海天花園酒家

营业中

休息中

今次試下海之戀既另一個間酒樓門口有個大牌寫住拎過既大獎 感覺質素應該有返咁上下酒樓設計比較西式 用食tea既餐具 係香港茶樓都比較少見不過茶壺有茶積 扣左d分餐牌方面 各類型既野都有 好快 點心到左 👇🏼陳皮牛肉腸 個皮真係好薄 見到滿滿既肉餡 牛肉腸黎講真係唔錯 不過就唔係好見陳皮味👇🏼鮮蝦蒜香長春卷 外皮幾靚條冇咩蕉黑 同埋裡面幾足料 差唔多每啖都食到蝦 推薦👇🏼淮山四寶滑雞扎 用淮山取代芋頭 比平時味通較為清淡 👇🏼海天鮑魚燒賣皇 王牌產品梗係要試下 鮑魚就冇乜特別㗎啦 細鮑魚幾爽口 咬落d燒賣肉仲有啲汁 好食👉🏼仲叫左個小籠包 張相影漏咗 小籠包幾多汁 皮薄餡多 仲有塊青瓜喺下面墊住 拎起嗰陣冇咁容易痴底 幾貼心埋單$250 同上面個間價錢差唔多 不過鐘意呢間多d😌

此日我兩人特等去等位試這酒家，誰知疫情期間，兩人限聚令下，此酒家竟然是4人優先入得，原因是走法律隙在檯中加塊透明膠板仔就照做4人檯，兩人竟然要等加唔到膠板嘅檯先有得入。坐低見近窗有風景可望，原本有個睇風景的位幾好，可惜收檯下難車周圍推，收檯聲浪太太嘈吵，縱有好景觀，亦被完全破壞。這日點咗五樣點心：芝麻芋絲脆軟夾皮不脆兼硬，好油，上檯已不熱，口感差。紅米銀羅腸腸皮可以，但米綱炸得過燶變硬，味道不差。糯米釀雞翼扮明太子雞翼，但糯米太爛，調味太辣，糯米口感太糊。白玉綿花雞可以味道略淡，但還算正常。炸雲吞唯一不差的食品，皮脆不會割嘴，上檯夠熱，但都好油。一定要提的是侍應完全不熟悉自家店一的運作，有些點心是十一點後才供應也不清楚，還要問客人點了什麼，好搞笑。

見海之戀商場開左間新酒樓就黎試試，估唔到好有驚喜。今次選擇了假日中午一點黎，要等幾張枱，但都好快有位。我哋被安排坐係窗邊既卡位，非常闊落，窗外正正對住海景，加上餐具都好靚，都有種高貴的感覺，第一感覺是非常滿意。手拍青瓜拌海蜇（$48）青瓜好爽甜，海蜇都非常爽脆，絕對唔會淋曬。加上微微的辣味，唔會搶左食物的味道外，還增加整碟小食的層次，好惹味。 金邊蝦餃皇（特點）蝦餃好飽滿，入面既蝦都好爽口彈牙，真材實料。蝦餃皮都好爽，唔會一patpat。再加上幼幼的金邊作點綴，岩曬打卡。豉汁排骨腸粉（特點）見到個名好特別就試點下，原來係蒸排骨下面舖左齋腸粉，就咁睇雖然好似有點hea，但完全估唔到腸粉做得非常滑溜，吸左d排骨汁，排骨亦都蒸到岩岩好，好夾好好味。黑金流沙奶皇包（大點）奶皇包就正常發揮，唔算極流心，同出面一般的黑流沙包差不多。 🔸🔸🔸🔸🌟價錢 - 7/10 🌟回頭指數 - 10/10

最近經過海之戀，見到一間新開嘅酒樓，裝修好靚環境舒適，當我以為係一間好貴嘅酒樓嘅時候，俾我發現原來佢哋嘅下午茶好抵食！.指定點心唔使$38.8任選兩款，小食$80任選兩款，燒鵝瀨都只係$32.8，真係好抵！.我最鍾意食呢度嘅胡椒鹹菜豬肚鴨紅，鹹菜味道啱啱好唔會太鹹，豬肚爽口，鴨紅滑嘟嘟，胡椒味好夠，值得encore！.另外我仲好鍾意食呢度嘅椒鹽魷魚鬚，炸到好香脆，魷魚鬚唔會好硬，好易咬，自己食晒成碟都得😋.點心方面，我最鍾意鮮蝦豆苗水晶餃，好味到食咗兩籠😂

