泰玖 (已結業)

平常去曹公坊都係食另一間泰國餐廳，但嗰間真係太多人，要等好耐位，所以今次試下呢間，午市有套餐，仲包小食同飲品🥤坐樓上勁浪漫😂有格調燈光昏暗💡樓下有啲似omakase格局，坐bar枱🤓午市唔算多人，起碼唔洗等位🤩同埋唔會太嘈🙉嗌咗個炒金邊粉，份量剛剛好，唔會太少，真係有明顯嘅海鮮，唔係得啲醉醉😏套餐仲有兩款小食可以揀：炸蝦餅或者雞翼🍗上菜速度算快，啱晒午市速度🫠埋單每人都係$70左右👍🏻

曹公坊香車街街市隔離裝修成懷舊工業風 型格灰色綠色水泥牆樓高兩層地下喺吧枱日式居酒屋設計走進特色走廊樓上2樓有方枱長枱 方便聚會傾偈CP值極高泰菜 水準極高有驚喜依家錢方面又大眾化 大碟抵食我哋叫咗泰玖招牌蟹肉煎蛋餅金磗蒜蓉包外脆內軟 仲有微熱 入口非常軟熟泰式炸蝦餅質感彈牙 配合泰式酸辣醬 非常香口泰式軟殼蟹金柚沙律泰式乾炒雞肉河粉泰式炒通菜 值得一讚係可以選擇少油 比較健康泰式紅咖喱雞炒大頭蝦飲品買一送一，除咗椰青之外泰式啤酒買二送一好耐未食過咁有質素嘅泰國菜

又黎泰玖食泰菜🤓上次同屋企人黎過之後 就對佢既河粉念念不忘今次又黎試過餐廳有兩層 上次同屋企人坐左上層 今次同朋友黎就試下坐下層bar檯座位都唔會好逼 都好闊落檯下面仲有掛勾可以放袋 貼心💕裝修仍然係型格工業風 感覺下層更打卡🤭✨泰式海鮮粉絲沙律炒絲爽口 個汁係酸甜口味帶少少辣 好開胃而且海鮮比得都好足料 有蝦有魷魚圈仲有青口 食落爽口彈牙 夠新鮮👍🏻✨金不換炒牛肉河粉食完一次會想再食既河粉 用左泰式河粉黎炒 同平時既河粉唔一樣 更薄更滑 我鍾意🥰而且河粉炒得好有鑊氣 入面仲有好多唔同配料 正👍🏻✨泰式黃咖喱雞咖哩好香椰汁味 雞同薯仔都比得好多又入味✨泰玖金磚蒜蓉包食咖哩點可以唔叫蒜蓉包 呢度既蒜蓉包大大舊 上檯熱辣辣 好香蒜蓉味 咬落外脆內軟 點埋咖喱汁食真係一流🤤✨泰式馬拉盞炒牛肉通菜又係大大碟 好足料 牛肉份量都唔少 唔好會鹹✨泰式提拉米蘇呢個好特別 蛋糕層係用泰茶做 食落好香泰茶味 而且中間仲有泰式奶茶凍 增加左口感忌廉層好creamy 好幼滑同朋友一齊share 大滿足🙌🏻✨泰式奶茶食泰國野最鍾意叫泰式奶茶飲 茶底香味足 奶味濃✨鮮橙梳打呢個飲落有好清新既感覺 酸甜度岩岩好

平時成日食泰國菜，但真係無見到有bar檯位既泰國餐廳，裝潢都幾時尚雖然係OPEN KITCHEN，但完全無油煙，唔錯選擇都算幾多大頭蝦炒金邊粉$138金邊粉炒得乾身, 完全唔油膩, 擠點青檸汁, 味道酸酸辣辣超惹味的, 再混合一點點花生碎和辣椒碎, 味道層次變得更豐富大蝦大隻又新鮮，肉質彈牙爽口而且都有開邊，食用好方便泰式青咖哩雞$88辣度可以調整，可以簡少辣/加辣綠咖哩配上椰漿香醇濃郁，令人食指大動雞肉口感鮮嫩，完美😋😋😋食完剩番d汁都唔想浪費，用來配白飯/薄餅一流泰式馬拉盞炒通菜 $78可以選少油，唔怕油膩菜份量好足，整碟菜食落鹹香惹味，好適合用黎送飯泰式串燒（小份）$65雞牛豬各一串，串燒中規中矩，係燶左少少，不過都好好味🤤

