泰‧蘭花 (已結業)

上星期黎呢到食左餐好好食既泰菜, 好耐無食過咁好食既泰菜.... 呢到成日都好多人等位, 真係唔BOOK位都唔洗止意有得話入就入呀!食物方面: 我個人覺得好有水準, 呢到仲可以同D朋友一到飲WINE一到﹝炭﹞泰菜, 直係人生一大樂事~劉德華佢老哥一句:今時今日咁既服務態度未夠,真係害到D服務性行業既打工仔比死更難受!係唔係要D 服務性行業既打工仔既就算要俾人掌摑都只係維持良好服務態度? 有時大家可以將心比己;睇諒下你有工作...人地都係為工作!如果比你去左間態度101分好,但他能給你的食物質素十分差,唔知各位又會點樣諗呢???

星期六在隔壁的UA戲院看戲後，便拿著票尾在泰蘭花吃晚飯(星期日至四有八近，星期六都有九折)我和兩個朋友總共三個人，點了三款菜式：椰青焗飯、肉松生菜包和咖喱海鮮南瓜盎。因為朋友看了食評才去，本來就打算試有人推介的菜式，說是又好食又大碟。所以就放棄了套餐。上菜速度頗快，這個值得一讚。三個菜式的味道中規中矩，沒有大的驚喜。相比起佐敦的金禾大約是只平手，可是價值卻較貴。可是，菜式只是一般餐廳大小，不見得很大。我的兩個朋友皆是女孩子又細食，但結果我們都得走到甜品鋪再吃一點東西。服務如之前的食評所言，意料中事。不是說惡形惡相那種差，可是就是伙記們的眼睛都看不到坐下來的客人的，幾個伙記走來走去，竟然就看不到客人在揚手，真的奇怪。我會覺得試一次就足夠了，價錢與食品比只可以說是一般，但環境真的不錯，起碼坐得舒服。服務就更是有待改進。怪不得星期六的晚上竟然未到八點半已經有一半座位是沒有客的，大約一晚每張檯只可以做一轉吧?

幾個好後生的侍應service唔好. 有個新黎o既女仔(我估係啦)反應好慢, 完全get唔到我地講既野, 講到我地都有d忟. 仲有另有一個男waiter服務又係超差, 好明顯俾面色我地睇, 仲見佢一擰轉頭就好不屑咁喺度'咦咦哦哦'...差不多坐夠個半鐘就有幾個(唔係一個!)waiter幫我地收枱同埋單, 但出面無人等位o家喎!!!食物水準又一般. 係港式泰菜囉. 招牌炒金邊粉好濕, 唔好食.一定唔會再黎.

預先致電留座, 一到達就即時有招呼, 不用呆等.....而侍應們一見我地入門口就報以親切笑容【GOOD】!!!我地一行四個人座抵就睇下MENU 有咩好食, D野食多款到唔知食咩好, 樣樣都想試。。。。最後我地叫左呢D食物+ 一個甜品:1) 咩都想食之更係叫左個『泰式小食拼盤』先啦; 真係可以樣樣都試下呀, 我個人就最鐘意其中 一款小食(炭燒豬頸肉) 真係好香口!2) 『冬陰功大蝦湯』- 我地四個人都好鐘意食辣野, 所以要求佢地加辣, 嘩...真係好正,辣到我一 食一到流汗。 大蝦.....大到好似紅腸咁大,真係小見(係呢區)3) 『泰式生蝦刺生』- 好彈牙、好新鮮呀!4) 『椰青海鮮焗飯』- 個椰青面頭D餸多到連D飯都 見唔到!!!5) 『椰汁香芒糯米飯』- 唔明點解仲可以食到D咁 甜既芒果, 糯米飯口感一流。超正,又抵食.......●今時今日係MK 仲點會搵到其他咁有水準o既 泰國菜先!?

