泰麵膳 (已結業)

去完泰國旅行食唔到正宗船麵，見旅遊群組有人介紹尖沙咀開咗間，仲好似話係在港泰人開嘅，晚上9-11有特價12蚊碗粉食，趁今晚喺附近就去醫下肚！9點行過去，見有幾個人喺門口排緊隊，其實我估就算唔係特價時段都要等，事關舖入面都唔係好多位。門外嘅柱位貼左張Menu，等你排隊期間可以諗定食乜嘢！近門口位置收銀放咗幾隻泰象，好可愛！室內裝修簡單，以tiffany blue為主調，加上少少懷舊用品作裝飾，倒如舊熱水壺、雞公碗仔...等12蚊特價粉麵有3款：牛肉船麵、粉紅湯粉、魚片魚蛋湯粉。不過係無得指定要米粉定金邊粉，落order 果陣侍應無提過囉！到上台時，我發現唔係我叫嘅金邊粉，佢先話特價無得指定同埋今晚特價係米粉。酸辣鳳爪味道普通，過下口隱ok嘅!牛肉船麵 (正常size)生牛肉我唔食，不作評論。湯底較淡，還好金邊粉算彈牙，但份量太一小。朋友覺得食完好似食左陣風！魚片魚蛋湯粉(特價12蚊)無得指定粉麵，魚片魚蛋各一，湯似清水，米粉一啖食晒！青檸梳打喺泰國飲過好好味，好掛住~泰式雞槌即叫即炸，香脆無比，味道唔錯，36蚊有6隻，都算抵食！。成日聽人講話泰國當地嘅炸雞好好味，但我喺泰國時無食過，唔知

難得平日出街食飯，梗係要試新野啦，前2日見到關於呢間餐廳既推介，睇到湯底好濃好入味咁，即刻決定來試個究竟。本來都預左間野隱閉，到附近都有細心搵既心理準備，最後都係要搵左陣，但搵到後發覺其實好易搵，就係寶勒巷三角位小食店隔離，唔算偏僻。果時都係晚飯時間，不過都唔使點等位，入到去見到船河基本上都要$58，都覺得幾貴，見到份量又唔算多，不過為左試新野，就各叫左豬肉船河，粉紅湯河，泰式雞膇，豬雞串燒。*豬肉船河湯底真係好濃郁，濃到一種程度係覺得加左好多沙茶醬，有點結結地既感覺，同越式生牛河既牛骨湯不太一樣，我係可以飲晒生牛河湯，但呢個湯一啖都唔太想飲。*粉紅湯底雖然賣點係辣，但嗜辣者話一d都唔辣，我唔食得辣既，試左少少都覺得唔算辣，配料方面覺得一般，魚片、魚蛋、魚皮餃都係例牌凍肉店產品。*泰式雞膇就值得推介，$36/6隻，幾大隻，好入味，唔洗點醬汁都得👍🏼👍🏼👍🏼👍🏼*串燒都唔錯，$36/6串，啖啖肉，唔韌，不過略嫌細串左d。👍🏼👍🏼👍🏼總括而言，小食值得推介，但船河就可以唔試都得。

平時經過這條街，已經見到店子排滿人龍，難得今日下雨，沒有人排隊，所以二話不說就選這裡晚餐。 店內裝修以淺綠色為主，開放式的廚房可看到師傅用心煮麵，周圍放有泰式的擺設，店內燈光亦好明亮。 餐牌只有一張，主要都是麵食及小吃，還有點泰式飲品，價錢在尖沙咀算便宜，難怪平日人龍那麼長。 枱上有各式泰得式醬汁可自行添加。 冬蔭湯粉 $58內有豬肉碎、豬潤、豬肉丸、魚片及雞蛋等材料。冬蔭湯帶點酸甜味，入口辣的感覺亦有點刺激，米粉是幼身的，材料豐富，每一口都嚐都不同的餸菜，廚師豪不吝嗇，確實抵吃。 炸雞皮 $25第一次吃炸雞皮，入口感覺好香脆而且不油膩，細細粒的，用來配啤酒就最好不過。 炸蝦蛋 $30超大隻的蝦蛋，外層蝦肉炸得好香脆，入面釀有肉碎等饀料，一隻可分成4份，比想像中抵吃。 串燒雙併 $56吃泰菜必點串燒，沙嗲醬亦是精華，串燒好惹味，唔會好乾身。 泰式奶茶 $25泰式奶茶一向味道較甜，這裡的奶茶好滑，帶有茶香。食物質素及價格都好值得令人回頭既小店。

