泰風佳味海南雞

营业中

休息中

呢間雞飯位於旺角熟食中心，連接朗豪坊，地理位置其實幾方便。以前都黎過呢個熟食中心食飯，不過就唔係食呢間。今次係專登黎支持良心小店，因為今日收益係會捐比國難救援。6點幾來到，條人龍長到好誇張，由開始排隊到有飯食，足足等左1個鐘。$40一個海南雞飯，有飲品，係市面上都算抵食。雞肉嫩滑，分量正常，油飯略嫌唔夠香，不過都係合格以上。個秘製醬汁醬就酸酸辣辣，同雞肉幾夾，又開胃，話咁快就食曬成碗飯咁既價錢，咁既質素，真係冇乜野可以彈，而且位置方便，必定會再幫襯。

第一黎旺角呢個熟食中心食飯原來同朗豪坊連接 好方便亦都幾企理今次食呢間既海南雞飯40蚊一個飯 真係好抵海南雞基本d雞要夠滑佢地個醬都幾惹味油飯質地適中 唔會太油或者太乾

🐷🐷琴晚係久違了嘅開心一夜！🥳🥳但係我地仲未贏架！我地要繼續堅持達成我地嘅訴求！🐷🐷我地就繼續支持黃色經濟圈入面嘅小店！🙂💛🐷🐷今日食呢間係喺旺角嘅熟食市場入面。佢門面貼有「米🐷連」認證，傳聞仲話佢地鋪頭間唔中就會播肥媽首名曲趕客添🤪🐷🐷講番野食，$40就有超大碟嘅海南雞飯+雞湯+熱飲！性價比超高之餘，啲雞肉仲要係好嫩滑好好食！配埋個惹味海雞汁，咁大碟飯都比我清哂啊🐷🐷😆 👍🏼

呢排黎左幾次，一係就收早，一係就海南雞賣曬，今次中午黎終於食到喇！海南雞依然咁嫩滑，成個餐先$40，非常扺食，份量又夠，雖然熟食市場環境一般，但勝在價錢同質素搭救，次次黎親都係最多人排隊一檔就知啲野食有保證，所以我而家次次黎親旺角都心思思要黎食下先安樂！

今日幫襯良心小店，2點仲係好多人排隊。成個街市呢間特別多人幫襯。排隊到有得食等左半個鐘。街市環境整潔，店舖企理，唔少得米豬連貼紙，小店好多外賣生意。有海南雞飯，船麵，炒貴叼。點左黃咖哩雞肉飯+中湯+熱飲=$45。咖哩好大碗，得幾粒雞，洋蔥，無薯仔，失望。咖哩汁唔太辣不錯。撈飯一流。飯好大碗夠哂飽。青紅蘿蔔湯味道好淡，加蜜棗應該會好好多，好多油。良心小店有良心，但味道有待改善。老實講如果唔係黃店唔會黎食。

一段時間沒有來過旺角這個熟食市場，這間泰式食品，之前讀書的時候都未有的。在海南雞或是咖喱之中㨂選咖哩牛腩。因為有時害怕，如果，海南雞，店方給你成排雞胸肉，那會令人感到相當危險。結果便點了個黃咖喱牛腩飯，它的黃咖喱，有輕微甜味，不算是死辣，與九龍城那些咖哩，即是小曼谷點蒜蓉包的泰式咖喱相像，沒有那麼辣，以送飯來說，味道不錯，但當然，輕微稀，再濃一點，應該會更加好吃。牛腩來說，則不算太過吸引，因為牛腩偏老，好像中式牛腩，煮熟之後，再放到咖哩之中，因此顯得比較老，但是就肉質來說，還不算太因太癡牙，可以一吃；而黃咖喱當中，亦都可以找到三四件薯仔，薯仔大大見到又綿又化，質地也相當可口。友人那個就是香辣肉碎煎蛋飯，在公司附近也有差不多的食品，但價格應該會貴20-30%，這兒的，落單即炒，相當有鑊氣，不會令人覺得是炒好了的肉碎放在一邊。肉碎有點豆角、肉粒、菜葉，吃起上來，香氣豐盛，味道較濃，但又不會太過搶眼。再配合煎蛋，整個飯吃起上來非常之香，但又不像在曼谷吃過那個一般，吃到你辣到腸胃不適，因此整體來說味道都不錯。本來想加一份泰式脆燒肉，但是店員說現在沒有，亦都不知道要等到何時才有；結果便點了一客

海南雞飯 早午晚三餐日日都要食嘢都唔知食咩好 今日求其叫咗個海南雞飯 外賣自取嚟嘅 有湯有嘢飲有飯 嘢飲係紙包飲品 湯就係鋪頭嘅例湯 呢兩樣都普普通通冇咩特別評論 白飯油飯我揀咗白飯 白飯配海南雞味道都OK呀 鋪頭仲俾咗一細包酸酸辣辣甜甜嘅醬汁 我都唔知呢個係咩醬汁 但係到埋落海南雞一齊食都幾好味 海南雞嘅雞皮無毛 所以我雞皮同雞肉都食落肚 頭幾件食得好開心㗎 因為雞肉又柔軟又滑 真係幾好味 但係最後嗰兩件唔知係咪因為雞胸肉所以口感比較粗

今日eatmug9 #17旺角一街都係食肆，但要搵間好味嘅泰國菜確實唔係易但偏偏就係畀楊師傅我搵到座落係朗豪坊對面嘅熟食中心“佳味海南雞”晏晝去買lunch 一定會見到依間排晒隊樓面主要由兩姊妹打理殷勤有禮 菜式包羅萬有依度主打海南雞飯 但係小弟我無辣不歡所以就叫咗個麻辣手撕雞飯份量夠碟手撕雞嘅份量幾乎同碗飯一樣咁多味道足雞肉夠滑 秘制辣汁酸酸辣辣夠惹味個餐除咗有湯跟之外 仲有紙包飲品送咁抵食 識食一定狗衝過嚟食