8/2(四) 8:00pm友人返加國度新歲,離港前一聚作團年飯.4友人飯局選址於此,原因一-地點便捷,原因二-有$100優惠卷.預先致電留座並準時抵達(自己),友人們其後到達.被安排坐於近門口位的梳化座,店內裝潢屬新派泰菜館格局,深木色桌椅配上泰式擺設,環境簡潔;唯缺點是桌與桌之間欠缺距離感,私隱度較低.翻閱餐牌過後,一致贊成點2人餐及另加菜式,點了2人餐$248-冬蔭功海鮮湯,炸素春卷,麵包咖哩雞,蝦醬炒通菜,甜品.另加香葉辣肉碎炒飯$68,招牌泰式炒金邊粉$68及湄南河式辣椒醬炒蜆$58,是晚2壯男似乎頗開胃!冬蔭功海鮮湯--每人平分一小碗,一入口嗆喉及辛辣感隨即湧上,辣度刺激,同時亦帶酸味,味道的確對辦!配以不能苛求的海鮮如魷魚,蝦隻,青口等,算是不賴!炸素春卷--以芋頭,蘿蔔絲,木耳等作餡料,多重口感,味道清新,而薄脆的春卷亦炸得不油不膩,蘸酸甜醬吃,具水準的一味!麵包咖哩雞--驟看外觀恍若椰青;甜咖哩不算惹味,甜得更過甚,就是死甜,失去咖哩的神韻!而麵包外層雖香脆卻裏頭欠缺鬆軟,雞肉亦找不著有何鮮味,失手之作!蝦醬炒通菜--幼身青通炒至質地爽甜,不足之處是吃不到絲毫蝦膏咸香.

星期六當天同朋友去了呢間Thai Orchids Cafe & Bar 當我地等位時只係想問問位年紀比較大的女經理要等幾耐~我地預時間返黎~點知好似得罪佢咁~惡到死~大佬我知你地忙但唔係同客發洩~入到去~算啦叫位頭髮稀疏既經理仔黎落order~嘩佢仲勁~扮型不特止~著起龍袍唔似太子~我地慢少少即黑面~唔洗呀?!?!地方感覺都好好~但位太窄~我地叫左個加哩虾,椰子海鮮飯,酸辣鳳爪同小食~但都ok架~味道唔錯~但唔係好夠辣~係食個過程~又係個位經理仔收碟收得幾快~換碟又快~阻住食野~個位亞姐係咁吹人埋單~大老坐多十零分鐘都唔得呀~?!?!唔係呀~點做生意架~你地都係打工仔~唔洗咁對客人架~唔怪得d評語差到咁~讚佢地d人都唔知係真家假~比人話都係因為服務勁差~勁差勁差~廚房員工比人讚就真啦應該~

星期六去左呢間Thai Orchids Cafe & Bar食野~本以為好好~同幾個朋友入去~想問門口位女人(睇佢都唔細)要等幾耐~都要串~自問我黎呢度食係近咋~服務差~算我見你地咁多人可能做到人都憫~但唔洗咁冇態度姐~叫位冇乜頭髮既哥哥經理仔黎落單~唸住佢同其他同事都有d唔同啦~講慢少少都差d比佢鬧咁~拎到d野食黎一陣又黎收碟~如果唔做生意就唔好開啦~一食飽又吹人比錢~係咁執野~好似趕人走~成間野都食到人人唔開心~我地唸呢間野最值得讚既係應該廚房既員工~因為食物都幾好食係唔錯~但樓面班人就......服務唔得~但就只係食得~我發誓請都唔再黎呀~讚佢地個d人都唔知係咪自己人黎架~

