泰象館

营业中

休息中

又去九龍城食泰國菜啦，真係花多眼亂，間間都好想試，最後揀咗一間都開咗幾耐吓嘅餐廳--泰象館。而且佢仲有 lunch set，真係勁抵食🤩豬肉碎撈飯，$47呢個肉碎好香呀，少少辣，唔會好油，肉碎炒得好惹味，用嚟撈飯啱啱好，一大碗飯食晒都冇難度。泰式菠蘿炒飯，$47朋友就就要左個炒飯，呢個比較乾身，但有少少嘅咖喱味，味道偏淡少少，啱晒怕濃味嘅朋友。辣椒膏炒蜆，$148突然好想好想食辣椒膏炒蜆，都係我最鍾意嘅泰國菜之一，佢炒得好香好夠味好惹味，辣中帶甜，真係好好味，如果唔係叫咗兩個飯驚食唔晒，一定會叫多份蒜蓉包嚟點醬食。金不換菠蘿沙冰好推介呢杯嘢飲，好特別，菠蘿沙冰加入basil，竟然咁夾，好香甜，值得一試。而且lunch set加10蚊就換到，抵到爛。

泰象館 (九龍城)由於太耐冇食泰國野🇹🇭於是男朋友就提議食泰國野 甘唔使講即係要去九龍城啦😂因為果度有好多泰國餐館 自從K小編冇係果頭返工都少左去果度食野😮‍💨所以就揀返間食過而又好食既餐廳泰東生菜包🥬 $79我地今次就揀左豬肉🐷雖然小編唔係甘食得辣🌶️但由於好中意食呢個菜式都要叫😂第一啖食落都唔係好辣姐 但係佢個後勁就黎😅不過係好食既而且辣得黎好惹味 配既生菜都好爽脆😝明爐青檸蒸烏頭魚🐟$148連埋個明爐一齊上枱好有氣勢 🔥條烏頭熟成啱啱好 魚味濃郁 魚油味凸出😍即使有明火都唔會令到條魚過熟 相反令到啲香料更加出味 越食越濃郁 加埋青檸🍋中和返d辣味 真係愈食愈好食🤤馬拉盞炒通菜 $64馬拉盞其實係馬拉版既蝦醬 所以食落有鹹香味而且通菜食落夠哂火喉 真係勁惹味🤤菠蘿沙冰🍍$30相比芒果沙冰黎講較淡 但菠蘿🍍味都突出而且唔會話好甜芒果沙冰🥭$30夠哂芒果味 而且好大杯🥤滿到瀉既感覺

九龍城一向多泰國菜餐廳，由於太多間，我地隨便揀左呢一間，野食又幾好味，好有泰國風味！生蝦刺身 $98生蝦蝦肉幾爽，配酸辣醬汁一齊食夠哂惹味！小食拼盤 $138小食拼盤貌相吸引，而且幾大份，有炸蝦餅、炸魚餅、炸春卷同炸雞卷，炸物吾會好油膩，而且夠脆！沙爹串燒 6串 $85呢度既沙爹串燒份量非常大份，而且好味又抵食！我地揀左豬、牛、雞各2串，雞肉燒完仲嫩滑，豬肉同牛肉都吾會乾，沙爹分開另上，味道甜甜地吾辣。明爐青檸蒸烏頭 $148烏頭多肉大條，無腥味，放左青檸、芫茜、辣椒、葱等既配菜，顏色鮮艷，味道都幾fresh。九龍城好多泰菜館，但呢間門口有個燈牌幾搶眼，所以就去左呢間食😂

食泰國菜梗係要去九龍城，好耐冇去，book咗一間之前食過嘅泰菜食。泰象館之前都係Openrice熱門餐廳，平時要係門口大排長龍。今日book咗但𥚃面都好full。柚子大蝦沙律呢個係我係香港其中一個間好好食嘅柚子沙律。柚子甜，蝦鮮爽。汁係偏甜而且香口。粉絲大蜆煲試新嘢點知試中正嘢，蜆份量超級多。粉絲索晒蜆嘅鮮味。為咗方便食，我哋拆晒啲蜆肉落煲到，食起上嚟就粉絲連蜆肉一齊食。芝士炸蝦丸芝心小蝦丸，一啖一粒，超級正蛋包鮮蝦金邊粉本身招牌菜。個蛋網好靚，金邊粉炒得啱啱好，而且有好多鮮蝦，可以一試。

