泰金鍋

营业中

休息中

今日行開旺角想打邊爐，但已經食厭咗日式火鍋同埋港式火鍋，朋友介紹底下就試咗呢一間係創興廣場6樓一間叫泰金鍋嘅泰底火鍋🇹🇭🥘湯底 打邊爐最重要之一嘅當然係個湯底，呢間餐廳有八款湯底可以揀，咁我今次就選擇咗最有泰式風味嘅泰金冬陰功鍋同埋馬來娘惹喇沙鍋，冬陰功鍋嘅味道非常出色，未落肉就咁飲番一碗都覺得好正，至於娘惹喇沙鍋有好香嘅椰奶味，辣辣地咁好好味🥩澳洲產極選肩胛牛小排 呢一個係B餐嘅肉，口感同肉質都唔錯，牛小排新鮮，唔會有雪味，而且唔會雪到硬梆梆，此外呢個餐仲會包埋牛胸腹、皇冠豚梅肉、羊肩肉同埋下肩胛肉眼，全部都幾好食🦐自助區有新鮮嘅流水蝦可以任食，只要自己去攞個夾夾佢哋上嚟就得，餐廳都提供左冰桶雪一雪隻蝦，咁就唔會彈黎彈去，之於蝦肉，全部都係彈牙爽口，而且仲可以配埋泰式醬汁點嚟食，簡直係一流🍢 小食選擇亦都有好多，有泰式沙嗲豬肉串、雞肉串、泰式蝦片、泰式春卷等等，喺自助區亦都有唔同嘅小食可以自己夾，除咗海南雞之外，泰式鳳爪亦都係非常美味🥬蔬菜類型好多，任君選擇，而且全部都好新鮮，除咗蔬菜之外，肉丸亦都係一個唔錯嘅火鍋配料之一，但因為食得太多肉，今次冇食到肉丸，試過嘅朋友不妨同我講返好唔

經OpenRice 第一次試呢間餐廳首先我地預付左448$雙人午市放題B餐入到去行個圈已經心知不妙沙嗲（無）活蝦（無）海南雞（無）椰汁糕清一色（無）無既意思吾係無哂，係完全連碟野都吾見！算啦，坐低掃QR code 掃完店員黎話除咗牛小排乜都冇下？？？咁你個餐牌到底有D乜？明明你個餐牌咁多野食我山長水遠岀黎仲衰過我樓下果D日式火鍋都多嘢食過你仲要同班30人左右既泰國團拎出面只有幾包既公仔面完全吾知黎做乜，勁失望

日式、台式、港式任食邊爐就見得多😋 泰式任飲任食無限時嘅火鍋係第一次食🤩🌟 今次黎到旺角創興嘅泰金鍋🥰 一黎到已經俾佢滿滿泰國風情嘅打卡位吸引住🤩 入面裝修充滿泰式渡假村feel😚 感覺好chill 勁放鬆🤭 同成班朋友黎聚下就啱曬👍 火鍋湯底選擇又多，又充滿泰國菜特色🥴 冬蔭功、叻沙、椰奶雞奶湯底等都有得㨂😋 又辣又香又濃郁真係勁正😚 火鍋配料可透過QR code 無限落單，或者係出面自助吧任拎🤩 種類包羅萬有👍 豬、牛、羊、雞樣樣齊🫶 仲有多款丸類、海鮮、蔬菜等等，超級豐富👍 最特別嘅係，自助區中設有水漕養著新鮮活蝦🦐 客人可以即席夾起活蝦返位滾煮😍 保證新鮮🥴 除咗火鍋配料多，餐廳同時提供多款泰國地道熟食❤️ 必食嘅海南雞飯、串燒、炒粉絲、辣炒肉碎、炸蝦餅等都有得食🤤❤️ 全部都好惹味😘 餐廳係特定時間，仲設有特色攤位，即席製作泰國秘撈🤩🌟 撈麵酸酸辣辣又夠彈牙，真係好過癮🥰 最後點少得🐧 最喜歡嘅甜品😋 甜品吧有提供泡芙、椰汁西米糕、斑蘭千層糕、雪糕等等🥰 其中仲俾客人自己調配加入各款珍多，製作泰國風味十足嘅椰汁甜品❤️ 好吸引🤩🌟 飲品除咗基本嘅罐裝飲料，仲有泰式奶茶、泰式奶綠等又

