泰風佳味海南雞

营业中

休息中

我一共食過呢間野2次，1次係食海南雞，1次係食香葉肉碎飯。海南雞水平ok，而且份量係多的，不過那次外賣，佢唔記得比湯我，所以湯就試唔到啦。第2次食香葉肉碎飯，半個飯盒都係餸，唔太辣，又好味，勁抵食囉! 推薦

地點在旺角朗豪坊旁的熟食巿場，估唔到插左支黃店，仲要食物係平靚正!叫左個香葉肉碎煎蛋飯，好多餸，微辣，好味!由於唔喜歡熟食中心的環境，我通常都外賣走。btw, 落單後要等5~15分鐘嫁，但食物質素係好。

實在太抵又好食，所以要幫佢寫個食評比多D人知。海南雞夠滑，油飯有椰香味，青檸梳打夠汽👍🏻第一次食市政大廈食飯，原本去食車仔麵，見到咁多人坐低食緊，就叫老公買一份，竟然俾佢抽獎有多一份雞，咁佢覺得唔好意思，就買多支青檸梳打飲，都只係$51...走個時條隊已經好長…我今個星期會再去買外賣

呢度係位於旺角綜合大廈二樓既熟食市場(可由朗豪坊二樓經天橋)到達。每日食晏必到的食堂。呢度有間出名泰式小店仲要係黃店黎食平時條龍真係好長好長 ，呢排晏左食lunch先有機會試下【A1泰式無骨海南雞飯】嘩。好大份呀~雞仲比埋隻雞翼你，份量係完全可以覆蓋晒個飯面，飯亦有差唔多碗半飯去骨海南雞肉嫩皮滑，還配上一碟泰式蒜蓉酸辣汁，酸酸地辣辣地，用佢蘸點雞，點椰菜，送油飯都好好食。仲有飯係黃薑油飯，粒粒分明食落唔會好油食完成碟再飲埋杯野係非常飽。飯加埋熱飲都係41蚊咋，呢段時期算係好平。下次再黎試埋個豬手飯先

如果要在旺角找平價晚餐，這裡必定是選項之一。我吃的香茅豬扒飯，有輕炸過，外面脆，豬肉唔刃，似係有揼過而並非「葉」淋佢，白飯份量夠，仲有少量蔬菜。朋友叫了蝦醬炒飯。佢話偏鹹，不過又係勝在份量夠。小店沒有單叫冬蔭湯，我們叫了個冬蔭湯飯（走飯代替）。留意返，佢有講明個冬蔭湯係無蝦，而是用雞代替。不過最重點都係最平$41包一杯飲品，食物質素合理，所以性命價比超高，而且地點方便，由朗豪坊一樓行行人天橋過去就得。

#中意嘅請分享請點讚🍻----------💛#黃店💛國難救援認證----------😋泰式飛天通菜配飯 配熱飲 $46飛天通菜夠濃味，撈飯一流，重口味人士可以試下。油飯粒粒分明，硬度適中。-🐣泰式無骨海南雞飯 配熱飲 $41油飯份量好多，成座山咁高🤣，有飯有飲品，性價比高，海南雞肥瘦適中，可惜今次嘅雞唔算太滑，有少少鞋身。-抗疫時期汽水$3(原價$5)油菜$5(原價$8)轉油飯免費(原價$2)----------📍泰風佳味海南雞🔎旺角上海街557號旺角綜合大樓2樓旺角熟食市場2號舖

🌸#girlsfoodies旺角#girlsfoodies泰國菜 🌸【💛 黃店 #GF_List 】🉑 ：外賣自取 | 網上外賣平台 .⭐評分: 7.5/10——————————————————係熟食中心原來都有黃店！嚟到泰風佳味海南雞，緊係要試下佢哋嘅招牌菜！——————————————————
▪️泰式海南雞飯 ($41) 凍飲加 $3.痴線41蚊咁大碟雞，仲以為會得幾嚿肉加兩塊蕃茄青瓜，呢到有成個例牌份量😨仲要搭多隻雞翼比我，唔通姐姐覺得我唔夠肉食？佢個泰式酸辣汁勁好食，酸酸地帶蒜香，係食完要刷牙個種醬汁，依家帶口罩唔怕！無論點雞、油飯定椰菜都好夾～.雞肉入口本身覺得好滑身，咬落就覺得雞胸位比較靭，最軟淋嫩口反而係翼位；油飯乾身粒粒分明，無因為一大煲煮定而變一pat嘢，油香唔算重，但41蚊我係絕對收貨😌...✨ 泰風佳味海南雞 ✨📍 旺角熟食市場2號舖⏰1200-2100

