泰贊- 創意泰餐廳 (已結業)

早左返入大埔，去大埔中心搵嘢食見到呢間鋪頭好似未食過就入去試吓啦！自己都鍾意去泰國去泰國菜情有獨鍾今日咁岩信用卡有＄500減＄200嘅優惠咁就更加開心啦我哋兩個人，叫咗個豬頸肉啦，雞翼啦，一個椰汁炒飯，同埋一個菜我想講個菜，先我覺得炒得好好味！上邊有有啲garlic good good跟住講個椰汁炒飯啦，食得出係啲海鮮係新鮮嘅😉不過個飯比較乾身, 同埋講真泰國嘅炒飯係唔會落青豆同埋紅蘿蔔, 希望佢哋留意下，但係如果你同我講呢個係 fushion 既都可以接受嘅講個比較多人喜歡食嘅雞翼啦我覺得如果同嗰間G字頭嘅泰菜比較呢，呢個實在太差！好勁既油有益味，同埋好乾身，完全唔知道食緊啲乜嘢我覺得比較驚喜嘅係個串燒，雖然一個串燒仲要70幾蚊有啲貴，但係我覺得係今晚所食嘅食物之中最好食嘅一個，啲肉做得啱啱好又唔太乾又有啲肉質咁，a Loi Mak希望呢間泰菜可以真係keep住驚喜唔好做太多花巧嘅嘢啦

當日係試個下午茶，好可惜同餐廳個名唔係好配合，唔係好泰式。我同媽媽一人一個下午茶，都係叫左甜品餐仲一人加左一杯乳酪飲品。是拉差薯仔沙律唔錯，始終薯仔沙律係好易膩，辣辣地是拉差醬同薯仔都幾夾、幾新奇。是日甜品﹝蛋糕﹞係青蘋果紅豆綿花糖蛋糕，一望落去個色都幾嚇人，因為青蘋果無可能係咁綠。蛋糕味道不過不失，只食到紅豆的味道，無任何青蘋果味，但又咁綠、好令人費解。我本身對蜜桃乳酪沙冰都抱幾大期望，點知味道真係好一般….首先杯野真係好多碎冰，打得唔均勻。第二唔夠creamy,蜜桃味亦都唔夠；第三無蜜桃果肉，所以比較似蜜桃梳打多過乳酪。最後個雪糕朱古力香蕉蜜糖多士幾好，蜜糖多士夠味夠香脆。

51勞動節，全家放假就決定去大埔超級城食過lunch!見到有間叫SO THAI SO GOOD好多人排隊，裝修又幾靚，就揀呢間試一試！等左大約半個鐘，終於入得啦！商場餐廳一放假日子就間間爆$62lunch set 價錢都還可以，包主菜、沙律/湯加飲品！我揀左蜜糖芥末脆魚柳配薯條，青蘋果煙火腿沙律同咖啡！lunch set 沙律入面嘅青蘋果比較酸，煙火腿口感煙韌。主菜脆魚柳表面淋上蜜糖芥末汁，酸酸甜甜，但芥末味欠奉。魚柳炸得剛好，不會overcook!能保持鮮嫩，唔錯！可惜餐飲嘅咖啡味道偏酸，個人就不太喜歡

好耐冇去大埔搵食，就試呢間成日多好多人等位既餐廳。今次係食下午茶，14:30到，14:45先俾入座。一坐低即刻落order 個high tea, 但等左勁耐，三點半先有得食，又唔早響？如果一早知等咁耐，我就唔會order依set野。座架有兩層，上面係咸食，下層係甜食。上層好食過下層，有青叻喱薯仔，有泰式雞翼，有辣肉丸等等，配合返佢地以泰菜為主題，下層甜食好普通，都係d芝士蛋糕之類，又唔係突別好吃。個餐跟兩杯野飲。食完啦啦聲埋單，見到出面仲好多人等位，個人覺得唔係間野質素高，而係間餐運作廳實在太慢。

約咗朋友食午餐，就近近地喺大埔中心食佢嗰個青木瓜沙律都唔使得個幾條呀嘛可能因為就香港人口味酸酸甜甜一啲都唔辣我一早同佢講可唔可以要多d辣椒或者整辣d結果係冇嘅冬陰公湯我以為自己喺泰國食緊food court 乜嘢事呀，香茅檸檬葉南疆味完全缺乏味道偏鹹又唔夠辣不能夠再差既海南雞飯雞肉有雪味份量少就唔好講啦個飯都可以係冇味同硬冇下次

食物質素係唔錯，兩個人叫三樣野都食曬，但服務可以改善下，例如加水次數可以多少少，當晚眼見附近幾枱客人都無叫野飲只飲清水，大家都要經常叫侍應們加水，都叫到侍應們黑面當晚叫左3個菜，最後$314包加一埋單

泰式菠蘿海鮮炒飯 ($62)返學天地堂做咩好?⏰ 緊係同同學仔出去嘆返個靚lunch啦!👭👭👭呢度中午有set lunch，包一個主菜，湯/沙律同一杯飲品，個人認為價錢尚算合理。😎講講食物質素，個炒飯都幾足料! 🤗本身expect呢個飯食完有種去左轉泰國既感覺，點知個飯冇乜菠蘿味，只係普通落左調味既炒飯😞不過佢味道係唔差既，只係完全冇泰式風味，有少少失望😟反而之前去食晚餐好d，晚餐menu特別d，同埋食物都好味d

