津滿麵點小吃 (已結業)

下午3時左右去食午餐，記得這間店在openrice荃灣區榜有名，所以前來試試時間不早了，所以不太等位。叫了雜錦麵－河粉，魚蛋，豬皮、豬紅、蘿蔔、豬腸、紅腸、雞翼尖、豆卜、芽菜及韮菜，食物ok，＊要腩汁湯底，但很淡味。。。懷舊紅豆冰-紅豆大粒, 但何解份量好像少了，請看看其他食評！ 現在的變成多奶少豆，味道偏淡，涼伴拍青瓜－汁夠酸甜開胃，敗筆在主角青瓜，不新鮮，好像放了很久，失望！如非必要，也不想再來了。。。

新開當然要試下，還有我至愛的紅豆冰下午三點去到，不用等位，店舖夠光望落好乾淨，方型枱，座位逼，成日背隻碰背隻。「紅豆冰」叫三餸一面就可以加$8叫一杯，三角錐的冰，好吸引，紅豆不算太軟身，我比較喜歡軟些少「手打烏冬，牛腩，豬腸，蝦滑,辣汁」望到個烏冬就不開心，根本不是手打烏冬，是普通烏冬＞.＜豬腸~好味，好入味，超讚！牛腩~可以叫，但不算太好味，不過沒有痴牙。蝦滑~普通啦，平時吃其他車仔面無呢樣餸咪叫下囉。「米線，咖喱齋，豬軟骨，魚蛋，咖喱汁」咖喱齋，好油呀，都係覺得齋鋪好味d,同埋原來放落車仔面度食真係有d格格不入。豬軟骨，好好味，好入味，不過有d癡牙。魚蛋，普通，魚蛋都應該不會難食啦。食完之後，全日都好口渴，係嚴重口渴

車仔面是香港最地道的一種面食，是在五十年代香港最低潮時興起。到現在，車仔麵仍然深入人心，而價錢方面則有平有貴。這些小販式經營已成為歷史。車仔麵再沒有車仔了，這也是反映了香港轉變的一部份。 一碗美味的車仔麵可以說是全由自己選擇出來，再加上腩汁，沙爹汁，辣汁 或咖喱汁，口味任由自己調配，非常惹味。 今次去的車仔麵店是位於荃灣兆和街。店裡主打車仔麵，小食，盅頭飯吸特色飲品。環境跟一般麵店沒什麼分別，裝潢主要用了較為醒神的橙色作主調，空間感很大，差不多有一千尺。這裡的車仔麵醬汁是師傅自家熬製，包括招牌辣醬汁、麻辣醬、咖喱和牛腩汁。其中招牌辣醬汁，更是用蝦米，辣椒，乾蔥，蒜蓉，黑椒碎後，用慢火再炒熬至少一小時，怪不得這麼香。 $5-$8 自選麵餸均獨立炆製。加$10 可以配用煲過的杞子，紅棗，龍眼肉冲製的養顏冰。點了兩碗三餸一麵和一客玫瑰薰雞翼外賣，湯是分開上的，喝一口湯有很重的籮蔔香味。豬紅，片頭，豬軟骨米線配腩汁。豬紅咬下質感香滑，味道濃郁。片頭外皮炸得甘香，肉質爽滑有彈性，鮮甜而且魚味濃。豬軟骨炆得夠入味，吃下肉質軟腍，軟骨部份又多，很有口感。配合彈牙的米線一起吃，非常惹味。牛腩，豬腸，

今日同朋友行過上次幫襯呢間車仔麵, 就即興入去再試吓 !我上次試過d車仔麵都十分好食, 所以照常叫車仔麵, 而見餓餓哋就同朋友叫兩份小食, 椒鹽鮮魷, 大漠雞中奕. 講明小食份量都預咗唔會好大碟 1. 椒鹽鮮魷- 入口外層好脆口, 內裡鲜魷好新鮮嫩滑, 味道適中, 不用再加其他調味料2. 大漠雞中奕-上檯時見到有黑白芝麻作外層調味及油炸而成, 入口時火口剛剛, 味道都十分適中, 如果多d芝麻重好 以上小食都比一般快餐店出品用心泡製 ! 下次試吓其他小食