噙晚約左幾個好朋友食飯,之前係openrice呢到搵過下呢間好似幾好,就嚟試下,點知係意想不到既差,首先先評下佢既服務,我地坐底左次後見佢個mean好似唔係咁多,就問吓佢地有咩係推介,但由於個女仔係trainee嚟,就話"我搵第二個人幫你",咁都唔係問題,第二個嚟到,唔知係個女仔講得唔清楚定點另一女人行過嚟,"叫咩呀?",我就話"我想問下你有咩推介?",佢就話"推仲寫左係個menu到,自己睇....".....我當堂呆左,我想知到真係有無d 特別得既菜先問你,你叫我睇menu,睇menu我就唔洗問你啦,咁我話"咁我一陣再叫",佢就即刻黑面走左,最後我地叫左(1)椰子海鮮飯/$78,(2)原盅面包咖哩雞/$98,(3)泰式生蝦/$78,(4)薄餅/$20(1)椰子海鮮飯:相比之下叫係最好既一個, 但其實我唔覺有咩特別, 唔差,但唔算話十分好味, 即唔可以話"嘩,呢個好得呀,我下次一定要再食..."(2)原盅面包咖哩雞:差...好差.....可能我食得咖哩少,多數咖哩雞係用雞髀整，我未見過咖哩雞係用雞胸整,但呢個咖哩雞用雞胸整都唔緊要最緊要係好味，但好無奈呢個咖哩雞既雞胸既質地同我食香口膠

到朗豪坊睇《墨攻》前，來這兒吃個泰式all-you-can-eat 午餐。任點任食（$78 / 位），配一份「任飲珍多冰」（$28 / 位），埋單$202，經濟飽肚。全部食品都足料均秤，絕無取巧就價。點了：冬陰功（蝦超大超爽脆新鮮）、柚子沙律（好味）、酸辣鳳爪（無骨好味）、肉碎米通（米通略油但調味好好）、酥油薄餅（香酥脆口）燒豬頸肉（好惹味香脆甘香）、串燒雞肉、炸蝦餅和炸魚餅（不巧的泰式炸物）、甜酸炸魚（吉利炸皮好香脆、魚唔腥、作得超好！）泰式咖哩雞肉（正宗泰式咖哩，有相當多咖哩香料和配料，好味）臘腸炒芥蘭（臘腸香甜可口）、炒金邊粉（好好味）椰汁黑糯米糖水（好足料）這個all-u-can-eat，weekdays 賣$68，weekend 賣$78，好抵！係初階入門程度的泰食初體驗。

金邊粉–有辣粉，要辣亦得，唔辣亦得，粉比較一舊舊柚子蝦薩拉–的蝦煮得老左的（定系隔左夜唔好食？）蝦salad - 唔錯不過都幾辣炸豆腐–好野味Happy hour 椰青買一送一服務員唔多夠，好多台無人clean up

原本是想吃壽司的, 但因過了7:00, 太多人等位, 唯有另尋目標, 剛好想起UA即日戲票在泰蘭花有折, 而且也沒試過, 就決定光顧了!店肉的裝修情調不錯, 唯獨坐位及枱的SIZE較為迷李, 若帶了多一點東西可能會較迫了!菜式的選擇不算很多, 我跟女朋友總想吃咖哩, 我們點了一個咖哩南瓜海鮮盅, 招牌咖哩炒大頭蝦, 蒜蓉包及後加了兩份薄餅!咖哩南瓜海鮮盅相當不錯, 咖哩夠香, 很CREAMY, 而且亦有很多海鮮, 整體感覺不錯!招牌咖哩炒大頭蝦的咖哩較辣, 略嫌香味遜於咖哩南瓜海鮮盅, 但大頭蝦夠爽口之餘亦有蝦味, 絕不是「雪到死實實冇蝦味」的貨色, 而且SIZE亦算大, 三隻開邊, 份量算多, 整體感覺出色!蒜蓉包也是新鮮焗, 但4片要$20似乎有點貴, 加上配咖哩吃不算太配合, 相反薄餅做得不錯, 有香味之餘亦夠綿軟, 吃起來口感很好, 而且配咖哩吃亦很出色, 值得一試!最後HAPPY HOUR的飲品買一送一, 我和女朋友點了珍多冰&三色冰, 質素OK, 價錢合理!吃過的東南亞餐廳不算很多, 但這裡的咖哩令人滿意, 大頭蝦做得出色!大家不妨一試!

