泰 (瓊華中心)

营业中

休息中

好耐都冇去瓊華食嘢 今日就去試下位於16樓嘅Thaiology餐廳環境好闊落 座位舒適兩個人都可以坐卡位非常舒服店員有禮貌 好主動鮮蝦柚子沙律 $118柚子沙律比想像中大份除咗有蝦 面頭仲有滿滿嘅蝦仔 青瓜絲 柚子 腰果 生菜 車厘茄食落去口感層次非常豐富酸酸辣辣咁非常之開胃馬拉盞炒雜菜 $88炒雜菜賣相精緻 材料豐富有紅蘿蔔 豆角 翠玉瓜 粟米仔 生菜同埋香姑辣辣地好惹味炭燒羊架 $108羊架有兩隻 上枱熱辣辣燒得外脆內嫩 好厚肉 咬落去好juicy 同個Sauce好夾咖哩炒大頭蝦 $208大頭蝦非常之大隻 而且有三隻咁多 大頭蝦好新鮮 而且係有膏嘅添每日都大大隻非常厚肉而且仲喺背部界咗一刀方便食用 大大啖咬落去好滿足配菜仲有多種蔬菜 咖哩辣辣地比較甜香酥薄餅 $58食咖哩就梗係唔少得薄餅啦 薄餅熱辣辣有三大塊 非常酥脆 用嚟點咖哩一流泰式奶茶 $42泰式奶茶味道濃郁 泰國茶味香濃 口感馥郁Menu:

好味指數：😋😋😋😋😋推薦指數：⭐⭐⭐⭐⭐✅泰式生蝦刺身$128有10隻生蝦🦐，可以夾蒜片/點醬汁食，生蝦新鮮，醬汁酸酸辣辣，開胃小食☺️✅香酥薄餅$58有3塊，薄餅口感鬆軟，點咖喱汁完美配搭🤩平時餐廳好少配埋咖喱汁，通常都要額外叫咖喱點，但呢度包埋😆✅生菜包（豬）$98生菜包微辣，啱灑我呢種食唔到辣嘅人😍而且肉碎份量勁多，可以撈菠蘿炒飯食添😙✅原個菠蘿炒飯$138原隻菠蘿上，見到都覺得好開心🍍而且炒飯配咗提子乾豆角又幾夾😙✅芒果糯米飯$98食泰國野一定要食芒果糯米飯收尾😊芒果香甜🥭糯米飯暖笠笠，口感軟糯🤤✅原個鮮椰青$64比起平時嘅椰青大隻，好香甜😍仲要啲椰肉好淋身👍🏻

泰國菜一直都係港人喜愛嘅美食之一，泰國菜館更加係總有一間係左近，今次就介紹一間位於旺角嘅瓊華中心，地點非常方便餐廳格局寬敞舒適，亦以富泰國特色嘅雕刻作裝潢，令食客感受到濃厚嘅泰國風情食物種類選擇眾多，如果自問有選擇困難症嘅可以揀選二人/四人套餐，至於我自己就比較喜歡散叫▶️泰式串燒 (雞/豬各2串) - 串燒都係由人手自家醃製，肉質嫩滑之餘更保留到肉汁，配上秘製沙嗲醬，食落味道層次更豐富！▶️脆炸蝦餅 (4件) - 蝦餅炸到金黃，外層香脆，食落就爽口彈牙▶️青咖喱牛肉 - 份量豐富，青咖喱汁亦香濃惹味，但食得辣嘅先好揀青咖喱，因為相對紅/黃咖喱，青咖喱係最辣！▶️泰式鮮蝦炒金邊粉 - 金邊粉同配料份量都非常豐富，酸酸甜甜好醒胃，另外蝦碌都好多隻，大大隻爽口彈牙▶️椰汁珍多冰/椰汁紅豆冰 - 椰汁味香濃，但又不會太甜，清新消暑之選

好耐無去瓊華食飯，原來開左好多新餐廳！椰汁珍多冰｜椰汁味濃郁，甜度適中！泰式串燒（豬/牛/雞）｜每串都燒得好靚仔😍全部都啖啖肉好juicy完全唔乾😋搭配既沙嗲汁仲好濃花生味，正！泰式生蝦刺身｜我係超鍾意食生蝦❤️呢度既生蝦大大隻，爽口鮮甜，配埋生蝦汁辣辣地，辣得黎又清新。馬拉盞炒通菜｜每次食泰國菜既必點菜式😎有鑊氣，夠惹味👍🏻豬頸肉炒飯｜大愛呢個炒飯🥰味道係甜甜酸酸，炒得粒粒分明，仲有好多豬頸肉粒🤗芒果糯米飯｜上檯見到仲出緊煙，係新鮮蒸起嘅糯米飯😍糯米飯煙韌，椰味香濃！芒果切開再上會更方便食。全部都好滿意🥰下次想試下個shake shake海鮮！！