旺角創興廣場人氣泰式火鍋120分鐘放題泰金鍋，位置交通方便，4樓全層佔地約7,000呎，200個座位平日夜晚接近爆場!由門口打卡到餐廳內的裝修都充滿泰國特色，繼上次食完限定榴槤火鍋之後再返來ENCORE，新增一人一鍋食得更自由更安全衛生。除左多達60款火鍋配料以及飲品可任飲任食之外，更有多款泰式主菜、小食、甜品等任食。湯底主打數泰式口味，更設有一人一鍋可供選擇。更有長度達3米兩個蝦池比大家即捕本地有機海蝦，用冰筒凍暈鮮蝦後，夾返位就有新鮮流水蝦任食!Set B 澳洲產極選肩胛牛小排 $268湯底有8款選擇，招牌湯底有泰金冬蔭功鍋湯 、 馬來娘惹叻沙鍋、青檸椰奶雞湯等。兩個人各自選擇泰金冬陰公及自助熟食區一定要食秘製海南雞配雞油飯，另外有冬蔭公湯、泰式炒飯、辣椒炒香葉肉碎、鮮蝦炒粉絲、必食冬陰公湯及辣椒炒香葉肉碎! 加個泰式Mama麵更正~肉類選擇唔少有澳洲穀飼肩胛牛小排、特級牛胸腹、丹麥產皇冠豚梅肉、美國產下肩胛肉眼、極上牛舌、澳洲產草飼羊肩肉及特級牛胸爽等。款款肉質鮮嫩泰式炸物小食及沙嗲串燒類，要感受泰國特色小食，一定要叫有香脆胡椒味的泰國宋卡炸蝦片，另外香脆炸魚皮、榴連炸彈都係必食

👧🏻😋👅🍽✨抵食泰式放題 🇹🇭 -泰金鍋🇭🇰 旺角彌敦道 601 號創興廣場 6/F 全層 🇭🇰-🇹🇭 門口有泰服打卡, 亦有大量座位可坐低休息等齊人先入座🇹🇭 店內座位非常闊落, 創興全層都真係幾大, 有大量大枱方便多人聚會-😋😋😋120分鐘 澳洲產特選肩胛牛小排 80品放題 $268 -🥩 肉類💯多類肉類最愛牛小排同牛胸爽, 肉質軟滑, 同個青檸椰奶雞湯都好夾, 另外加$68可揀鴛鴦鍋, 養生菇菌清湯鍋清清地都好岩海鮮-🌴 泰式主食✨必食海南雞飯! 次次一出就排晒隊, 全隻雞有髀有背有胸勁正, 雞油香, 配埋秘製辣醬仲正, 拎晒都fill得好快✨另外仲有海鮮炒飯, 泰式肉碎, 咖喱雞, 泰式串燒等等-🍡 泰式甜品 / 飲品💯有三色冰配料溝椰奶做甜品, 黃色條狀大樹菠蘿最好食☺️ 仲有我最愛煙煙韌韌綠色三角形椰汁糕!!💯飲品有泰式奶茶/奶綠/香茅水, 亦有普通冷泡茶同罐裝飲品

平時任食火鍋食得多，以泰式做主題真係第一次試！上星期嚟到創興廣場嘅泰金鍋，食120分鐘火鍋放題。除咗佢有火鍋料同埋泰國菜可以仼食之外，最吸引我嘅係佢個流水蝦！湯底方面點咗椰奶雞湯鍋同埋冬陰功鍋。兩款個味道同平時喺泰國餐廳點嘅好相似，水準相當高！喺自助吧可以拎到唔少泰國菜，例如海南雞、生菜包、咖喱、泰國炒飯等等。我encore咗好多次海南雞，啲雞肉超嫩滑絕對唔會因為放題而張貨就價。火鍋方面，選擇相當多，牛肉有特級牛胸腹、澳洲穀飼肩胛牛小排、美國產下肩胛肉眼、極上牛舌、牛胸爽等。另外仲有豬肉同羊肉多款選擇。特級牛胸腹好嫩好腍，肉香充足，對得住個價錢有突！估唔到牛胸爽都有得仼食，好爽口，好好味！火鍋配料都好多選擇，菜、丸都應有盡有！另外有個流水蝦道，可以自己夾蝦，都幾好玩，起碼保證啲蝦係新鮮！我都食左成10幾隻蝦，好滿足！泰式飲品都有唔少款式，我就更喜歡飲冷泡茶。整體個體驗都好好，價錢又唔貴，值得下次再嚟！