每次嚟親荃灣都一定過嚟支持🥰 餐廳樓高兩層 空間寬敞 成個環境裝修走工業風 有種坐得好舒服既感覺☺️泰式豬頸肉估唔到咁大碟😍 CP值高 抵食夾大件😚 豬頸肉肉質爽而腍滑 同埋肥瘦肉均勻 食落唔太肥膩😛 配上泰式醬汁 好惹味🤤串燒（3串）豚肉味就更濃 配埋香濃既沙嗲醬肉質都幾軟綿同埋香口焦脆☺️鹹蛋黃軟殼蟹蟹身軟嫩沾上鹹蛋黃 口感絕佳😋而且一啲都唔細碟 蟹肉夠大件 好味😍晚餐食物定價貼地 想再抵食d可以午市黎餐廳亦有做午市套餐🤤#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處

【荃灣區】【泰玖】我睇 ViuTV 節目「準時開飯」嚟學做 foodie 嘅時候見到佢哋介紹呢間喺荃灣嘅泰國嘢，覺得個裝修好特別，一直都冇機會去。適逢佢哋今期主推海鮮同埋咖喱，就約埋道歉哥一齊去試。入到去，裝修真係好特別，走工業風咁。平時食泰國嘢多數都係走木系仲要係古老啲嘅設計，呢間就一反呢個常態。我哋直頭係坐喺吧檯度食，好攪笑。我哋都係叫午市套餐嚟食，道歉哥食 $78 嘅「泰北咖喱牛肉片金麵」，啲牛肉片好新鮮，個咖喱汁又正，幾得喎。套餐裡面仲有個小食，佢叫嘅「香茅蒜香雞翼」我都有食，唔錯嘅。而佢仲加 $5 試杯凍「泰式奶茶」，都係好飲嘅。到我自己喇，我就叫咗份 $78 嘅「泰玖招牌海鮮炒金邊粉」嚟試，炒得都好熱好大份，海鮮又夠多，正。而我嗰份小食係「泰式炸蝦餅」，唔錯嘅。嘢飲方面我就叫咗唔使加錢嘅「鮮橙梳打」少冰少甜，都係橙味梳打咁啦，泰國嘢係中意玩呢啲甜味梳打。而佢哋係設有加一服務費嘅，因此個埋單價就係 $177，唔算貴喎咁。。。（地址：荃灣曹公坊5號地舖）#1amfoodie #foodie #hkfoodie #thatfoodiething #hkfood #food #in

6點半喺openrice搵緊有咩食，見到呢間8點都仲可以book位，評價又好似唔錯，咁就諗住試吓，點知中晒伏🤷🏻‍♀️一去到坐低咗一陣都冇人理，冇俾menu，叫啲staff，又好似唔得閒理你咁，跟住終於搵到個staff俾menu，但佢又隔咗一陣先俾個QR code話係手機落單😐點咗金磚蒜蓉包、肉碎生菜包、泰式青咖喱雞、泰式蟹肉炒飯，同埋椰青，然後肉碎生菜包見佢有得揀辣度、走青葱，咁因為朋友唔太食得辣，所以就揀咗小辣，同埋因為我麻麻哋食葱，所以都揀埋走青葱首先上枱嘅係椰青，摸上手已經feel唔到凍，飲落係常溫😐然後上枱嘅係肉碎生菜包，其實一上枱見到冇走葱都諗住由佢，始終呢樣都好常發生🤷🏻‍♀️ 但食咗一啖就覺得佢好明顯係冇少辣到，咁就同店員反映，問吓係咪冇少辣到，跟住佢就直接拎返碟菜入廚房，但就聽到佢同廚師講話“個客話好辣喎”，首先我就冇講到好辣，同埋明顯依家唔係你少辣咗我都覺得辣喎，係你漏咗冇少辣到喎，仲有個語氣態度係令人感覺唔太舒服。之後佢重新再上枱，係一碟完全冇辣味，而且走晒所有配料嘅淨肉碎，仲走埋炸豬皮，見到都呆一呆，但都廢事再出聲，是但食埋就算。講真，其實我都係見到你有得揀少辣先叫

