泰皇閣泰國菜館 (已搬遷) 新店位置

味道一般 價錢比貴 野食小食唔飽 三個人 要800$不華亦不實那個蜆是鱣的不太好吃價錢亦比較偏貴軟殼蟹的那個咖哩醬不夠辣，不太野味不過冬陰公湯幾好飲，只係不夠辣「個人意見」

是日到九龍城食泰色， 遍尋不獲心水，轉角見到泰皇閣，平實裝修，決定一試。點了馬拉盞炒菜、唐人街魚次、燒牛肉、鯛魚沙律！仲有心愛的椰青！炒菜好明顯夠鑊氣！正！好下飯魚次都尚算足料、不過不1失，燒牛肉比想像中嫩滑、燒得烚到好處。沙律！一大驚喜！首先份量已經很大！輔以很多青木瓜沙律！老闆教路，鯛魚片配以青木瓜絲！平衡油炸的感覺。十分惹味，兩人竟然食哂！一款很推介的菜式。整體不俗！推薦！

講食泰國野當然會即時諗起有小泰國之稱的九龍城，呢度大大話話有成廿幾三十間的泰國菜，要吸引客人踏步進內店家還是要出盡法寶的。泰皇閣位置是位於九龍城區較後的那條街，老實講平時是少有行經，但是朋友極力推薦於是又來探個究竟。店子小小還是坐滿人的呢！馬拉盞炒椰菜苗 ＄65色：炒得翠綠，又夠亮身香：一奉上枱已經聞到滿滿的馬拉盞香味 了！味：馬拉盞固然香和野味，但又冇蓋過椰菜苗本身的椰菜香，小小的澀是源自菜本身根莖的啦！椰菜苗是比較幼嫩食起來很爽脆！芒果蟹肉炒飯 ＄70賣相100分！！一眼看上去大大舊芒果加上啖啖蟹肉已經冇得輸了！而炒飯內都充滿着啖啖肉的芒果，每口飯中間都夾着芒果的甜咸甜交替又很夾味很泰～飯炒得夠乾身，沒油膩感，此乃師父的功力喔！！芒果沙冰 ＄28夏日炎炎還是來杯冰涼沙冰消下暑啦！沙冰打得非常幼滑，入口即溶而家陣陣鮮芒果香甜度適中，清涼解渴泰式燒元貝 ＄35/1隻好大隻！！！好厚肉！！！視覺與口感我已經得到了！！味道方面，帶子燒得夠鮮嫩，火喉控制剛剛好！原來是老闆每天親自到街市挑選的，保證夠新鮮和靚仔！特式在於面層的泰式燒醬，味道香辣野味又不會搶了海鮮的話鮮和元貝很夾得來呢！檸

朋友家住九龍城，路經佢屋企時總見到呢間「泰皇閣」門口塞滿人，咩咁把炮？今日得閒就黎試下。一打開餐牌，馬上明白究竟，因為呢度既午市套餐都幾抵食；但既然我專誠黎到，無理由食午餐咁簡單，一於散叫考下佢有幾堅。蛋包飯試得多，但「蛋包鮮蝦金邊粉」($70) 就未試過。鮮蝦彈牙，金邊粉味道酸甜，醒胃多汁，唔會乾爭爭，加左芽菜落去炒，爽口！我鍾意食泰式咖喱，叫咖喱蟹驚分量太多，點呢個「咖喱軟殼蟹」($218)就啱啱好。軟殼蟹炸得金黃香脆，蟹身厚肉，點埋咖喱汁食好正；因為個汁都幾多，唔叫多一客薄餅($25)黎食就太嘥料啦，薄餅新鮮炸出黎，熱辣辣脆卜卜，賣飛佛。鍾意食海鮮，叫多款「泰皇秘製鯽魚」($168)。賣相真係幾特別，條魚炸到挺身，魚肉都已經起晒一塊塊，好易食；我最鍾意既，反而係佢旁邊既青芒果沙律，又酸又辣好好味，一邊食炸魚，一邊食沙律解熱氣都諗到，抵你發！

