影片
上次食过清汤，今次试咖喱同蕃茄。因为下午茶时段（14：00 - 17：50），惠顾奉送热饮（冻饮+$4），但亦因为已经两点几，爽腩已经卖哂。咖喱牛坑腩伊面（$53+$5）偏向巴基斯坦咖喱，大量洋葱碎，咖喱味浓微辣（可要求辣度）。牛坑腩保持水准，约有五六件，有筋膜位，肉味浓厚。伊面（+$5）份量多，有弹性及有咬口，咖喱挂哂上面，捞埋一齐食好夹。蕃茄浓汤坑腩河（$53）蕃茄浓汤汤底有惊喜，鲜茄味浓，加埋牛骨汤底，出奇地好饮（唔知点解觉得好似饮紧蕃茄牛奶忌廉汤）。河粉份量不少，算滑。「洪强」三款汤底试哂，每款都不错，但如要排先后，个人认为清汤 > 蕃茄 > 咖喱。
继续阅读
上个星期啱啱食完堂食，今日因为同朋友扫街而佢又未食过呢间餐厅嘅咖哩，即刻推介佢试下所以我哋嗌咗个咖喱牛筋腩（中小辣）今次买到返屋企慢慢食，辣度啱啱好既会食到辣味，又唔会净系死辣，朋友都觉得好好味食到剩返啲汁都捞饭食埋佢果然很不错👍
继续阅读
屯门虹桥"洪强清汤腩"：听落好吸引啊！佢嘅巴基斯坦咖喱据说系可以同佐敦亚龙媲美！用新鲜牛腩，仲可以拣爽腩、坑腩、筋腩，啲选择真系唔使担心！价钱亦都亲民啊，跟饭只系六十几，汤伊面只系四十几。咖喱牛筋腩汤伊面只系$46，清汤坑腩饭只系$61，再加$9就可以揾冻饮饮啦！好平啊，又可以饱餐一顿！我真系想嚟试吓洪强清汤腩，好想尝尝佢哋啲特色菜式。咖喱牛筋腩汤伊面同埋清汤坑腩饭，听落都好吸引！下次去屯门就唔好错过啦！真系期待食到啲道地又美味嘅牛腩啊！
继续阅读
听人讲好食就讲得多 今次终于试一试佢招牌既咖喱筋腩伊🐮堂食非常满座 一个接一个一家三口 一人一碗🔹咖喱筋腩伊 - 汤底好足料 有洋葱同红萝卜 食落唔算咸 筋腩非常之腍 配上伊面 几有趣嘅配搭🔸咖喱筋腩河 - 同样一样汤底 转左河粉 索哂汤底啲味 连汤都饮埋😂😂🔹牛腩河 - 清汤腩 无味精添加汤底 汤底都算清甜 牛腩都好腍值得下次再返去食 每一碗都分开汤买外卖返去唔会朔晒水非常之好原来星期一至星期五有下午茶 下一次可以嚟食 免费配一杯饮品
继续阅读
作为四分一个屯门友，一到放假就周围捐窿捐罅去发掘屯门区美食，今次嚟到同事介绍位于屯门美食集中区虹桥嘅「洪强原味清汤腩咖喱专门店」，主打清汤腩、咖喱同番茄浓汤系列-🔹番茄浓汤坑腩河 $51转米线，下午茶时段送热饮，冻饮 +$4加入少量葱花点缀坑腩有 6 件算几厚切，连住少量筋膜同腩衣，咬落爽口弹牙有嚼头，肉质够嫩而且牛香几浓郁，脂肪比例唔高；米线爽滑唔易断，番茄汤底饮到淡淡番茄清香，系天然嘅味道，但就完全讲唔上系浓汤，唔油腻感觉几健康，食完都冇口渴感觉饮品冻奶茶奶同茶香都偏淡薄，甜度唔高，只属正常水平美味指数：8/10-🔹咖喱筋腩伊面 $46同样加入葱花点缀，可选辣度牛腩 4 件同样厚切，牛筋 2 件；牛腩脂肪比例较坑腩高，口感紧致带嚼劲，牛香一般；牛筋煮得软硬适中够Q弹，沾上咖喱汤够滋味；伊面轻身带少少烟韧，不过就完全唔挂汤，有啲失望，可能转米粉、米线或河粉会更理想；咖喱汤底咖喱香辣顺喉浓郁而不腻，拣小辣辣度啱啱好，几欣赏美味指数：7.5/10-🔹腐乳通菜 $16通菜新鲜翠绿而爽嫩，腐乳唔会死咸
继续阅读
您可能会有兴趣的...