呢幾日心情很差.同有點感觸,昨日以運動忘記不快.怎料運動過量.令我人呆呆滯滯,只可去近的地方吃東西.腦中就浮現食家介紹呢間的紅豆冰,我立刻坐車前往.地點兆和街附近有圓玄學院的綠色小巴店.而且街上茶記眾多.見到黑色招牌.店內白色牆身.橙色的枱.而且冷氣供應就是呢間店.坐的椅是沒有背的.但食店1000尺,也不是小店..1000尺的食店.老闆曾任麗豪酒店,稻香的廚.但選擇賣車仔麵,憑的是個人信念.認為食物好食.客人自然會回頭.除了賣車仔麵還有小食.同盎頭飯.我相信飲品當然是尖錐紅豆冰.點車仔麵的紙彩色很靚,末知成本是否轉介客人?紅豆冰:竟然重遇上水的尖錐懷舊紅豆冰.令人相當興奮,打至碎冰,做成尖錐柱狀,除了賣相外,還可以令冰粒同奶均匀.紅豆相當真材實料份量竟佔杯的8成.紅豆煲至偏林,什至起沙,有種食紅豆沙感覺,奶味仍重.又不是太甜.後來凍碎溶後令味道更恰到好處.強烈推介..單點20元..叫三餸麵點8元..更加抵飲.4餸米粉33元:豬紅.豬腸.生菜,魚滑.清湯底.豬紅十分香口,而且相當滑.入口容易,菜新鮮,青綠,沒有爛葉.菜味濃郁已經不俗.豬腸不是最粗一種.只屬中碼,鹵得入味,彈牙.卻相當健康

我未寫過食評, 今次唔寫唔得......見到新開同樓下食評都OK, 就諗住試下(1) 位置比較擠迫，好易比後面枱D人撞到背(2) 下面D食評話好大碗, 一定夠男仔食, 唔覺, 我之後去左附近食熱狗.. $8一份料: 有牛腩, 牛肚, 每樣得果4 小塊.... (我叫牛腩(8$), 牛肚($8), 蘿白($5 3塊), 蟹子丸($8 2粒), 烏冬($10) 共$39) +$2 可以轉"手打"烏冬, 但最後只係普通打邊爐果D烏冬(3)$20 5粒蜆芥鯪魚球, 樓下影到鬼咁大粒, 上枱只係5小粒 (細過$1銀, 大過$0.5 少少) $28 芝士焗海蝦, 有4隻, 有芝士汁烏冬, 烏冬份量只係2匙更($28 我不如去大排檔$58叫中蝦E麵好過)(4) 叫左2碗麵, 有一碗成15分鐘都未上枱, 同職員追左, 話幫我睇睇, 等多15分鐘都無, 結果唔理佢埋單走人..... 因為叫車仔麵, 可以加$8有野飲, 但由於有一碗無到, 最後埋單有一杯都要比正價 $14......職員話電腦改唔到......最後2小食, 1碗麵, 2野飲比左 $

端午節臨近又是買粽子時間,記得在香車街街市那邊有上海嘉湖粽售賣,月巴家首席採購專員向著香車街出發;不過首先要增加能量,在荃灣那麼多食肆偏偏選了這家新開的津滿,就是因為看到樓下Johnny Law兄的紅豆冰照片。在茶餐廳密集的兆和街好容易就找到她,新開業的車仔麵店以溫暖耀目的橙色傢俱為主, 座位都是沒椅背的方凳,以前在街邊吃車仔麵也是類似的凳唷,只是多了空調令食客更舒服,經阿姐溫馨指點,月巴人坐在全店最涼快的位置,就算外面驕陽似火,吃熱騰騰車仔麵也沒問題啦。翻開圖片精美餐牌,除了車仔麵外其實還想吃蒸飯,只因那時太肚餓又多心了, 懶惰地不想在車仔麵紙仔中慢慢選,就來一個什麼也有一點的雜錦麵好了! 再加$8來個平時售價十多元的紅豆冰,下午茶的價格真好!古早紅豆冰不久送到,真如上水廣成的尖錐碎冰模樣,碎冰高人一等般突出杯邊,而所用的也是古早冰飲的高身玻璃杯,不是塑膠製造的代替品,夠傳統。佔了90%的紅豆蓉極度足料,比很多坊間比例剛好調轉的有誠意很多,豆殼裡的紅豆早已煮成豆沙,餘下的豆殼也已煮到軟軟的,香軟得入口即化!玻璃杯其餘10%是香滑花奶,攪拌後令紅豆沙更香滑,以水渠飲管一啜即時非常清涼,