每逢星期六返工都會買外賣，好耐無食過飯，今日決定唔食麵。十二點幾行到去旺角熟食中心，係度諗食兩餸飯定泰式午餐。最後都係選擇左泰式海南雞油飯，都已經有一排無食過。由佢開張已經keep 住有幫襯，試過佢既鳳瓜，青咖喱，炒粉等... 我最喜歡既係青咖喱，但今日又想食辣野。$40 有湯、飲品＆海南雞飯，當然抵食既外賣。雞係無骨，除去雞皮就啖啖肉，雞肉都算嫩；油飯唔油但好香，另外仲有少少菜。今天個湯係清雞湯，味道都可以。返到公司一邊煲劇一邊食午餐👍🏻

旺角熟食中心一向係做街坊生意， 熟食中心有好多唔同食物有米線， 粥，腸粉，燒味飯，澳門茶餐廳，兩餸飯，湯飯。。。。。。 今日我就食海南雞薑飯45元， 有海南雞飯，秘製醬汁，青紅蘿蔔湯同埋紙包飲品。 好欣賞佢個薑散並唔係一般海南雞配油飯而係有薑蓉在內！ 雖然一般油飯係平五蚊但係建議食有薑呢一個， 因為我平時都唔鍾意食飯但係呢個海南雞嘅方法可以令到我食曬！ 加薑感覺好開胃！ 加上佢個海南雞係暖笠笠又唔會因為雞胸肉以好鞋口， 真心覺得拍得住新加坡的海南雞飯！

金邊粉酸酸的，頗醒胃昨天去了旺角熟食中心買外賣吃，今天又去了旺角熟食中心買外賣吃，哈哈，因為我真的太懶惰了，買完外賣可以拿回公司，坐着慢慢吃。嘿嘿。今天就去佳味海南雞叫外賣回去吃。我叫了一個泰式炒金邊粉，這個餐要$45。這個餐有附送一包紙包飲品可以自由選擇。所以我就自己拿了一包蘋果芒果茶。另外這個餐都有附送餐湯。餐湯和外邊吃的餐湯差不多，鹹鹹的，沒有湯渣。至於這個泰式炒金邊粉，我個人認為幾好吃。每一條金邊粉都酸酸的，甜甜的，鹹鹹的，所以吃起來都幾醒胃。又有豆腐乾片，芽菜等等的配料。整體覺得不錯。下次我也會來這間佳味海南雞，再叫這一個泰式炒金邊粉。

今天工作很繁忙，到2點多才外出吃午飯。！(◎_◎;)肚子餓。。。。。(˶‾᷄ ⁻̫ ‾᷅˵)o(*////▽////*)q於是到了旺角熟食中心，去了佳味海南雞叫了一個外賣。(>^ω^<)這就是「手撕雞飯」。☆*:.｡. o(≧▽≦)o .｡.:*☆外賣的手撕雞飯，它將手撕雞和白飯分開裝。(>^ω^<)手撕雞辣味適中。用來配飯，我個人覺得很好吃。(≧▽≦) 白飯用另一個膠盒裝住。(>^ω^<) 還有一碗例湯贈送。(⁎⁍̴̛ᴗ⁍̴̛⁎) 清清的湯。以及一包紙包飲品。(*☻-☻*)而我選擇了蘋果綠茶。

昨日中午去了旺角熟食中心，走到佳味海南雞這個店，叫了兩個餐，分別是海南雞飯和手撕雞雞飯 。☆*:.｡. o(≧▽≦)o .｡.:*☆海南雞飯，上面是海南雞，下面是白飯，如果不要白飯，可以選擇油飯。側邊還有少許椰菜放在旁邊。(>^ω^<)☆*:.｡. o至於手撕雞餐，白飯和手撕雞是分開裝的，手撕雞辣辣的，不過幾「野」味(*☻-☻*)而手撕雞和海南雞這兩個餐，都有送湯和一包紙包飲品。o(*////▽////*)q

聽堂家姐講起，最近先發現朗豪坊附近既熟食市場👀上去8下有咩食時，被呢檔海南雞吸引，皆因好耐無食過海南雞飯，見價錢又幾吸引添，即管試一試。同同事兩個一人叫左一個，出餐速度正常，大約等10分鐘左右。其實佢選擇都算多，趕住lunch無影到餐牌😅每個餐仲附送例湯同包裝飲品（今日見到有錫蘭檸檬茶同菠蘿特飲，係雪櫃自取的）。呢個海南雞飯$40，又有湯同飲品送埋，覺得係抵食既。例湯就一般既例湯咁啦，有舊大大舊紅蘿蔔。海南雞份量覺得足夠，好滑同香，飯可選配白飯或油飯，食得海南雞飯肥d都要配返油飯🤤🤤，油飯亦好香味道岩岩好。附上既海南雞醬汁味道酸辣，更開胃👍🏻欣賞佢唔係求其比個泰式辣醬你就算～呢餐覺得幾滿足，又夠飽！平時一個海南雞飯都真係$50以上，估唔到$40都比到驚喜我

平時都會上嚟呢個熟食街市食嘢，今次嚟到，見到呢間泰國菜館，新開嘅，咁就試吓啦，點知好有驚喜首先講味道，我食肉碎炒河，好惹味，辣辣地，我另外加左豬頸肉$10咋！唔使點汁都好好味價錢方面， 40幾蚊，包埋飲品同埋湯👍🏻👍🏻👍🏻一定會再試！因為實在太飽下次想試吓椰汁糕