尖沙咀永遠都比較多食物選擇，別以為九龍城區才有正宗的泰國菜；現在估不到尖沙咀也能遇上了。途徑寶勒巷後巷期間，被一股泰式風味吸引下來。 門外以淺綠色的鐵閘及開放式的廚房，滿滿泰式風味；特別是牆身的小擺設，而且播放出泰國的音樂猶如置身小泰國似的。 餐牌上的種類不算太多，不過我想食的湯檬及乾撈都在還有各式各樣的小食，特別炸雞皮及炸蝦蛋完全是少見之物。 粉紅乾撈 $56在香港比較少見的粉紅乾撈，內有水魷鬚、豬紅、魚皮餃、魚片、魚蛋。粉麵可選擇米粉、黃麵、金邊粉等。金邊粉配有少許粉紅醬油，完全撈出細膩有「小泰國」之感覺。我喜歡多材料烹煮，滿滿食材$56吃出美味。 雙併串燒 $56 泰式串燒簡直是泰菜必點之選，可以雙拼的關係牛及豬是常識吧。即叫即燒的關係，牛肉及豬肉香口帶脆配上秘製醬汁，惹味無比。 炸雞皮 $25 炸魚皮吃得多，炸雞皮真的第一次見。特別在香港更加少之有少，將雞皮炸至香脆無比非常薄身。這款小食配合啤酒或青檸梳打，也是不錯選擇。 泰式雞槌 $36 別以為雞槌是普通之物，原來別有洞天。雞槌醃得相當入味，輕輕咬開後完全油份滲出，雞肉的嫩滑及惹味程度，令人愈食愈想吃。 炸蝦蛋 (1隻)$30

大家都可能係比餐廳12蚊一碗既宣傳吸引，要留意12蚊一碗係唔出現係lunch。太多烏蠅啦，由坐底到離開5至6隻烏蠅係咁飛黍飛去，一時係啲人個頭頂，一係就係枱面，好嘔心呀。真係好影響心情呀，餐廳已經逼夾，得十幾個位，再加上烏蠅團圍攻，唉，未食已經扣晒分啦啲海鮮，我知一定係急凍，但係可唔可以有小小調味呀，一咬隻蝦已經唔想再食啦，隻碗麵都係無味道架。枱面有幾樽調味料，但係又無寫係咩，同平時見既唔同，唯有落晒雖然主打泰國麵食，但可以比啲誠意掛，環境衛生差到咁。

午餐決定吃泰菜 , 並幫襯這家, 專賣正宗泰式粉麵、小食, 且滿有人氣的 泰麵膳  ~Menu ~有齊醬料 ....泰式奶茶 $ 25 :  質感稠滑 , 味道濃香而且甜味適中 ~炸豬皮 $ 25 :  皮炸得脆卜卜 ,  佐酒良伴 ~串燒豬、雞 (6串) $ 36 : 豬肉、雞肉都燒得火候剛好  , 帶甜的沙爹醬當然是串燒的良伴 ~ 牛肉船麵 ( 金邊粉 ) $ 58 : 這碗湯河很是足料 , 賣相也吸引 , 食材有 金邊粉、牛肉丸、牛小排、牛肋條、金不換葉 ; 湯頭味道濃郁醇厚  , 一入口便嚐得出富有牛肉香 ,  每一口都是精華和鮮濃之味 ; 食材也不簡單 , 牛小排、牛肋條十分入味 , 入口柔嫩 ,  有夠好吃 ~本篇完 ~

上網見到有人話個湯幾吸引，所以今日放工同女朋友去試，我女朋女係個D泰國痴，一見到泰國野就要食個啲人黎。大約6:55分到，餐廳8成滿，唔洗等位，全餐廳大約有28個座位，有6個係梳化位。餐牌一版，主要分為船麵，小食，飲品三類。咁我地兩個人就叫左4樣野加杯飲品，包括: - 牛肉船麵- 冬蔭湯麵- 酸辣鳳爪- 炸雞皮- 小黑子 (飲品 ）首先讚左先，就係個牛肉船麵，個湯好濃，唔會好淡口，而且飲完個湯都唔會好渴口，仲有好重蕃茜香料味。啲河粉唔係普通幼身個隻，又唔係中式炒河個隻粗糙又闊個種，其實近接近係粉皮，好滑，好食個冬蔭就不過不失啦，首先飲得出個湯底唔似係開粉湯底，而且唔係用茄膏開，又唔甜口。因為好多香港泰式餐廳嘅冬蔭功係用茄醬茄去開，而且如果用粉去開個湯底，味精味會好重，所以會落好多糖去壒番個味精味。所以唔錯個湯底。但係酸就好夠，反而覺得唔係好夠辣到炸雞皮，唔係週圍都有得食，所以叫番碟先，雞皮大塊嘅，唔係人地個啲鋪頭碎濕濕雞皮絲，抵讚但係！雞皮係凍嘅，重覆！雞皮係凍嘅，凍左嘅炸野會多左陣油益味，如果係熱嘅會更好，可能我個幾塊雞皮係最後個幾塊掛。。。最後到酸辣鳳爪，見到個色水就知出事通常咁橙嘅

