影片
更多
2017-07-24
512 浏览
上網見到有人話個湯幾吸引，所以今日放工同女朋友去試，我女朋女係個D泰國痴，一見到泰國野就要食個啲人黎。大約6:55分到，餐廳8成滿，唔洗等位，全餐廳大約有28個座位，有6個係梳化位。餐牌一版，主要分為船麵，小食，飲品三類。咁我地兩個人就叫左4樣野加杯飲品，包括: - 牛肉船麵- 冬蔭湯麵- 酸辣鳳爪- 炸雞皮- 小黑子 (飲品 ）首先讚左先，就係個牛肉船麵，個湯好濃，唔會好淡口，而且飲完個湯都唔會好渴口，仲有好重蕃茜香料味。啲河粉唔係普通幼身個隻，又唔係中式炒河個隻粗糙又闊個種，其實近接近係粉皮，好滑，好食個冬蔭就不過不失啦，首先飲得出個湯底唔似係開粉湯底，而且唔係用茄膏開，又唔甜口。因為好多香港泰式餐廳嘅冬蔭功係用茄醬茄去開，而且如果用粉去開個湯底，味精味會好重，所以會落好多糖去壒番個味精味。所以唔錯個湯底。但係酸就好夠，反而覺得唔係好夠辣到炸雞皮，唔係週圍都有得食，所以叫番碟先，雞皮大塊嘅，唔係人地個啲鋪頭碎濕濕雞皮絲，抵讚但係！雞皮係凍嘅，重覆！雞皮係凍嘅，凍左嘅炸野會多左陣油益味，如果係熱嘅會更好，可能我個幾塊雞皮係最後個幾塊掛。。。最後到酸辣鳳爪，見到個色水就知出事通常咁橙嘅
大約6:55分到，餐廳8成滿，唔洗等位，全餐廳大約有28個座位，有6個係梳化位。
餐牌一版，主要分為船麵，小食，飲品三類。
咁我地兩個人就叫左4樣野加杯飲品，包括:
- 牛肉船麵
- 冬蔭湯麵
- 酸辣鳳爪
- 炸雞皮
- 小黑子 (飲品 ）
首先讚左先，就係個牛肉船麵，個湯好濃，唔會好淡口，而且飲完個湯都唔會好渴口，仲有好重蕃茜香料味。啲河粉唔係普通幼身個隻，又唔係中式炒河個隻粗糙又闊個種，其實近接近係粉皮，好滑，好食
個冬蔭就不過不失啦，首先飲得出個湯底唔似係開粉湯底，而且唔係用茄膏開，又唔甜口。因為好多香港泰式餐廳嘅冬蔭功係用茄醬茄去開，而且如果用粉去開個湯底，味精味會好重，所以會落好多糖去壒番個味精味。所以唔錯個湯底。但係酸就好夠，反而覺得唔係好夠辣
到炸雞皮，唔係週圍都有得食，所以叫番碟先，雞皮大塊嘅，唔係人地個啲鋪頭碎濕濕雞皮絲，抵讚但係！雞皮係凍嘅，重覆！雞皮係凍嘅，凍左嘅炸野會多左陣油益味，如果係熱嘅會更好，可能我個幾塊雞皮係最後個幾塊掛。。。
最後到酸辣鳳爪，見到個色水就知出事通常咁橙嘅都會冇乜味，果然不出我所料，真心淡口。。。而且得6舊定7舊，當然我唔係要求35蚊有十舊廿舊啦，此終尖沙咀，但係份量真係少左D，如果佢係泰式札肉配鳳爪，加多2，3塊粗札肉落去，咁又可能會扺食啲
埋單 hkd 192
總括而言，有潛力嘅泰式餐廳，但有要改善嘅地方
牛肉船麵
$58
36 浏览
0 赞好
0 留言
冬蔭湯麵
$58
42 浏览
0 赞好
0 留言
酸辣鳳爪
$36
27 浏览
0 赞好
0 留言
炸雞皮
$25
30 浏览
0 赞好
0 留言
张贴
