泰贊- 創意泰餐廳 (已結業)

爸爸生日，唔去酒樓食，又要有飯氣到肚，見到食評唔差，就試下呢間，環境幾好。因為老爸大人生日，叫野都無諗住就住就住，打開menu，見餐牌唔係傳統泰菜，都幾特別，叫左8樣野，每樣賣相精致而且份量都足，食唔曬仲要打包，咁啱信用卡做緊推廣，食滿$500減$200，4人埋單$400幾，確係抵食之選

去朋友新居參觀，所以就在附近隨便選了一間餐廳，這間位於超級城的so Thai so good裝潢很有特色，座位也頗舒適，因為時間尚早，所以沒有太多人等位。渣打信用卡有優惠，滿$500減$200，於是可以點很多不同款式的食物。食物的賣相也不錯，其中最喜歡的是蝦餅，很彈牙，而且炸得剛好，不會太乾，又夠香，配以青瓜，感覺清新。另外椰子海鮮飯也不錯，滿滿椰香，而且蝦也很爽口。豬手也很讚，皮脆肉嫩，外皮脆得咬起來有清脆的響聲。通菜也炒得新鮮，帶些微的辣味，味道更加突出。另外也點了雞翼、沙嗲串燒和卡邦尼意粉，相比之下，就比較普通，都係一般水準，沒甚麼驚喜，下次可以再試試其他菜式。

係大埔行街行到好夜，已經九點幾，好多食食店都已經過收舖。唯有係超級城打個轉睇下仲有無店營業。最後入左呢間食泰國菜，叫左墨汁軟殼蟹意粉、豬手飯同魔鬼朱古力巴菲。墨汁軟殼蟹意粉個汁就好黑，但蟹就較為一般，無乜特別。相反豬手飯就好味得多，汁好味，肉就肥瘦適中，而且價錢唔算太貴。好戲在後頭，朱古力巴菲充斥住滿滿既朱古力醬，配有一球仔軟雪糕係面，有半杯brownie，中意朱古力既朋友一定要試！總括而言，甜品值得一試！

同一大班朋友諗緊去邊間食生日飯好，諗住近近地又唔會太hea，係OpenRice度亂咁撳到一間泰國野叫泰贊，再check下先知係鼎鼎大名既so thai so good，即刻想打電話去book，點知大埔呢一間只有walk in，好彩都唔使等好耐。呢晚嗌左2個小食，2個主食。先講下小食，豬頸肉好出色，好多肉，個醬汁係酸酸辣辣，好開胃。另外係個蒜容炒芥蘭，蒜味有，但有少少咸。主食有面有飯，面比飯出色，因為啲芝士好快凍左。

平時都有食開，今日入埋會，發現會員優惠吸引。＄1000入會，會送＄400現金券，以及總值＄2000餐飲禮券。每次消費有八五折（除早餐、下午茶外）。今日同朋友來食午飯，即場入會，即刻有八五折優惠。「海南雞飯」雞肉冇想像中咁滑，雞油飯正常，雞茸份量適中，另一醬汁對我來講辣了一點。整體感覺正常，沒有驚喜。分量對一般女士來說，非常滿足。「熱咖啡」正常。「粟米忌廉湯」非常 creamy ,粟米味濃，好味。*餐廳提供BB櫈。

首次撰寫食評感受，今天特别好想由衷讚揚所有工作人員，尤其是年青有活力的侍應生們，他/她們動作迅速，埋頭招呼客人，不會嘻戲玩耍，全情投入工作，送收餐具食物俱快，客人完全不用催促，我充份感到他/她們的專業服務熊度，平時甚少給予小費的我，今午竟然按奈不住將會員優惠了的費用全數作小費付出，以示從心底欣賞並作一點鼓勵獎賞。至于食物出品，只65的午餐價錢，已包含頭盤主菜飲品，份量非少，味道亦佳，就算是餐飲熱檸茶也以一小茶壺送上，足可添多一至兩杯，令客人享用足飽，絕非其他食肆可以比上。總括這次只約一小時的工作午膳，我非常滿意高興，相信定必多些光顧，期望保持水準！

Mixture of fresh Thai food and Western, like chocolate yogurt shakes, fresh bread and noodle dishes. Always tasty and homemade. Great value for money, especially set lunch menus. The waiters are helpful and great with kids. The French fries are excellent, as are their Thai curry dishes.

其實我本身係一個好唔鍾意食泰國菜嘅人，一來唔食得辣，二來唔食得過濃嘅香料。但今次比親友拉左黎食之後，呢間餐廳真係令我對泰國菜改觀！食完仲好想再返去食😆芒果鮮蝦沙律配脆椰絲 $70呢個沙律真係大力推薦！佢嘅芒果好多，蝦球亦爽口彈牙，再配埋炸到脆身嘅椰絲，口感好特別而且好清新，完全係開胃之選。黃咖哩雞配薄餅 $115薄餅略嫌有少少油，咖哩唔辣，亦唔會好大陣香料味，岩哂怕辣嘅人，點埋薄餅一齊食就岩岩好。而且咖哩份量多，薄餅食哂嘅話可以撈埋其他野食再食埋～菠蘿炒飯伴燒雞 $95炒飯夠鬆化，但又唔會炒到碎開哂，配埋豬肉鬆真係好好食。燒雞雖然份量較少，但醬汁同火侯都恰到好處，外皮脆又唔會燶，正！泰式豬肋骨配青檸辣椒汁 $150因為怕辣所以冇點汁食，但就算唔點汁都好夠味，火候剛剛好，骨同肉容易分開，肉質爽口！呢到有好泰式嘅野食，亦有啲係啱香港人口味嘅菜式，岩哂唔係太好泰國菜嘅人。雖然價錢中上，但真係好好味，會再黎食！餐牌如下：