今次又泰上癮，落去九龍城食返個泰國菜先。今次食呢間個門口係比傳統小小。但係入到去又裝修得幾美觀wo。先來一客最愛既生蝦刺身$88，唔錯，新鮮，無雪味。蒜蓉炒椰菜苗$58，椰菜苗非常咁鮮嫩，爽滑。呢個唔單單係因為佢係菜苗既關系，仲要炒制既時候火喉岩岩好既原因。泰式煲仔翅 $138，真堅得。我見到翅，我真係見到有一排翅！材料十足，味道一流既堅金華火腿、冬菰、仲有鮮蝦仔。湯味富有金華火腿味，入口濃郁，鹹度適中。燒元貝$70，元貝又係大大隻，燒完之後仲有一隻食指咁長咖。元貝肉上有XO醬惹一惹味。另外整體元貝燒得剛剛好，仲有汁，雖然厚厚既肉，但係唔乾身，唔會食到痴曬牙。椰汁西米糕 $30，糕既口感煙韌，唔錯既椰汁味。

迎接初夏，有位中泰混血既朋友推介試呢間「泰皇閣」驟眼睇，呢度條條街都一樣樣，所以搵佢都有啲難度🙈可能因為係中午既關係，暫時看不長長的人龍食咩好呢？咁我位泰國朋友就推介，試左以下幾個餸：燒豬頸肉、蛋包鮮蝦金邊粉、泰皇秘制鰂魚沙律、串燒☺️咁係上菜前就緊係要上消暑既飲品啦！第一個：燒豬頸肉泰皇呢度既豬頸肉燒得都算乾身，配埋個辣汁，入口酸酸辣辣幾醒胃👍🏼而且佢個份量都多，可以話抵食夾大件👀第二個：蛋包金邊粉呢個造型既金邊粉我都係第一次見，賣相都已經勁吸引😍聽朋友講其實咁食金邊粉，係泰國都好普遍⋯撩開面個層蛋，裡面既金邊粉都仲熱辣辣架，即使坐係冷氣底，佢個熱力都last到好耐。味道方面，金邊粉入口係偏甜既，但食食下都會食到有少少辣😋至於蝦方面，隻隻都超彈牙，配埋個汁，有少少似食茄汁蝦既味道第三個：串燒三拼（注意：串燒製作需時啊！）串燒每串都用醃料醃過，而係燒烤既過程中都有落調味料去燒，所以大致上唔使點佢個沙嗲醬入口都好夠味！！😋第四個：泰皇秘制鰂魚沙律（注意啊！呢個沙律係有啲辣架！同埋都幾大碟，可以三、四個人share）說真的，我都係第一次見原條鰂魚咁上既沙律，而泰皇好貼心，係將魚肉片成一片片然

朋友們想食泰國菜...所以就出去九龍城啦~先黎一個生菜包....我試左少少,都幾辣生蝦刺身...炒通菜....好細碟~味道一般炒飯....個味我覺得偏淺,唔算炒得香小食拼盤: 炸得唔會乾身~味道一般柚子沙律: 味道清甜,果肉新鮮但份量一般, 蒜容包: 蒜容味夠~都夠脆燒魷魚 : 唔係好夠味~豬頸肉: 呢個略有驚喜~燒得好香而且肉質嫩滑燒雞翼: 好似機因突變...好大隻雞翼...串燒: 呢間餐廳似乎食燒野食比較好食~有水準~醬汁都好食~送既明爐烏頭 : 烏頭黎講...不予置評 整體黎講係不過不失啦...

母親大人行過，話要試下。見6.30pm 已坐滿7成，應該質素不錯吧!泰皇秘制鰂魚$168我倆都愛魚，當然要一試招牌菜 - 泰皇秘制鰂魚。泰皇秘制鰂魚 上檯很有驚喜呀!此可企係碟的魚。真的宴客也很大體!鰂魚起了魚肉再炸的。魚頭都仲有好多魚肉。食時仍是熱到出煙，正呀!小店的好處就是即叫即整!啖啖大塊起骨魚肉，配埋酸辣汁，好惹味。木瓜沙津一看有些怕會太辣。食落是可接受的小辣水平呢!木瓜爽脆，腰果加埋辣汁好正!沙津用來伴炸魚肉，剛好。母親大人是晚只想飲冬蔭湯及食菠蘿炒飯。冬蔭海鮮湯$68足有4碗的冬蔭海鮮湯。內含很多海鮮。魷魚爽口，菇也大大隻。湯也是地道風味，交足功課。微辣、夠刺激。原隻菠蘿海鮮炒飯$78菠蘿海鮮炒飯好足料。以新鮮菠蘿去炒，鮮甜水份夠。炒飯也粒粒乾身。清淡些配合前兩菜，剛好。小店份量都幾大，建議4位一齊過來，就可以多菜吃、便宜又好吃。

