洪記粥品

营业中

休息中

今日同2個同事去咗位於黄大仙廣場南館嘅洪記粥品，呢間粥店真係好受歡迎，入到去見到每張枱都坐滿咗客人，氣氛熱鬧得嚟又唔會太嘈，令人感覺好舒服。我哋點咗艇仔粥、皮蛋瘦肉粥、牛肉腸粉、韭黄鮮蝦腸粉、牛脷酥同埋咸肉粽。艇仔粥粥底好綿，配料新鮮，水魷好爽，口感豐富。皮蛋瘦肉粥亦唔錯，皮蛋軟糯与剛灼熟嘅肉片，簡單卻美味。牛肉腸粉同韭黄鮮蝦腸粉每樣都好有水準，特別係韭黄鮮蝦腸粉，蝦仁鮮甜，腸粉皮軟滑，真係令人一口接一口。牛脷酥嘅口感酥脆，咸肉粽餡料豐富，味道香濃。洪記粥品嘅食品質素高，價錢又合理，無論係熱辣辣嘅粥定係腸粉、小食，都值得一試。

洪記粥品 今日係黃大仙買完野，經過門口見有幾個人等緊位，於是我停低見佢話馳名粥品都想心郁郁試下，最後我自己都覺得呢間食物質素都算唔錯，環境空間感足夠。💫狀元及第粥$45粥底稠身，一上菜已望到好足料～牛肉鮮嫩呈粉紅色，豬肉丸新鮮彈牙。豬肚＆豬腸爽口無腥味，最後豬潤食唔到有苦澀味。💫菜乾豬骨粥$28菜乾唔會偏咸，蠔豉肥美飽滿，鮮香味重。瘦肉去骨且份量多，岩哂唔中意螺骨既朋友仔～糝埋胡椒粉提鮮更加好味～💫豉油皇炒麵$16望落上色，碟底無多餘既油係加分位質身幼細偏乾身，味道夠穫氣落埋芝痳仲好味～💫鹹肉粽$20糯米軟糯煙韌豬肉夠肥美，口感入口即化油香滲入糯米飯。 💫炸兩腸粉$21油炸鬼酥脆，腸粉外皮透薄同滑身可能平時飲食偏重口味，自己中意落埋甜醬、芝麻醬同辣椒醬會更好味～ 💫牛利酥$10預先剪開一粒粒，聞到好香牛油味食落去甜甜既味道且可口 。💫豆漿$10豆香味濃郁，甜度岩岩好～📍黃大仙中心南館地下高層UG41號舖

傳統的中式粥店，提供各種新鮮食材製成生滾粥，更有多款少食及油器。豬潤大大塊厚薄適中，保留爽脆口感，鮮味十足夠入味，粥底夠綿密有淡淡米香手打肉丸爽彈有肉香，鮮味多汁粥底加上胡椒粉食用更惹味鮮蝦腸粉皮薄餡靚，口感滑嫩蝦肉份量剛剛好，吃落夠彈牙，蝦米腸粉同樣非常軟滑，軟綿滑溜充滿米香，可配搭芝麻醬或甜醬，百吃不厭。咸煎餅淡淡南乳香味，色澤金黃，咸咸甜甜的，咬落香脆。豉油王炒麵是香港經典的麵食，炒得夠乾身，鹹度適中，配上爆香的香蔥，豉油香味四溢。

放假陪媽咪去黃大仙拜神, 順道係附近醫肚。經過見到洪記呢間粥店人氣幾旺, 價錢合理就入去試試。環境光鮮整潔, 自行scan QR code落單,每款粥都可以加錢額外追加配料。豬紅粥: 熱辣辣粥底, 配有多件彈滑豬紅, 加咗幾條薑絲去味, 看似簡單, 但粥底錦密, 味道不錯。艇仔粥 (追加咗豬紅)非常足料!! 每啖都食到豐富配料, 配料包括有豬皮、碎牛肉、爽口魷魚絲、花生、蔥花等…粥底綿滑, 追加了豬紅, 口感彈滑, 非常飽肚。艇仔粥 (走牛肉)雖然走咗其中一款配料, 但其他原本嘅配料份量依然好足, 其中瘦肉都唔少。炸兩:雖然所包住嘅油炸鬼唔係即炸脆口果種, 但加上豉油、花生醬、甜醬、芝麻, 索咗d調味, 幾正!!蝦米腸:  白滑腸粉配有幾粒蝦米、蔥粒, 加上豉油, 美味帶點香口。牛脷酥: 牛脷酥質感實在, 內裡軟熟, 中間甜甜地, 送粥一流!煎堆:煙煙韌韌, 甜甜地, 外層佈上芝麻, 充滿芝麻香。

