泰·初夏

营业中

休息中

日式火鍋放題平時就食得多啦，最近興起嘅泰式火鍋放題真係第一次食，感覺勁新奇🙉除咗有任飲任點嘅食物同飲品之外，餐廳內仲有提供沙律小食、蔬菜麵食同埋甜品雪糕嘅自助bar添～泰·初夏之雞煲+牛板腱火鍋放題 120分鐘💰HK$278 (每位)火鍋湯底簡咗冬陰功湯底同埋泰式清湯底！泰式清湯底味道普通，反而冬陰功湯底有驚喜，用來烚菜味道都好夾，令到啲菜烚完之後都帶有陣陣清甜嘅椰香味🥥～小食方面，啲炸物水準正正常常，其中一定要食嘅就係泰式鳳爪同埋泰式粉絲沙律，酸酸辣辣好惹味，令人好開胃😋～熱食方面，沙嗲串燒同泰式滷豬手份量多而且味道都好正宗！反而泰式豬頸肉嘅味道就有啲黯然失色，味道比較淡同埋好油，完全唔入味～泰式雞煲好獨特，帶有香茅同埋其他泰式香料嘅香味，味道與別不同～肉類方面就叫咗精選牛板腱、牛胸爽同埋澳洲250日穀飼卡樂Beef！牛板腱係三種肉之中最好味嘅，肥瘦剛好，牛味濃郁！而牛胸爽同埋澳洲250日穀飼卡樂Beef油脂比較多，個人唔係好接受到～總括來講，餐廳環境舒適，食物種類選擇眾多！如果平時好鍾意食泰國野，又想試下充滿泰式風味嘅火鍋，不妨一試～

同事今日帶我去荃灣食泰式火鍋，真係未試過😝泰初夏之雞煲+牛板腱火鍋放題 $238✨湯底 鴛鴦鍋沙嗲湯鍋 + 椰汁雞湯鍋沙嗲湯底要大量花生碎，味道濃而香椰汁雞湯以泰式方法處理，味道帶酸甜✨食物-牛板腱油花不重，有牛肉味，入口較較結實沙嗲串燒有雞、牛及雞，雞相對比較嫩口，豬和牛結實一點，肉內帶香茅味，沙嗲汁調得惹味蝦膠打得幾彈牙，幾好食泰式小食有蝦片幾脆口✨飲品-飲品的選擇都幾多，有椰汁雪香、榴槤雪香、香檸冰茶等等的特飲 ✨甜品-泰式椰汁糕底帶西米及栗米，椰汁香味幾重-斑蘭千層糕溫熱，口感非常煙韌✨環境-地方夠大坐得舒服、場景佈置相當舒服✨服務-QR Code落單，自助區亦有不少食物及飲品自取總體嚟講，都唔錯嘅，可以試試！

無訂位食120分鐘，話無位～ 要食食90分鐘，okay唔緊要～打邊爐個湯底15分鐘都無嚟⋯ 煲滾埋無咗近20分鐘，雞煲等30分鐘唔見，追完再等10分鐘+先出，串燒就等十幾20分鐘，第二個雞煲就好好，落單20分鐘多啲啲就有，多謝晒😂，跟手左邊右邊啲人一樣係漏單。場未爆，啲人就不停咁漏單追單，當然除咗左邊右邊外，其他地方都有漏單～ 個新女經理橫衝直撞周圍去但正經理又唔見幫手，最後夠鐘被人追交枱，個藍杉收銀話你超時，我即黑人問號，我話你啲野遲嚟喎，佢話係呀知道架喇，巳經俾多咗時間你啦，再講話你會唔會加錢食多半個鐘，我再話你地啲嘢遲來十幾分鐘喎，佢回我俾多咗十幾分鐘我啦，我望咗部電話話，你俾多咗7-8分鐘我，出個湯底15分鐘又漏單，邊有十幾分鐘。仲有呀，當時唔係爆場，佢叫我咁加錢仲貴過我食120分鐘餐，大佬呀，我話食120你又話無，啲態度唔係話好差嘅，不過係打橫來講，望住個鐘同張單，8分鐘話俾多咗十幾分鐘我，又唔爆場，趕客啦！ 仲有，等佢第二個雞煲廿分鐘先到，唔通我要5分鐘內清晒佢，好心啦！ 咁做放題你不如去搶啦，貼錢買難受～ 不了！ 以前舊果2個男女經理啲嘢不停改進呀！ 兩件新人不如再去培訓