九龍城嘅泰菜餐廳一向競爭激烈，今次又俾我發掘到一間正野，好值得推介，有特色之餘仲水準十足。 鰂魚沙律喱個可以話係喱度嘅特色同招牌菜，因為見到好多人食。上到枱，淨係講賣相已經拎滿分。鰂魚起哂肉，然後魚肉連同魚骨一齊炸到金黃香脆，底下再伴埋青木瓜沙律。下面嘅沙律非常重料，調味到位，辣得黎又夠好清爽，再配埋炸左既魚肉一齊食，又係另一番風味！ 燒牛肉食落淋滑彈牙有咬口，牛味十足，仲帶點酸甜味。配埋旁邊嘅秘製泰式醬汁，酸酸辣辣嘅味道感覺好刺激，當前菜食黎開胃一流。 咖哩炒蟹選用嘅係上等膏蟹，多膏之餘蟹腳亦非常實肉，食落好鮮甜。咖哩唔算辣，勝在咖哩味好香，濃厚嘅質地最適合用黎點麵包食啦。

鰂魚起肉，然後魚肉連同魚骨一齊落鑊炸，再溝埋青木瓜沙律，然後就上碟。沙律非常夠味，辣辣地好清爽，再配埋炸左既魚肉一齊食，又係另一番風味！同埋條鰂魚超大條，魚肉份量好多，加上起左肉既關係，啖啖都係肉！根本唔需要提心吊膽驚啃魚骨！魚骨都要啜下啊好惹味啊。

好彩有訂位服務, 假日晚飯時間, 門口有人龍, 而我地就唔使等位可以直入第一次黎呢度食飯, 是因為有朋友介紹泰菜呢間做得唔錯是晚帶埋鐘意食泰菜既老豆黎試試, 一行3人看過餐牌後, 又望過貼在牆上的彩色食物照後好多都想吃呀~~~不過也不忘叫老闆介紹有什麼招牌菜, 因為我家皇上在嘛 先來一煲泰式煲仔翅, 呢個係小號, 一煲可有4碗, 內容不能講少, 眼看有2大梳魚翅, 都係百多圓咋喎記得多年前在曼谷唐人街都食過, 都無咁大排, 當然都係比緊平民價錢啦~而今晚食呢煲, 內裡仲有蟹肉, 冬菇, 金華火腿, 芽菜, 好多料一排翅就不少得獻給我家皇上先啦湯身濃味帶杰, 是金華火腿的味道我飲完一碗都飽飽地, 不過一場來到, 又點可以唔試試食物的水準呢~ 每餐總會點的蔬菜, 一定不能少馬拉盞抄椰菜苗, 是泰菜必吃的!椰菜苗有咬口, 因為是嫩苗的關係, 所以唔會好似食老菜咁有渣, 老人家都啱食其實大家又知唔知咩叫"馬拉盞"佢係用蝦仔發酵而成, 做法同常吃的蝦醬和蝦膏都很相似, 所以味道都夠濃呢味菜都加入唔少辣椒, 唔太吃得辣既, 可以叫師傅小辣呀~為了解解辣, 平時吃開小辣的我要加個冰凍椰青邊食邊飲,