同朋友一齊喺九龍城，佢好鍾意瓹窿瓹罅搵嘢食，咁佢話喺九龍城就不如食吓泰國菜啦🇹🇭，呢啲咁正面嘅提議😅，我就梗係唔反對啦😆，咁跟佢行吓行吓，見到呢間，佢話不如入去試吓，咁我亦都唔反對喎😆- $62 嘅「 蒜蓉🧄炒椰菜苗」：椰菜苗🥬新鮮，顏色翠綠，爽口、簡單、好食😋- $142 嘅「燒鰂魚」：鰂魚🐠即叫即燒，大大條，魚皮上面鋪咗一層鹽，燒得啱啱好熟🤩，魚肉肉質軟熟又juicy, 魚肚裏邊仲放咗好多香茅，可以癖魚腥味仲有香茅香味😋；賣相仲靚靚🤩- $60嘅「芒果糯米飯」：芒果🥭鮮甜，配糯米飯加埋甜椰漿，簡單好味🤩- $26 嘅「青檸梳打」：唔係好甜，清新幾好飲😆

今日去到九龍城搵貓店長行到入黑都開始攰啦見到呢間餐廳都幾多人幫襯所以就決定入去試吓不過最近皮膚敏感好多野都唔食得😢所以食物都偏向一啲無咁刺激連平時最愛既馬拉盞都唔敢叫但係唔緊要 餐牌仲有好多吸引既食物選擇🥹飯方面我哋選擇左焗椰青海鮮炒飯第一啖食落已經好有椰汁味而且有啲細細粒嘅椰青碎喺啲飯入面所以食落都好有口感感覺好新鮮值得一試蝦醬炒椰菜苗本身自己唔係太鍾意食菜苗但係呢度炒得好有鑊氣而且蝦醬味道都相當濃郁令我食唔停口海南雞半隻肉質鮮嫩醬汁令海南雞更上一層次配埋飯一齊食會更好味飲品方面就有芒果沙冰同埋椰汁珍多冰來泰國餐廳點可以唔飲😍份量唔算少 相當足料飲完就好滿足啦💕下次再試埋其他美食先！

難得約咗中同食飯，今次揀咗九龍城食泰菜🇹🇭。九龍城選擇眾多，今次就揀咗之前有食過佢地茶餐廳嘅泰象館👍🏻。Weekday 19:00輕鬆Full Hous，大家想食睇嚟最好訂位！🌟串燒三拼平時食串燒最唔鐘意餐廳限定只可以選一/兩種肉類。今次叫半打串燒有齊雞、牛、豬肉真開心🥳。串燒用咗唔少香茅醃，味道十分香濃。👧🏻同朋友就最欣賞雞肉串，係最濃香茅味+雞肉嫩滑。豬、牛肉其實表現都不俗👍🏻。沙嗲醬充滿花生粒🥜。🌟青咖哩雞肉朋友就想試下呢到嘅咖哩，青咖哩味道比較溫和冇辣，Texture亦比較稀。朋友就超級喜歡呢個咖哩，為咗食盡所有咖哩汁，仲攞嚟撈飯食🤣。🌟香葉肉碎撈飯香葉肉碎炒飯一如所料超級惹味，雖然炒飯已經有肉碎，不過仲可以揀加雞/牛/豬肉，咁👧🏻就緊係揀返豬肉Match啲！炒飯入口夠香，充滿香葉味，不過估唔到辣味慢慢滲出嚟，辣度可以比十小辣更辣🥵，唔食得辣嘅朋友記住叫小辣！🌟馬拉盞炒通菜朋友落Order嘅馬拉盞炒通菜份量就唔算好多，不過每條菜都索盡醬汁，眼見唔少紅蔥頭，真係好惹味！🌟薄餅食咖哩冇理由唔叫薄餅/蒜蓉包🧄點醬食！薄餅係超級超級脆，將薄餅直接浸入醬汁十分鐘時薄餅內層都未變軟🤣，好誇