新正頭一家去咗黃大仙廟拜神，之後去附近商場搵嘢食，經過洪記粥品，天氣凍食碗粥暖下身最好不過，大家入座去也，店內燈光明亮，地方乾淨，座位以卡座為主，坐得舒服。狀元及第粥用料十足 ，粥底綿滑有米香，材料新鮮有豬潤、豬肚、肉丸、豬心、粉腸等，味道鮮香爽滑。艇仔粥走牛肉：艇仔粥主要放入魷魚、瘦肉、豬皮、花生等食材，加上廣東粥口感絲滑的特色，讓這碗粥風味清雅卻富層次。叉燒腸：即叫即蒸，熱騰騰、皮又薄又滑的布拉腸粉包住肥瘦適中嘅叉燒，食起來齒頰留香。炸兩腸（大）：香滑腸粉包住脆卜卜油條，切成小段，淋上豉油、甜醬、麻醬、辣醬，口感香脆可口。蝦米腸：滑溜腸粉上滿是蝦米和蔥花，加上甜醬、麻醬等，葱花翠綠清香、蝦米味道鹹香，味道和口感都充滿層次。炒麵乾爽不油膩，色澤平均明亮，麵條爽滑彈牙。

今天來黃大仙，見到洪記粥品有好多野吃，價錢同深圳差不多，好實惠！### 九皇鲜虾肠腸粉薄透，内馅是鲜美的虾仁，虾仁色泽晶莹剔透，咬上一口，肉质鲜嫩、弹牙！### 牛肉腸腸粉薄而韧，包裹着鲜美的牛肉馅，肉质紧实，咬下去时，肉汁四溅，鲜香四溢！### 艇仔粥粥绵软鮮美，加入牛肉、魷魚、豬皮和花生等配料，增添了丰富的层次感，让人感受到温暖与舒适！### 虾米炸两肠外層加了好多蝦米，有海味的鹹香！### 蔥花炸两肠加入香葱的点缀，葱香四溢！多款小食鹹煎饼、油條和煎堆同艇仔粥一起吃，真是香脆好滋味！煎堆柔软的内馅，咬下去时，馅料的香甜瞬间在舌尖绽放！

冬天最岩就係食碗粥暖下個身，今日路經黃大仙，就去呢間粥店幫襯下。店舖光猛，坐得舒服，唔似舊式的粥店，比我感到好乾淨。店舖用手機落單，但有D 老人家唔識落單， 我見店員都好有善，會幫手。狀元及第粥：口感滑順，軟綿綿，仲好足料，有豬肝豬片豬粉腸，仲配上香菇，蔥花，好味。北菇滑雞粥：雞件數量都唔少，而且雞肉不鞋口，是滑滑的；配上北菇的香味，便覺齒頰留香蝦米腸粉及蔥花炸兩腸粉：蝦米鹹香，腸粉滑溜，炸兩香脆；配上豉油、花生醬、甜醬，是去粥店必叫的小食。豉油皇炒麵及炒米粉 ：調味同份量都恰到好處，也是去粥店必叫的小食。整體來講，洪記粥品嘅食物質素高，CP 值高，店員服務態度又親切，係會再幫襯的小店。

今日同阿媽去黃大仙還神，媽話要食清清地，一上openrice見到人地介紹洪記d生滾粥好綿好食，就去試下先。我地叫左鯇魚腩生滾粥，同埋窩蛋牛肉生滾粥，粥底好滑，而且d牛同魚都好林，魚仲切得好大舊，啖啖肉真係好味。另外我地仲叫左鮮蝦腸粉，個腸厚度剛剛好，而且蝦夠彈牙，味道一流。原來呢到有煎堆，好耐冇食過，食返一件外脆內軟，煙煙韌韌十分好味。牛脷酥就大大件，脆卜卜，要嚟送粥真係一流。我地買埋豆漿，1支10蚊有豆味，留返一陣飲啱晒！

洪記粥品（黃大仙）黃大仙正德街103號黃大仙中心南館地下高層UG41號舖今日係公司附近食粥，好正！～九皇鮮蝦腸🍤😀口感超滑，皮薄餡靚❤️蝦仁都新鮮彈牙，加埋醬油好好味🍤😀～狀元及第粥滑🥣🌿粥底口感綿滑，有香滑新鮮的瘦肉、豬腰、豬潤、豬肉丸、粉腸同豬肚等，咁豐富嘅材料食到我好飽好滿足👍個人好鍾意加咗好多蔥花，成碗粥又香又滑😋～鹹肉糭🐷🥚足料，有鹹蛋黃、豬肉同冬菇等餡料，味道鮮美口感佳，食落去有層次感😬～炒麪炒得夠香，調味適宜，軟硬度剛好😃

洪記粥品菜乾豬骨粥菜乾豬骨粥粥底濃稠，豬骨精華滲透喺米粒中，口感滑順。菜乾嘅鹹香同豬骨嘅鮮味好配合。特別適合寒冷嘅天氣，讓人感受到家嘅溫暖。鹹肉糭鹹肉粽外皮柔韌，包裹住香氣四溢嘅食材。肥膏滋潤鮮美，蛋黃搶鏡，鹹香適中，糯米口感Q滑。唔太油膩又飽肚，以白砂糖同豉油提味。配涷豆漿超正。韭黃鮮蝦腸韭黃鮮蝦腸色澤誘人，皮薄透亮，裡面嘅蝦仁新鮮彈牙，韭黃清香，已豉油提味，十足酒樓嘅一樣。狀元及第粥狀元及第粥粥底同樣細膩，豬潤同其他豬內臟口感彈牙，份外滋潤。搭配生菜同粟米，加添清新嘅感覺。炒米粉炒米粉炒得色澤帶金黃，香氣撲鼻，口感彈牙。搭配芽菜，紅蘿蔔絲等，我哋加上花生，芝麻調味，令層次感增加，簡單但不平凡。

