泰象館

营业中

休息中

食泰國菜梗係要去九龍城，好耐冇去，book咗一間之前食過嘅泰菜食。泰象館之前都係Openrice熱門餐廳，平時要係門口大排長龍。今日book咗但𥚃面都好full。柚子大蝦沙律呢個係我係香港其中一個間好好食嘅柚子沙律。柚子甜，蝦鮮爽。汁係偏甜而且香口。粉絲大蜆煲試新嘢點知試中正嘢，蜆份量超級多。粉絲索晒蜆嘅鮮味。為咗方便食，我哋拆晒啲蜆肉落煲到，食起上嚟就粉絲連蜆肉一齊食。芝士炸蝦丸芝心小蝦丸，一啖一粒，超級正蛋包鮮蝦金邊粉本身招牌菜。個蛋網好靚，金邊粉炒得啱啱好，而且有好多鮮蝦，可以一試。