洛奇冰室 (已結業)

見到個店名幾得意，咁啱想食常餐，就入去試吓啦！叫咗金牌沙爹牛肉麵配香滑炒蛋、腸仔、丹麥多士$53沙爹牛有4大塊，塊塊都好平均，無乜筋位，口感唔錯，味道ok，唔會好咸。麵淋咗少少🙃炒蛋幾滑，丹麥多士好香牛油味，個邊脆口内裡軟熟。奶茶第一啖就飲到茶味，奶味唔重，我鐘意😃

☞ 有日行過登龍街，發現新開左一間茶餐廳，裝修環境都尚算企理，咁又成功挑起咗條茶記癮，決定入去放縱一下😆🍴洛奇石鍋脆米炒飯（$100）❖ 超大鍋‼️絕對係要同朋友share嘅份量😂炒飯粒粒分明，間唔中會食到啲脆米，口感會特別啲，合格💃🏻🌟🍴鐵板避風塘牛河（$80）❖ 我見到都幾多人嗌呢碟，一上枱就聞到好香嘅避風塘味，一睇就知好夠鑊氣。牛肉份量都幾多，唔會太韌🙆🏻‍♀️🍴乾炒豬扒公仔麵（$61）❖ 超邪惡嘅炒公仔麵真係間唔時放肆一次就夠🤣但真係好鬼惹味，公仔麵炒得夠入味，豬扒都夠味，如果可以淋身啲就好喇👍🏻🍴西多士（$28）❖ 反正都肥，唔爭在嗌埋個西多🤣佢唔係好厚身嗰種西多，炸得唔乾身，配埋牛油同糖漿食超滿足，為cheat meal劃上完美句號🤪

昨晚，諗唔到食乜，就去了這間餐廳，真是一個錯誤的決定。我order 咗海南雞飯，想要雞胸，佢哋安排唔到，我明白，但最後來了鹽焗雞飯，隻雞無肉，好似已經放咗好耐，比咗七十幾蚊，唔知食咗D 乜，以後唔會再去。

一上菜就起左”衣”(看圖)=放左好耐？牛係比較硬身，唔易咬開。旦好食既，不過淋d就更好可以配飯+湯(中，英湯)個人雞煲，勁多茜😂同蒜頭🧄D雞到完左都keep住好熱利賓納好淡味

我所講嘅就係用大隻佬icon做生招牌嘅「洛奇冰室」。雖然登龍街餐廳多人流又多，但「洛奇冰室」個招牌實在太起眼，好難會留意唔到喎😂 入到餐廳坐低後打開個餐牌嚟睇，嘩～有咁多頁嘅，剩係飯類都有三個組別，加加埋埋有成超過30款飯😵‍💫😵‍💫食物種類多到真係唔知食咩好。▫️洛奇石鍋脆米炒飯 (HKD92) - 呢個石鍋飯餐牌上寫係「洛奇推介」嘛，應該係必試菜式。一個大石鍋裝住啲炒飯，用隻匙羹攪咗幾下，發覺裡面嘅配料一啲都唔少，由其係蝦同埋雞肉。絕對唔係多飯冇料😂 每粒米飯炒到夠乾身，一啲油膩嘅感覺都冇👍🏻▫️洛奇鐵板牛柳 (HKD138) - 牛柳有成300g，勁厚肉～ 上枱牛柳大約5成熟，淋上醬汁後再等一陣，生熟程度就啱啱好。大大塊牛柳配飯/意粉/或薯菜之餘仲有送中或西湯同埋熱飲，真係好抵食呀！▫️鬼馬生炒骨 (HKD92) - 餐牌上有好多款小菜，見隔離枱碟「鬼馬生炒骨 」幾吸引於是就試吓。呢個菜式最鬼馬嘅係有油炸鬼🤣🤣就算淋咗甜酸醬汁喺上面油炸鬼依然卜卜脆👍🏻啲醬汁味道酸酸甜甜，配白飯一流啊！呢間冰室食物種類夠多元化，唔洗擔心冇嘢啱你食😂