今次嚟到九龍城嘅泰象館！我哋叫咗幾款小食、加埋兩杯嘢飲，豐富嘅晚餐！泰東生菜包酸酸美味嘅肉碎、加上爽脆青綠嘅生菜🥬，幾時都係最完美嘅配搭！真係會令人一口接一口咁樣清晒佢串燒三拼(豬牛雞）串燒燒得香口就必然㗎啦！不過最令人驚艷嘅就係佢嘅沙嗲汁❤️有超香濃嘅花生醬味同埋沙嗲味！簡直係滿分脆肉炒椰菜苗脆肉係一個好傳統嘅泰國小食！雖然好耐冇去過泰國，但係都唔會忘記呢一種味道，呢一個 脆肉加上椰菜苗一齊炒，正af青檸梳打柚子梳打兩杯梳打都好開胃，亦都唔會好甜，不過大家記得撈勻先好飲，如果唔係就會飲到最低就超級甜！

-{九龍城泰菜🥘}🤤 蛋包鮮蝦金邊粉 🤤 ($76)入面有幾隻蝦食落幾新鮮😉炒得幾乾身唔會一嚿咁😛酸甜味重 蛋網入面仲有啲蛋碎☺️👖褲評: 8/10🤤燒豬頸肉🤤($78)冇咩燶邊 份量幾多而且好重油脂感！醬汁偏酸同埋少少辣😙👖褲評: 7.8/10🤤泰東豬肉生菜包🤤($79)都幾酸 而辣陣味好耐都唔散😂豬肉碎好香口🥰👖褲評: 7.8/10🤤椰青🤤($39)好清甜 夠多椰子肉🥳👖褲評: 8/10平日夜晚黎到都full house真係幾受歡迎😌又有多一間九龍城嘅泰菜選擇😜性價比: 8.5/10服務: 8.5/10環境: 7.5/10🚩 泰象館 🚩地址: 九龍城城南道48號地下 #fuudjai #fuudjai九龍城 #fuudjai東南亞菜

正常地來到泰國舖都要嗌嘅就係冬蔭功，"冬蔭海鮮湯"有蝦，魷魚，秀珍菇等，最重要仲要有一隻勁大的青口，料足够，味道亦正宗，酸酸辣辣夠晒惹味"炸蝦餅拼魚餅"好大碟，新鮮熱辣新鮮出爐，蝦餅有蝦味，魚餅亦係地道泰國特有的味道。"泰式炒金邊粉"係lunch set嘅其中一個，僅僅47蚊有好大碟嘅金邊粉同埋免費汽水或奶茶贈送，今時今日呢個價真係超級抵食，而且加多36蚊仲有"飛天通菜"一大碟，好正。“椰汁西米糕"作為飯後甜品絕對係好好的選擇。

九龍城正宗泰國菜✨🦥中午時候吃個抵吃的午飯，泰菜也是一種選擇呢！這間泰菜餐廳設有午餐套餐，包飲品，大大碟，性價比高！此外，其他泰國菜式也高質美味，賣相和品道也很好！《甜酸炸烏頭魚》$148賣相非常精美的一道泰式菜。首先，烏頭炸得很好，烏頭肉斬件來炸，並擺放得很整齊，表面再放上了青椒紅椒等配料，再配搭甜酸汁，十分惹味！《海南雞飯》$53午市套餐的海南雞飯，很抵吃！雞件大大塊，厚肉皮有彈性，點上海南雞醬汁，和配上黃飯，正宗又好吃！《泰式炒金邊粉》$47大大碟的炒金邊粉，也是午市套餐內的選擇，金邊粉的軟硬度適中，吃得有嚼頭，混合蛋絲和其他配料，更加惹味！《西瓜沙冰》$10跟餐有飲品，特飲方面加$5-$10。總結：正宗泰國菜，性價比高的！

