活

营业中

休息中

朋友一直都推介呢間北角既西餐活🥳，而且對佢評價都幾高。咁我見最近嚟順便經過附近，所以就嚟試下佢。果然係名不虛傳！😎所有食材都好新鮮，慢煮西班牙有機黑毛豬 非一般黑醋 薯蓉，非常可口嘅西班牙黑毛豬豬扒🐷，豬扒沒有好重嘅調味，簡單灑上鹽已經可以帶出肉香。豬扒外層燒至焦脆，內裏肉嫩味濃，粉色部分比白色部分肉味更香亦更嫩，而白色嘅油脂部分食落亦唔會覺得膩，入口化開， 旁邊嘅烤薯仔亦不錯。😋煙三文魚忌廉檸檬扁意粉，三文魚Creamy厚身，味道更鮮甜。意粉感超爽脆，加入岩鹽，微量青檸汁，超級鮮味。🤤 整體黎講，食物質素新鮮無得彈，上每一道的節奏也剛剛好，女店員也相當友善，無論味覺與心情也得到滿足！

收左工唔知食咩好，之前朋友話活都幾好食，咁岩係附近就可以去試一試～朋友系門口睇左餐牌見到個紐青口扁意粉$就話要食～咁就入去～🍽️我叫左荷蘭大啡菇西西里義大利飯，味道非常突出😌，大啡菇亦是一大重點，充滿水份之餘菇味濃鬱。飯粒口感半生熟，食到黑松露味，融合茄醬同啡菇的香氣😆，口味層次豐富。朋友點左紐西蘭有機青口 馬來西亞叻沙， 扁意粉扁意粉煮得岩岩好，唔會太淋，食落好有彈性😚，好有口感，不錯！而藍青口配叻沙汁都幾夾😋，叻沙汁都幾濃鬱，藍青口份量都幾多😍最後來一杯TEA FOREST好清新，好fresh.餐廳嘅裝修風格好有異國風情嘅味道而且坐得到好舒服好寬敞光猛，有機會再來。

約左好耐無見既好姐妹聚舊，由於友人喜歡食外國菜, 所以我們就去左一間主打西餐既餐廳。當日我們都點左：蜆肉白酒蒜片橄欖油炒扁意粉$128🍝，意粉煮出黎食落煙韌黏口，非常掛汁，口感不俗。另外, 蜆肉分爽口，配料都好多，而且醬汁厚身黏香, 加上配有少少芝士碎配, 搭起來甚為清新，令人胃口大開。煎比目魚 蕃茄莎莎 薯蓉$158🐟，比目魚外皮煎得香脆，內裡肉質鮮甜，加上番茄醬融入海鮮的鮮甜，味道自然又清爽薯蓉煮出黎較為濕潤和軟腍。飲品配一杯Espresso Martini $78，香濃回甘。另外值得一提既系餐廳環境優雅大氣, 但以呢個平民化價錢黎講, 絕對值得大家一試。🍸

🎈環境開揚光猛，看出去是海景，很不錯。而且週末都可以用OpenRice網上訂位，十分方便。.我們一行5人先叫了2份，黑毛豬和軟殼蟹意大利飯，結果這兩個都好味，於是再叫多了這兩個各一份。.🎈食評.慢煮西班牙有機黑毛豬，非一般黑醋，薯蓉 $150 ⭐️⭐️⭐️⭐️我覺得最正是這件豬扒有少少肥有邊邊，不會太肥油之餘又有保留到一份輕輕的香油口味，豬肉肉質實爽，有豬肉味。因為好味，我們決定再叫一份，反正5人只先叫了2個主食。.👇第二份，賣相有少許不同，都是好味。有幾條香脆的香芋脆條，除令賣相更美外，味道亦十分好，也帶出多種口感，包括肉的𡁻頭、有脆條、有椒和豆的蔬菜等。.軟殼蟹龍蝦汁意大利飯 $148 ⭐️⭐️⭐️⭐️這個亦好好味，我們也多叫了一份，不過真的十分鹹，影響享受度，兩份都嚴重過鹹，幸好本身味道好味。意大利飯有少少煮不夠，有些少生米，意大利飯不易煮，很多餐廳都有煮不透的現象。.脆炸魚柳，薯條 $88 ⭐️⭐️⭐️⭐️薯條炸得香脆，魚柳有點炸過了，少一點會比較好，現在層脆皮有一點點炸得太硬。.🎈總體來講，味道很不錯，如能減少鹹度就十分完美，又有海景，坐得舒服。