味道：⭐️⭐️⭐️⭐️想平平地食一餐 今次就推介呢間冰室🍽餐廳座落於登龍街 🌃菜式好有家既感覺🏡❶芫荽皮蛋魚柳泡飯 $63個人貪佢有湯又有飯🤣上既時候係用石鍋上 有d surprise😱 比平時既餐廳更加熱辣辣🔥完全係沸騰既狀態🥣奶白色既魚湯充滿芫荽香🌿又唔會好腥👍🏻❷鹹魚雞粒豆腐煲 $78當中既醬汁散發出陣陣鹹魚精華🐟連豆腐都吸滿醬汁 食落又幾惹味🙂呢個價錢仲配埋白飯、例湯同飲品✨❸金銀蛋肉碎浸時蔬$78今次我地就揀左菜芯🥬菜芯綠油油 食落鮮嫩清甜🌱清晒一碟話咁易😌跟埋白飯、例湯同飲品又點會唔飽喎😈❹菜蜜（跟餐）正常水準 味道不過不失😂❺鹹檸七 （跟餐+$8）冰凍既感覺冰涼爽口 當中夾雜檸檬既清新🍋

午市到到都係人，見有位就入都呢間，點了炒飯，本身臘腸啲都唔係咩貴野，但啲臘味真係薄到紙巾咁薄，份量又唔多，食落同白飯無咩分別。奶茶比較ok，食其他茶記會好好多。

估不到係銅鑼灣食茶記，甘滿足。牛扒餐價錢唔貴，121，但扒質素好好，我朋友食十成熟，都依然好食。豆腐火腩飯又夠多火腩。另外，茶餐廳最重要既茶底，佢都滿足到我。值得推薦！都夠細心，提我地牛扒太熟會無甘好食，不過我朋友怕生野，堅持要十成熟。黎到見有啲紅，侍應都肯再幫忙整多次。雖然上菜慢左啲，不過勝在慢功出細貨。一向覺得係銅鑼灣好難搵到平靚正既食肆，本身都無抱希望，結果超出預期，係有驚喜。希望佢地可以保持到質素。

平時我都好鍾意食茶記架～前排去咗銅鑼灣登龍街搵到呢間好似新開冇耐嘅冰室，而且平均一個小菜都唔使$ 100，仲要包埋飯，湯同飲品🤩整體評分：7/10環境：6.9/10人均消費：$50-100地址：洛奇冰室 (銅鑼灣)銅鑼灣登龍街28號永光中心地舖鐵板避風塘牛河（$76）：超級推介！好正！😍上枱嘅時候仲係好熱辣辣，出曬煙，好有鑊氣！ 牛肉大塊得黎夠曬入味，而且以獨特避風塘炒法！河粉吸曬啲調味料好惹味🤤評分：7.4/10洛奇石窩脆米炒飯（$ 98）：又係熱辣辣！炒飯份量好大，最難能可貴在於炒飯炒得粒粒分明，而且入面有蝦仁，雞肉，冬菇，蔥花等以石窩上菜，吃左好久仲係熱架！而且配上飯焦，每一口都帶香軟又香脆的口感！😍😍😍評分：7.4/10咖哩牛肋條飯（$ 88）：牛肋條勁大塊！食落口感啱啱好，咖哩汁唔會太辣，食落，用嚟撈飯真係一流！ 😍評分：6.8/10芝士流心西多士（$30）：西多士嘅黃金顏色真係好吸引，厚度亦都足夠，不過切開冇拉絲，中規中矩評分：6.5/10