泰國食物種類非常多，串燒、海鮮、麵線樣樣都不同風味，令到好多香港人都對泰國食物情有獨鍾，最近就見到呢間新開泰國麵店當然要試一試啦。餐牌內主打多款泰國麵線，以及不同小食可供選擇。最後我就揀咗牛肉船麵金邊粉底。上枱時已有濃濃牛肉湯香味，湯底味道清甜非常濃郁。金邊粉亦好滑溜，沾上湯汁一齊食相當惹味。牛肉船麵當中有：牛肉丸、牛肋條、生牛肉。牛肋條肉質淋身，牛味相當重。牛肉丸則十分彈牙。整體材料都好豐富。炸雞皮，襯熱食時相當脆身，而且唔會覺得油膩，唔錯。串燒（雞/豬）可以淨雞肉串或豬肉串或雙拼。串燒味道真係好似係泰國食嘅一樣，加埋沙嗲汁真係可以食唔停口。最後就叫埋個椰青水，佢仲俾埋個冰底我相當貼心。

久久不見的晚上，一行四人去到赫得道, 見人多就埋去湊熱鬧，行到埋去大約等左20分鐘就有位，餐廳地方雖唔算大，但勝在裝修富有濃厚泰國古時住家feel，仲擺滿泰式小擺設，置身其中感覺特別舒服。冬蔭乾撈個冬陰湯底好濃好香 , 與市面上嘅冬蔭湯有啲唔同，聽講係店方自家調教，特別酸辣惹味串燒雞雞肉醃得特別香濃，燒得啱啱好，雞肉嫩滑之餘還帶有少少汁，推介！特別值得一提嘅係，第一次以咁泰式住家feel嘅杯嚟飲梳打，尤其係當下咁又泰國feel嘅餐廳下飲，真係仿似去咗泰國咁。由於是晚未能盡試店方推介泰麵，下次有機會一定會再嚟試下~

之前係Facebook 睇到人地介紹～話好好味～又細細碗！可以試曬所有味仲要話好平～～所以黎試下！但細碗既係朝早時間～未去實踐過究竟係咪甘🙊門口湖水綠色～好引人注目！好吸引收銀位有好多小象仔～好可愛🐘🐘🐘叫左個牛肉船麵配小黑子配炸雲吞$78野飲吾凍～有冰杯附送～幾好！雲吞好脆！個餡都好好食配埋個酸酸甜甜汁另外有叫左個豬肉船麵配豬頸肉！豬頸肉油脂分佈得好好～吾會好油！個汁小小辣～好野味主角！牛肉船麵～～～個湯超濃味D肉瘦得黎吾「鞋」又索曬湯味～係正既！麵底配左黃麵～有小小似鹼水麵⋯但就偏軟身～無鹼水味碗麵裡面有好多通菜～好好食整體都好味～～～

兩個人行完 K11 搵嘢食，見到D食評好似好吸引，就嚟咗試吓！D嘢又唔算貴，$25蚊泰式奶茶起碼低過 Greyhound! 我個朋友叫咗牛肉金邊粉！湯底好濃，D牛肉係新鮮切，唔係出面冰鮮薄切果種！好多香葉，我只飲咗啖湯同一片牛已決定下次一定要自己叫一碗食！因為一句 「粉紅湯底為大㕑自家特調。。。」所以就叫咗粉紅湯粉D料望落去唔多，每樣少少，但就可以食到唔同餸，比例原來剛剛好！至於個湯，南乳味好重，好香，不過可能隔離飯香，我鐘意我個friend碗牛肉湯麵多D！泰式奶茶同泰國飲冇分別，當然比泰國貴是必然嘅事實，但係另一個事實係大家樂一杯特飲而家都廿蚊杯囉！只可概嘆香港生活真係艱難！叫咗個炸雞皮！同平時串燒食果D雞皮完全唔同！原塊雞皮咁炸，好guilty!!!佢地除咗麵食，D小食真係不容忽視！泰式雞槌！熱辣辣，脆卜卜！冇嘢好講！兩個人食咗二百幾蚊，食咁多嘢，諗諗吓其實真係低過去食拉麵！

