泰‧蘭花 (已結業)

平時見thai orchids都幾旺,好奇想試下,睇下係咪咁好食,雖然要等位,但都唔算等左好耐,我o地點左蠔餅,烤原隻魷魚,海鮮焗飯,蠔餅唔太油,又夠香口,而烤原隻魷魚好特別,唔腥,口感又好,海鮮焗飯係原個椰子上,飯有香濃的椰子味,很清新,而且服務又好,d待應好醒目,又好笑容,感覺不錯!

行到朗豪坊８樓見到一間泰國野，好似幾好．．．見到信用卡有折喎，幾低咁，就去食下啦，但個姐姐仔話冇位，要等喎！咁就等下啦，過左一陣就有位啦，我地叫左１．金邊炒２．生蝦３．清湯４．菠羅炒飯５．通菜食物普通啦！！！好多謝ｄ待應不段為我地加水．．總結: 都ｏｋ啦啦！有機會會再黎食既！！

睇完戲，差唔多９點．見到一間平時好旺既餐\廳！今日冇平時咁多人，所以去試下，一行過去，門口有個女待應好ｓｗｅｅｔ對住我地笑，但佢\帶位果時好好笑，以超快的速度帶我地入去．可能係趕時間啦！！之後佢\又對住我地傻笑！！！好有趣的小姐！由於太肚餓，好快咁落單，有個女待應幫我地落單！但我估佢\係新黎既，因為不足幾秒．就有個待應妹妹仔幫我地覆單，又係一個好笑容既待應！！奇妙的餐\廳，我地叫左金柚沙律．小食拼盆．紅咖哩牛肉．白飯！！味到ｏｋ啦啦！但沙律就辣左ｄ，重有魚餅好難食．．．．我重覺得張枱似乎細左ｄ，如果我地叫多ｄ野食一定放唔到！Service都ｏｋ啦，佢\地都不停為我地加水！！最後埋單．好開心．原來戲非有９折．整體都滿意ｇａ！！

第一次黎依間餐廳食野!!!因為我地睇完戲.so就去食野.之前都有諗過去依間餐廳食野.but次次都太多人啦.但今次睇完戲,有9拆.就去下啦.都係一樣要等.but冇所謂啦.可能d野真係好食啦!!留左個名俾位小姐.等左大約30分鐘到啦!!入到去,果到都係咁多人!!我地叫野食時,見到個待應.but佢手上. 拿著d杯!!唔好意思叫佢.但佢見到我地,佢好快行過黎同我地落單.佢好好笑容.我地問下佢有咩好食!!佢話金邊粉.椰青海鮮食.通菜.等等!!!我地問佢有冇騙我地!!!真係好食???佢話佢好鍾意食!!!!哈..信下佢啦!!!我地兩個人叫左椰青海鮮食!!好正,好想食多一次.個金邊粉都ok.個待應妹妹真係冇騙我地!!好正,好好味呀!!!之後我地叫多個小食.下次一定要再去多次先..個待應妹妹叫我地下次黎食野.打個電話黎留位!!咁就唔洗等咁耐!!!佢令左張餐廳卡片俾我!!好Service!!!!!

星期一諗住同好友食下泰菜,就去番E間食啦.8點幾去到..FULL哂....之前我黎個幾次都差唔多..不過今次真係好FULL等位都要成半個鍾..OK算~留左個名諗住去第二間食啦點知佢地都真係打番電話黎覆我有位咁就上番去啦~(個女仔幾有禮貌)^__^叫左幾樣野食咖哩大頭蝦:幾好食D蝦唔差汁又多不過貴左小小青咖哩炒飯K囉~不過我就覺得唔夠味炒通菜:一個字,同我之前黎食一樣~~正咁就叫左兩杯野飲..我地去到個時過左HAPPY HOUR 但個哥仔都幾好人比埋買一送一比我地~~THX啦~總括黎講都OK~間野冇D人講得咁差不過就真係比我之前去多左好多人食物都OK係就係要等耐小小囉~不過可能我冇黎E道好耐~之前有個好似老板娘的女人唔係道~個女人幾好人的~~~

昨晚和女友看完電影找晚飯食,那時大概九點半,我看見餐聽內有八成空位,見不用等便行入去一試,坐底後看見四周的枱都沒清理,再看Bar枱上放滿未清洗的杯,心諗可能是之前太忙的關係。我們開始研究menu,大概五分鐘我便找人落單,那時只有五六枱客,但就有六七個待應,待應們都在那個落單區,不知他們在攪什麽,沒有一個會留意客人的需要,我再看四周的枱和Bar枱還未有人清理,視覺十分差,令人不舒服。Bar枱上的青年不停地和一女子談天沒有整理那些杯子,我們本來打算叫點飲品也不敢。終於有一待應行出,她準備清理桌子,我不停地向她揮手她也看不見,再望那些在落單區的待應,只能看到他們的背影,我再望那正在執枱的女子終於被她發現我們的存在。她手上拿著幾隻杯碟走過來,她放下手上的東西再和我們落單,真的不知道其他待應在做什麽,水還未有。我們叫了三樣食品:1. 青咖哩蝦球炒飯( 味道ok, 蝦球有點霉)2. 串燒( 本人從未吃過那樣差的串燒, 柴皮一樣)3. 泰式豬頸肉沙律( 啲汁太鹹)總結: 食物差, 服務更差。 很差的經歷, 以後也不會再光顧。

