泰風佳味海南雞

营业中

休息中

🐔招牌無骨海南雞💰$148😈今日懶得煮飯咁岩去左旺角到😝醒起不如去熟食中心個泰風佳味到買雞返去加餸😝我都成7點幾去到竟然買到最後一隻海南雞😝想講返佢個一隻海南雞係分開兩盒🤤同埋佢個雞無骨仲有佢啲肉質都好嫩又唔會鞋口😛食落更加方便仲點埋佢個汁真係好好味

如果要食真正嘅泰國美食唔一定要去九龍城其實佢位於旺角朗豪坊隔離嗰個旺角熟食中心已經可以滿足到這間有香港人開嘅泰國餐廳如果我冇睇錯應該由泰國人親自主理食物今次食泰國青咖喱牛肉飯加泰式燒雞髀兩個字正宗青咖喱絕對有一種非常獨特嘅魅力再加上大量牛肉 青豆茄子等等 送上播放非常簡單就可以食晒一碗白飯因為實在太好味再試一試泰式燒雞髀 表面雖然係燒得濃但係裏面嘅肉汁仍然係保存住 順帶一提依度嘅燒豬頸肉一定要食咁好味嘅一頓泰國餐只係幾十蚊港幣性價比非常之高一定要食一定要食一定要食重要嘢要講三次

喺香港如果要食正宗嘅泰國菜除咗去九龍城或者幾間特定嘅泰國菜館之外而家位於旺角市中心嘅一個平民地方都有一間絕對一定要去 大大力推薦無骨海南雞飯顧名思義完全去骨海南雞每一舊都非常好味 口感同埋雞味十足 配上黃色油飯吃到一種正宗嘅泰國 加多$13追加豬頸肉 這些豬頸肉並不是平時食到一片片一式一樣的 而去比較大嚿口感十足燒得脆卜卜的一種 這個海南雞飯配上泰式醬汁真係講都無謂去食完你就知好嘢呢度仲有好多其他正宗泰式美食包括咖喱等等。最重要嘅係呢度只係位於熟食中心所以價錢係非常便宜而且性價比非常之高絕對係一間人細正宗泰國飯店美味👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻服務👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻性價比👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

泰風 佳味海南雞📌地址 ： 旺角上海街557號綜合大樓2樓 熟食市場2號鋪📌營業時間 ： 星期一至六 12:00 - 20:30 星期日 全日休息📌 電話號碼 ：68735343泰式無骨海南雞飯望落去好似無特別，但一食落去，🐓肉質唔會太老，滑身嫩口😋，而且仲要好貼心咁去埋骨，岩曬我呢啲懶人。👍🏻油飯🍚食落口香而不膩，而且粒粒分明，唔會煮過時或太多水，變到一舊舊黏住，飯份量亦都足夠，唔會太多怕浪費。🥰值得一試‼️

叫了泰式乾炒雞河，係冇味的. 乾身唔油，啡色調味，調色？就係冇味…. 泰式喎⋯⋯唔辣。外賣冇跟辣椒粉. $49 冇咩期望。可能我揀錯食物啦⋯⋯間嘢叫種類繁多但只可以係港式，完全冇泰味.

在暴雨中的旺角想搵間又抵又好食的餐廳周街都係放題燒肉連鎖店難得見到間CP值高的海南雞飯就入左去😅 旺角熟食中心其實環境無想像中差都光線明亮 地下無咩垃圾我地各自叫左泰式海南雞飯 $48一碗熱辣辣的胡椒雞湯 熱飲免費 凍飲+$3

每次來到旺角熟食中心，當中只有一間總是圍著一大班人。我喜歡他們的的招牌菜，泰式無骨海南雞飯，兩年前$41，現在是$43，物超所值。無骨，連雞翼都拆了骨。飯，可以是白飯或油飯，油飯不油，卻很黃，應該用黃薑粉。米是泰國米。中午和晚上都有很多人排隊。總評味道：好食；環境：熟食中心；服務：店員有禮貌；衛生：可以。

在旺角買完嘢，3點幾肚又餓脚又攰，揾到市政街巿有間海南雞店OpenRice好多好評，上到去人流不多，order 咗個泰式無骨海南雞就揾位坐底。個餐$43包杯熱飲和雞脚湯，雞肉大蓋有6，7件，大部份是脾肉再跟一條胸柳，肉質軟滑，有雞味而且不肥👍，高質數，製作認真，油飯甘香有雞味但不油浰，不瞬間，已消化晒成碟黃油飯，真的好味，跟雞的酱就一般般啦。最後叫多碟豬頸肉，跟餐只收$13，非常實惠，成個好味的泰式海南雞加豬頸肉，都係$56，非常之抵食！

✨泰式無骨海南雞飯海南雞 皮唔爽 肉比較薄身肉質軟腍 但唔算滑 有好淡雞味 味道適中雞件部位質素幾參差 有一半皮略厚肉少雞髀位相對會比較好 油飯 口感偏軟 顏色好黃 但冇乜油香 飯量好多 湯 清清地 少少油 冇乜味 淨係飲到胡椒味飲品揀左熱菜蜜 正正常常食物可以 份量足 環境一般 喺熟食中心入面 自助搵位 冇人抹枱 係差唔多服務唔錯 店員好有禮貌價錢合理 一個餐包咁多野雖然食物質素未見出色但以呢個價錢都冇乜好投訴絕對係抵食之選 值得一提 下午有落場時間