九點鐘在尖咀放學，可以醫肚的選擇不多，記得早前有報紙介紹過以12蚊Gimmick價來吸晴的新派麵鋪，剛剛好九點後便是這個宵夜價，不是不試嗎？欲試新鋪，先排隊是常識吧～等了十分鐘左右，終於可以坐下。甫坐下，伙計的手腳是挺快的（可能都是年輕人的緣故）。筆者點了兩碗船麵，以12蚊的價錢，份量當然不能太過貪心，一口一碗就行了。但是以這個價錢來說，牛丸和牛肉雖少和小，但味道不錯，湯底頗惹味。而且加深對船麵的認識如可以配不同的醬料如魚露，船麵的粗幼像米粉般輕絲。環境方面，雖然裝修算是新派但鋪面較小，挺擁擠，所以聚會別問，速食還可。整體來說，如果不計較份量，共實以此廉價是值得一試。聚會稱不上，夜宵速食是不錯的選擇。P.S. 光顧前致電過老闆確認12蚊Gimmick價存在與否，言談間知道他希望讓更多人認識船麵，所以推出12蚊Gimmick價。希望香港未來有更多新派菜式，為本地飲食帶來新刺激～

睇到Facebook嘅介紹所以去嘅絕對係希望一解去泰國嘅心癮佢以好平$12蚊一碗嘅船麵作招徠不過原來下晝係冇嘅亦都冇下午茶餐我成4點鐘去食，唔使等位，不過都算多人聽講lunch會排長龍因為一個人去，所以冇叫好多野，只叫咗一個牛肉船米粉，＄58一個，嘢飲係分開叫，本來想要一個泰式奶茶，點知冇晒所有要沖要整嘅嘢飲，只得罐裝飲品青檸梳打都係罐裝嘅，$25，雖然有冰底，但都真係貴咗啲喎個牛肉米粉賣相不錯，湯都幾濃，幾甜，不過就太少。個人認為呢個麵成個setting有少少矛盾，真正嘅泰國船麵就係細細碗，而佢就身處香港嘅尖沙咀舖，又賣唔得平，但係佢賣到50幾蚊，又要俾多啲份量嘅米粉，但佢又用返同傳統船麵差唔多size嘅碗同比差唔多份量嘅湯，所以成件事好似唔係太夾。我食到一半，唔係特別飲啲湯，但係都已經冇晒！嗰啲香料葉，簡直都浸唔到落啲湯度，哈哈坐我對面嘅食客，都有問店員再加湯，我就費事麻煩，冇叫了至於啲生牛肉係幾新鮮，腍得來又有咬口，好有牛味牛丸都幾彈牙，牛腩都好腍唔會韌我覺得各位泰國迷值得一試，但如果可以嘅話就九點鐘之後先去，試吓＄12一碗嘅會唔會更加驚喜

今日一個人，漫無目的係尖沙咁行，睇戲前想食少少野,醒起老細講過有間泰國炒面唔錯，所以就去試試。下午6點，應該啱啱休息完，店內就一個客人，是但搵個位坐低，menu上有大概7款粉，點左牛肉船米，加個 青檸梳打。由於店內未有太多客，都好快有野食，牛肉船米送到枱上，氣味對板，湯底顏色對板，2片牛肉，3粒牛丸，1件牛肋條，首先呷一口湯，味道淡淡，再食一片牛肉，牛肉軟淋，再試牛丸，好味（有d似泰國街頭食既牛丸），牛肋條亦煮得夠淋，大致上都ok,個人覺得加少少魚露，醋同辣醬，成碗米粉味道大大提升臨走前問左店員，湯底用咩煲，佢過用豬骨煲，因為香D雖然未係百分百泰國街邊檔味道，不過經過不妨一試。順帶一提，我臨走時全店滿座

一個人悶悶地諗住搵間新餐廳試吓見到咁多人排隊就以為好OK點知簡直係中大伏一個人就淨係叫咗個豬肉船麵我覺得似豬雜麵多啲首先就毫無賣相可言見唔見到右上碗邊 黐住左一條麵完全係乾咗黐喺到 點解會咁？我嗰個係湯麵 但係啲麵完全係分唔開除咗 佢係一早將啲面放落個碗到搞成咁我諗唔到其他理由啲餸普通到唔普通58蚊 我拎去隔離食魚蛋仲好而且份量好細 我見隔離果兩個男人食到碟都想賴埋其他小食都係炸多 大家真係要挑戰可能食呢啲炸物好啲炸嘅都難食就。。。除咗個女待應態度友善外少少可取之處都冇