旺角多好嘢食呢個大家都知唔洗講架啦，大家又知唔知旺角朗豪坊隔離有一個隱世熟食市場，而佢更唔係普通嘅熟食市場咁主要賣中式炒炒麵飯，而係有多國菜！水準高之餘，味道一啲都唔遜色！今次就揀咗一間性價比評價高，由泰國人經營嘅泰國菜試試地點：位處於旺角心臟地帶，係正朗豪坊嘅則面，方便到不得了！係上海街坐自動電梯，一入門口轉右就會見到呢間泰國小店。環境：旺角熟食市場應該係全港排名數一數二乾淨嘅熟食市場之一，雖然位置唔係好多，但咁樣就唔會令你有壓迫嘅感覺。環境光猛而且又乾淨，唔會有臭味同埋濕漉漉嘅地面，感覺很好👍食店嘅門口好當眼，綠色招牌綠色餐牌，仲好獨特咁有好多文宣海報memo紙（全場唯一）🤭好易認得出！食物質素：泰式無骨海南雞飯（$41）果日去到嘅時候都只係七點幾，究竟咁好彩比我食到最後一份海南雞咁早就賣晒，可想而知間野都幾受歡迎👏係香港食得到嘅海南雞大致上分兩種，一種係比較淋身嘅坡式海南雞；另一種就係泰式嘅比較實身肉汁較多嘅海南雞。呢度嘅海南雞係屬於比較實淨有口感嘅泰式雞，肉質鮮嫩有口感，雞肉唔係似係用上左新鮮雞作為原材料，一啲冰鮮嘅味道都食唔出！雞就算我地食雞皮部，都唔會太肥太多脂肪！就算你係

泰國崇佛尚黃，僧侶多穿黃衣，這間位於熟食市場內的小店，吃的是泰國菜，同樣尚黃，這天我在附近覓食，正好會一會它。店名「泰風佳味海南雞」，招牌菜當然是泰式海南雞，我吃的也是它。「泰式無骨海南雞飯」（$41，凍飲加$3）的去骨海南雞肉嫩皮滑，皮肉之間還夾著一層啫喱狀的脂膏，蘸泰式酸辣醬，開胃可口，油飯也及格有油香，配以「走甜凍檸水」一杯，足堪飽肚，也好味道。這熟食市場雖有不少食店選擇，但合心意的不多，看來，如果我再來的話，都應該會再幫襯它。

喺MK食嘢冇間平？今日介紹一間平過掃街嘅黃店比你~蕩咗MK咁多年我都係前年先知有撻咁嘅地方旺角熟食市場 喺朗豪坊小巴站對面有樓梯上或者朗豪坊去Cordis酒店天橋下面嗰層有另一條天橋行過去[#泰風佳味海南雞]• 旺角綜合大樓2樓 旺角熟食市場2號舖• 12:00-16:00 17:30-21:00• 68735343 (外賣都有！) 麻辣海南雞飯加+小食+凍飲都只係$6141蚊就有個海南雞飯㗎啦!!!有飯有粉有小食 都算幾多選擇打卡: 🤍🤍🤍🤍🤍味道: 💛💛💛🤍🤍價錢: 💛💛💛💛🤍交通: 💛💛💛💛💛〽️~FC篇-員工黃+全黑衫-派水-間中有播歌- 國難救援認證 米豬連認證

之前冇諗過咁舊式food court都會有黄店🤧都係咁啱去到旺角search下先知🤪泰風佳味海南雞主打泰國菜 最出名係海南雞 行完朗豪坊再行連住熟食中心嘅天橋過嚟食 好方便！.👉🏻海南雞湯濛($46)上次叫左飯 叫左少飯 少飯都係有一碗半嘅份量😂今次試下叫湯濛 以為湯濛應該冇咁多 但出到嚟都係多到🤭.海南雞份量好多 肉估嘅部份仲多過皮肉質好嫩滑 又唔會太多油好抵！性價比超高😈———————————————泰風佳味海南雞旺角上海街557號旺角綜合大樓2 樓旺角熟食市場2號舖