好似泰國旅行完番度黎都有2個月無食泰國野咁所以開社交平台搵一搵泰國野食啦～呢間泰國餐廳係有2層，是偏向工業風格我就坐左樓下果層都好特別，有種係日本食拉麵🍜既感覺，因為係個bar枱設計的🔸泰式鮮蝦青木瓜沙律 $68青木瓜絲每條都切得好適中，有蕃茄粒、青檸、鮮蝦，味道甜辣酸脆也融合當中，非常爽口的！係一個不錯的開胃小菜喔❗️🔸辣椒膏炒大頭蝦 $168太約有4隻大頭蝦，每隻既頭都充滿了蝦膏，個醬可以選擇辣的程度，我就簡左小辣，所以很滋味也😻🔸泰式燒牛肉 $118牛肉味濃，肉質是粉嫩的，配埋2種唔同既醬汁更香濃惹整咗呢3款菜式食落好有泰式風情FEEL 🇹🇭👯‍♀️

今次朋友專程約番我食生日飯，既然由我選擇！我就選擇左食泰國菜，因為我今次好想食開胃又好有特色個D所以決定要試一試呢間泰國餐廳！餐廳既裝修顏色相當鮮艷！好有假日感覺又充滿藝術感！連食野的bar台裝修亦都相當有玩味！令我好想不斷影相打卡，當日就悉心打扮左！環境除左舒適之外座位亦安排十分舒適！濃濃既東南亞風味餐廳！餐廳樓高兩層，空間寬敞，裝修走工業風。CP值高，抵食大件，食物的亦定價貼地另外有做午市套餐set第一道菜係鹹蛋黃炒軟殼蟹，味道超班，軟殼蟹除咗啖啖都係肉，仲粒粒都有鹹蛋黃，鹹鹹甜甜好開胃！之後我地再叫左個泰國蟹柳煎蛋餅！呢個真係好好食，配上泰國甜辣醬，真係特別夾！飲品方面我地叫左一杯青檸梳打，一杯鮮橙冷冰茶真係好正好好味，又好清新爽涼，夏日炎炎必須推介呢2款消暑飲品泰玖荃灣曹公坊5號地舖#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處

餐廳以水泥工業風裝修 樓高兩層 下層係吧枱位置 上層有長枱適合一班朋友聚會🔺泰式炸蝦餅 $66炸粉夠薄 唔會好油 質感彈牙 蝦味都算濃👍🏻配上泰式辣醬 好香口🔺泰式黄咖喱雞 $88咖喱濃稠度啱啱好 八角味好香 入面有薯仔🥔、青椒、洋蔥🧅而且雞肉份量都幾多🔺泰玖金磚蒜蓉包 $42焗至金黃色 即使放咗一段時間 都能夠保持外脆內軟 配埋咖喱食真係一流！ 本身一睇見哩個價錢覺得都幾貴 但一食終於明白 真係好好味😋 強烈建議配合咖喱一齊食🔺泰式乾炒鮮蝦河粉 $118蝦仁爽口🦐 河粉比較闊身 質感滑捋捋又Q彈 唔會太油膩 🔺泰式馬拉盞炒秋葵雜菜 $78蔬菜種類繁多 有秋葵 芥蘭 椰菜 秀珍菇 落單嘅時候仲可以選揀少油 食落唔肥膩又惹味當晚職員仲有介紹 🍹飲品做緊買一送一 🍻啤酒買二送一 整體味道唔錯 夠惹味 適合重口味人士😎 有機會一定會再訪！*OpenRice book位仲有9折