點了海鮮飯和烤豬蹄炒飯 加上服務費209港幣。海鮮飯很不錯，除了看得見的海鮮，飯是椰香味的，還有很多蝦肉。烤豬蹄肉多，鮮嫩，辣炒飯有加泰國香料，味道不錯。總體來說還不錯，雖然我對泰國菜實在無感，但是大家一起還是挺開心的

每次來都會叫豬手飯, 無記錯係$98, 好鐘意食佢塊皮, 好香好脆!!! 個炒飯又好夠味!!!!!!正呀!!!如果份量大小小會比較好...偏細今次仲叫左海鮮pizza, 個底係薄脆, 都不錯~仲有叫左個柚子魷魚沙律, 好開胃, 額外有一枝柚子味既汁俾人客自己"支"落去沙律到, 自己調教味道, 不錯!其實我都幾鐘意食so thai so good, 因為味道比較濃烈, 0岩曬我呀!!!!!!

星期日嘅夜晚都唔使等好耐 一黎到就入得不過一開始都有壓力 要1.5小時交檯叫左好幾個餸同意粉 意粉比飯出色頭盤叫左三文魚 又幾喜出望外地好食！有好多東南亞香料 配上麵包 屋企人都大讚最好味嘅係軟殼蟹墨汁意粉 雖然個軟殼蟹有少少過鹹 但係香口野一定個個鍾意食 而且墨汁亦夠味 不過個menu寫話有小小辣 實際上就完全唔覺辣喇之後再叫左幾樣食物 包括肉丸、青醬意粉仲有一個芝士海鮮飯 不過就冇影相 都係普普通通 唔係唔好食 而係之前個墨汁意粉太好食 呢幾樣就有d失色最後仲叫左個甜品 朱古力蛋糕配雲呢拿雪糕中間係流心朱古力 熱辣辣配上凍冰冰嘅雪糕真係好好食喎！總結就係都幾好食 唔算好平 5個人$800 但食得滿足就夠啦

十一國慶怕人多，所以同Hubby決定食個早飯，晚上六點入坐，限時90分鐘最先到的是青咖哩炒什菜，就是喜歡它的香濃惹味，材料都幾什下，有粟米芯，露旬，車厘茄，茄子，西蘭花，椰菜花，薯仔，青紅黃椒，洋蔥跟著就到串燒，雞肉串唔錯，但豬肉串好鞋呢個香辣豬手炒飯，賣相同質素都有分，豬手皮夠脆煙韌，肉質都算嫩。個炒飯乾身有少少辣杯抹茶牛奶漏左單，即時加單都算快到晚餐只享用了一小時就被趕，Hubby剛攞起最後一串串燒時，已經被侍應收起醬汁

想不到吃什麼的一晚，隨便去進一間不用等位的餐廳⋯（$60）傳統泰式冬陰公湯 一位用，一個飯碗的份量的確很少，價錢一點都不便宜，湯裡面有一飯大蝦，湯的味道酸酸辣辣，沒什麼甜味和椰漿味，湯裡也有些香茅跟辣椒，難怪味道都很香。（$75）泰式燒豬頸肉，只有很珍貴的7片，擺放得很精美，有些辣椒粉伴碟亦有杯醬汁，醬汁咸咸的像魚露裡面亦有頗多辣椒，不過豬頸肉不太沾得上醬汁所以不會太重辣味，豬頸肉都很軟而不會很乾，好味道的但可惜份量很少。（$95）椰汁大蝦海鮮炒飯，送上來時炒飯很熱，飄散著很香很香的椰香味，海鮮份量都比想像中多，除了大蝦一隻還有青口、蜆肉、蝦仁、魷魚還有配襯的三色豆，除了味覺上很香，視覺上都很吸睛。吃上去時每口都很香椰味，不過覺得很濃很咸很重口味，而且經椰漿煮過的白飯都增添飽肚感。（$95）黃咖哩炒金邊粉配燒雞，雞的份量都多，每口都是肉，肉亦很嫩滑。金邊粉吃上去像港式料理的炒貴刁，味道幾乎一樣，所以很好味，再有些紅椒跟雞蛋炒在裡面，口感更豐富。（$65）脆炸蝦餅配甜辣椒醬，一樣都擺放得很精美，以生青瓜條包著蝦餅，看上去比起只擺3件蝦餅出來會更美觀。蝦餅炸得很脆，不過蝦膠很實不會很彈牙。

今日又去左so Thai so good dinner今次七點鐘入門口都仲有位唔洗等👍平時排到人山人海🤦🏾‍♀️今次叫左炸魷魚圈，略嫌炸粉太多三文魚他他配多士，水準依然保持到👍好中意哩個，不過都係多士太少喇炒翡翠苗配雜菌，惹味，辣辣地炸蝦餅就一般，d肉太實，同埋乾身左少少仲有叫左個泰式炒金邊粉配雞肉哩個好出色，係我每次必點既雞肉好滑👍👍👍仲叫左兩杯fruit smoothies 香蕉棒子同藍梅👍都係不錯既

Tai Po ---The place of my memory. It's because I was worked in Tai Po almost six years between 2007 to 2013 . I can say that is my place when I grow up.As I have a membership of food and beverage group ,so I choose this restaurant to have my lunch there . We ordered five lunch set , its cost HKD 65 and we have 25% off . The foods are good and delicious, the bill cost HKD 308 after dis%.Nice and have three hours car parking in Mega Mall