今日同阿女去拜黃大仙，之後行去附近商場搵嘢食，經過一間叫粥店叫洪記粥品，裝潢時尚，燈光明亮，今日天氣轉涼，食碗粥暖下肚最好。狀元及第粥好足料，粥底綿滑有米香，豬什生滾熟度啱啱好，豬潤、豬肚、豬心、豬粉腸都好爽口，肉片嫩滑，加上少許蔥花增加香味。豬紅粥：豬紅分量十足，口感爽滑。艇仔粥非常足料，可以不要牛肉，加入瘦肉，最愛爽口嘅魷魚超多，加少許花生和蔥花更添美味。叉燒腸：叉燒被腸粉的外皮包覆，搭配特製淡醬油食用，醬汁香氣襯托出叉燒的鹹甜肉汁及腸粉的特殊米製口感，非常美味！蝦米腸：軟綿滑溜的布拉腸充滿米香，加上鮮香嘅蝦米和醬油，無論味道和口感都一流油條外酥里嫩味道香，送粥一流！

黃大仙中心南館最近開設了一家粥店「洪記粥品」，今天跟家人到訪享用早餐；裝潢簡潔明亮，環境衛生且座位舒適-🔹鮮鯇魚腩粥 $45拼黃沙豬膶 +$8數片鯇魚腩雪白細緻，有一定厚度，魚肉新鮮緊緻；黃沙豬膶足夠大片，爽脆起沙，吃到豬膶獨特的味道又不帶腥味；粥底加入薑絲及蔥花，熱度足夠，稀稠度適中，口感綿滑，調味剛好-🔹狀元及第粥 $45拼魚腩 +$10有豬心、豬肚、豬膶、粉腸、肉丸及肉片；豬心、豬肚及粉腸夠爽滑，沒有內臟異味；肉丸及肉片軟腍細緻，份量十足-🔹叉燒腸粉 $21即點即拉，皮薄細滑，柔嫩有彈性；叉燒緊緻帶蜜汁香，加入少量豉油足夠美味-🔹煎堆 $10呈上時已被剪成細件，方便進食表面灑上滿滿的芝麻，質感軟糯油潤，甜度不高，很易入口-🔹豆漿 $10啖啖黃豆香，甜度低

服務員太大聲，令客人感覺不好。 多張枱客人走了沒有人執枱。 新開張冇耐已經搞成咁，我都喜歡吃粥品腸粉，又住附近，但應該唔會多來，除非員工態度有改善。 希望再來時，服務有所改善。 服務員太大聲，令客人感覺不好。 多張枱客人走了沒有人執枱。 新開張冇耐已經搞成咁，我都喜歡吃粥品腸粉，又住附近，但應該唔會多來，除非員工態度有改善。 希望再來時，服務有所改善。 服務員太大聲，令客人感覺不好。 多張枱客人走了沒有人執枱。 新開張冇耐已經搞成咁，我都喜歡吃粥品腸粉，又住附近，但應該唔會多來，除非員工態度有改善。 希望再來時，服務有所改善。

非常推薦大家食「洪記粥品」😍 喺黃大仙中心開咗新店，餐廳提供好多款粥品、炒麵及腸粉，價格超抵！晚上6點幾已經坐滿晒人，好受街坊歡迎😆黃沙豬潤粥 ($38)必食！豬潤有驚喜，大大片 新鮮爽口 不會苦澀😋 與粥的滑潤完美融合，讓每一口都充滿了豐富的味道🐖🍚艇仔粥 ($28)口感好豐富😚 香滑可口，煮得恰到好處，配上大量配料，有新鮮魷魚、豬皮、瘦肉、花生等等，回味無窮～蝦米炸兩腸 ($25)必食推薦！炸兩外脆內嫩，搭配豉油及甜醬更是提升了整體風味，食唔停口！🍤🥢鹹肉粽 ($20)鹹肉粽的糯米包裹著鮮嫩的肉，鹹香適中😋炒米 ($16)炒米粉香氣撲鼻，搭配的蔬菜和肉類讓整道菜口感豐富🍜✨炒麵 ($16)炒麵的口感彈牙，配料豐富，調味恰到好處，好好味😋

門口得收銀員揗來揗去根本冇人知道係有人派飛我見有一食客入去坐低有個服務員態度好差趕個食客出去話佢冇攞飛食客話你出邊都冇人派飛個個都出出入入希望佢安排多個人負責派飛唔好將個收銀揗來揗