作為荃灣人見到泰·初夏都開咗一段時間，好想試下依個泰式邊爐，就約埋家姐一齊去食 套餐有三款，另外分為90分鐘同120分鐘我地今次兩個簡咗90分鐘火鍋放題(雞煲+牛板腱) 套餐，$238/位可以挑選兩款唔同湯底 🔸冬蔭功湯酸辣得黎帶椰香，唔算太辣放d火鍋料落去好入味 好推薦✨🔸泰式清湯一個清淡湯底但可以食到食材既原味🔸雞煲只有一份，無得再加點雞件香料味重，辣得幾過癮同火鍋分開上，可以邊食雞煲連邊爐🔸牛板腱牛味最濃，口感亦都係最嫩滑 岩哂牛魔王🐮🔸西班牙豬肉豬味濃，忍唔住都嗌多份食🔸泰式糕點椰汁西米糕，中間有清甜粟米，口感唔單一 泰式千層糕蒸起是熱熱地，椰汁味好濃好香，超煙韌，好鐘意食🔸特飲好多款特飲可以任叫好似泰式奶茶 榴槤雪香仲有初夏盲盒 我地叫咗菠蘿梳打，檸檬蘆薈綠茶，凍檸茶 唔會太甜又幾解渴🔸雪糕&雪條雪糕櫃滿滿的雪糕及雪條，都是韓國韓子拎咗枝好得意既西瓜雪條同芒果雪條食 🍉 ༘ 出面有個自助吧，有唔少小食可以拎 泰式鳳爪、春卷、木瓜沙律、蝦片都唔錯

講起泰菜，多數都係炸蝦餅、豬頸肉、船麵、金邊粉、椰青焗飯等小食及飯麵類，原來而家仲有泰式打邊爐！仲要打邊爐同雞煲打孖一齊上，又有各款泰式小食同甜品，想食泰菜，但又唔知食咩好嘅就最啱黎呢度！-Set B 泰·初夏之雞煲+牛板鍵盤鍋放題 90mins $238 / 120 mins $278打邊爐前先食咗個雞煲，辣度可選大中小辣甚至唔辣，有得任飲所以揀咗中辣試試佢，辣度唔高，大家可以嘗試大辣。雞肉嫩滑，味道惹味，份量唔多，少少地可以試下味，啱食先至再order，唔洗做大曬鬼。湯底：可選冬陰功湯、椰汁雞湯、泰式清湯等泰國湯底，另外仲有港式沙嗲湯同芫茜皮蛋湯底。我地揀左冬陰功湯拼椰汁雞湯，冬陰功湯酸甜帶微辣，椰汁雞湯味道較鹹，椰汁味唔重。冷盤：有青木瓜沙律、泰式鳳爪、肉碎粉絲沙律，味道清新開胃。熟食：有炸雞翼、雞卷、薯角、春卷、榴槤波波等，香脆而且唔油膩👍🏼，另外仲有豬頸肉、串燒、各式炸丸等熟食。火鍋肉類：有澳洲250日穀飼牛🐮、牛板腱、牛胸爽、西班牙栗心豚肉片🐷、酒嫩雞件🐔，個人首推豚肉片，肉質軟嫩，次推牛板鍵，肉味較濃。火鍋配料：有蝦滑、墨魚滑、韭菜餃白菜餃，份量的骰，人數少都可以試晒咁多