今日全日係大埔搵野食，晚飯時間，間間都好多人。路過此間，睇下餐牌，女友話主菜和甜品都好正下，一於拎飛試下，等左半個鐘，可以入坐。可能我地叫得多野食，覺得坐得唔太舒服，招呼就唔錯，好有禮，上菜都算快。墨魚汁軟殼蟹意粉，正，太好味，推蔫椰汁海鮮飯，好味既，但又D漏。椒鹽尤魚，多粉左少少，酱汁好味。椰汁x飲(睇相)，ok既蜜瓜+香蕉x飲，ok既芒果拿破倫，唔掂，不推蔫2條友食左$408，又點貴，但都會再来，因為仲有其他想試下見到隔離台有人生日，甜品碟寫左happy birthday，都0k喎

工作原因跟同事到大埔中心，剛好看見這間泰國菜，裝修又不錯，就進去試一試。我點了個冬陰公大蝦炒金邊粉，味道不錯，料也足，就是份量有點少。建議大食的朋友入去前要考慮一下性價比一般，如果送一杯熱飲會更加好

中秋將至，親戚多既我，又要送禮又要食好多餐，諗住唔好咁悶，成日都飲茶，就試下食泰菜吧！開頭以為好似九龍城啲泰菜咁，原來依間都幾fusion. 似西餐廳多啲。我地7人叫左1個high tea set👇🏻👇🏻👇🏻仲有兩份tea set👇🏻👇🏻👇🏻泰式香葉伴肉碎，仲有士多啤利窩夫配朱古力醬特別欣賞佢個窩夫，新鮮整，夠熱，又脆反而泰式食品一般😅餐廳坐位幾舒服，同親戚朋友聚舊，想唔咁悶次次飲茶，呢度都係一個不錯的選擇

環境設計都是潮風西餐廳，歐陸果種，給人優雅的感覺，菜式亦非常西化，絕對是可以給人渡假的感覺（註，除了要排隊排餐死）今次我就試下佢既早餐，睇下圖都會覺得以為是歐陸餐廳，味道就無乜投訴，因為呢類歐陸早餐最緊要擺得靚靚，做法其實難道不高。不過如果加返個港式早餐必備的粉麵咁就一流喇，因為老實講食完都唔覺飽。而最特別的是飲品吧，如果叫熱檸茶，佢會好似酒店自助餐咁俾碟檸檬、一壺茶，你可以慢慢享受下。

第二次黎食泰國菜，第一次過黎印象麻麻，不過今次10個人食左很多餸，有幾個餸都唔錯，所以印象有加分通菜味道唔錯，有d油椰漿飯好香薄餅熱辣辣，脆卜卜，點綠咖喱正！墨魚麵正！值得一試！但軟蟹殼係炸野，唔健康，所以share會好d，我只係試左意粉，無食軟殼蟹10個人769，人均77，但差唔多試洗尼一間店所有既炒飯，意粉和飯，但係豬手飯仍然未叫，因為上次中左伏

試左LUNCH 焗龍利柳配薯條..沙律係唔知乜野切成絲配兩塊生菜..都幾清爽食得過..有新鮮泰國風味..到+20蚊轉左椰香乳酪..飲落都幾好..係唔似乳酪姐..液態與酪態兩者之間LOR..樽裝裝都幾得意..主角黎到薯條不過不失..好過M記個D...但D魚就唔知面係咩配料..食唔出個陣味..反而只覺D魚偏咸..失敗..好彩有5-6舊..整體因有期望下所以對主菜失望左..仲有對面走左D碟成10MINS先有人黎收..

平時很少機會在外面食早餐，偶有機會，經過經過太埔超級城，就揀左此店嘆一下早餐。早餐set只有4個選擇，我就揀左 Breakfast so good 至好早餐 （$48），有：豬肉腸，煙肉，炒蛋，薯餅，面包，沙律。豬肉腸係意式嗰種，咬落去口感豐富，很肥美的感覺，帶點油膩，幸好細細條，雖然唔太健康但是我都成條食曬。煙肉半肥瘦，帶鹹香，煎得香脆，不錯。炒蛋不容置而，加了 cream 或 milk 落去炒，滑滑的香香的蛋味，我個人來說也很喜歡！薯餅就一般，可能我太早，好似解凍得麻麻地，食到少少雪藏味。麵包都整得不錯，鬆化，微䁔，麵粉質素尚可，所以麵包也算不錯好吃的！沙律係雜菜沙律，沙律菜算新鮮，份量比較少，如果多一點會比較 refreshing!餐飲叫左熱奶茶，是個茶壺裝著兩包 lipton 紅茶包。不是港式拉茶嗰種。可能是茶包的關係，味道很淡，最後我就沒有加奶，當喝熱茶算了。埋單有加一，即係$52，都ok的，環境寧靜，唔使同人逼，食物質素也唔錯，值得推介！

呢間餐廳成日係大埔一田經過都見到人山人海～尋日終於有機會黎試下啦～首先入場要求：齊人！！（齊人先可以入座）今晚既餐單：脆脆豬手 軟殼蟹墨魚汁意粉 香草三文魚意粉 雞&豬串燒叫完～大大份既豬手出場啦有兩個汁～我覺得一個就泰式d一個就德式d~豬手唔太肥～個皮都整得幾脆之後就到軟殼蟹墨汁意粉～d軟殻蟹炸得黎～唔會有油益味～意粉味道豐富～彈牙！呢個串燒d肉就冇咩特別～不過個沙嗲醬就好好味～食串燒都係咁嫁啦～3分肉5分醬2分燒既技巧～香草三文魚意粉～就比較口味特別d~三文魚比軟咸～香草味都幾濃～來食完都已經好飽～試唔到個甜品～呢間都係可以再黎既餐廳～仲有中銀信用卡可食滿$400平$100都真係幾抵食！！