哩間係一間喺香車街街市隔離嘅一間食肆 唔講淨係睇個外牆 完全都唔覺得佢係一間泰國餐廳 餐廳樓高兩層 空間寬敞 裝修走工業風 地下果層係bar 枱型式嘅 咁我地今次就安排坐bar枱 喺bar枱食泰菜都真係第一次🤣🤣泰玖招牌蟹肉煎蛋捲身為蛋控嘅我 見到有蛋料理當然就唔執輸要叫嚟試下啦 份量超多 有6舊蛋捲 入面嘅蟹肉好鮮甜 唔會比啲蛋味蓋過左個蟹肉味👍🏻泰式青咖喱雞哩度嘅咖喱椰漿味濃 除咗雞之外仲有好多其他唔同嘅蔬菜 咁就唔會太滯🤣🤣佢仲可以加錢配薄餅 泰式咖喱配薄餅真係一流嘅配搭🤤🤤大頭蝦炒金邊粉大頭蝦雖然係連殼 但係有整碎啲殼 方便我哋食用👍🏻啲金邊粉好有鑊氣 一上菜嘅時候熱辣辣 好明顯係一炒完就即刻上菜😍香橙冰茶 最後 野飲方面 我地就叫左個香橙冰茶 宜家野飲做緊買一送一 啱哂我哋行到熱辣辣入去飲返杯涼浸浸嘅飲品🤤個香橙冰茶真係有塊真橙喺入面 唔會淨係得啲化學味👍🏻總括嚟講 間餐廳CP值高 啲嘢抵食夾大件 食物嘅定價又唔算貴 佢亦有做午市套餐 下次可以晏晝嚟食😆

平時行荃灣發現有好多泰國餐廳，今次搵到呢間餐廳，原來我平時睇開嘅ViuTV煮食節目「準時開飯」都介紹過😝，餐廳樓高兩層，空間寬敞，裝潢採用工業風設計，還有日式居酒屋的吧檯設計，型格又特色，二樓則是以長枱及圓枱為主，適合多人聚會，環境簡約舒適，食物質素都幾高！😎1. 🥘泰式冬陰功花甲湯 ($98) 冬蔭公好大鍋，用上香茅、辣椒、蕃茄仔和香料等等的材料熬製而成，湯入面有很多鮮甜無沙的花甲，味道酸酸辣辣，飲完非常惹味開胃！🤪 2. 🐣泰式青咖喱雞($88)青咖喱充滿濃郁的椰香😍，雞肉嫩滑，配料有泰國茄子和豆角等等，辣辣地又好惹味，可以加薄餅或飯配搭一齊食～應該可以添好多飯🤭3. 🐷泰式乾炒豬肉河粉 ($108)這款河粉平時比較少食到，河粉比較闊身，口感Q彈，加上蛋絲、豬肉片、芥蘭、紅蘿蔔片和炸蒜一齊炒， 炒得好有鑊氣🤩👍🏻，非常香，食落好入味，好想一啖接一啖咁食😙，推薦！😝4. 泰奶茶提拉米蘇 ($78)泰奶茶與Tiramisu來個新配搭，結合成Thai Tea Tiramisu！用泰式奶茶浸泡手指餅，泰式奶茶味幾香濃，Tiramisu好濕潤，口感細滑👍🏻😌5. 🍹泰式奶茶 ($38)茶味香

