泰.夯蝦 (諾士佛臺) (已結業)

有幾點想分享下：1.入座安排因為疫情關係，入場前要量體溫及消毒。不過可能係唔夠人手，只得1位職員，佢要負責哂入座/登記/量體溫/消毒，客人又好多，結果職員有d做唔黎嘅感覺另外，由於接待處嘅空間好細，又冇指示+排隊設施，結果黎到嘅客人有d無所適從，到底邊到登記，邊到排隊等入場都唔了解，仲有安排入座嘅職員明明已經安排左客人消毒，但係可能太忙，都唔記得邊個有消毒邊個冇，令人感覺安排上有d混亂2.客人種類影響職員態度見到男職員對於一對情侶同兩位都係女士嘅態度係好唔同。男職員對兩位都係女士嘅態度會比較好，無論係上菜嘅速度/講解等等，都得到好多幫助；而情侶嘅話好多時就會被忽略；至於女職員就大多都好親切，仲會主動協助客人存放物品同派發濕紙巾3.流水蝦同其他食物質素/種類流水蝦方面，整體都新鮮，好生猛，燒好之後沾少少調味料已經好好味。職員都有加蝦，不過加嘅次數唔太多至於其他食物方面，有熟食/海鮮/甜品，味道都尚算唔錯。值得一提係調味料，有好多唔同嘅選擇，而且配搭流水蝦真係好正，睇得出餐廳嘅用心4.環境唔知係咪因為人手問題，有d地下濕左都未有職員即時拖乾；同埋二人枱嘅位置比較迫，枱與枱之間都只有好少位可

泰 夯蝦？ 我唔會再食第二次。公平d， 我係會寫左讚既先。我地都係覺得流水蝦幾特別試下食。 不論入場個位哥哥既態度， 同蝦既質素真係唔錯。 因應疫情， 仲測體溫同小小消毒都係一讚。食物方面， 講明流水蝦， 蝦既質素好好。 燒完入口就知好新鮮。 但除蝦以外， 真係冇乜野食。 最慘就係， 我地餓住入場， 人地兩個人一個爐， 我地9個人先得3個爐， 仲要個爐勁細。真係趕唔切燒。 最特別係， 豬頸肉厚切， 午餐肉厚切半罐上。又大又厚，個爐又勁細，真係燒到天荒地老都未煮得熟。根本唔夠時間俾你燒野食。咁因為燒熟需時， 諗住佢d任食刺身食住先。點知， 夠鐘前45分鐘先有第一輪刺身。 佢地仲好意思叫我地等等， 我地話我地仲有45分鐘夠鐘， 係咪俾我地坐耐d先，佢地先上第一輪刺身。9個人得3個爐， 外面又冇咩熟食可以頂住先。 唔好話， 連d熟食都麻麻地。 要我地餓住等燒熟。 用個慘字黎形容。 最簡單既炸物都麻麻地， 好彩係因為太多人餓住等頂唔順食住炸物先， 所以d炸物成日新鮮出爐。 呢個價錢， 仲要崖餓同食唔飽， 真係陰公。 最後要食左3大舊雪糕果腹。 唉

尋晚試左。。。除左蝦之外 無乜野好食 仲要6個人 得一個爐 （有d檯有2爐）個爐超細。Bbq 食物好一般，見到都唔會想食。熱食 好其求，好似屋企煮咁。「海鮮雜菜湯」 只係 蛙蛙菜同蝦乾 煲成。另外六樣炸野（春卷、炸蝦、蝦片、炸薯條等 賣相同7-11 個d 差唔多）味道又一般。飲品選擇汽水還可以 其他紙包 唔係一線你會想飲個D 有道地蘋果綠茶 尚可以 不過個雪櫃 唔算好凍，飲品唔夠凍。啤酒另加錢。疑似鮮榨 橙汁、蘋果汁 （飲左橙汁，難飲過果汁先生。。。飲左一淡 味道怪怪）2-4個人 專心食蝦 算ok $388食 10幾20隻蝦 你ok 既就ok... (2.5小時我只食了15隻左右）對我黎講：#失望而回 #可一不可再 $388 只食蝦 一定唔抵 食 服務尚可 不過以單純$300幾任食黎講 而無乜野好食 就真係 唔店。

