泰禾美 (已搬遷) 新店位置

********9-4-2008**********放學又同男朋友去食飯~去到都成10點lu~都仲要等一陣位!!!犀利!!今次叫左\"明爐烏頭\" ($68) : 好大條~一路滾住食~正!!酸酸辣辣咁!!\"燒豬頸肉\"($40): 食過好多度...都係呢度最好食~~因為燒得夠乾身~仲有少少脆添!\"辣椒膏炒聖子\" ($40): 之前食..個汁好香...不過今次似乎淡左d!\"牛丸清湯金邊粉\"($18): 男朋友至愛~個湯好清甜!!因為唔係味精湯!好似係用d豬骨同雞骨煲成嫁!每次都係好滿足咁走~~始終以咁既價錢~真係抵食!!

其實同honey都一直幫襯左"泰禾美"好幾年不過一直都冇寫佢既食評~今日終於"的"起心肝~介紹我同honey既飯堂俾大家~成個九龍城咁多間泰菜館~試過好多間~但覺得最好食同最抵食都係"泰禾美"~可能廚房係由老闆娘親自打理啦~品質控制完全冇問題~最愛既野食有:炸蝦餅($35) : 炸得好香, 好脆口, 蝦肉又唔會淋"bad bad"~好熱辣辣!正~燒烏頭($45) : 又一抵食之作, 即叫即燒~所以通常食到最後, 條魚先上枱~ 用既係黃油烏頭~勁多肉!加上用上大量香料藏於魚內先燒~所以條魚好香! 點埋跟上既2隻汁~一流!燒豬頸肉($35) : 豬頸肉燒得好香,好乾身, 食落口脆脆地, 硬硬地~正仲有其他野都好好食同抵食~e.g 辣椒膏炒聖子, 飛天通菜等等..因為係小店型式~所以services普普通通~不過你就可以食得舒舒服服~最起碼佢地唔會"摧"你埋單囉~

d間係泰國野真係又平又靚又正!舖面唔大, 裝修唔靚, 但係食物水準就爆曬燈!尤其個蝦餅, 連減肥中既我都將d calories quota俾曬佢。仲有咖哩&蒜蓉包($15蚊有成6-7件家),簡直係好食到諗唔到野~

可能因為老闆娘係泰北人的關係.所以食物偏辣.泰北菜偏辣而且嗜燒烤.泰禾美的餸菜真係好辣,不過幾好食.Grill fish好好味.燒出黎D魚肉都仲係好滑.Satay串燒好正,燒得剛剛好.不過D野食真係太辣,無法再去幫襯...

於朋友介紹下第一次食呢間泰國菜..裝修就冇乜..多人起上黎都可以講幾迫下不過唔好話bor..d野食真係幾出色老闆娘個人又好nice.有講有笑由第一次開始食呢間就經已愛上.不經不覺黎左2年喇咁就推介: 生蝦(個汁較得好正.不過食得辣先好) 咖哩蟹+薄餅(呢到個薄餅齊食都有快感) 冬蔭功(d味唔會側埋一邊.恰到好處) 芒果冰(唔太甜但又唔酸仲好有芒果味) 泰式炒茄子(好好味) 辣椒膏炒飯(唔太辣又甜甜地好鬼正) 烏頭(正到爆) 芒果肉碎雞丁(咪道好好) 炸蝦餅(一流) 鳳爪(一樣好好味)仲有好多好多..講真..行開咩都可以試下.除左忙d既時候可能等食耐小小.一般情況下你叫人唔會要你點等的!

Angel-Mermaid說得很對, 此店的確又平又好食! 蝦刺身: 的確值得推薦..好好味!!!冬蔭公: 又平又多! $45(小)已經好夠...淺酌的話4個人都夠. 蕃茄好好味.牛肉辣沙律: 汁好像跟蝦刺身的差不多, 牛肉滑腍, 但不似以梳打粉處理過...其他: 酸辣牛肉湯河, 芒果糯米飯,啤酒1大瓶飽到走不動...肚子大得縮也縮不到...一定會常常去...

2007年6月14日星期四在該店食齡巳有二年多, 由一間路邊小店開始食至入鋪頭, 絕對努力之成果。老闆娘係一位大學畢業泰國人, 因母親帶領下來港做住家工, 幾經努力下, 開設小店, 在港落地生根。男友之前在友人介紹下, 一向去開附近令一間泰菜。年多前由我帶他去泰禾美巳後, 他再沒有到其他泰菜館, 指名要去泰禾美。環境: 沒有什麼豪華裝修。坐位: 2x服務: ok-不收加一食物: 1)生蝦刺身($45) 一碟12隻( 去邊樹搵$45蚊食到12隻生蝦), 每次都豪氣地和男友每人一碟, 真有點兒過分, 但無辦法, 確實正!!!!! 如食得辣人仕請注意, 這裏的生蝦刺身汁定食冒出汗水來。(推介指數9)2)炸蝦餅($35) 味道-咬落厚厚的蝦餅, 沒有太多粉, 內層爽爽, 外層脆脆, 絕對唔會將價就貨。3)燒烏頭($50) 繼生蝦刺身又一代表作, 一條超過12吋長, 肚裏盛滿香料, 外層用鹽包著燒, 魚邊帶有少許金黃色魚油, 一用筷子夾起, 就知魚肉不會被燒得實實的, 魚皮巳被打開放在你眼前, 好好…………味呀( 推介指數9)4)串燒($7) 味道-牛肉不靱, 還可以帶點彈性, 雞肉-肉味欠缺,