星期曰，家庭樂! 同家姐帶埋阿爸阿媽去九龍城食正宗泰國菜，約7點到達，剛開始時客人不多，但8點後就呈現客滿的狀態了！所以人多又唔等位的話，就記住先預早訂位啦！餐館的佈置好有泰國feel! 老闆同伙計都係識講廣東話的泰國人。坐底後先點左個<泰國椰青> HK$28 大大個的天然椰青, 非常清甜解渴、特厚青嫩的椰肉帯有濃濃的椰香繼續叫左D小食<豬、牛串燒沙嗲、蒜蓉包> HK70, HK25 熱辣辣放上台, 食落去肉質鬆軟, 再沾上濃味沙嗲花生醬, 正啊! 但係一小碟沙嗲醬是不足夠的。蒜蓉包就普普通通。之後點左<冬陰公湯, 小>HK$68見到色澤已經知道好濃郁。湯料主要以蝦、草菇及蕃茄為主，帶點香茅味道，酸辣味適中，湯頭清新鮮甜，非常好喝！<泰式燒烏頭>HK128賣相看似一般，但魚肉結實且滑嫩，值得一試!<燒原隻鮮魷>HK$98鮮魷魚原隻上台已經聞到魷魚鮮香味及帶有陣陣炭香，魷魚鬚部份更燒得非常香脆，再沾上秘製香茅酸辣醬，鮮甜彈牙，正！<蒜蓉炒芥蘭>(HK$58)爽脆清甜的菜與濃香的醬料炒得夠鑊氣，

要食正宗泰菜一定會去九龍城，今次又同朋友周圍覓食，就比我地搵到泰皇閣，既正宗價錢又平，梗係要即試！ 另一朋友遲到，老闆超貼心地叫我地食著蝦片作小食等等 食泰國野必點既生蝦，呢度既生蝦比一般既泰菜店更大更鮮，原來係用左虎蝦！物超所值！ 燒牛肉較韌，但牛味好足，配上香蒜，想再食多一碟呢度既豬頸肉亦同其他泰菜店有不同，食落更滑更嫩，燒得香口入味，一問老闆之下得知原來係用鮮豬頸肉，果然夠用心！ 生菜包又係必點，而同行友人最愛食辣，就點左清邁生菜包，不但之夠辣，而且個種辣好特別，一入口會好辣，但過一陣麻痹感會消退，食落似麻辣，好特別！ 叫左個雞飯，雞肉全部連雞皮，見到都令人食指大動！飯夠香，撈有雞油，同滑雞一齊食，正！ 側魚沙律又係犯晒規，魚炸得香胞，由魚頭食到落魚尾，青木瓜沙律發清爽帶點辣，可以解膩最後亦都係最中意既一道菜，燒烏頭，湯夠酸，帶點微辣配上大量青檸夠晒香！而且魚亦鮮味，肉質嫩滑，食完魚再飲埋啲湯，滿足晒！

咖哩雞之所以吸引我的味蕾跳動。因為濃郁的咖哩適中，有層次！配上白反或蒜蓉麭，把味道提昇另一境界！雞肉鮮美，柔軟，浸泡在咖哩汁内……更加突出！………………，我叫伙計，给我order多一客蒜蓉麭吧！沙爹以往吃過不少，但這間的牛和鷄是水準之上！沙爹醬是靈魂，搭上牛，和鷄是炭烤……絕對是天作之合！！記得叫伙記拿多一碟沙爹酱…………不另收費的…………烏頭魚的外表平平無奇，但意想不到……的事出現！把焦脆的魚皮揭開，雪白的魚肉散癸出幽幽輕烟，香味直樸入我的鼻！我急不及待地把一口魚肉沾上酸甜汁放進入咀巴裡。。才知道泰式掣法有它的成功之處…………還有椰青！清甜芒果蟹肉炒飯……幾有鑊氣

星期天，最好訓到自然醒就去醫肚。今天來到九龍城，恰巧有中午套餐，泰式豬脾飯（$53），跟餐加飛天通菜（$35）。豬脾飯賣相豐富，豬脾肉夠多，食落嫩滑，配白飯食最好。飛天通菜翠綠脆嫩炒得很香，帶少許辣味，惹味十足。泰東豬生菜包（$72）賣相吸引，份量頗多，味道香惹開胃，包住生菜一齊食好好味！炸蝦餅拼魚餅（$70）蝦餅較為彈牙，鮮味可口，魚餅香味較重，質感香軟。冬陰海鮮湯 小（$68）可分成4大碗，配料有鮮蝦、青口，魷魚和雜菌，味道濃郁美味，不會太辣，酸度配得恰度好處，值得推介！蛋包鮮蝦金邊粉（$70）金邊粉用蛋網包住，粉質煙韌爽口，調味適中，旁邊還有芽菜、韮菜和花生碎，不感單調之餘賣相也不錯！點了兩杯特飲，青檸梳打（$25）和珍多冰（$25）