泰.夯蝦 (已結業)

今日經過荔枝角香港工業中心C座地下，見到有一間泰國美食嘅舖頭，雖然舖頭唔係大，但嘢食都幾齊全，咁我就買咗一盒海南雞飯，泰式鳳爪，芒果糯米飯同泰式奶茶。首先個泰式海南雞飯都有驚喜，因為佢哋嘅飯係黃姜飯、同配搭咗木瓜沙律同泰式鳳爪，一盒入邊滿足晒幾個願望，而泰式鳳爪令我好驚喜因為夠酸夠辣，真係同我哋喺泰國食嘅一樣，同埋糯米飯都幾新鮮，而泰式奶茶都唔差唔會太甜，因為係我印象中泰國飲嘅奶茶特別甜，而呢個啱晒香港人口味，呢支奶茶包裝好精美，個樽好靚仲要$12好平，大家經過不妨可以試吓👍🏻👍🏻👍🏻

話說今日去咗買外賣一個豬手飯，一個海南雞飯首先啲員工衛生意識好差，全部都係冇戴口罩咁處理食物一路”不”飯 一路傾偈佢哋啲飛沫就去晒我個外賣到啦！而家疫情都唔注意一下！呢度好扣分講返價錢先每一份$38包一個餸，一份鳳爪，一份沙律，一份炸物同埋飯唔包嘢飲感覺上好似好抵！點知一返到屋企打開個外賣！嘩！我真係好想講粗口啲豬腳，啲豬毛係完全冇處理過多毛到呢！我好似咬緊一個鬍渣大叔嘅下巴好嘔心，我成個外賣掉咗不過我掉之前我影低咗啲豬毛同大家分享吓朋友仔食個海南雞飯就話冇乜嘢，佢話俾我試一啖，我都唔想試拉呢間野叫做泰式市集，但係唔知道點解OpenRice個名變咗做泰夯蝦佢係泰夯蝦個老細開的

新開張，試一試。原先想食海南雞冷麵，但店員話要上市集買（香工C座4樓）（失望)。同事叫咖喱雞飯，又話無，我同同事中午12點去買午餐，應該吾算太早，但感都未準備齊（我都幾小氣），失望×2。之後同同事都改食海南雞飯，38蚊（平），外賣盒又靚又大，入面嘅餸放得整整齊齊，好吸引，種送兩個小食，又有湯送，所以價錢係實惠，外形好加分。但食物味道就…一般，海南雞飯嘅主角（海南雞）吾夠滑，有小小”齊”，好彩都有啲雞味，個飯就糠糠地，乾身，吾香，得顏色最似油飯，飯量好足夠，兩個小食因為係冷盤，同啲飯放埋一齊會有啲暖，無骨鳳爪同配菜（木瓜），都夠哂辣，但吾夠酸，小食還可以，種食到有魚露嘅味道（配菜），個湯夠哂熱，胡椒味重，算好飲（我鍾意胡椒味），海南雞飯個酸辣汁，係個便當最得嘅味道，總結味道可以，價錢實惠。種叫佐個椰汁芒果糯米飯，半個芒果嘅份量，芒果好甜好好味（時令），糯米飯有啲硬，上面綠豆吾夠香，椰汁無椰汁味，唉！38蚊便當，要求吾好太多，感都值得一試！

今日路過香工，見到個好sharp嘅霓虹燈招牌，即刻叮一聲啦，原來係新開嘅泰夯蝦！呢間只做外賣，有3款船麵同5款便當，只係$38咋！正值lunch time時間，開始多人排隊，我都唔執輸買個海南雞飯先！等候都要啲時間，最搞笑係用哂大膠袋，要用細袋袋住湯同餐具，盒飯就要就咁托住新開張都好好生意喎好彩個便當盒好硬淨，唔怕入塵同跌哂啲餸。重點係食物啦，我盒海南雞飯好大盒黃薑飯，仲暖笠笠，雞脾又多肉又滑，無骨泰式酸辣鳳爪夠辣又入味$38 性價比好高呀！唔怪得咁多人排隊啦正！