朋友介紹一間位於旺角既火鍋放題，最特別地方以泰式料理作主打，自助吧任食泰式料理如海南雞、冬蔭公湯，仲有泰式甜品、飲品如泰式奶茶等，嘗試非一般的火鍋放題！一入到門口未埋位目光已經比自助吧吸引著，最左邊一排仲有得自助夾生蝦，飲品琳瑯滿目任君選擇，最特別位置在於泰式甜品：椰汁糕、千層糕，仲有好多三色冰配料！當然仲有好多火鍋配菜，香菇、蔬菜、丸肉等等自助夾，QR Code就可以任叫唔同部位牛肉，仲有唔同吸引既熟食例如炸魚皮、炸豬皮、炸魚餅、沙嗲雞豬等等！當然火鍋湯底都好重要，有成8款湯底選擇，我就品嚐泰式冬蔭公、青檸椰奶雞湯，兩款都非常和味，整體感覺都值得一試既泰式火鍋放題！

泰金鍋 🛕沿住彌敦道行，好多姐姐會喺度派宣傳單張，介紹樓上嘅餐廳抵食又好食🤨接過手上嘅宣傳單，俾句「體驗捕捉活蝦」吸引咗😂 二話不說上樓try try，一出呢就見到個好有泰式風情嘅門口，仲放咗幾件泰國服裝俾大家打卡影相🥻澳洲產極選肩胛牛小排🇦🇺馬來娘惹喇沙鍋｜青檸椰奶雞湯鍋諗住個重點係活蝦，最終揀咗中價位嘅套餐，牛羊豬都有，仲有沙嗲串！8款湯底，泰式之餘，仲有日式同藥膳湯🌏 湯底都好足料，香茅、洋蔥、香葉，樣樣有齊😂 乜食材都未落之前，我地仲飲咗幾啖湯，同平時去泰國餐廳嗌嘅椰奶雞湯冇太大分別😎 濃濃椰味中又帶點酸香✨ 加$68有鴛鴦鍋，或者一人一個細鍋🍲兩個大水缸，晚市自助任夾游水蝦🦐 唔會好似酒店自助餐咁每人每次限攞幾多隻咁🦭 隻隻游水生猛，幾次都夾唔實俾啲蝦跳走左💦 有水桶同冰粒提供，記得加夠冰粒先凍暈啲蝦，咁就無咁殘忍🙈自助吧太豐富，搞到差啲唔記得咗可以手機落單😂 主要係encore肉類同嗌炸物，上菜速度好快又無漏單👏🏻班蘭千層糕同椰汁西米糕限量供應，想食嘅要留意個出糕時間表🕜 30分鐘出爐一次，唔洗擔心要搶😂 另外仲可以自製珍多冰，又紅又綠嘅配料，加入椰奶就食得✌🏽飲品方便除左

3月9日12點左右到，食午市無限放題，原來什麼都無，只得普通火鍋料理，我不用來這裡，，蝦餅出一次就無，無海南雞，無蝦，無沙嗲串燒，無炒粉絲，無！無！無，可謂泰國料理，仲話任食，後悔！後悔真後悔不想多講

任食火鍋食得多，真係未試過泰式火鍋！今次比我係旺角搵到呢間泰國火鍋店、流水蝦、泰式熟食任食，泰式甜品任食！仲有火山排骨鍋，有驚喜呀！ ♥️♥️♥️♥️♥️♥️♥️♥️♥️♥️♥️♥️♥️🟩「 火山排骨120分鐘放題-$338/位」火山排骨係泰國名物，第一次食火山排骨湯底！排骨很稔軟，湯底微酸辣，亦有白蘿蔔，排骨份量也很慷慨！🟩肉類選擇超多，牛肉方面有特級牛胸腹、澳洲穀飼肩胛牛小排、美國產下肩胛肉眼、極上牛舌等等；豬肉方面則有皇冠豚梅肉、羊肉我就幾鍾意澳洲產草飼羊肩肉！性價比超高🟩炸物以及小食以及熟食泰國小食同埋炸物都唔錯！蝦餅、炸豬皮、生菜包仲有雞件等等，樣樣都好有泰國特色，其中我最鍾意泰國炸榴槤，入面真係用上新鮮榴蓮肉，邪惡！熟食仲有各式咖哩同埋泰國炒飯，夠曬豐富！🟩海鮮流水蝦任夾！幾好玩！🟩串燒幾款串燒供大家選擇，例如沙嗲豬肉及沙嗲雞肉串，味道濃郁，花生味粒粒有口感！🟩甜品以及飲品甜品熊一定覺得好開心，有好多款牛奶公司嘅雪糕同埋雪條任揀，最鍾意食朱古力雪糕！除此之外，仲有泰式糕點，最鍾意食椰汁西米糕、唔會太甜，椰汁味突出！飲品方面仲有泰國奶茶、綠奶茶、香茅水、自家製各種花茶等等，誠意十足泰金鍋旺角彌敦道60

