」一客，加杯凍飲，成為這天的豐富美味早餐。厚厚的厚多士不需多時便已送上，多士上的香蔥、碎牛和炒滑蛋早已合而為一，熱氣騰騰的，吸引極了。把大大件的厚多士切成四份之後，將上面已經三合為一的香蔥、碎牛和炒滑蛋與多士一起放進口中，那滿載的滋味著實難以形容。雖然，它還未算是一等一的美食，已足夠令人念念不忘了。

星期一, 早上11:30am, 呢個未到lunch既時間就人流少, 不過lunch極爆.當然茶餐廳就係服務粗皮d, 不過茶膽靚, 茶味香濃.奶茶紅豆冰, 雖然貴d, 但集奶茶同紅豆冰於一身, 一次滿足哂. 雖然唔係咩新款野, 不過好飲.平時紅豆冰太甜, 加入奶茶就冇甘甜, 而且又有茶香奶滑既口感. 紅豆大大粒, 不錯.薑蔥叉燒撈麵, 貴價唔飽, 味道普通.薑蔥叉燒都冇咩野, 同平時去燒味鋪買既一樣, 但個撈麵太差啦, 而且超乾身, 冇碗湯, 太乾點撈.我返屋企自己整仲正過佢.

難得出去中環，順便食個茶記，就食呢間海安。因為唔係peak hour ,唔使等位就入得。不嬲覺得公仔麵自己煮都得，死鬼出去食。點知隔離枱叫左個撈丁幾正咁，又叫個嚟食下。味道唔錯，叉燒好有叉燒味，撈面咸淡適中，岩曬我口味。再叫多個餐蛋面，唔錯。平均每人食左49蚊左右

店名:海安咖啡室地址:上環干諾道西17號地下好味指數：7/10價錢：$38 （凍飲+$2）煙鴨胸薑蔥香油撈麵很少地方可以吃到薑蔥撈麵，所以感到很特別。味道略嫌淡了點，麵質可更爽口。驚喜的是，煙鴨胸有五大塊，都是厚切的，肥美滿足。

仲記得去食個時係情人節，行完附近西港城同港澳碼頭海旁，見2點半餓餓地就去左附近呢間既海安咖啡室食野！如果係去左海旁行或者係孫中山紀念公園附近就可以用行人天橋行番去干諾西道，一直向左手邊行好快就到，或者係西港城個邊既其實好快就會行到去初初行到去呢間咖啡室個時都唔係好覺！因為佢既店面真係好陳舊，而且睇落有D細，初頭都驚情人節仲要星期六要等位，但係入到入面都幾寬敞，左右兩排有卡位，中間放左幾張圓台入面真係好懷舊feel,我估應該都開左好耐啦係上環，話哂上環都係一箇既陳年海味鋪同餐廳既集中地講番正題先！我就同男朋友嗌左個窩仔公仔麵，香蔥碎牛滑蛋多士同埋一杯奶茶紅豆冰！最早黎既係鍋仔公仔麵($39)因為去到既時候,叉燒已經賣哂！所以老細就用左鴨胸代替，老實講我幾開心！因為我好中意食鴨胸！禁因為我係同男朋友share既，一order個時服務員已經好nice禁樣問我地洗唔洗要碗仔，好貼心同周到呀個碗仔仲要好得意，好似細路用既，明符其實既"碗仔"呀哈哈!禁個麵呢，我估就得一個公仔麵，d湯應該都係湯包黎既不過d料就真係好多！入面有午餐肉，蛋（仲要係半生熟!正!)，鴨胸(正常係叉燒)，雞肉腸，沙嗲牛肉同生