之前上網睇到話北角活Cafe得到好多好評，於是我都趁今日放假，我都去試一下啦！點知試過之後，呢度嘅環境食物簡直係世一呀！呢度環境好闊落，裝修以白色為主，非常簡潔，而啲枱非常大張，櫈亦坐得好舒服，光線都好充足，好適合喺呢度渡過一個下午！咁我坐低咗之後就開始點嘢食啦！先黎就係煙三文魚牛油果醬蛋窩夫🧇哇！隻雞蛋完全係糖心蛋！原隻煎好放係三文魚上面，三文魚亦都非常之大件！魚肉充滿油脂！配合埋啲牛油果醬一齊食簡直係衝擊味蕾！之後我就食咗個荷蘭大啡菇西西里意大利飯！成個飯有啲香草配搭，令成個飯非常之香同惹味，而啡菇亦非常厚身，味道亦非常之出色！煮得好冧同好入味，成個飯都好好食😋最後飲品都非常不錯👍Espresso Martini 集合左苦甜兩種個味道，口感非常豐富好好飲啊！

今日同朋友無意中去到北角，我地無意中發現到一間食物水準非常高西式cafe☺️個餐廳名叫做「活」！我哋坐低咗之後就開始點食物啦！餐牌上嘅食物都好吸引！我哋都唔知點揀好，最後我哋就點咗個法國無激素烤雞半隻！雞肉烤得外皮好脆，肉質亦都嫩滑，同埋佢係冇激素嘅，食落去比傳統既雞更有鮮味！配埋啲刁草好香！再加埋啲充滿奶香同creamy 既薯蓉，好好食呀！之後我哋就食咗個韓式辣醬椰菜花🥦椰菜花好爽口，配埋啲韓式辣醬又唔會太辣，但又非常之惹味！最後我哋仲一齊食咗個軟殼蟹龍蝦汁意大利飯！軟硬蟹啖啖肉，炸得好脆卜卜！而啲飯都住得好冧，每啖都充滿龍蝦汁嘅味道，成個飯夾埋啲軟蟹一齊食，非常冇得頂呀！

想來呢間好耐啦今日的起心肝專程去到北角匯-活仲要帶埋心肝同寶貝過嚟先講環境劃分左人寵兩邊帶咗主子嚟嘅就可以喺欄嘅外邊食野空間都算大可以比七隻狗狗活動但入餐廳就要帶尿片 都明白嘅食物方面今次試咗呢個煙三文魚牛油果蛋窩夫幾好食煙三文魚同個牛油果醬好夾冇得輸加埋個窩夫脆卜卜 少少甜 係唔錯 2. 慢煮西班牙黑毛豬配薯蓉個豬好冧 好Juicy 幾入味薯蓉好滑 又唔油膩 越食越開胃整體來講出年中秋會再嚟 順便去東岸公園睇燈飾 步行大概15分鐘

今日老公帶咗我去北角一間叫做「活」嘅Cafe度食午餐🥣呢間餐廳我都第一次去食完之後真係一試難忘！啲食物完全非常之好食😋老公之前試過呢度嘅煙三文魚牛油果醬蛋窩夫🧇佢話好好食😋於是今日我哋就再encore啦！今日呢個窩夫同人保持高水準！雞蛋煎到半生熟，大大塊咁鋪咗喺三文魚嘅上面！煙三文魚亦都好大件，啲油脂係個嘴度散發晒出嚟！而牛油果醬亦都好creamy👍三樣嘢夾埋一齊食，食到我哋流晒口水！我哋亦都試咗呢個兩杯飲品，我嗰杯係Espresso Martini，入口好順滑，苦苦甜甜層次豐富！而我老公個杯係冰美式！佢話非常好飲，有濃郁既咖啡香味！呢度嘅主菜亦都非常之出色！我同老公食咗個荷蘭大啡菇西西里意大利飯！飲硬度適中，啡菇好大隻，同埋啲香料令到個飯非常之香同好清新！