平安夜食大餐唔食西餐改食中式兼改埋中午，今年真是過了一個與別不同的聖誕前夕。 酒家門面燈光較暗，反而令魚缸特別搶眼，一進去看到大大的窗又有向海的景觀，地方寬敞，舒服，舒服！ 枱與枱之間有足夠距離，食得安心！ 你點我點，點心擺滿的一枱，非常高興！ 飲茶食包是我必然選擇，叉燒包($22.8)肉唔肥兼肉汁多，包夠鬆，不錯不錯呀！另外，我覺得好味的就是窩燒鮑魚雞粒炒飯(小份$88)，金邊蝦餃皇($39.8)及鮑魚燒賣($43.8)，淨睇賣相都非常吸引，食落滋味無窮，其餘的點心都有水準，整體非常滿意喔！ 慶祝節日來臨，今餐食得豐富些就當獎勵自已吧！

呢間酒樓位置同景唔錯。可能生意好，平日去一到就有吉枱，都同客講得個半鐘時間。入到去，兩個人自然面對面坐，又話防疫限制要並排坐。我同伙計講老人家唔好坐風口底下，可否換前少少張枱，佢叫我行返出去門口同知客講，佢唔知枱安排（明明個個都戴住耳機懶pro咁）。我行到近門口，個知客入嚟話張枱係孖枱唔肯俾我。俾個入入面張枱，是但啦。到點餐後，去廁所返嚟，屋企人話取消咗一項，但係嗰點心打孖叫，你 cancel 咗一個，另一半點？！最後講下嘢食啦，品質價錢應該定位係中上檔。但由行入嚟開始個顧客體驗完全唔ok，我都唔講其他枱根本無理個排排坐規定。荃灣咁多選擇，唔會再揀佢。

2020年11月25日當日早上10點半攞飛，等左十五分左右就可以入座，不過今次坐喺門口位，對住個魚缸，自成一角。不過冷氣好勁，怕凍的人就要留意，記得帶外套。見到有張點心紙有優惠，發現都幾抵食，又多選擇。超值孖寶優惠$36.8 (自選2款點心)，早茶時段係早上八點至十一點半。當日叫左八款點心，有蔥花炸兩腸粉丶極品花膠灌湯餃丶鮮蝦腐皮卷丶濃雞湯鮮竹卷丶金邊蝦餃(2粒)丶燒賣丶香煎臘味蘿蔔糕，但係原來比溜左牛肉球😱，當時完全唔記得左。全部點心都熱辣辣，好好味。蘿蔔糕好大件丶灌湯餃普通。店員全部都好有禮貌。食左咁多嘢都係$201 埋單，真係好抵食😄。

今日閒日趁機會和蝦子餅去海天飲茶🫖，點咗8個啲優惠點心，平均@$19.80樓下，味道、份量方面都滿意，自己太貪心嘅，食5晒要外賣啦！我同你講今日嘅早茶好滿意！

2020年11月7日海之戀商場最近一兩個月開左呢間酒樓，一直都未抽到時間去試，今日終於可以食到。今日星期六，門口好多人排隊等位，當日等左大約半個鐘，三點二十分入座，不過三點半就截單。呢度環境乾淨企理，不過樓底矮，如果坐窗邊可以望到海景。點心款式選擇多，估唔到星期六都會有下午茶優惠。當日點左十款野食，全部都好味，椒鹽魷魚鬚丶椒鹽一口豆腐粒做得好出色，全部點心都係熱辣辣。蝦餃油左金色作裝飾，服務方面都唔錯，有禮貌。原來屯門三聖邨有間總店。

海之戀新開了一間新酒樓，環境新同靚，杯子也好靚呀。仲要不同顏色不同圖案的。鮑汁鳳爪，幾肥美，有花生係底，淋又入味芋頭盒，煎到金黃色，外面芝麻夾住入面芋頭，幾香呀。流沙奶皇包，好靚呀，入面的奶皇係流沙的，不會好甜。蝦餃有金邊的，蝦好爽又大粒。小籠包，同事話幾好味，我見也是飽滿的。鮑魚燒賣，隻鮑魚都算幾大隻呀。椒鹽豆腐，細細粒乾身。鮑魚雞粒炒飯，有接近十隻鮑魚，不過好細隻，但炒得幾香，有好多雜豆，雞肉。安格斯牛肉炒河，炒得幾靚，牛肉都OK，不過唔夠香。桃膠蛋白杏仁露，桃膠好少，得dd，試唔动乜味，蛋白杏仁露都夠香同滑的。