我地二人用一個電爐，隔離用gas爐，我地用左成半個鐘黎焗熟啲蝦，人地用十五分鐘燒埋加食埋啲蝦......蝦係新鮮好食既，但無奈我個爐已經開到最大都要等半個鐘先令到蝦殼轉色，慢熱焗乾隻蝦，原本好食有汁既變得乾爭爭，等多過食，結果俾左三百幾蚊一個人，都係食唔夠。問左侍應，到頭來就係覆要擺密啲先可以發揮佢既電爐效果.......最終我地兩個人，兩個鐘只食到大約十隻蝦幾隻花甲，三隻雞翼，仲有少量野食，兩個人都食唔飽......

之前一直講咗話好想試呢一間曼谷流水蝦餐廳，但元朗分店地點真係太山旮旯嘅感覺，唔揸車去真係唔係太方便，所以一直都冇機會試～依家佢喺尖沙咀開咗分店，上星期即刻去左試！整體來講，又有得玩又有得食，呢個體驗都幾特別幾唔錯～特別想讚下呢度服務，會keep住refill蝦同keep住幫我地清理張枱、收下啲碗碗碟碟咁😜特別係我哋唔想浪費食物，見冇乜客人所以諗住坐耐少少食埋佢，但其實食過咗時間，店員反而問我地需唔需要外賣盒😳😳😳其實大家都明白只係唔想浪費食物，但我真係第一次食放題可以打包拎走💯.always wanted to try these bangkok shrimp catching places🦐 but the one i found before was all the way in Yuen Long 😆 but recently they opened a new branch in tst so i had to go check it out 😋 overall, its quite fun to catch and eat the shrimp! makes it seem

行過諾士佛台，見到一間有露台嘅餐廳，俾佢吸引上咗去，原來係新開嘅餐廳，仲係試業中...主打係流水蝦，一坐下，侍應就俾個桶我地，指示我哋魚缸位置，想食幾多可以自己捉，然後直接放上爐燒，加小小鹽就已經好鮮味刺身、和牛只有一人一份，海鮮除咗🦐之外，仲有花甲同埋帶元貝，不過大元貝出得好慢，每次幾隻，一出嚟就一個人都拎清，任食就應該放多D出嚟，每次幾隻有點小家至於其他燒烤食物，種類都好多，不錯；熟熟方面，選擇雖然唔多，但幾特別，有台灣腸、關東煮、炸鮮奶等味道都不錯👌🏻👌🏻PS: 服務員態度非常好，值得👍🏻

平時放工時候去尖沙咀多人到爆，而家地鐵站完全係水靜河飛，戴住口罩都阻止唔到我去食大頭蝦嘅興趣😂😂我哋坐喺近露台位，夠晒開陽，旁邊就有個專屬我哋嘅蝦池俾我哋夾，一去到職員會先放d蝦落去，我哋自己夾完蝦直接放落冰桶，凍暈咗之後再擺落去燒，不過太生猛係噤跳，成個場面有d攪笑。放啲鹽一齊燒仲好食，蝦頭勁多膏，好鬼正。試業期間去到仲有一盤魚生同一碟宮崎和牛送👍🏻出邊仲有好多熟食，有炒蜆，炒蝦，各款各類嘅丸同埋肉，仲有我最愛嘅泰式蝦片，春卷，甜品同雪糕🍦