今日同朋友去咗北角匯度行街，跟住我哋就發現咗一間叫做活既Cafe☺️於是我哋就入去食野做吓文青同埋打卡啦！侍應俾咗個飲品menu 我哋叫野飲！飲品好有特色同有好多選擇，好似有牛油果青瓜沙冰啊，菠蘿沙冰啊錦，都比較特別！而我就叫咗個Tea forest☺️ 杯嘢飲好清新，飲落去酸酸甜甜，好適合而家夏天飲哦！仲有佢嘅造型得好特別，杯野飲既外圍都圍住咗細細粒嘅菊花，俾人一種好夏天嘅感覺！好襯佢個名！食物同樣非常之出色！我同朋友食咗個法國無激素烤雞半隻！唔好以為佢得半隻，其實都好大隻，我同朋友都食得好飽！烤雞烤得好脆，啲肉每啖都充滿肉汁，配埋啲刁草同薯蓉食口感非常之豐富！主菜蜆肉白酒蒜片橄欖油炒扁意粉亦都同樣出色！雖然佢係用橄欖油炒，但完全都唔油膩，份量都非常之多！而每隻蜆都好大隻肥嘟嘟，意粉亦充滿酒香，非常之好食 😋

今日同同事去開北角做嘢，咁做完嘢我哋咁岩又唔使返公司，於是我哋就去咗北角匯嘅活Cafe度坐下chill下啦！我哋都好肚餓，於是就叫咗個煙三文魚忌廉檸檬扁意粉🍝，佢上到枱既時候我哋都嘩咗一聲，因為三文魚完全大大件，直頭成隻手掌咁大呀！意粉非常之好食😋唔單止有檸檬嘅香味，配合埋啲忌廉，味道非常之creamy 濃郁！之後我哋仲食咗個熔岩蝦球！蝦球大大粒，炸得非常之香脆！而且蝦亦都非常彈牙，點埋啲沙律醬一齊食，好好食呀！我哋再嚟一個慢煮西班牙有機黑毛豬，肉質嫩滑Juicy不再話下，而個汁係非一般嘅黑醋，簡直係將成件豬既味道昇華咗！佢連埋個滑滑既薯蓉一齊食好好食！而飲品亦都非常之讚！嗰杯熱朱古力棉花糖，朱古力味好濃郁但係唔會太甜，而上面亦都鋪滿左棉花糖，感覺好幸福哦😍

朋友想食西式嘢，話想扮吓偽文青喎！！點知俾我上網搵到一間有好多好評喺北角叫做「活」嘅Cafe！於是我就帶咗我朋友去食啦！侍應先俾咗兩杯飲品我哋，一杯係叫做Tea forest，個味好特別好清香，而家夏天飲就岩晒啦！而另一杯係熱朱古力棉花糖，見到呢杯嘢即刻心心眼😍朱古力味好濃郁，配合埋啲軟冧冧既棉花糖，入口即溶，非常之好飲呀！主菜同樣非常出色！首先講下個荷蘭大啡菇西西里意大利飯，味道濃郁同飯好軟滑，而啡菇亦非常鮮甜同軟冧冧，同飯既味道好夾呀！而紐西蘭有機青口馬來西亞叻沙扁意粉🍝亦非常好食😋青口大隻彈牙，意粉辣得過癮，同叻沙crossover擦出左食到令人流晒口水既愛火花😍

今日係星期六難得放假，就約咗朋友一齊去左北角既活cafe 食下野同傾吓計☺️侍應好細心安排咗一個比較靜嘅位置方便我哋傾偈☺️我哋坐低咗之後，就開始嗌嘢食啦！我哋先食左個荷蘭大啡菇西西里意大利飯！飯味非常香濃，菇亦煮得好軟身，好好味😋之後再食左個紐西蘭有機青口馬來西亞叻沙扁意粉🍝叻沙味好濃郁，青口亦非常鮮甜，兩者夾埋成個意粉一齊食非常yummy🥰食完個意粉再戰小食—除渣日本蠔他他醬！蠔外層炸得脆卜卜，蠔🦪非常肥美同juicy，一咬落去蠔汁就咇晒出嚟🤤最後我地既飲品亦同樣好味😋伯爵茶清新解膩而熱朱古力棉花糖就充滿淡淡朱古力香同好順滑！