呢排好似都出現左泰式火鍋風潮 跟跟風去左泰金鍋試試 我喺自助區拎野食個陣 見到幾個講泰文嘅食客 難道吸引埋泰國人😂😂講講野食先先講湯底 我揀左椰奶雞湯同埋喇沙湯底 本身有啲怕喇沙湯會太辣 但食譚仔十小辣嘅我都絕對頂得順個辣度 兩個湯底都好惹味 但我私心係更鍾意椰奶雞湯 雖然只係湯底 但味道絕對比得上食泰國野叫嘅$98碗個啲椰奶雞湯🤓🤓肉類我地係叫左B級可以食到牛小排 早鳥宵夜$238 正價$268專登叫左低一級牛胸腹比較一下 牛小排瘦啲之餘會再香啲 值得叫高一級 而且B級可以食到牛胸爽 都係比較稀有嘅部位💁🏻‍♀️💁🏻‍♀️所以絕對值得比多$30食呢個B級餐手機點單方面可以叫到幾種泰國小食 蝦餅同串燒等等都有 而且亦都唔會係放題劣質素 係絕對有泰國餐廳單點質素🙆🏻‍♀️自助區係比人幾大驚喜邊爐料就唔多講 仲有一個夾蝦區可以食到新鮮海鮮飲品有泰奶係好貼題 三種泰式飲品任飲 如果好似我咁嘅無糖人仲有一杯杯冷泡無糖茶飲 我試曬三種 四季春 阿里生烏龍同埋桂花都係無糖又茶味濃郁😬自助區都仲有泰菜 冬蔭公湯 菠蘿炒飯同埋黃咖喱等等 甜品就更精彩 泰國人主理 千層糕同埋椰汁西米糕 仲可以diy珍多冰 全

打邊爐成日都會去食，但泰式邊爐又真係好少見，今日一於換個口味，去試下泰金鍋既泰式邊爐！.餐廳特別之處係可以體驗活蝦放題，流水蝦你鐘意食幾多就夾幾多，睇中邊隻就夾邊隻，夠哂好玩！但小心隻蝦會逃走😂新鮮蝦肉鮮甜，可以狂食(´▽｀).Set B 澳洲產極選肩胛牛小排 $268我地叫左鴛鴦鍋，一個係泰金冬蔭公鍋，另一個係藥膳豬骨白湯鍋。除咗肉類外，仲有炸物、小食、火煱配料、熱食同甜品都可以任食。.肉類方面有澳洲穀飼肩胛牛小排、嚴選特級牛胸腹、丹麥產皇冠豚梅肉、美國產下肩胛肉眼、極上牛舌、澳洲產草飼羊肩肉及特級牛胸爽。牛舌同肩胛肉最好食(´▽｀).自助熟食有泰廚秘製海南雞，仲可以配埋油飯，另外仲有冬蔭公湯、泰式炒飯、鮮蝦炒粉絲等等，好多選擇好豐.炸物小食有蝦片、炸豬皮、炸魚皮、泰式蝦餅同原隻大蝦米網卷。蝦片炸得好脆好好食，蝦餅亦唔錯！另外仲有沙嗲豬肉同沙嗲雞肉，沙嗲醬花生香濃，肉質亦嫩滑，可以叫多幾串(´▽｀).火煱配料亦有好多選擇，有泰式Mama麵，多款蔬菜、瓜類、豬紅、豆卜、丸類、脆皮腸等等.飲品除左飲品櫃入面既茶類同汽水外，仲有泰式奶茶同香茅水.甜品有雪糕雪條外，仲有椰汁西米糕、泰式千層糕