好多人推介呢間海南雞，話佢抵食又好食，超級高性價比喎！隱藏喺旺角嘅熟食中心，真係冇人介紹都唔會去到🤣🤣今次一於行入去買個外賣試吓先。🐔招牌無骨海南雞 半隻 $75 (10/10)$75半隻海南雞呀真係算平嘅，份量都好足，醬汁得一個，係酸酸地嘅醬汁，好開胃好清新！雞皮好彈牙好爽滑，雞肉同雞皮之間有一層啫喱🤩係好食嘅海南雞先會有！雞肉好嫩滑，一啲都唔會乾啊，仲要有雞味，真心超級好食！連雞胸都唔會太鞋口！吊打街邊好多間海南雞，仲要價錢咁良心，超級抵食，好高CP值呀！🐔泰式鳳爪 $30 (9/10)份量都好多，起碼有十幾隻鳳爪，仲要冇骨！個汁係酸酸辣辣，但唔會過分辣，識落好過癮，應該係配合返香港口味！配菜都好多有唐芹，葱埋紫洋蔥，好香口，CP值都係好高！推薦指數: 10/10真心好好食，嘢食有誠意，好用心去做，價錢仲要咁平食物咁高質，老闆太有良心啦！下次都一定會再買來食，超級推介！

掛住泰國嘅一日，約咗泰式按摩，按摩前都搵泰國嘢食😛去咗旺角熟食中心嘅泰風佳味海南雞！之前食過兩次，今次試下佢嘅船河！泰式招牌船河$48(金邊粉)好多料！豬紅、魚片、豆卜、豬肉丸、扎肉！魚片普通，豬紅幾好(我本身唔係好食豬紅)，豆卜正常，豬肉丸好食，扎肉正常！湯底味道正常，金邊粉爽口！泰式鳳爪$30都幾辣下喔！但其實幾好味！而且好抵食呀！30蚊咁大盒！題外話：旺角熟食中心比起以前已經乾淨左好多好多！

旺角熟食中心最受歡迎嘅頭三名一定有呢間良心雞飯，次次去都要排晒隊等，叫個外賣可能要等20分鐘，所以之後我都save低電話打去叫定先。A1餐，大大盒泰式海南雞飯，有埋野飲都係四十幾蚊，油飯夠晒香，雞肉又嫩滑，加埋泰式醬汁超惹味下飯，真係抵食。後尾發現原來除左餐飲，俾錢時講多句係會跟埋冬瓜雞腳湯，抵上加抵，而且好好飲，就算係送嘅都好足料。附近商場有間雞飯貴一倍都冇佢咁好食，所以呢間真係cp值之王，值得推介。

今日Work from Home又唔想咁頹自己煮麵食就揀左間好耐都冇幫襯既平民泰菜🇹🇭番屋企開餐🍴-回想之前仲有晚市堂食個陣 永遠排哂長龍今日晏晝去就完全唔同哂😕-今次食既野其實都係平時叫開個幾味😂好食既野 食幾多次都會覺得好食😋-:::青咖喱豬扒飯:::青咖喱同豬扒係分開裝 唔會怕啲豬扒會浸到淋哂或者硬哂👏🏼個青咖喱唔好以為面頭有層紅色既油比佢嚇親🤭實情佢味道偏甜 甜得黎又保留到咖喱香😌食唔得辣既你就可以揀佢黎試下🙌🏽仲要個汁唔係真係齋得啲汁 佢入面係有啲茄子🍆三色椒🫑長豆等等既蔬菜料食材👍🏽豬扒係炸豬扒 唔係好厚粉漿個啲🐷 個面炸到脆脆地 啲肉又唔係十分硬😗好吃-:::泰式鳳爪:::鐘意食辣既就唔好錯過個鳳爪😌辣得黎又冇乜負擔😋睇到每盒都有啲洋蔥同唐芹😗食完真係有一刻覺得自己去左泰國🇹🇭-可惜佢開喺熟食中心𥚃面 我自己就唔太鐘意個度既環境 從來都唔會堂食🤭而且佢好似又加左價😂不過價錢同出面啲泰國菜比都仲係平一大截👏🏼係一個唔錯既選擇🙌🏽

-{💛旺角熟食街市泰菜🥘}前排獨遊旺角 黎左依間朋友推介嘅泰菜食個下午茶☺️🤤海南雞飯🤤 ($42)雞有啲鞋但夠雞味！！食落個皮有啲彈滑😙油飯夠香飯量都超級多🥰🥰用酸辣醬撈飯都好惹味😍最緊要係夠平！👖褲評: 7.8/10環境始終係熟食街市會冇咁好 但42蚊有個咁高質嘅海南雞食都冇咩可以挑剔😎😋性價比: 10/10服務: 8/10環境: 6/10🚩 泰風佳味海南雞 🚩地址: 旺角上海街557號旺角綜合大樓2樓旺角熟食市場2號舖 #fuudjai #fuudjai東南亞菜 #fuudjai旺角 #fuudjai💛

中午同同事食飯，佢哋話想食泰國嘢，所以就叫咗呢間餐廳。我叫咗個泰式豬頸肉撈配白飯。佢個白飯真係好大盒！係成盒滿㗎！完全唔係一人份量咁😂😂😂佢個豬頸肉嘅份量都好多，入面有好多塊呀！豬頸肉嘅味道都好好，好有泰國風味，亦都有唔少嘅胡椒，所以有少少微辣。但係略嫌豬頸肉有少少乾，但係整體嚟講都好好。隔離嘅配菜仔，都好多，有啲生菜有啲洋蔥，配埋都好好食。加埋杯凍飲都只係加三蚊，五十幾蚊有咁大盒飯，真係好鬼抵。