今日已經係第N次嚟到北角嘅活Cafe去食西餐，每次食都會令人感覺非常幸福😍首先環境非常之優雅舒適，個度有一個落地玻璃嘅大窗，陽光曬入嚟非常之舒服😌每次我同老公嚟到呢度都一定要坐窗口位☺️食物亦當然非常之高水準啦！今日我同老公食咗慢煮西班牙有機黑毛豬😍豬肉非常嫩口，咬落去亦好多汁，配埋個非一般黑醋同薯蓉非常之好食😋而我老公個煎比目魚蕃茄莎莎薯蓉亦都非常好食😋比目魚煎完唔會乾身，仲好嫩滑，入口散發出陣陣魚油🤤配埋個蕃茄莎莎令個魚變得更鮮甜，而薯蓉當然梗係好好食啦🤤我哋食完兩個主菜都唔夠喉，於是嗌多個熔岩蝦球！蝦球非常大粒，入口熱辣辣，外脆內軟，點埋個醬一齊食簡直係人間美食哦🥰

北角匯一向都多特色餐廳，其中LITM 活呢間pet friendly cafe好味得黎環境都幾chill，好適合過一個悠閒下午🥰 🌃 環境 (4/5)LITM 活係pet friendly餐廳，好多主人都帶埋毛孩一齊食飯🐶🐱 事關本人好驚狗狗，好彩餐廳好貼心分開兩個area，有一邊係毛孩專屬區，咁就大家都食得開心啦🥳我就坐係無毛孩嘅area，咁啱有窗邊位置，落地玻璃外對住海濱長廊嘅盆栽植物，偶爾見到有人慢跑同放狗，勁chill😆😋 食物 (4.5/5)🍗 脆炸雞翼 • 椒絲腐乳醬 $68🍝 青口喇沙扁意粉 $148🍯 Honeycomb Dirty $55🍺 Estrella Damm Lemon $78食物同飲品全部都好睇又好食😋 脆炸雞翼好大隻，炸得熱辣辣脆卜卜🤩 腐乳醬鹹鮮得黎腐乳味唔會太搶，夾埋雞翼食有畫龍點睛之效，唔仲意食腐乳嘅朋友仔都唔洗怕😚 青口喇沙扁意粉都有驚喜！意粉醬汁嘅椰香同喇沙味勁香濃，好惹味😛 而且青口大大隻，食完飽足感好重，兩個人share就啱啱好😚飲品方面點左打卡必備嘅honeycomb dirty🍯 蜂巢塊細細舊，唔會搞到杯咖啡太甜，個人覺得如果杯啡嘅咖啡

今日朋友帶左我去一間係北角好出名既叫做「活」既餐廳到打卡同食野☺️我地食野同影相好開心🥳我地一去到就俾啲佈置吸引左☺️佢有好多夏日既裝飾，好似水泡，沙灘既backdrop 呀，仲有個小小既ukulele，直頭好似去左夏威夷錦呀！影完一輪相我地就食野啦！我地先食左個煙三文魚牛油果醬蛋窩夫🧇窩夫好大份哦、夠晒我地兩個女仔share 食！而味道亦非常好味道，牛油果醬同煙三文魚簡直係perfect match! 口感非常豐富，同窩夫一齊食好好味😋而蜆肉白酒蒜片橄欖油炒扁意直頭好食到加零一🥰😋酒香味濃郁，加啲蒜片一齊炒令成個意粉好惹味！而啲蜆亦脹卜卜大大隻，同啲意粉一齊吸收晒啲酒香味，好食到停唔到口！最後個韓式辣醬椰菜花令本身唔鍾意食菜既我都鍾意食😊菜用韓式辣醬炒，令菜無左菜青味同變到好惹味，辣辣地好易入口，咬落去仲好爽口！