出開銅鑼灣都係食日/西式野多，前排喺登龍街覓食，經過發現呢間好似新開冇耐既冰室，見小菜選擇幾多，少食住家飯既我就提議入去試試佢～環境都幾光猛，仲可以望住大隻佬食野😋 本menu都好似大隻佬咁有份量，有西多士、炸物小食、常餐、炒粉麵、中式小菜、石鍋系列、焗飯⋯⋯➿ 黃金蝦球 ($128)超邪惡啊😈 新鮮即炸，有十粒八粒，粒粒都包住黃金😛 啖啖都咬到鹹蛋黃蓉～ 新鮮蝦肉，肉質彈牙！另外叫左兩個小菜👇🏽➿ 餐湯無論中湯定西湯，都好足料！➿ 石鍋麻辣雞煲 ($88)鍾意食辣既必叫🌟 一上枱就聞得出辣度有驚喜，有川菜個種辣既風味🌶 雞件肉質嫩滑，份量幾多，仲有唔少既雲耳，都好入味～➿ 瑤柱金菇扒西蘭花 ($78)西蘭花🥦生熟度剛好，冇青味～ 覺得同一個價錢，整碟小菜既份量比市區茶記多少少，而呢度乾淨得多💁🏽‍♀️➿ 霸王雞 (+$1)落單既店員強力建議我地加，話晚市嗌兩款小菜或以上就可以加$1有一客霸王雞🐣 打包番屋企都抵～ 咁又係真係唔加對唔住自己既🤭 雞件上有大量蒽同炸蒜，好夠味！➿ 凍檸茶➿ 凍柑桔蜜通常喺茶記嗌餸食飯，有餐湯就冇野飲，但呢度係兩樣都有～ 所以真係食到好飽，仲要又食又拎😂

登龍街驚現露體狂？非也，係大隻佬洛奇！呢間位於銅鑼灣食街登龍街嘅新派冰室target後生仔，食物款式令人眼花繚亂，多花款到一日三餐都可以喺到解決，咁食法睇嚟未變大隻佬已經先變肥佬。；洛奇石窩脆米炒飯 $88想食煲仔飯好耐，見呢個石窩咁吸引，即叫。石窩上枱時仲係出緊煙，熱氣？feel到曬，必定為秋冬保暖佳品。飯炒得乾身，飯粒粒分明，加上口感滿滿嘅脆米，以及蝦、冬菇、雞肉、瑤柱絲、脆米等多種配料，香口又暖身。；濃湯海鮮泡飯 $74海洋湯鮮甜濃郁，健康清淡之選。海鮮有帶子、墨魚、蟹柳，仲有冬菇同勝瓜，撈飯食非常飽肚呢。；鐵板xo醬海鮮炒烏冬 $88炒烏冬就成日食，用鐵板上枱咁霸氣實為首次，有啲舊式扒房aka 金鳳feel。烏冬彈牙，海鮮超多，但味道就無咩特別，如果個xo醬辣少少應該仲正。；雜果賓治 / 菠蘿賓治 +$8n年無飲呢啲舊式飲品，嗌完開始淆，嚟到兩杯shocking pink嘅嘢飲令我倒抽一口涼氣。好彩飲落去無藥水味，是汽水+罐頭雜果而已。

今晚銅鑼灣行街想食車仔麵，點知排隊排到癲，見到隔離間新開茶記幾爆場唔使等咁耐就轉場，選擇幾多，價錢抵食，幾高質。菜心炒班球 $135菜心份量十分多，蒜蓉炒好香，班球好滑啖啖肉，清清地既選擇椒鹽骨 $92炸得香脆惹味，配上炸蒜及紅椒絲，豬排林身唔會好咸，餸飯一流小菜餐會配白飯同埋湯，夠哂抵食鐵板乾炒牛河 $65鐵板上渣渣聲，河粉色澤通透，夠哂彈牙，牛肉入味，必試之選凍檸茶 +3蚊茶底夠濃，有4塊檸檬大大杯抵飲

