泰金鍋

营业中

休息中

爸爸突然話荃灣開咗間泰式嘅火鍋放題，即刻收到做野！今日就帶佢去食🤣環境餐廳闊落新淨，坐得都舒服湯底除咗一般見到嘅壽喜燒鍋、蕃茄鍋等，仲有幾款都係泰式湯底，冬陰功鍋、叻沙鍋、檸檬香茅等，啱晒食慣火鍋，又想試新嘢嘅人😆自助吧枱其實我都係第一次食泰式嘅火鍋放題，諗住都冇咩特別，不過原來真係有多啲唔同嘅泰式熱食提供，對比普通火鍋放題，有幾特別👍🏻 佢嘅熱食包括海南雞、冬陰功湯、泰式油飯、粉絲、泰式辣肉碎，味道都唔錯喎！😍菜款式都幾多，基本一般火鍋放題既菜都有🙊 飲品有泰式奶茶、香茅水！泰式奶茶甜甜地，有奶茶味，好OK！👍🏻 仲有飲品櫃有椰汁水、寫住泰文嘅飲品😂 可以試新嘢😎 我哋叫咗個泰金冬陰功鍋同埋青檸椰奶雞湯鍋，一開始嘅味道會出啲，加湯之後就會淡左，因為佢哋用同一款湯底加湯。自助刨冰機+甜品佢仲有個刨冰機，加冰落去就可以出到刨冰，仲有好多配料俾你自己，製作你自己嘅刨🤤 甜品唔少得泰式嘅嘢，包括椰汁西米糕同埋千層椰汁糕，仲有啲雪糕雪條🤟🏻B餐美國產極選肩胛牛小排餐 （120分鐘） $338 肉質都唔錯，包埋A餐既肉揀，都有五款肉，三、四款海鮮揀；食材都新鮮。B餐包埋嘅熱食都唔少，有沙嗲串燒、

港/台式火鍋就成日食，呢間係泰式火鍋放題，究竟有咩分別?!  食力組組員就相約一齊去試下。三種價位，要咗B餐 ($268) 澳洲產極選肩胛牛小排，有成80種食品選擇。任飲任食兩個鐘，基本啦。多款特色泰式湯底，選擇檸檬香茅鍋及青檸椰奶鷄湯鍋，滾起時已經聞到好香嘅香茅味，加上有檸檬微酸味，估唔到用黎火鍋(尤其烚肉時)都幾夾。掃二維碼就可落主要肉類及小食，侍應先送上幾客極選肩胛牛小排，薄薄一片，脂肪分佈及肉色靚仔。好快轉色就食得，口感柔軟及幾重肉味，馬上追加。另有極上牛舌又係唔可以錯過，軟熟得黎又有少少嚼口。丹麥產皇冠豚梅肉唔會太肥，食得過。其他蔬菜，丸類，菇類及粉麵類都可以自己出去拎。估唔到連泰式海南鷄度都有得食隔離仲有油飯，咁就少少地自製一客海南鷄油飯啦。加埋特色鷄醬，又有有味飯，要叫自己唔好食太多呀。見到有沙嗲鷄肉豬肉串，叫D黎過下口癮。熟食方面有幾款，小試咖喱海鮮及泰式海鮮炒粉絲，質素比美散叫。仲有泰式沙律及生果出面自助區亮點莫過於自己撈蝦，未試過自己撈跟手再火鍋。活蝦黎架，入口彈牙唔係霉，食多幾隻都可以。除咗紙包/罐裝凍飲外仲有自斟泰式飲品，泰奶/泰式綠奶茶/香茅水都有。清熱之選梗

❇️與老友榮少相約在荃灣海之戀商的泰金鍋享用牛肉鍋放題,確實是一個美好的用餐體驗。✨我和榮少抵達餐廳後,立即被店鋪的幽雅舒適的環境所吸引，坐在望海的窗邊位置，倍增食慾，我們選擇了豬骨湯鍋底。泰金鍋提供澳洲穀飼肩胛牛小排放題,每位成人只需$338,實在是超值。⭐餐廳提供了新鮮生猛大蝦放題,以及各種蔬菜、菇菌類、肉丸等豐富的食材。我和榮少忙著在鍋中烹煮不同的食材,享受着美味的過程。餐後,我們又品嘗了泰式甜品和自製刨冰甜品,非常好吃。此外,餐廳無限供應罐裝飲料和雪條甜筒,讓我們吃得非常過癮。🤩整個用餐過程中,我們都感受到服務人員的熱情周到,讓我們賓至如歸。我和老友在這裏度過了一個愉快的夜晚,飽餐了一頓美味可口的泰式料理,為這一天劃上完美的句號。

