影片
开饭介绍
泰式火锅放题餐厅，设有虾池让大家即捕活虾，逾90款食材及饮品可任饮任食；汤底主打数泰式口味，更设有一人一锅可供选择。
继续阅读
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
以上资料只供参考，请与餐厅确认详情
有关奖赏计划
星期日一家四口喺海之恋shopping完，因为天气冻决定食火锅，不过最近食过海底捞，今次唔再去，喺附近嘅泰金锅walkin有位，就食呢间。A餐$258/位（餐要全枱一样），4个都计大人（身高过130当大人计），不过可以一人一锅，有唔同汤底，我地叫咗冬荫公、椰奶鸡同药膳猪骨。自助区有中式点心，泰式甜品，雪糕雪条，好多饮品选择，当然唔少得基本嘅火锅配料，虽然种类无其他出名嘅火锅店多，不过已经够食。我今次无影相，只系影自己order咗嘅嘢食。因为坐窗口位，有风景睇，感觉舒服。第一次食，觉得呢间嘅食物、服务同价钱都算唔错！
继续阅读
呢间之前系旺角食过晚市，印象中质素中规中矩，比较特别嘅系可以夹活虾同埋有一啲泰式小食。今次荃湾呢间食午餐。选咗最平嘅放题火锅套餐A餐：澳洲产下肩胛肉眼，60/90/120分钟，拣咗60分钟，每位$118。3月做紧优惠，星期一至四午市火锅放题免收加一服务费。汤底一人一锅，拣咗马来娘惹叻沙锅同柠檬香茅锅。前者味道尚算香浓，微辣，入面仲有少量香茅、香叶，越滚越够味。后者初时微酸清淡，后期就变成香茅清汤。火锅肉类有三款，另外有自助吧，一般嘅火锅配料，如丸、菇、菜、瓜、粉面乌冬。・澳洲产下肩胛肉，肥肉极少，快灼廿零秒，太耐就会嚡，少许肉味，主要都系食呢款。・严选特级牛胸腹，些少肥膏，渌耐啲都可以，软身，但无咩肉味，要咗两盘，叫做试过。・特选豚梅肉，一般，唔够爽口，只食咗一盘。饮品都多款式拣，有一款啤酒。另外有泰式奶茶，香茅水。点心有四款，食咗烧卖同虾饺，一粒够了。小食有虾饼（脆面，弹牙，OK）、鱼饼、炸鱼皮（唔脆的）、炸猪皮（唔脆的）、青咖喱鸡（咖喱味唔错）、酸辣凤爪、木瓜沙律。生果有哈密瓜。甜品有雪糕、雪条，都有十零款。整体用餐感觉良好，上肉速度快夹准，自助区嘅火锅料、熟食、饮品、甜品选择多，拣最平嘅餐（牛肉质素当然唔可以有太高要求），百松啲蚊可以落楼，抵食。
继续阅读
今天是2025年3月23日7点15分喺荃湾西海之恋商场入面见到分店就同先生及小童两大一小拣咗价钱贵啲嘅120分钟入座,谂住时间多少少,食得舒服啲啦加少少钱都冇所谓！点知到120分钟时候就已经见佢喺我张枱度收走啲食物倒落个锅入面！当时我行开咗同小朋友去洗手间,一来一回已经10分钟,返到嚟只见到职员将台上一碟一碟咁样倒落个锅度,然后话够钟,我当时个感受就系 唔使即刻将啲嘢食收走晒下嘛,严重到要即刻收枱赶人离开座位？？我唔系喺度食快餐呀，两大一小埋单加埋一差唔多$1100当时我问过职员够钟喇咩佢话系呀，咁唔使即刻将我啲食物倒晒落个锅度呀嘛，你都要畀时间人哋离开！完全服务态度好差,人哋第二啲食店食完120分钟后都会畀时间人哋执拾离场120分钟包埋执嘢走,咁样嘅服务态度不知所谓！ 当时我对店内职员有意见到前台收钱时反映前台𠮶位唔知系唔系经理,只系说一句唔好意思，完全没有心去了解理会及解决到客人嘅问题！ 收咁嘅价钱食泰式嘢仲要冇乜嘢食好同唔好食绝对影响公司形象声誉请著啲咁嘅员工对待客人等执笠 唔会推介呢一间食店咁样嘅质素一世都唔会帮衬赶客走等执笠
继续阅读
本身无谂住写食评，所以无影相。但食饭体验恶劣，不得不写。事缘在这间荃湾店八点入座，九点半被赶走无错，系赶走人仍在座枱面d嘢当面收哂我仲要后补一句「我哋收舖架啦，你哋要起身走」如果你营业时间写系至到22：00我会觉得你地d员工真系好心急收工或者这是你们公司的默认做法？我尊重你哋d职员，不会争执但我真心觉得被羞辱咁急赶客走？难道你哋可以做多一轮生意？定系悭好多兼职时薪？食物质素唔评论反正300几蚊人头大家自行斟酌欢迎有特殊僻好喜欢食饭消费被人赶走的帮衬呢间野
继续阅读
晚上7:15入座，直到埋单（120分钟后)椰汁糕斑斓糕从来没有出现过！喺繁忙时段居然从来没有refill过甜品区，真系令人失望！我曾经两次问过职员，职员答我答案系refill中，但最终食完埋单，从来没有见到呢两款甜品。食物一般冇特别，我相信食一次就够！真系帮衬一次就够😩🙄
继续阅读