乜嘢情況底下去食泰國菜先至最有風味？就梗係外面30幾度 親身嚟到九龍城食 咁樣先至有feel 㗎嘛海南雞飯真係啖啖肉好大舊雞肉 唔似平時嗰啲海南雞店鋪一兩舊肉之後全部都係骨同埋殼淨係依樣嘢你已經見到呢間舖頭有嘅係誠意唔會令到客人俾完錢之後唔知食咗啲乜嘢簡單講句性價比好高而且雞肉非常滑 雞肉味濃烈加上特製醬汁點落去食真係風味十足 鍾意食海南雞嘅朋友一定要嚟食呀 好正呀泰式炒金邊粉炒出嚟熱辣辣出晒煙 而且材料充足好多雞肉好多芽菜配料等等最重要嘅係金邊粉炒得好爽 每一條都夾起分明 彈牙 唔似其他店舖一嚿一嚿的 放上碟已經香氣四溢非常吸引甜酸炸烏頭魚淨係見到張相已經知道好食啦條魚同樣地好大條啖啖肉外面炸得脆脆的但係魚嘅肉質仍然保持幼細而且上面嘅酸甜汁十分足本夠酸多甜 菠蘿青椒番茄等等 非常開胃又醒神西瓜沙冰夏天出面熱到咁飲番杯即叫即做嘅西瓜沙冰你都咪話唔過癮 簡直係透心涼夏天飲真係啱晒㗎下次不妨嚟幫襯下食返一個地地道道嘅泰國菜啦

想食泰國野黎到九龍城一定大把選擇，今次揀左泰象館，鋪頭好光猛，又乾淨，菜單有勁多選擇，而今次就叫左啲大路菜。首先叫左串燒三拼，分別有豬、牛、雞，燒得好出色，熱辣辣好好食，唔會好柴，熱食就好正。炸蝦餅又係新鮮炸起，脆卜卜，夠彈牙同埋一碟有8件都幾抵食。蛋包鮮蝦金邊粉，呢個炒金邊粉好出色，賣相又好，佢係蛋網住d麵。個麵唔會話好乾身，個味又唔會好咸，而且都幾多料，仲有大蝦係入面。泰皇秘制鰂魚，泰國既鰂魚係比較小細骨，而且都好多肉，佢會幫手起埋啲肉出黎，配埋個芒果沙律，酸酸甜甜幾開胃，仲有腰果做配料，好好食。店舖既坐位都算闊落，而且冷氣好強勁，唔洗怕食到大汗踏細汗。員工好友善同汁野好快手，食物即叫即整好新鮮，所以先可以咁好味。埋單先知免收加一，真係好味又抵食。

自己甚少去九龍城食嘢，一心諗住check下邊間泰國野食最多like就去，點知失望而回。叫左碟蛋包鮮蝦金邊粉，食左幾啖發現左一條短的眼睫毛，心諗，私人店舖算啦，當睇唔到，點知食多兩啖，咬到樣唔食的紅色物體，吐出來竟然係「橡筋」。。。心諗咁大個女都未試過。結果真係忍唔住同個職員講，佢只係好冷淡咁攞走佢，話幫我退左佢，由頭到尾一句歉意都沒，真心唔會有下一次。仲有碟泰式酸辣鳳爪，得個辣字，鳳爪完全唔入味🥺今次嘅體驗無論食物與服務都好失望🫣

九龍城一向有很多泰國美食~ 這次大膽地無做任何research，隨便走進其中一家泰式茶餐廳！下午茶價錢頗便宜，不過吃完覺得質素普通，中規中矩，經過試下無妨。Exploring Thai food around in Kowloon City? This place offers cheap but mediocre quality afternoon tea.📍 #dia_九龍城/ 食物 Food /這幾道菜當中最推介海南雞飯和越式生牛肉河！海南雞的油飯色澤金黃，雞肉不算鞋身，附上青瓜、生菜和番茄，樣子看上去很不錯！越式生牛肉河份量大碗，生牛肉很新鮮，牛肉湯底熬得很濃。小食方面，炸蝦餅(2件)拼雞卷也是不錯的，炸得非常香脆。跟餐飲品的話，我自己最喜歡菊花蠆蜜，外面很少有這個！味道清新，吃完炸物喝就剛剛好！其實以這個價錢來說，我對這頓下午茶沒有太大要求。惟真的不太建議大家試泰式黃咖哩飯，咖哩汁非常稀，而且雞肉不算好吃，味道很一般般。 ❀ 海南雞飯 $50 ❀ 越式生牛肉河 $42 ❀ 泰式黃咖哩飯 $45 ❀ 炸蝦餅(2件)拼雞卷（4件）$28 ❀ 凍百香果蜜 +$5 ❀ 凍洛神花蜜 +