上個月生日, 男朋友咪同我黎左呢間試下囉, 雖然聽過呢間野個名好多次(UA成日賣廣告), 今次終於都有機會試到喇~~~~~我地點左一個泰式鮮蝦sashimi - 呢個唔講得笑- 十分好味架~~~主菜就點左一個咖哩鴨煲- ok la~有咖哩, 當然唔少得薄餅啦, 又係勁好味~~~~~~一個bbq大蝦- d 肉勁滑, 好難得燒既都可以控制得咁好個火侯, 雖然貴, $78 一大隻, 不過真係不錯~~一個小食- 原隻燒魷魚筒- 勁大隻, d汁都ok, 不過2個人食就好容易因為佢而滯左~~~~飲品就有椰青同lime soda - ok la 都係~~~我一定會再去架~~~~如果大家會去又可以食sachimi既話就記住試下鮮蝦sashimi啦~~~~~~~~~~~~~~~~~~~~~~~~~~~

昨晚6人預訂了檯, 可能星期一關係, 8點幾都唔需要等位入座,點了以下的菜：1) 招牌炒金邊粉- 炒得夠香,不太油膩, 推介之一2) 蜜利文雞肉+薄餅- 蜜利文好好味, 甜甜地幾好食, 不過唔知係唔係呢度d雞係咁,普遍好實, 唔入味3) 泰式小食拼盤- 蝦餅夠味道, 魚餅有香茅味, 炸雞好實,豬頸肉夠入味,煎得夠香口,不油膩, 同埋好多塊下4)蛋包海鮮飯- 可能之前食既d味比較濃, 呢個無咩味, 海鮮亦唔多, 要用d咖哩撈埋好食d5)泰式冬陰公湯- 我覺得好辣, 但朋友都話好好飲, 好好味....6)另外叫左一個沙津, 唔記得叫咩名, 有青木瓜絲同D蝦肉, 幾酸同辣, 不過好開胃... 整體黎講, 都係值得推介既

禽晚同男朋友兩個人去呢度食晚飯，之前我嚟過呢度食過一次，覺得味道幾好，所以再嚟幫襯。嗰時未夠八點，都唔使等位。點了幾個餸，等咗十五分鐘以上都未有菜上桌。只係一早嚟了薄餅，攤到凍哂餸都未到。叫伙計去催催，佢只係敷衍應了一句，見佢行咗開去，根本無去催餸。服務真係麻麻...好在食物都算唔錯..1.冬蔭功湯--全晚最好味的，集辣、酸、香於一身，唔食得辣的就要小心...2.青咖喱牛腩--青咖喱好香，唔會太辣，牛腩入味...3.肉碎炒蜜糖豆--肉碎炒得好香，甜甜地，夠入味，但略嫌鹹咗少少...4.炸蝦餅--不過不失，普普通通...總括來說，食物味道幾好，值得再幫襯，但希望佢哋改善下服務態度啦。

看了之前的食評, 好壞參半, 於是抱著即管一試的心態去試試吧！昨晚一行三人預訂了檯(幸好有預訂,過了7:30外面已站滿等位的人)，點了以下的菜：1) 招牌炒金邊粉- 份量及用料很足夠, 炒得也夠香, 不太油膩, 果然是招牌菜2) 黃咖哩牛肉+薄餅- 黃咖哩一上檯已聞到很香的椰香味, 不過牛肉可能過熟, 不夠滑3) 欖菜肉碎炒蜜糖豆- 幾特別, 欖菜+肉碎炒很美味4) 泰式小食併盤- 蝦餅夠味道, 魚餅有香茅味, 春卷及炸雞只是一般, 豬頸肉夠入味,煎得夠香口,不油膩我坐在餐廳的裡面, 裡面的環境比外面的舒適, 外面實在太多人來來往往了。男經理很有禮貌, 侍應反應也夠快, 整體招乎是頗周到的。