上次同朋友嚟瓊華食嘢嘅時候見到水牌有呢間新開嘅''泰'' 今次專登約埋朋友過嚟一試😆三心兩意唔知揀咩食好 最後揀咗二人套餐 468蚊有六道菜 其中有啲菜式加錢轉咗 食物份量都好豐盛 唔想浪費食物 所以食到超飽🤭下次三個人食二人餐都絕對夠飽😚😚 晚市二人套餐 💰468 🐓明爐椰汁雞湯可以盛到5-6碗 個湯好香椰子味 十分清甜 仲有好多雞件😋 🥗青木瓜沙律沙律份量都唔少 材料有青木瓜 洋蔥 生菜 紅蘿蔔 櫻花蝦 炸蒜 味道清新 間中食到啲辣椒籽都幾辣下🌶 🍢泰式沙嗲串燒🐷豬x2 🐮牛x2 肉質軟腍入味 食起嚟有甜甜哋嘅蜜汁 再蘸上花生醬食更香口🤤個人覺得豬比牛好味😋 🍝泰式鮮蝦炒金邊粉 💰+28超大碟金邊粉😍大大隻鮮蝦爽甜 金邊粉炒得好夠鑊氣 酸酸甜甜好味☺️ 🥘紅咖哩牛肉可選紅青黃咖哩 平時都鍾意食青咖哩多啲 今次試咗紅咖哩 唔係好辣 牛肉塊都幾大件 唔會好韌 不過就唔係好多件肉🥩入面都有好多豆角等蔬菜🥒 🥦泰式炒雜菜味道唔算辣 翠玉瓜 椰菜花 豆角 紅蘿蔔 菇等多款蔬菜炒埋都好爽脆 🥭芒果糯米飯 💰+28食泰國野甜品唔少得芒果糯米飯 芒果切粒連皮上 要自己切出嚟 糯米飯煙韌 椰汁份量都好

📍Thaiology - #YFF旺角 💎【泰抵食‼️ 精緻豐富大份量泰式滋味🇹🇭】餐廳由經驗豐富嘅泰國人廚師主理，以正宗泰式烹調技巧製作一系列經典泰菜。店內以富泰國特色嘅雕刻作裝潢，具濃厚東南亞風情，而且座位舒適寬敞，非常適合朋友聚餐。今次被餐廳嘅特色二人套餐所吸引，聽聞味道正宗惹味之餘亦大件夾抵食，性價比非常高。❝ 二人套餐❞ — $468⧐ 青木瓜沙律蘿蔔絲、青木瓜絲清新爽甜，調味酸酸地好開胃。另外仲灑咗花生碎同蝦米係面，香口啲之餘仲可以增加口感。⧐ 明爐冬陰功海鮮湯 (+$12)幾欣賞個湯用明爐方式滾住上菜，就算影耐咗相先食都唔驚會凍咗。冬陰功湯冇落到椰奶熬煮，飲落口感相對上較清爽，酸酸地帶點香辣，但略嫌調味真係太重手，飲多幾啖真係鹹到要搵水浪口先得，味道略欠層次。整體都算幾足料，有青口、墨魚、海蝦等海鮮配料，肉質尚算爽彈。⧐ 沙嗲串燒（四串）我地揀咗豬牛各兩串，每串都燒得好香好入味，食落肉汁豐富，肉質幾軟腍，點埋沙嗲醬更加惹味。⧐ 原條青檸明爐烏頭魚 (+$38)原條烏頭以明火爐熱住上陣，排場十足。淋上以香茅、南薑、辣椒、芫荽同青檸等材料做成嘅湯汁， 加埋墨魚、青口等配料提升鮮

諗住試吓新嘢嚟到瓊華中心呢間泰國嘢食叫咗串燒 生菜包 咖喱豬 仲有薄餅同埋芒果糯米飯串燒同生菜包不過不失 但生菜包好多肥豬肉而且個底勁多油 個人覺得太油膩咖喱豬係超級失望 個豬係勁鞋 完全唔好食咖喱嘅味道都係一般職員嘅態度有啲差 個薄餅追咗兩三次先有最後食埋個芒果糯米飯 好飽但成餐飯唔算好滿足下次未必會再食 而且環境都比較迫