今日去左泰金鍋打邊爐，呢間火鍋店有9個湯底選擇，辣同唔辣既都有，仲要一人一鍋，呢點真係好正👍🏻特別如果一大班人去既話，都唔需要特別遷就其他人，始終有啲朋友食得辣，有啲又未必食到。除左湯底之外，嘢食同嘢飲既種類都好多選擇。嘢食方面，基本上平時一般火鍋店有既蔬菜種類，呢間都有，想要特別少少既話，呢間都有蟲草花可以揀，而一般既蛙蛙菜, see you tomorrow, 粟米果啲都應有盡有。腸仔、芝心丸都係，平時打邊爐既配料，呢間都有提供俾你揀。呢間仲可以俾你QR code點嘢食，肉類基本上都係用QR code點，仲可以點埋蝦滑、雞肉同豬肉串燒等等的。出面選料區果度都有少少熟食可以揀，例如海南雞，仲有油飯配埋。由於呢間都係泰式火鍋店，所以佢熟食區都有泰式冬陰功湯俾你添飲。嘢飲方面既話，汽水佢都有，仲有啲小眾啲既，例如罐裝黑糖薑茶，嘢飲款式都幾多，可以到時再慢慢睇，揀啱自己心水。除左罐裝之外，仲有已經整好既泰式奶茶同埋香茅水，可以自己斟嚟飲。果邊仲有刨冰可以自己整，刨冰嘅醬料都有朱古力醬、士多啤梨醬同煉奶可以揀，刨冰配料亦都有菠蘿、珍多條等等選擇。見到呢間火鍋店仲有幾款泰式甜品可以揀，但由於我

放工經過荃灣海之戀，見到泰金鍋開到來荃灣，之前食過旺角分店好鬼正，諗都冇諗即係入去品嚐泰國風味的打邊爐，我地揀左B set 美國產極選肩胛牛小排餐 $318，任飲任食2小時，時間綽綽有餘✅✅一人一小鍋的形式，青檸椰奶雞湯＆藥膳豬骨白湯，兩款味道都唔錯，湯底坐低好快已經送上👍仲送埋三碟靚牛，真係好貼心❤️火鍋配料可透過QR code 無限落單，大量牛小排、羊肩肉、肩胛肉眼、牛舌、牛胸爽，樣樣都好鬼新鮮🤗🤗最主要當然食牛，牛小排同肩胛肉眼，肉味真係好夠色澤紅潤，肉質軟嫩✨😋又可以係出面自助吧任拎，樣樣都包羅萬有，仲有多款丸類、海鮮、蔬菜、面類等等，超級豐富👍最特別嘅係呢到有新鮮活蝦🦐，客人可以即時夾起活蝦，有得玩有得食，保證新鮮🔥🔥飲品🥤🥤除咗基本飲料，仲有泰式奶茶，真係唔可以錯過😍甜品甜品選擇都幾多，有平時的雪糕雪條，最主打必食❤️斑斕糕、椰汁糕最緊要試埋新出的刨冰(自助區)，多款配料同醬料，根據自己口味，做一杯炎炎夏日的刨冰，爽呀🤩🌟大家經開可以去試❤️🥰

利伸: 係負評, 難食。(請OPENRICE保留個喊)老實講，今次呢餐飯真係令我好失望。滿心期待去試佢哋嘅「澳洲M8和牛胸腩」，點知完全唔似預期！最貴嗰個套餐，但係啲牛肉一啲都唔似M8和牛，薄到好似紙咁，油花都唔多，真係令人難以置信！（圖我上篇出咗, 有圖有真相，費時重覆又俾借口OpenRice唔畀我擺上網，希望佢哋可以改善下呢方面啦。）$328一位，只係食得120分鐘，真係唔抵！另外，餐廳話有「泰式甜品」，但係我去到嘅時候就話「暫停供應」，冇得食椰汁糕同斑蘭糕，真係有啲可惜。想食吓蝦都唔得，因為「中午時段不設夾蝦」。熟食區選擇唔算多，主要都係蝦餅、魚餅、蒸包嗰啲，雪糕就係普通嘅牛奶公司出品。OpenRice上面嘅餐牌選擇好似豐富好多，希望餐廳可以改善下。因為食物質素同選擇都未如理想，我哋食咗一陣就走咗，120分鐘都用唔晒。明白餐廳經營唔容易，不過希望佢哋可以改善食物質素同服務，唔好辜負咗食客嘅期望。OpenRice作為一個飲食平台，都希望可以繼續努力，提供更多更準確嘅餐廳資訊畀大家。隨意搣走食評D喊, 冇公信力, 有偏幫餐廳之嫌。