睇見OR有新店介紹, 記錄下來並期望有天能去試, 尤其是丈夫並非太喜歡吃車仔麵這天真幸運, 因為是熊媽發辨日 熊媽帶路來到鋪頭前 沒想過店內環境寬敞, 白色牆壁配襯sharp爆橙色檯凳, 冷氣又強勁 熊爸都話OK平日下午茶時段到6:30pm, 凡惠顧3餸1麵起, 加$3可配冷熱飲品, 轉特飲加$8 幸好到達時只是6:23pm香港風情懷舊紅豆冰正價$20, 下午茶只需$8 紅豆蓉甜蜜蜜, 紅豆大粒飽滿, 甜度不過分, 那條冰柱慢慢地溶化也不會弄淡及弄稀紅豆冰清炖美顏圓肉養顏冰正價$20, 下午茶只需$8 味道清清淡, 杯裏裝滿杞子、紅棗、龍眼肉, 不過一早已炖到無晒味道牛肺、蝦滑、金錢肚配粗麵(麻辣汁) $8+$8+$8+$8=$32...粗麵煮得過腍, 無梘水味；蝦滑落了太多麵粉在內, 脹起是輕飄飄的, 一點也不彈牙；牛肺、金錢肚都滷得入晒味兼還有相關的質感 味道濃得來帶香料香味, 食完也沒有涸喉豬軟骨、豬大腸、牛腩配油麵(辣汁)$8+$8+$8+$8=$32...油麵煮得過腍, 不彈牙；豬軟骨有2大件, 醬料是甜甜地；豬大腸有肥膏的脂香, 軟軟嫩嫩；牛腩很有牛味, 似是肥腩

一行四人路經兆和街, 見此新車仔麵店乾淨企理, 冷氣強勁, 於是在此祭五臟廟.見餐牌琳瑯滿目, 於是除車仔麵外, 亦主攻小吃.紅豆冰, 紅豆夠火喉, 入口即溶; 圓肉養顏冰: 清甜潤喉又有益. 服務方面, 可能新張關係, 店員不太熟手, 可是都能保持笑容和親切態度, 讚~

今日去完探親戚，一個人唔知食咩好，正在搵食之際，見到呢間麵檔裝修得幾光猛又幾乾淨，就入去試試。可能今日落雨，入到去唔算多人，地方都好乾淨，加上老闆十分好客。都算坐得舒服。望一望個餐牌，同一般車仔面無咩唔同。但見到有D小食幾特別，所以就叫左兩個小食試試。一個涼拌拍青瓜，同一個非一般芝士焗海蝦。（都係第一次係車仔面檔食呢的野）個”涼拌拍青瓜“味道微酸中帶甜，青瓜入口感覺清新，有種消暑嘅感覺。而個“非一般芝士焗海蝦”芝士夠多夠濃，的海蝦都算大隻，仲有的烏冬放底，有種食緊芝士焗龍蝦嘅感覺。啱晒我呢種鍾意食蝦同芝士嘅人。而杯奶茶就OK啦！整體黎講都算唔錯啦，上菜都幾快，冷氣又夠涼，都算食得幾舒服！

最近兆和街有間新食肆開業，今天下午茶期間，來了這裡。要了一碗三餸米粉，選擇餸料是豬軟骨、東菇及黑木耳，共計28元。飲品加8 元要了紅豆冰。豬軟骨，少少的一件，炆得口感軟腍好味。東菇質素麻麻，有少少酸。黑木耳質素普通，有著一般的爽口。米粉是普通粗身的，不過嗦滿辣醬汁的米粉，就非常好味。紅豆冰，賣相非常特別，一支錐形碎冰柱在上，內裡的紅豆差點兒化作沙，如愛有嚼頭的豆，恐怕會失望，奶落得足夠，糖亦夠多，冰溶了都夠甜，也算好味。其實這裡就是一間車仔麵食肆，除了車仔麵之外，還有蒸飯。裝修得光猛舒服，服務亦能跟貼。今天要讚的是那個好味辣醬汁，不過...這裡的價錢似乎亦不便宜。

行過呢度見到有間新店開張，見今日又熱熱哋，d泠氣一定好正，所以入去食碗麵，一叫就叫咗四餸車仔麵加冰凍紅豆冰！^_^ 牛腩、魚蛋再加上大大杯紅豆冰勁回味^_^* 牛腩好霖. D腩汁好香 * D車仔麵都幾爽* 豬軟骨炆得好軟, 味道好正