泰式火鍋放題就比較少見，地點喺愉景新城勁方便，星期五夜晚仲爆曬場添！我哋食咗set B 雞煲+牛板腱火鍋放題90分鐘用餐$238如果驚唔夠仲有120分鐘$278選擇。雞煲：可以選擇辣度，材料炒到雞肉味道好香濃😍火鍋湯底：有五款湯底，我哋揀咗椰汁雞湯及泰式清湯，椰汁雞湯味道酸辣好開胃，泰式清湯就比較突出食物味道啦。牛板腱及西班牙豚肉每盒份量都幾多，肉質都唔錯👍🏻不過建議大家唔使一次叫咁多肉可以食多啲嘢🫢牛胸爽就比較入口比較重油一點！小食：泰式串燒、蝦餅、蝦片、豬手、炸丸等。自助區：蔬菜、丸、麵、泰式粉絲、炸春卷雞翼、雪糕、泰式糕點。飲品：泰式奶茶、各款梳打、汽水，如果酒類就需要要加錢。款式真係好多選擇，食物質素都幾高，不過如果下次再去我會選擇120分鐘🤣

我作為「打邊爐怪」真係可以唔理天氣幾時都可以去打邊爐😂 去開荃灣買嘢，之後去愉景新城揀咗呢間泰式主題火鍋食Lunch 。我哋揀咗食「午市60 分鐘定量火鍋」，定量係指肉類只包含一款限定份量，而其他食物/ 飲品都係無限可任食。入座前可以揀定 1-5 號那一款肉類（有雞肉、豬肉、不同級數嘅牛肉），湯底有五款可以選擇。最後我哋選了：鴛鴦湯底： 💚沙嗲湯底+ 芫荽皮蛋湯底💚🧡4 號精選牛板腱套餐🧡🧡5 號澳洲M7牛胸腹套餐🧡牛肉肉質嫩滑，油花同牛味都唔錯，薄薄一片淥一淥就食得。另外用QR code 可以落單揀各款特色飲品，我哋叫咗「泰式奶茶🧋」、「榴槤雪香」，呢度的特色飲品真係好加分，因為平時D放題多數都係盒裝/罐裝飲品。出面✨自助區✨供應各款食物、醬料可以自己拎，有多款泰式沙律、前菜、小食、炸物，必食推介「木瓜沙律」、「炸春卷」。仲有各款丸類、蔬菜、菇類、麵等火鍋配料。最後記得要留肚食泰式甜品、雪糕雪條。初頭未入去仲猶豫緊60分鐘夠唔夠時間食，但原來都好夠，仲有時間食埋甜品雪條好滿足。仲有呢度啲員工都幾主動，好幾次都主動幫我哋加湯、幫忙收碟，好有效率。

荃灣原來開左間泰式火鍋放題🤫，位置就喺愉景新城2樓角落位置，雖然好隱蔽但平日黎食都大排長龍。今次叫左 set B，食足90分鐘每位$238，仲有得食雞煲同牛板腱。雞煲係任食，可揀唔同辣度，雞肉尚算嫩滑，任食黎講算唔錯。食完就打邊爐，共有5款選擇，我地揀左冬陰功湯同椰汁雞湯，冬陰功酸辣開胃，椰汁雞湯清甜有少少椰香。肉類：任食5款肉類，精選牛板腱、澳洲250日穀飼牛卡樂Beef、西班牙豚肉片、酒嫩雞件同牛胸爽。最推薦嫩滑牛板腱。自助區：多款打邊爐配料、冷盤小食、炸物、蔬菜、丸類、麵類。用QR Code 可點墨魚滑同蝦滑，仲有金邊粉添。小食：泰式串燒，豬、牛、雞都有，配埋醬汁超級惹味，推薦必食🤌🏻！另外仲有薄餅、豬頸肉、泰式豬手、各式炸丸。甜品：千層糕、椰汁西米糕等泰式甜品，仲有雪糕雪條任食。飲品；有好多款泰式飲品同特飲，泰式奶茶、榴槤雪香、龍眼冰等等，我最推薦盲盒飲品，係椰汁涼粉，好香甜。食物質素唔錯，但美中不足係90分鐘真係太短了，又雞煲又打邊爐最少真係120分鐘先夠喉。泰•初夏 @thai_summer_地址：荃灣青山公路 荃灣段398號愉景新城2樓2030號舖