呢排真係狂食佳味，不過的確呢排成個街市的生意淡薄左，因為唔太多人排同等，所以就多左去食，驚之後想食都無再咁方便。今次我就揀左香茅豬扒飯，男朋友就揀左海南雞飯配油飯，之後坐左一陣，好快就有啦，首先係男朋友的海南雞飯先，之後就係我個個香茅豬扒飯。香茅豬扒飯都算幾抵飲，個座飯大到好似山咁高，直情根本兩個人食都未必食得晒，佢個飯有幾條生菜，唔係白烚生菜味，似係油菜的味，豬扒都幾好食，好香脆，香茅味都好足，不過我略嫌有少少乾爭爭的感覺，同埋可以白飯個到加少少汁會好啲，豬扒飯本身都有配一個類似泰式辣醬的汁，酸酸辣辣咁，點少少係幾好食，咁就自然無咁乾，但係對我呢啲食唔到辣的人嚟講，就真係好鬼辣，辣到我已經係咁扒飯同飲嘢先得。以下評分以5⭐️為滿分推介⭐️⭐️⭐️

前幾日又出左旺角，因為上次食過覺得好正，所以今次就介紹左朋友同我一齊去食，但由於我上次食左海南雞飯，所以今次打算試新嘢，試左呢個泰式無骨豬手飯，而朋友就叫左青㗎喱雞肉飯。之後我地就揀左係餐廳附近的位置坐，方便等叫位，我地坐左一陣，傾左一陣間就已經有得拎，首先係我朋友個青咖喱先，我都襯啲餐具試下先，個青咖喱味道不錯，椰香亦都好夠，但係就真係好辣，我呢啲食唔得辣的人就唔係好食到，但其實佢係好好味。之後好快已經到我個豬手飯，因為佢係無骨所以都好方便，而且其實份量都唔係少，食極都仲有，至於味道方面，其實都好好味，但相對上次食海南雞飯就遜色了。以下評分以5⭐️為滿分推介⭐️⭐️

尋日同男朋友去左街市睇下有咩正嘢食，唔知係咪武漢肺炎肆虐，街市食飯的人明顯係比以前疏落，之前好幾次想食都無機會食到，今次見唔太多人就可以食了，我叫了一個海南雞飯，男朋友叫左蟹皇汁配雞翼飯。落單之後，由於整作需要時間，所以我建議大家可以在附近找位坐，之後等叫號會比較方便。海南雞飯有得揀油飯定白飯，我揀左食油飯，佢個種應該係黃薑油飯，有少少黃薑味加有雞味，都幾好味，而且啲雞係無骨雞，幫你去左骨，同埋都幾滑溜，佢提供的醬汁都ok，唔係話好辣，我呢啲唔食辣的人都覺得ok 。而男朋友的蟹皇汁雞翼雞，我就幾鍾意食，特別係個汁，真係好好味，感覺有少少似咖喱，但又唔會好似咖喱咁辣，有啲似蟹皇小籠包個啲汁，稠稠地，不過好味就好味，但就有啲漏。以下評分以5⭐️為滿分推介⭐️⭐️⭐️⭐️

見到人哋推介原來朗豪坊附近有個熟食市場，入邊有間食海南雞飯嘅餐廳好受歡迎，於是今日特登去試吓。排隊排左好耐啊，應該好多人幫襯，因為係良心小店。今次叫咗外賣，超級抵食呀$40就有一個海南雞飯套餐，仲要包埋有雞湯。加錢就可以換埋青檸梳打添。有飯粒粒分明，唔會太硬或者太淋。雞肉超級嫩滑，而且雞皮唔會太肥，好滑。海南雞飯最緊要嘅醬汁都調校得好好，唔會太辣或者太酸。總括嚟講雞同飯同埋醬汁都做得好好，而且呢個價錢來講性價比真係超級高，大推薦。