前排行街無意中發現呢到新開左間泰式放題邊爐喜歡食泰國菜既我 決定今晚抽時間過嚟試吓佢😋呢到環境都寬闊 好光猛 坐落亦都好舒服入座之前 係門口揀好哂湯底 一次過比埋錢店員就會直接將食物送到枱上～🔎湯底呢到湯底都有好多款選擇 樣樣都好吸引咁今次揀左青檸椰奶雞湯鍋 同埋 養生菇菌清湯鍋青檸椰奶雞湯鍋 好足料 湯入面多種香料 越煲越有味 椰奶味好香 亦唔會過分地濃 清香既椰奶味 配搭肉類同蔬菜類都份外鮮甜養生菇菌清湯鍋 有淡淡嘅菇菌香味 而且湯底非常之清 一啲油膩感都冇 非常適合唔想食太油但又想打邊爐既人🤣🔎肉類今次嗌呢個餐有幾款牛肉選擇個人最推介美國產極選肩胛牛小排牛肉一啲都唔乾 唔韌 牛味好足夠而且食左兩三盤 質素都keep到好平均絕對冇出現越食越差質素既情況出現👍🏻🔎蔬菜類呢到既蔬菜菇類種類好夠多 而且個樣好新鮮好難得地見到有西洋菜 食落完全冇渣而且係有帶甜味 芋頭好夠粉好夠香😋其他蔬菜類質素都好不錯 新鮮🔎熱食和小食類熱食同小食絕對係呢間餐廳既特色之一呢到有非常多熱食選擇 喜歡食雞既我一見到有海南雞食 即刻衝左去夾翻兩三件🤣仲有咖喱蝦、粉絲蝦、沙嗲串燒、油飯質素能夠媲美上出面既泰國菜餐

咁耐都未試過打泰邊，首先每人簡一個湯底，以小鍋的形式，簡左叻沙湯&青檸椰奶雞湯。主要分左4個set ，今次簡左set B，可以掃QR code order 肉類/沙津/串燒/炸物，set B 肉類主打牛小排，味道都唔錯，肉味幾濃油花分布均勻～另外，可以係外面自助區自取食材，蔬菜、丸、飲品、熟食款式都幾多選擇，員工都不停refill，當中比較吸引，竟然有得自己夾蝦，蝦肉都幾彈牙！仲有加入左不少泰式的元素，如泰國麵、米粉、泰奶、泰式醬料等，自家製的甜品：椰汁西米糕、椰汁斑斕千層，味道都唔錯～

海之戀新開既泰式火鍋放題 瘋狂任夾新鮮流水蝦 湯底同小食款式都行泰式路線 感覺幾新穎 宜家天氣咁熱去食實在泰有feel🥹🥹晚市火鍋放題分四級 我地試左set B 平日正價$288加一 主攻美國極選肩胛牛小排同澳洲下肩胛眼肉 油花同肉香均勻 唔會太膩岩岩好 湯底一人一鍋 八款特色湯底之中試左 馬來娘惹叻沙同青檸椰奶雞湯 兩者味道幾溫和 唔會太辛辣 覺得可以重口味d就更加刺激~一入門口有個大水池 原來可以任夾本地新鮮流水蝦 大人細路都圍住一大缸流水蝦 很想去捕捉蝦 肉質的確新鮮彈牙🦐🦐出面自助區除左丸類蔬菜火鍋配料 仲有幾十款泰式小食! 海南雞keep到幾嫩滑有雞味 冬蔭功湯足料香濃 泰式肉碎同粉絲炒蝦都幾惹味 最後配返個泰國mama麵同泰式奶茶就泰滿足😇另外仲有部分炸物係手機落單 確保送到黎熱辣辣 有迷網炸春卷 沙嗲串燒 魚餅都唔錯 仲有個蟹籽墨魚滑打邊爐都係必點甜品有椰汁糕 斑蘭糕 椰汁香濃亦唔會太甜質感都唔錯👍🏿 最後仲可以DIY泰式刨冰 有泰式三色啫喱做配料 遊玩性一流🤪

伏伏伏伏伏伏伏伏伏伏伏伏伏伏伏伏廢話不多說: 睇圖這是「澳洲產M8和牛胸腩」即是最貴個plan嗰隻牛lunch $328成人120分鐘(湯底再加10蚊)為免個別差異，黎！我哋睇多一盤！嗱！平時為免中伏，寧願俾貴小小食好啲既PLAN，點知…俾啲咁既嘢我？認真？完咗。伏伏伏伏伏伏伏伏伏伏伏伏伏伏伏伏泰式甜品暫停供應。乜嘢泰式椰汁糕、泰式斑蘭糕…是日乜都冇。完咗。伏伏伏伏伏伏伏伏伏伏伏伏伏伏伏伏中午時段不設夾蝦。完咗。伏伏伏伏伏伏伏伏伏伏伏伏伏伏伏伏熟菜得蝦餅魚餅、蒸包、蝦餃燒賣(仲要鬥搶)雪糕食牛奶公司。得兩間菜櫃，一眼睇晒，APP點單既選擇都好有限。伏伏伏伏伏伏伏伏伏伏伏伏伏伏伏伏120分鐘完全用唔晒，因為根本冇咁多嘢食，好耐冇食過咁伏既餐廳，真係唔怪得星期日得佢唔洗等位。真係有原因。必需寫出黎警世。