餐廳新開分店，見到好多好評，所以去試下，叫左個二人套餐。先講優點：上菜快、碟頭大、職員有禮、環境寬敞缺點：多款菜式偏甜，普遍欠缺泰菜必備的香茅、檸檬葉、南薑等香料，味道單一青木瓜沙律：紅蘿蔔和青瓜較多，所以成口生蘿蔔和青瓜的青味。甜酸醬汁但欠缺青檸、香茅、檸檬葉、蔥蒜等香料，不夠惹味椰子雞湯：椰奶味濃，雞肉唔算乾柴，多菇和番茄，但欠缺檸檬葉青檸汁南薑等香料，所以似飲緊淨椰奶，最奇怪係食到唐芹粒沙嗲串燒雞和牛：沙嗲汁見到好多花生但無花生和沙嗲香，得個甜字。雞和牛無搽醬都好甜，雞幾嫩滑，牛則是無牙婆都「妹」到個種冧，同想像中一口牛既口感不同炒雜菜：最好食的一碟菜泰式金邊粉：面頭的花生是裝飾，無花生香的，但整體味道ok。粉未熟透，所以最後打包返屋企加工明爐青檸烏頭：烏頭冇泥味，但配菜有d 9唔搭8: 椰菜、椰菜花、番茄、青口、墨魚仔。而且又係缺少應有的香料，無咩味，好彩有半個青檸，我擠完個青檸就放左去個椰汁湯度吊一吊味。雖然大大碟3個人都夠食，但有d都要另外加錢，加加下都$500+，以咁既味道，算係性價比極一般

第一味上菜正正常常，味道都ok豬肉串燒半隻海南雞疑似唔足料份量超細，肉好鞋，似蒸雞泰式金邊粉酸味強，味道單一，麵條好彈牙完全唔似一般金邊粉，好有特色重點係炸流心芝士蝦丸上牒賣相幾好切開有幾隻生蝦，通知店員，立即收走，5分鐘後拎返出嚟同一牒蝦，店員仲話：「放心，一定熟」我見，我真係知熟，直頭有啲濃，不過流心芝士消失了而且有大量原條蝦腸（有屎）整體味道20/100店員笑容可掬不過未到堅差比錢我都唔會再來🙏🏻🙏🏻🙏🏻

冇得去旅行✈就係喺香港周圍去食不同🌍國家嘅美食，勝在香港真係咩都有得食! 旺角一間樓上泰國菜性價比好高👍🏻，晚市二人套餐（$468）超野多嘢食😋，碟碟都好大碟，真係唔係講少三個人先食得哂😆，另外仲order咗泰菜必食嘅🦐泰式生蝦刺身（$128）。·🥣明爐冬蔭功海鮮湯 （+$12）冬陰功🌶口感同味道係比較清爽嗰種😚，唔會好辣好易入口，香茅味較重🌿，有個爐熱住keep住溫度🔥飲到尾都熱辣辣。·🥗青木瓜沙律份量超滿足! 酸酸甜甜😙開胃又清新，作為開胃小菜真的不錯👍🏻。·🍢泰式沙嗲4串簡咗牛肉🐂同雞肉🐥各兩串，燒得頗香口的，大大嚿啖啖肉🤤，個人好喜歡搭配嘅🤩沙嗲醬汁，花生醬🥜味道濃郁仲有花生粒粒豐富味道層次！·🍛紅咖哩牛紅咖哩🔴味道微辣帶甜🌶，加入椰奶🥥更加香濃，除主菜牛肉外，仲有好多蔬菜，好豐富。·🥒泰式炒雜菜雜菜份量及種類皆多👍🏻，有椰菜🌱、翠玉瓜🥒、蘑菇🍄、西蘭花🥦等等，食返啲綠色嘢中和下是必須的☺。·🍝泰式鮮蝦炒金邊粉 （+$28）又係份量勁多!😄 金邊粉條條分明唔會碎濕濕，炒得乾身爽口真得一讚👍🏻! 帶點甜味，若加點辣度會更惹味呢~·飲品補差價叫咗🥛泰式奶茶，係泰國嘅味道呀😍！·📍泰