路經見到一間裝修不俗嘅酒家，於是乎取飛等飲茶，取飛時間是13:14，但好奇怪地見到有一行人龍在酒家等二點鐘開始嘅下午茶，我心想我用正價入座應該唔使等到兩點。之後繼續等，但越等越不妙，因為一路都冇叫人入座。上前問公關, 她叫我等多陣，仲話唔使緊張點心價錢是計入座時間的。去到13:40，她開始抄低我們攞正價飛嘅號碼，滿心歡喜以為可以入去喇！誰不知，她竟然開始派飛比下午茶嗰班食客，感覺她特登唔比位我哋。她派完下午茶飛，就開始叫我哋入座，但當時已經13:50，公關還説是以正價入座，她說如果我當時唔入座，可選擇排隊等下午茶，天呀！什麼態度呀😡😡我覺得此舉對我們用正價飲茶嘅客人十分不公平，於是我叫公關叫經理出嚟，她語帶不屑用咪叫咗幾次”x哥，x哥出嚟，有人等緊你”，但最後都冇人出嚟😡😡😡😡我出呢個post ，希望呢間洒家嘅老闆認真管治下你們前缐嘅員工，在這如此惡劣嘅經濟環境下，依然可以縱容如此卑劣嘅前缐員工，我相信比她們好十倍嘅人才大有人在！食物質素幾好都冇用，因冇機會去試，最後希望老闆們認真處理吓員工嘅服務水平！

這荃灣新店開8点,有早茶,但必須10点前入單和11点半前結帳才可. 這裡的餐具非常美觀精美,點心方面新鮮熱度十足. 炸兩和其他炸品味道十足,香口但略油 . 花膠濃湯餃,足料湯濃,推介. 小籠包和蒸肉片咸魚飯肉質新鮮.順口滑利. 咸甜糕點美道吾錯.煎至香口更是加分之作. 總結所有野美味可口,早市抵吃化算,價錢抵好多...正. 這裡晚市好菜單似幾正,而且客人可以像屯門總店甘外來海鮮加工,只收加工$.下次同家人試下先.

中秋選了這店4人 Hkd 888晚餐，一早定位，所以有窗口六人枱坐，風景好靚～ 去到 6時才比入席，當晚樓面人手不太夠所以有亂，但食物水準不錯，值得再去～ 餐具好精美，個湯足料火喉夠～極力推薦！！！龍蝦伊面味道唔錯可惜蝦手大肉，但身細肉不多～條班好多肉又滑，蒸得剛剛好，必吃！！雞香口美味，皮下冇脂肪！！濃湯菜健康得來又入味，貝炒豆火喉剛好！！甜品太早出比客人，所以凍左，ok而已。這裡原來可以好似屯門總店甘自來海鮮，酒樓收加工$,下次試下先～🤣🤣🤣👍👍👍🤣

疫情關係已經好一段時間冇外出用膳！今日嚟到荃灣西海之戀商場入邊一間新開嘅酒樓飲早茶。入到去幾舒服，裝修都幾modern ，服務唔錯 非常周到。如果可以坐到窗邊位仲可以飽覽海景添！我同老公雖然兩個人去飲茶但係都叫咗唔少點心。本人對於呢一個竹炭流沙包非常喜愛！好好食而且有十分之濃烈嘅蛋黃香 。呢間酒樓嘅所有點心其實都幾好食，唯一美中不足嘅係高分點心上枱時，唔夠熱。不過都只係其中一兩樣有咁嘅情況。如果能夠改善呢個問題嘅話就更好啦！整體嘅用餐體驗都係十分之好嘅👍🏻會再encore!

名字怪怪的「拖地叉燒」是古老的名字，是指肥腩叉燒，以前豬被養至肥肥的，肥到肚皮拖地而得名。炭燒拖地叉燒係海天得奬之作，半肥瘦的梅頭叉燒邊邊還有少少燶邊位，我的至愛 特別香口，不過現代人認為吃了不健康，所以大部份香香濃濃的邊位已被削去。海天的叉燒肉質稔滑有嚼口，肉味加上麥芽糖味，送飯的好拍擋。拍薑生炒芥蘭遠 好香的薑味和酒香味，鮮嫩爽脆，十分好。服務員都非常有禮貌，是開好心的用餐地方。