遠離荃灣西鐵站，有間外型工業風裝修嘅餐廳，隱藏於街市附近。以食新派泰國菜為主，下層係酒吧檯，經過神秘走廊又係另一個天地。當晚客人好多，只能坐吧枱。餐廳主打咖喱，同埋可以兩個人好chill 把酒談歡。🔸泰式軟殼蟹金柚沙律$88泰式醬汁酸甜好開胃，脆炸蒜，蝦乾，紅蔥頭，甜中帶鹹。柚子鮮甜飽滿多汁，味道好正宗，好正嘅開胃菜。🔸泰玖金磚蒜蓉包 $42非常厚切方包，每一面焗到好香脆，用嚟點咖喱汁口感一流！🔸泰式紅咖喱牛腩 $108我食過最好咖喱，叫咗小辣，味道剛剛好，唔會太搶喉。牛腩炆得超淋，帶有濃烈椰香味。跟蒜蓉包係絕配👍🔸泰式乾炒鮮蝦河粉 $118河粉係偏向煙靭，夾起透薄透光，口感棉滑。🔸熱泰式香茅茶 $28🔸青檸梳打 $38飲品買一送一，好抵飲😋

 係荃灣香車街街市附近既一間泰國菜，平日都見到排曬隊，好彩一早book定位黎食。呢度既菜式同一般傳統泰國菜唔同，有多啲創新既菜式，好似甜品除左芒果糯米吃飯，仲有泰式奶茶tiramisu，不過果日食得太飽就冇再嗌。佢宜家晚市仲有飲品買一送一，我地幾個都嗌左泰式奶茶飲～好消暑好解渴～   1⃣️泰玖金磚蒜蓉包（$42） 呢個真係必點🤩金黃酥脆而且牛油同蒜蓉香都好強～夠厚夠脆。就咁食已經好好食！點埋咖喱食又係另一種風味。  2⃣️泰玖招牌蟹肉煎蛋捲（$98） 呢個我見好似好多人多會點，又係比較fusion既款式。面頭有蟹籽、紫菜絲，蛋捲捲得幾厚，入面食到啖啖蟹肉，點埋甜酸醬食好正。 3⃣️泰式紅咖哩牛腩（$138）（泰式薄餅+$30） 食泰國野一定要食咖喱！呢度咖喱有黃、綠、紅三種，今次就揀左紅咖哩牛腩，咖喱甜甜地唔會好辣，牛腩都幾多件，入面仲有啲菠蘿粒。另外嗌左薄餅點咖喱食，薄餅係好脆既，拎上手仲有少少熱！應該啱啱煎出黎，好正！  4⃣️泰式炸蝦餅（$66） 炸蝦餅分成六件，每一件都好厚🥰  5⃣️泰式冬陰功花甲湯（$98） 呢個冬蔭功湯都幾正宗，酸酸甜甜，入面仲有好多香料好似香茅咁，花甲數量好多，冇沙，仲有

終於收工，超級攰今日去到荃灣做嘢，就約朋友喺荃灣食d野今日熱到咁，決定食泰國野爽一爽😝😝黎到呢家家泰國餐廳堅期待，小期待泰玖😏論裝澴都係非常之有泰國味道，有小小似去左泰國嘅味道🤓我地一行2人叫左菠蘿炒飯、泰式咖喱炒大頭蝦和蟹肉蛋餅，三道菜簡直讓我大開味蕾，感受到了泰式美食的獨特風味。🤩首先是菠蘿炒飯，米飯粒粒分明，與菠蘿和其他蔬菜混合在一起，味道酸甜可口，非常適合搭配其他泰式菜餚。☺️接著是泰式咖喱炒大頭蝦，每一隻大頭蝦都鮮嫩多汁，配上濃郁的咖喱醬汁，口感香辣刺激，讓我一口接一口地吃個不停。🤓最後是蟹肉蛋餅，蟹肉肉質鮮嫩，蛋餅口感鬆軟，加上泰式調味料的獨特風味，讓我一吃就愛上它。😝綜合來看，這家泰國餐廳的菜品都非常地道，味道地道正宗，每一道菜都讓我大呼過癮。而且，餐廳的環境和服務也非常出色，讓我感到十分舒適和滿足。如果你想品嚐正宗的泰式美食，這家餐廳是一個不錯的選擇。😎😎簡單講，滿分之選一定要encore😍😍真心小難搞，太多人黎食記住早小小到，因為要排隊😛😛