今日去完旺角聽busking，就過咗創興搵食🇯🇵澳洲產極選肩胛牛小排 $268✨湯底 鴛鴦鍋+$68-馬來娘惹叻沙鍋 + 藥膳豬骨白湯鍋-叻沙湯底微辣 帶有少少椰香味及叻沙鹹味-豬骨白湯奶白色 以甜味為主的一款湯底 藥膳較為滋補✨食物-澳洲產極選肩胛牛小排油花均勻 色澤唔錯 入口帶油香肉嫩 牛肉味道重-牛舌薄薄一片 口感爽彈 有牛舌香-海南雞肉嫩幾滑 配上泰式酸辣汁一流-沙嗲串燒有雞及豬 個人認為雞比較嫩口 豬相對結實一點 沙嗲汁調得惹味 花生香味強勁-泰式小食有蝦片及炸豬皮 ✨飲品-除咗平時常見嘅飲品之外 仲有一啲較為特別嘅泰式飲品 例如泰式奶茶及香茅水等 ✨甜品-甜品點少得泰式嘅椰汁糕 仲可以自製珍多冰✨環境-地方夠大坐得舒服 場景佈置都有泰式風味✨服務-QR Code落單 除咗肉類及串燒海鮮等等 食物基本上都可以喺自助區拎總括嚟講，味道唔錯，值得一試！

我哋揀咗要Set B（$268）咁首先講咗我哋揀咩湯底先啦（我哋揀咗要冬蔭功湯同埋喇沙湯）首先最值得讚嘅地方就係兩個湯底都好濃郁（特別係冬蔭功湯‼️‼️）有少少酸辣得嚟又唔會太過Over之後就講吓呢個套餐嘅肉類先啦牛胸膜食落去幾入口即化👍👍而且牛肉味都幾重肩胛牛小排食落去真心都幾嫩滑😘😘同埋佢嗰個紋路都幾靚豚梅肉食落去口感都幾煙韌😋😋而且唔會覺得好乾鍾意食羊嘅話都可以試埋佢哋嘅羊肩肉而我都好鍾意食佢哋嘅牛舌跟住就講吓佢哋嘅串燒啦雞肉串食落去幾滑🥳🥳豬肉串食落去都幾入味同埋因為佢哋係新鮮滾熱辣整起嘅所以真係超正跟住就講喺出面可以拎嘅配料啦有好多唔同泰式小食都可以任拎任食例如係海南雞、泰式鳳爪等等而我自己就好鍾意食黃咖喱牛肉💖💖因為嗰個咖喱醬真係好入味如果有埋蒜蓉包一齊食就更加好☺️☺️除此之外亦都可以任夾活蝦返去打邊爐最後就講埋佢哋嘅嘢飲啦～～我最想食呢間舖頭嘅原因，就係因為佢可以任飲Thai Milk Tea / Thai Green Milk Tea😘😘飲落去味道又唔會太過甜所以我真係Encore咗好多杯

🌸《泰金鍋 · 泰國火鍋放題· 旺角》-🍽️ 120分鐘火山排骨套餐 $328平時食台式/日式火鍋放題食得多，估唔到仲有泰式火鍋，小編真係第一次聽，除左可以食到泰國夜市好流行既火山排骨，多達60款火鍋配料，仲可免費體驗捉活假，呢個價錢真係幾抵玩🙈✨-🔹 鍋物 - 火山排骨沙鍋排骨裝滿左成日大鍋，調味夠曬辣啊，怕唔夠辣仲可以去醬料櫃度拎泰式醬汁，包你食到泰國風味✨ 排骨好嫩，唔會煮到好柴，一鍋大概10支骨，小編獨力都食左6支啊🫣真係好好食！-🔸 嚴選特級牛胸腹🔸 丹麥產皇冠豚梅肉🔸 澳洲羊肩肉🔸 澳洲產牛小排✨🔸 特級牛胸爽✨🔸 極上牛舌🔸 蟹子墨魚滑🔸 榴連炸彈✨🔸 泰式沙嗲豬肉串/雞肉串食完火山排骨鍋之後，想轉火鍋湯底仲可以話比店員聽，小編最後揀左青檸椰奶雞鍋湯底，椰奶香好濃郁，湯底呈奶白色，重有濃濃既泰國香料味，味道幾正宗🌟 另外仲可以係心機叫到以上食物，小編推薦牛小排同牛胸爽，呢兩款夾住黎食無得輸❤️-仲有自助區多達60款火鍋配料、甜品同飲品，仲有海南雞同泰式糕點，真係去似去左泰國咁🇹🇭 推薦！-📍 泰金鍋@thaipot.hk 旺角彌敦道601號創興廣場6樓-環境：🌸🌸🌸🌸🌸味道：