🏡店舖光猛，木及綠植做裝飾，店內冷氣充足，地面乾淨! 一個價錢，兩種體驗✌🏻，除了牛板腱火鍋放題外, 還有辣度可選的雞煲任食!😯雖然只有90分鐘用餐時間但包你已經覺得值回票價非常滿足😋🥘泰式雞煲帶少少酸甜味 無出面食嘅咁咸雞件都算新鮮無雪藏味呢度只提供鴛鴦鍋，鴛鴦鍋底唔洗加錢，冬蔭功湯酸酸辣辣🌶️有椰奶香，呢個餐嘅肉有牛板腱、牛胸爽、西班牙豬肉、醉雞件，仲左次一級的卡樂beef，兩款牛肉都有食，但我就覺得牛板腱😋😚😚好食啲，無咁肥同牛味濃啲😋，冬蔭功牛板腱簡直一流🥘椰汁雞湯我個人比較喜歡椰汁雞湯，幾欣賞個椰汁雞湯酸中帶甜，酸酸辣辣的很清爽開胃👍🏻👍🏻👍🏻，用嚟烚豬肉好夾，但有人喜歡清湯，更能體現食物原味道! 除左火鍋外 餐廳仲提供左雞煲同各式各樣嘅熟食😆唔單止豐富左火鍋嘅口味🍡亦都為用餐體驗增添左更多樂趣我地叫左牛肉同雞肉串燒🍢出面仲有自助吧都好吸引架 所以都攞左幾款小食試下🤤木瓜沙律清新爽口 泰式鳳爪多汁 🍱炸雞翼夠酥脆火鍋嘅各種蔬菜、丸類、芝士腸、炸魚皮、響鈴🥟等應有盡有一路食小食又一邊打邊爐真係食到你嘔😆火鍋料 refill得快👍更有各種口味嘅雪糕雪條可供選擇飲品都好多款🤩梳打、茶

係荃灣咁繁華鬧市既地區食dinner當然想靜靜地有個me time 食下野啦😌所以簡左位於愉景新城既泰.初廈打邊爐泰初夏有三隻套餐簡 選擇左中規中矩嘅套餐✨set B 雞煲+牛板腱火鍋放題$238 90分鐘湯底揀咗鴛鴦湯底 椰子雞湯及皮蛋芫荽湯由於椰子雞湯係泰式 所以酸酸地但椰子味重 所以淥嘢食都比較惹味牛任食之餘 泰式飲品例如泰式奶茶 梳打等特飲 椰汁糕 甜品泰式小食 好似串燒 豬手 豬頸肉都係用QR code任叫☺️座位亦相當闊落好坐 裝修又不失美麗