今日同女朋友黎到旺角佢鍾情泰菜所以今日就黎到呢間自稱泰菜餐廳試一試餐牌有好多選擇，有經濟實惠既套餐適合一班人或情侶有齊正宗泰菜，一定令你揀到心頭好泰式生蝦刺身生蝦好新鮮，生食都完全唔腥再加上蒜頭，有殺菌作用食得好安心醬汁帶點酸辣，好開胃蒜蓉包，黃咖哩豬肉蒜蓉包同咖哩一定要一齊點唔可以分開香脆既蒜蓉包點上咖哩做成外脆內軟既口感咖哩香而不辣好惹味香葉肉碎炒飯炒飯粒粒分明加上香葉肉碎好香口，食到停唔到芒果糯米飯芒果好鮮甜配上口感煙韌既糯米飯成個味道好夾推薦！

今日行完旺角，去左瓊華試下新嘗試，見到依間Thaiology 裝修幾靚好似幾好坐，我又早嚟唔使等好耐（樓下壽司郎條隊真係好誇張...）叫左個lunch set，泰式豬頸肉湯河，薄切豬頸肉浸過泰式辣汁，所以食落好入味，但最深刻係佢個湯食唔到有味精，我成碗湯乾哂加咗兩串豬肉串燒，黎到見到個size嚇親，跟lunch set加真係好抵食，而且豬肉咬落好juicy 👍👍飲品叫多左杯泰國梳打水，比一般梳打水更多氣

我哋嗌咗四樣嘢菠蘿炒飯海南雞串燒同埋炒通菜四樣嘢入邊得串燒係不過不失菠蘿炒飯入邊啲飯硬到死 得啲菠蘿係鮮甜個海南雞啲雞肉唔係話好鮮嫩 得海南雞傳統嘅醬料係OK 個炒通菜 通菜一啲都唔入味 新鮮到好似啱啱摘出來咁

Fried fish cake 泰式炸魚餅 🐟 $78泰式炸魚餅放喺個特色竹蓆上面好靚🎋，魚餅炸到金黃色幾香口🔥，魚肉有少少蔥花同香菜點綴將味道提升Garlic bread 🧄🥖 蒜蓉包 $58蒜蓉包等咗10幾分鐘食到依然脆卜卜😍，麵包充滿牛油香🧈，免頭有大量炸蒜同炸洋蔥🧅，睇落去更吸引Roti prata 🫓 香酥薄餅 $58呢一款香酥薄餅有少少似台灣手肘餅，味道唔會太鹹，食落去皮薄口感酥脆，清清地係個想再encore嘅小食👍🏻Whole pineapple fried rice 原個菠蘿炒飯 🍍 $138呢個原個菠蘿炒飯係幾乎每枱都會叫嘅main course ，成個菠蘿裝住炒飯真係好吸睛🍚，裏面嘅材料主要有菠蘿肉、提子乾🍇、雞肉🍗、豆角，係正宗菠蘿炒飯必有嘅嘢食Garlic water spinach 蒜蓉炒通菜 $88用蒜蓉炒通菜特別惹味🥬，雖然係炒但係唔會太油膩，係一款相對健康嘅小菜Mango sago pudding 芒果糯米飯 🥭🍚 $98食泰國菜一定唔少得芒果糯米飯，一啖芒果，一啖滿佈鮮甜椰漿嘅煙銀糯米飯🌴，令成餐飯更加圓滿Fresh coconut 🥥 原個鮮椰青 (

旺角瓊華去食咗幾次飯，都係打邊爐，估唔到最高層有間裝修都幾靚嘅泰菜。聽聞由資深泰廚主理，食物高質，價錢貼地。特別推介晚市二人套餐，份量超大，足足有六味菜再加飲品，好抵食。晚市二人套餐👯‍♀️Bubu’s pick $468✔️明爐椰汁雞湯✔️青木瓜沙律✔️泰式沙嗲4串（豬、雞）✔️青咖哩（雞)✔️泰式炒雜菜✔️泰式鮮蝦炒金邊粉(+$28)✔️飲品(2杯)重點推介🔥👍 明爐椰汁雞湯 Thai Coconut Chicken Soup一上枱就聞到勁香椰汁味，餐廳仲會用明爐熱住，確保客人飲到熱辣辣嘅湯。椰汁本身好香，加上雞肉、雜菌同野菜去煮，質感好滑，味道有層次。👍 泰式沙嗲4串 Gilled Satay 4 Skewers 串燒可以揀兩款唔同肉，我地今次就揀咗豬同雞。串燒大大串，肉塊好厚，燒到外脆內嫩，同沙嗲汁絕配。👍 青咖喱Green Curry青咖喱可以揀配雞、豬、牛，我地今次就揀咗雞。一大盤青咖喱，除咗雞肉仲有好多雜菜，個汁好濃淍，上面仲舖咗一層紅油，又熱又辣好惹味。📍泰 旺角彌敦道628號瓊華中心16樓