洛奇冰室 @ 銅鑼灣📍銅鑼灣登龍街28號永光中心地舖登龍街不嬲都出名多嘢食 經過見到有間新開嘅冰室 地方乾淨企理 服務態度好 食物選擇又有好多種類😍 估唔到西餐湯羅宋湯質素都幾唔錯 濃郁得尼又足料👍🏻▫️洛奇石窩脆米炒飯 $92鐘意食飯焦既一定要試下！🌟 炒飯用石鍋上 仲係熱辣辣🔥炒飯炒至金黃色 香脆可口🤤炒得粒粒分明 脆米脆卜卜 入面有瑤柱絲、蝦仁、冬菇、雞肉、蔥花、翠玉瓜粒 啖啖都食到好多料 口感豐富😋▫️鐵板XO醬海鮮炒烏冬 $92味道恰到好處唔會過鹹👍🏻 烏冬炒得好有鑊氣 XO醬辣辣地又幾惹味 海鮮味道鮮甜✨有魷魚、帶子、蜆肉、蝦仁🍤▫️咖喱牛肋條 $83咖喱帶有椰香味 唔算辣～😋牛肋條炆得好淋好入味✨ 另外仲有薯仔洋蔥三色椒做配菜 不過可惜咖喱鹹左d😕👅好味：3.8/5💲價錢：4.3/5🌟性價比：4/5👀環境：3.8/5👥服務：4.5/5

今次叫咗三個小菜，不過侍應姨姨話原來加一蚊就可以有一份覇王雞！抵到爛，食唔晒都可以帶走！🤪套餐加$8蚊可以揀紅豆冰😍，超正，佢紅豆超淋，上面好多椰奶❤️，邪惡呀但真係好好味！我哋揀咗一個中湯同埋一個西湯，羅宋湯同埋霸王花湯，味精都唔錯，配料好多，夠晒真材實料。黑松露蝦球炒蛋（$98）呢個一上到黎已經好靚，好多煙，煙霧瀰漫，外表100分！佢真係用新鮮蝦，而且黑松露味都好夠，呢個我覺得值！豆豉鯪魚炒四季豆（$78）第一次見到呢個組合，又幾夾喎！我覺得仲好食過欖菜炒😚，佢炒得好有鑊氣，四季豆都有豆豉鯪魚味，餸飯一流！一蚊霸王雞（$1）因為得1蚊，真係冇投訴，而且味道都ok，正常味道，不過我哋真係食唔晒，所以外賣算。沙嗲肥牛粉絲煲（$78）呢個我真係要「投訴」呀，肥牛仲多過粉絲既😆，第一次見到咁多肥牛既粉絲煲，沙嗲味好濃郁，少少辣咁，粉絲同埋金菇索晒啲味道，正爆🤪，呢個又係必食！叫咗咁多嘢都唔使300蚊，我個人覺得好抵😚，下次去銅鑼灣一定會再食佢！

📍 洛奇冰室 Rocky Cafe📍 銅鑼灣 • 登龍街28號永光中心地舖-為什麼叫Rocky的總是肌肉男💪為什麼名叫Rocky的餐廳也要配一個肌肉男的logo 🤣🤣路人走過都不禁看幾眼🤣-銅鑼灣登龍街中段新開了一間燈光明亮、奪目的《洛奇冰室 Rocky Cafe》，主打新派港式茶餐廳菜式身處在銅鑼灣人流旺盛的區域，但定價卻十分親民，CP值超級高呢‼️這晚就在這裡吃了一頓久違的港式小炒、「叫餸食飯」🥢-晚餐的小菜選擇很多，大部分都配絲苗白飯、湯品、飲品湯品可選中湯或西式的羅宋湯是日中湯為 { 紅蘿蔔粟米豬骨湯 🥣 } ，正合心意呢！-避風塘粟米 ($82)第一道是這道香噴噴的 { 避風塘粟米 🌽 }顏色鮮艷的玉米跟椒鹽、香蒜同炒，非常惹味盤裡放滿了彎彎的玉米小段，還堆疊成兩層，份量十足沒有醬汁的關係，個人覺得比較不好下飯，不過同座朋友不斷夾起炸蒜下飯🤣🧄•鬼馬生炒骨 ($92)說到跟白飯最搭配的小菜... { 生炒骨 } 一定是其中之一✨味道酸酸甜甜，特別開胃；連骨的豬肉又嫩滑🥰配菜的洋蔥跟甜椒都非常入味，超級下飯！這裡的鬼馬生