$300/位 平均價放題泰式火鍋遊戲夾蝦提示3-4隻就夠 你就好聽話3-4隻但都無可能72.6咁準，我哋好白痴聽話夾4隻超出10g，最終你只得4隻蝦食！其實做咩咁傻係唔係都諗住比錢食飯做咩唔夾多啲蝦叫佢唔使磅，坐底有蝦食😵‍💫

本身訂左夜晚8點。中午嘅時候店員打過嚟叫我哋夜晚早5分鐘到，因為商場閂10點，於是我哋早係7:50已經到舖頭門口。結果等到八點先有人理我哋。之後，店員叫我哋等吓。結果去到8:20都未有得入座。如果佢10點就閂門，咁120分鐘到剩返個半鐘於是我哋走咗，然後竟然係8:45嘅時候，餐廳再打電話俾我。如果嗰陣先入座，即係要俾3百幾蚊但係食得個一個鐘頭三個字。訂位都要等一個鐘，完全唔明訂位嚟做咩？好彩我唔多人，如果唔係要一排人企喺度唔知食咩好。

好耐無打邊爐了，早兩日同媽媽係荃灣搵到一間放題任食一人火鍋，一人一鍋多款湯底選擇，我點咗日式蕃茄濃湯底和藥膳豬骨白湯，湯底濃郁適中，有蕃茄鮮味。我選擇了放題B餐，星期一至四7:30前離場仲有優惠價$258，可以選擇四款火鍋肉類，澳洲產下房胛肉眼嚴選特級牛胸腹特選豚梅肉、英國座極選肩胛牛小排、澳洲產草飼羊肩肉，套餐包括其他泰式熟食，沙嗲串燒和木瓜沙律等等，還可以在自助吧隨便任夾蔬菜丸類，相當豐富👍🏻。即食熟食方便有原隻海南雞和，泰式肉碎等等，甜品方面有各款懷舊雪條，飲品款式亦非常多，以呢個價錢嚟講，算是不錯的選擇。晚上七點還有一個釣蝦活動，只要釣中特定重量，就可以全單免費，接近重量還有優惠折扣😆好多食客都踴躍參與!

訂左8點，120分鐘係咪食到10點呢？結果9點已經開始收調味，員工開始揀攞油飯定肉碎返屋企，心諗應該仲有野比我哋食嘅，結果920pm 左右，話蔬菜雪櫃收930pm, 咁我哋咪好趕地食人哋食剩嘅甜品，生果已冇晒，930pm就走，因為已經拖地兼收哂所有野請問我哋並非半價，係正價，點解唔一早講明係10點前員工會離開店舖？咁我就無謂勉強阻住人哋收工，感覺很不舒服衛生程度有待改善，筷子洗唔乾淨，枱面油，盆子內有小飛虫Ps. 捉蝦玩意，只係岀口術， 無可能會捉到佢要求嘅重量，應該盡攞你自己想食嘅份量，所以枱枱聽佢所謂嘅tips，只攞三四隻，叻！

我哋揀咗要B餐：美國產極選肩胛牛小排餐（$288）首先講咗我哋要咩湯底先啦佢哋係一人一鍋嘅👍👍所以可以揀兩款湯底我哋揀咗要泰金冬蔭功鍋/青檸椰奶雞湯鍋兩個湯底都幾濃郁😍😍冬蔭功鍋飲落去就酸酸甜甜咁樣幾開胃椰奶雞湯就幾鮮甜😘😘兩個湯底配響鈴都好夾咁之後就講吓佢嘅肉類啦牛小排食落去味道幾濃郁😝😝而且食落去唔會覺得好Heavy特選豬梅肉食落去都幾煙靭爽口😋😋而且食落去唔會覺得好乾咁跟住就講吓其他小食/配料啦沙嗲雞肉/沙嗲豬肉食落去真係好濃郁（雞肉食落去都好嫩滑☺️☺️）有啲炸物食落去都幾唔錯（例如係炸雞寶同埋炸蝦餅）而且全部新鮮滾熱辣整起嘅🔥🔥所以真係幾高質跟住嗰個海南雞食落去都好滑（雖然係有骨嘅）除此之外佢出面亦都有生蝦可以任夾食落去都幾新鮮、彈牙😉😉（亦都幾值得打卡😂😂）如果鍾意食蝦嘅話一定要試吓最尾就講埋佢哋嘅嘢飲啦我最鍾意嘅就係佢哋嘅泰式奶茶💘💘因為飲落去味道真係幾啱啱好又唔會太過甜