係ig見到市區有流水蝦食當然第一時間打電話book！三百幾蚊海鮮放題本身已經夠吸引仲可以自己即夾即燒流水蝦隻隻生猛活潑一開始想成功夾起都要d巧妙：原來夾頭佢地就走唔到㗎喇我坐個個位就遠離流水道所以每次夾蝦都需要行出去夾，服務員都好好服務主動問要唔要幫我地添蝦而佢地夾出黎既蝦同出面自己夾既一樣咁新鮮仲有蝦卵添！當然如果鍾意親手即夾即燒呢個gimmick簡易book檯個陣講明想坐近流水啦同場唔止新鮮大隻既扇貝蜆蚌仲有一般肉串雞翅各種丸類俾大家燒 魷魚醃得唔錯但係美中不足既係佢宣傳既大人送一客和牛我食唔到。一開始服務員好主動俾左魚生拼盤但到我地開聲問有無和牛既時候佢就話無晒我覺得佢應該係我地入座個陣已經要同客人講話無晒等客人有個心理準備，畢竟佢寫到明係有。要開聲問先話無有種被額既感覺呢度扣左唔少分 （本人好鍾意食燒牛）。整體黎講其實三百幾海鮮放題d蝦新鮮生猛服務員service都好好性價比算係咁。唯無和牛令人失望。

I was celebrating my friend's birthday on 13/2/2020.  I've booked a table four days ahead of time and immediately received an SMS to confirm the booking! But on the day of the event, I have tried to call the restaurant to enquire about cockage fees countless time but no one picked up the phone.   So I whatsapped and whatsapped called to finally reached a staff to enquire, which wasn't a very good start.So we arrived, there was a station to check your body temperature and disinfect your clothes! 

🦐尖沙咀新開即夾即燒流水蝦放題🦐識我的朋友都知道我最鐘意食蝦，之前在新田食過，香港第一間引入泰式流水蝦燒烤放題，而家終於都俾我等到在尖沙咀諾士佛台開幕了，可以一邊飲酒chill 吓，一邊瘋狂食蝦🦐晚市$298 起 / 2.5 小時放題(2/14 至3/31可享有85折優惠）🦐進店時店員叫我原地轉一圈，原來店家跟瑞士品牌Laurastar合作，除了場內會用殺菌掃把吸塵機消毒， 所有來賓亦會經殺菌蒸氣熨斗機消毒，所以對於我來講非常安心🦐尖沙咀分店裝修感覺開揚，我被安排了坐落地玻璃位，旁邊有一個超過10米窗門通風，非常通爽，而且燒烤時覺得抽風很好，完全無油煙味，值得一讚🦐坐低時店員送上宮崎和牛，三文魚刺身拼盤，和牛輕輕一烤就可以食得，油脂味香口很軟熟，刺身盤有三文魚，赤貝，帶子，紅蝦，刺身都感覺新鮮🦐到我最鐘意的燒蝦，首先用夾夾實蝦，因為真係扎扎跳，再放落冰桶入面凍暈，然後再放落燒烤爐上，呢到的蝦隻隻都超多蝦膏，食多幾隻好快回本🦐出面有提供熟食自己夾，有我最鐘意食的泰式蝦片，蔗蝦，春卷，海南雞，炒蟹炒大蜆慢慢嘆🦐今日仲有兩款大隻蜆即劏蟹俾你夾，鐘意邊件夾邊件，

我在昨天已經訂好左位，然後佢都同我確認左一次個訂位資料，然後到今日我係book左晚上9點，佢8點15分先打黎話就黎無晒蝦，問我仲會吾會過黎正係食其他食物，但我想講你依間店係主打流水蝦，我地都係為左你個主打而黎，我好奇怪，你地應該一早有客人既訂位情況，而吾係要個客人去遷就你地既食物，新開張既店舖居然會咁樣對待客人？如果食物供應係吾夠，點解仲要接受客人訂位，仲要再3確認我地係會到。有冇諗過萬一個客人住好遠已經出緊嚟，但你同佢哋講話你供應唔到食物，個客人係咪要焗住接受你哋嘅意見，佢一個主打食流水蝦嘅地方但冇蝦食？？？