同老婆出mk 入到去1 勁耐先service 水都無杯2 野食一般唔差亦唔好3 不過2個人食都$230有點兒不值

小弟等了半小时再多十五分钟先有个头盘，吹做3次先到，又吾算话特别好食！哎。。。

兩個人去食飯要坐兩人枱很合理，但這裡的兩人枱又細又迫，與其他食客的距離就正如魚旦粉麵檔旺場時一樣。和朋友說句話都要小心點，有時怕講左D野太好笑，笑死隔離。張枱細周身唔自然，當然就影響其他的評分。食物方面：點了酸辣雞湯、蟹肉西蘭花、泰色燒雞、蠔餅及芒果雞肉炒飯。除了蠔餅外，食物質素尚算可以，不過一定不是物有所值。講到個蠔餅就想嘔，這店的蠔餅太有特色，蠔餅內的蠔仔有不少不過是生的，包在旦內，餅底鋪了生芽菜。當芽菜與蠔餅一起放進口裡，生芽菜的生味及青味帶出了蠔本身的「聲」味，立即有想嘔的效果。這個真是絕配。我猜有生之年都不會再光顧這店，謝謝。

上個星期的晚上我同D朋友見呢間餐廳OK多人,以為一定好好食,所以我地就入左去食!食物方面都叫OK, 好食就不如去九龍城既地道泰菜,不過呢到食物水準都唔太差,我地叫左4個菜都有一道(馬拉盞通菜) 叫做比較有水準囉!而最想講下呢到既就係個中年女人經理,唔知係唔係因為佢係經理既關係,我見所有人忙到連水都無時間為我地加既時候, 呢個中年女人仲可以係到慢條詩理咁係到座低同佢D朋友飲酒食野既?只係得閒黑面咁呼喊下其他好忙員工做呢樣做個樣,我座係到眼見到咁既情況都唔忍心再叫個D員工為我不停加水喇,情願食完去SEVEN-11 買水好過!以後都可以會去再去呢間樣食既(食物)服務就.... (等佢地請多D人先啦)

最近去過呢間泰蘭花任叫任食~~嘩!!!!真係超抵$68連加一都係$78落樓,本來期望不大但出乎意料d咪道幾得喎!!只是出菜略為慢左少少但勝在夠新鮮即煮,而且侍應又勤加水~~

服務超差超慢超唔醒目。又唔知做咩，好吊高o黎賣feel。唔休做，但其實我地食過日係星期日lunch，都係得三五檯客。散叫都唔抵，唔係話好飽，85折後都要食成$80/人。食物方面，甜品只是ok，其他的，碟頭唔大，但味道都ok。

呢間野之前都黎過兩次, 以前覺得雖然d staff 霎下霎下, 反應慢小小, 但都接受到. 但今次同三個朋友一齊, 真係好離譜.我地叫左:青木瓜沙律: d味唔同晒. 好咸, 唔夠辣, 好重芫茜味馬拉盞通菜: 咁多碟呢碟最好味.炒闊河粉: 無乜味. 一d都唔泰式.炭燒茄子: 非常唔掂. 好重炭燒味, 但擺落口係咩味都無既.串燒豬: d汁又唔香又無乜味. 豬肉好硬. 我地每人都叫左杯野飲. 咁幾個朋友一齊食飯, 梗係一路食一路傾架啦. 但d waitress個個都想趕我地走咁, 明明碟野未食完, 就想收走佢. 今次收唔成, 下次行過又要再問收得未. 如是者, 好快咁俾佢地清晒我地枱面既野, 凈番每人一杯野飲. 佢地仲想焗我地食甜品. 但由於其他野唔係太好食既關係, 我地梗係無再食埋甜品啦. 其中一個朋友杯野飲到一半, 有個waitress竟然走埋黎叫我地埋左張單先. 我即刻指住朋友杯野, 話佢未飲完喎. 嘩, 果下個女人塊面一黑, 真係黑過鑊底! 我地望下出面, 根本就無人等位! 洗唔洗咁呀. 我地先7點鐘坐低, 果陣差不多8點, 一個鐘頭到就要趕我地走. 離晒譜! 我地發誓無下次. T

星期五晚上，間間都爆到死，咁又好肚餓之下就試下呢間泰菜，點左一個$248 o既二人餐，"噢...賣格"，真係普通過普通，食左~~1. 冬陰功-夠辣，但係冇乜料，一隻小中蝦斬三件2. 炒通菜-okay 啦3. 春卷-超油，嚟到仲"令"晒咁4. 原盅咖哩雞-呢個真係好差，個咖哩冇咖哩味，佢超淡色，擺明落左超多耶汁，啲雞仲要係冇味5. 泰色甜品-正常6. 兩杯smoothies(都有買一送一，好似原價三十八)泰國餐o既咖哩唔係咁架，我最鍾意就係食咖哩，竟然會咁唔好味，咁o既價錢又食唔到我至愛，咪攪~~

好認同這位食客的看法，我上星期日都去了這間泰國餐廳食晚飯，可能是星期日的關係就不是太多客人，而我亦得到好有服務態度既招待，清水未飲完已經時時為我再加,還有一位男經理《全晚以一個好陽光的笑容》來招呼我們，我們一個眼神還未開口他就很快動身到桌前。~~~~~~~~~~~~~~~~~~~~~~~~~~~~~~~~~~~~~~~~~~~~~~~食物令我很難忘，令我〝流口水〞的是一味用椰青載的飯，還未入口已經好香椰子味！生蝦亦叫新鮮；柚子沙拉好開胃；冬陰功湯就有好多蝦膏在湯面上面「好回味」！