今天到愉景新城逛街，看到商埸角落有一家看起來挺特別的泰式放題，店面令人感覺特別溫馨，給人很舒服的感受，於是決定一試，店內座位很多也很寬敞～～餐廳主要是自助下單，菜單上選擇很多，包括不同種類火鍋配料，以及熟食泰式串燒等，飲品方面也是隨意任點任飲，泰式飲品當然不少得，也有港式奶茶🧋、檸檬茶，我覺得泰式奶茶非常好喝，必須一試，還有無限供應的雪條🍦自助區有大量任食火鍋配料包括丸類、蔬菜🥬，而且食材都好新鮮🫠醬料方面可以自由配搭，不夠飽仲有好好味辛辣麵提供😋這次我們選了90分鐘火鍋放題(雞煲+牛板腱) 套餐，牛胸爽脆口食落又唔會油膩，口感都相當好，食落十分爽口！精選牛板腱、澳洲250日穀飼牛卡樂Beef， 肉味香濃多汁。西班牙栗心豚肉片及酒嫩雞入口軟嫩，口感鬆化🤤湯底我們選了鴛鴦湯底： #泰式冬蔭公 與 #芫茜皮蛋，兩個湯底都很香，不過個人偏愛冬蔭公，微辣口感又開胃😋雞煲另外上，有南姜、香茅、檸檬葉、炸蒜及干蔥，酸酸甜甜，非常開胃✨雞肉軟嫩多汁，鮮美可口，實在是很物超所值👍泰式串燒可Q code下單任吃，我點串燒豬頸肉、燒墨魚、雞肉串，全部食落都好香口😉自助區冷盤小食有粉絲沙律、泰式鳳爪、木瓜沙

愉景新城四至六月星期六日免費泊車～可以泊咁耐梗係嚟打個邊爐啦😛我哋揀咗雞煲加牛板腱火鍋90分鐘放題，每人$238😀雞煲非常入味，唔覺得有雪味，連埋好多洋蔥蒜頭芫荽一齊炒，充滿泰國風味～不過冇得無限refill ，小辣嘅口味適合普羅大眾，但我認為中辣會更吸引😁有好多飲品可以選擇，我哋揀咗泰式青檸梳打同埋乳酸梳打，打邊爐最緊要飲品夠氣～☺️火鍋套餐有牛胸爽、牛板腱、卡樂B牛、西班牙豬肉同埋醉雞件😝我最鍾意就係食牛胸爽同埋牛板腱😍牛胸爽就算淥耐咗都唔會嚡口，之前去食潮汕火鍋最鍾意都係呢個部位😝牛板腱嘅牛味香濃，肥瘦相近，脂肪含量唔會過高😛佢哋仲有好多泰式小食，我哋嗌咗泰式豬頸肉，豬頸肉好爽口，佢哋仲有個秘製嘅豬頸肉sauce，酸酸甜甜幾好味👍🏻豬牛雞串燒：出面食串燒都唔平，難得呢度可以任食～入口唔覺得乾身，入口充滿香茅味👍🏻泰式魚餅：入口彈牙，有少少芫荽香味，貫徹咗泰式嘅主題⭐️最後有我好鍾意食嘅泰式千層糕同埋椰汁西米糕，甜品嘅椰汁味香濃，甜得來唔會死甜，椰汁西米糕仲有粟米喺入邊，口感幾清爽😝

午市半自助火鍋已經可以食出面自助區的泰式鳳爪同木瓜沙律，食呢2樣已經回本，仲有味道正宗，不太酸，不太辣，不太咸，甜品有椰汁西米糕，芒果糯米飯，推介冬陰公湯底，濃味但開胃清新

《打邊爐唔一定要晚上嘅》只要你想，就幾時都可以啦☺️有散叫午市套餐，亦有得打邊爐午市60分鐘定量火鍋飲品在QR code裡落單，無限任飲二人可以鴛鴦鍋今次揀咗冬陰公+芫荽皮蛋湯底4.牛板腱套餐 $1185.澳洲M5牛胸腹套餐 $158（必食）👍👍👍📌📌📌半自動野食區亦有多款選擇：粟米🌽芝士腸午餐肉萵筍生菜牛柏葉牛丸墨魚丸響鈴炸魚皮公仔麵⋯⋯開胃前菜：泰式鳳爪、粉絲⋯⋯熟食分別有：雞翼、春卷、紫薯波波⋯⋯甜點🍮：椰汁西米糕、Tiramisu、芝士餅⋯⋯

整體食物味道 幾好！ 但自取食物款式不多…第一次上菜（指定肉類）速度較慢，地方細，做11人單要分檯座，不太喜歡！呢個價錢，不妨一試，但一次就可以了！ 唔會主動推介給朋友們！